Taliep Petersen (15 April 1950 - 16 Desember 2006) was 'n Suid-Afrikaanse sanger, komponis en regisseur van 'n aantal populêre musiekblyspele. Hy het onder andere met David Kramer gewerk, saam met wie hy 'n Olivier-toekenning ontvang het.

Taliep Petersen
Gebore15 April 1950
Distrik Ses, Kaapstad
Sterf16 Desember 2006 (op 56)
Athlone, Kaapstad
Beroep(e)Sanger, komponis, regisseur
AssosiasiesDavid Kramer

Dood wysig

Petersen, 'n praktiserende Moslem, was twee keer getroud en het ses kinders gehad. Hy is op 16 Desember 2006 by sy huis doodgeskiet.[1] In 'n huldeblyk het Ebrahim Rasool, premier van die Wes-Kaap, lof toegeswaai vir Petersen se vermoë om "ons hele geskiedenis vas te lê, ons diepste pyn uit te druk, ons vreugde te verwoord en ons menswees deur musiek en drama te demonstreer".[2]

Op 18 Junie 2007 is sy vrou, Najwa Petersen, in die familiehuis in hegtenis geneem in verband met die moord.[3] Sy is saam met drie mans aangekla van "beplande moord met voorbedagte rade". [3] Najwa Petersen is op 2 Desember 2008 in die Kaapse Hooggeregshof skuldig bevind, saam met die twee mans Abdoer Emjedi en Waheed Hassen. Al drie is skuldig bevind aan moord en aan roof met verswarende omstandighede. Regter Siraj Desai het Najwa Petersen tot 28 jaar tronkstraf gevonnis.[4]

Verwysings wysig

  1. "Taliep Petersen shot dead in robbery" (in Engels). Mail&Guardian online. 17 Desember 2006. Geargiveer vanaf die oorspronklike op 20 September 2015.
  2. "SA celebrity murdered in robbery". BBC News. 17 Desember 2006.
  3. 3,0 3,1 "Wife charged in Petersen murder" (in Engels). News24.com. 19 Junie 2007. Geargiveer vanaf die oorspronklike op 14 Februarie 2009. Besoek op 13 Augustus 2008.
  4. "Najwa gets 28 years for husband's murder". mg.com. 11 Februarie 2009.

Eksterne skakels wysig