Teenpous Albertus

Teenpous Albertus[1][2] gebore Albertus van Sabina was 'n teenpous teen Pous Paschalis II in die begin van die jaar 1101. Hy was naas Teenpous Clemens III en Teenpous Theodoricus die derde teenpous in die investituurstryd.

Teenpous Albertus
Geboortenaam Albertus van Sabina
Geboorteplek Atella, Melfi
Sterfplek Klooster van S. Lorenzo, Aversa
Teenpous van Pous Paschalis II
Begin van pontifikaat Februarie 1101
Einde van pontifikaat na 105 dae in 1101

Biografie wysig

Albertus was 'n pseudo-kardinaal-biskop van Silva Candida, aangestel omtrent op 4 November 1084 deur Teenpous Clemens III. In Januarie 1101 is Teenpous Theodoricus wat deur die keiserlike party in die investituurstryd as pous aangestel was, gevange geneem deur die troepe van sy teenstander Pous Paschalis II. Theodoricus se aanhangers benoem toe Albertus van Sabina as pous. Soos sy voorganger behou Albertus sy eie naam as pousnaam. Na 'n pontifikaat van slegs 'n paar maande word hy deur een van sy eie aanhangers verraai en val hy in die hande van Paschalis. Paschalis set Albertus gevange in die Laurentius-klooster in Aversa.

Die keiserlike party het nie dadelik 'n opvolger vir Albertus gekies nie, maar wel geweier om Paschalis as die wettige pous te erken. In 1105 kies die keiserlike party toe Teenpous Silvester IV as pous.

Verwysings wysig

  1. Miranda, S. The Cardinals of the Holy Roman Church [1] Geargiveer 8 Februarie 2012 op Wayback Machine
  2. Albert. (2014). In Encyclopædia Britannica. Retrieved from http://www.britannica.com/EBchecked/topic/12665/Albert


Hierdie artikel is in sy geheel of gedeeltelik vanuit die Nederlandse Wikipedia vertaal.