The Daily Planet
The Daily Planet is 'n denkbeeldige koerant in die Superman-stories waar Clark Kent bedags werk terwyl in sy spaar tyd mense help. Die koerant is in die fiktiewe stad Metropolis gesetel, waar Kent saam met sy kollegas Lois Lane, Jimmy Olsen en die hoofredakteur Perry White werk. Die publikasie is die eerste keer in April 1940 in Action Comics #23 beskryf.[1]
.jpg)
Die koerant se hoofkantoor word gekenmerk deur 'n groot bal op sy dak. Jerry Siegel, wat Superman geskep het, het gesê dat die gebou se ontwerp op die Old Toronto Star-gebou gebaseer is. Toekomstige weergawes van die gebou is ook deur die voorkoms van die Empire State-gebou en die Chicago Raad van Handel se geboue geïnspireer. In een van die stories word vertel dat The Daily Planet sy deure in 1775 geopen het. Volgens die storie het George Washington 'n kolom vir die eerste uitgawe van die koerant geskryf.[2]
Toe Superman sy eerste verskyning gemaak het (in Action Comics #1 in 1938) het sy alter ego, Clark Kent, by die Daily Star onder redakteur George Taylor gewerk. Superman se mede-skepper, Joe Shuster, het die Daily Star na die Toronto Daily Star in Toronto, Ontario vernoem. Dit is die koerant wat sy ouers ontvang het en waar Shuster as 'n kind gewerk het. Die fiktiewe koerant het eers later The Daily Planet geword.[3]
Verwysings wysig
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "(Superman Batman: Dark Knight of the Soul – Act III Scene II) Geargiveer 9 Julie 2015 op Wayback Machine. Besoek op 19 Mei 2014.
- ↑ "Superman Co-Creator has Humble Canadian Roots," CTV (28 Januarie 2006). Geargiveer 4 Junie 2011 op Wayback Machine. Besoek op 25 Julie 2007.
