Theuns Stofberg (6 Junie 195523 Augustus 2023) was die kaptein van die Suid-Afrikaanse nasionale Springbokrugbyspan vir vier toetse tussen 1980 en 1984.[1] Hy word onthou vir sy spoed en sy grootte, altwee merkwaardig vir 'n flank in daardie tyd, en altwee faktore wat gewoonlik nie saamgaan in rugby waar grootte regtig saak maak nie. Hy was Suid-Afrika se sewe-en-dertigste Springbokkaptein.

Theuns Stofberg Rugbyportaal
Volle naam Marthinus Theunis Steyn Stofberg
Geboortedatum (1955-06-06)6 Junie 1955
Geboorteplek Villiers, Suid-Afrika
Sterftedatum 23 Augustus 2023 (op 68)
Lengte 1,96 m
Massa 106 kg
Skool Grey-kollege
Rugbyloopbaan
Loopbaan as speler
Posisie(s) Flank
Springbokno. 489
Provinsiale- / Staatspanne
Jare Klub / span Weds (pte)
1976
1980
1983
Vrystaat
Noord-Transvaal
Westelike Provinsie
Nasionale span(ne)
Jare Land Weds (pte)
1976–1984 Vlag van Suid-Afrika Suid-Afrika 21 (30)

Vroeë lewe wysig

Hy is op 6 Junie 1955 op die Vrystaatse dorpie Villiers gebore,[2] waar sy vader, ds. Kosie Stofberg van 1952 tot 1962 leraar was van die NG gemeente Villiers, en Marthinus Theunis Steyn Stofberg gedoop ter ere van sy oupagrootjie aan moederskant, pres. M.T. Steyn. Sy oupa aan moederskant was die predikant en politikus dr. N.J. van der Merwe en sy ouma Tibbie Steyn, 'n dogter van oudpres. M.T. en mev. Steyn, ook Tibbie. Deur dié familielyn was hy 'n agterkleinseun van ds. Colin McKenzie Fraser, 44 jaar lank leraar van die NG gemeente Philippolis en 'n agter-agterkleinseun van ds. Colin Fraser van Beaufort-Wes, die stamvader van die Fraser-familie in Suid-Afrika na wie die dorp Fraserburg deels genoem is. Hy het sy skoolloopbaan aan Grey-kollege in Bloemfontein voltooi, een van die vestings van Suid-Afrikaanse rugby. Hy het sy provinsiale loopbaan by die Vrystaat afgeskop terwyl hy nog gestudeer het by die Universiteit van die Oranje-Vrystaat. Toe hy opgeroep word vir militêre diensplig is hy verplaas na Pretoria waar hy vir Noord-Transvaal begin speel het. Dit was gedurende hierdie tyd dat hy van krag tot krag gegaan het om sy plek in die nasionale span te vestig op flank.

Springbokloopbaan wysig

Hy het sy eerste toets op 14 Augustus 1976 teen die All Blacks op die Vrystaatstadion, Bloemfontein, gespeel op die jong ouderdom van 21. Die Springbokke het die toets 9-15 verloor.

Hy het in 21 toetse gespeel en ook 6 toetsdrieë gedruk. Sy eerste toets as kaptein was teen Argentinië op 18 Oktober 1980 toe die Springbokke 22-13 gewen het. Sy grootste toets as kaptein was toe hy die Springbokspan gelei het, nadat die gereelde kaptein Wynand Claassen beseer is, in die eerste toets van die berugte 1981-Springboktoer na Nieu-Seeland. Die toer was ontwrig deur protesteerders gedurende die wedstryde en word nou gesien as een van die belangrikste toere in die geskiedenis van rugby. Stofberg het nie in die laaste van die drie toetse gespeel nie, wat tydelik gestaak was deur 'n ligte vliegtuig wat meelbomme gegooi het, weens 'n kniebesering wat uiteindelik die einde van sy loopbaan beteken het.

Stofberg het Noord-Transvaal verlaat in 1982 en verhuis na hulle aartsvyande Westelike Provinsie Rugby Unie waar hy homself gevestig het en 'n fisioterapiepraktyk geopen het. Stofberg het die Springbokke in sy laaste twee toetse aangevoer teen Engeland in 1984, en altwee gewen en 'n drie in die tweede toets gedruk. Na nog 'n terugslag weens 'n kniebesering het hy uit rugby getree in 1984 op die ouderdom van 29. Hy is die enigste speler in die geskiedenis wat die Curriebeker gewen het by drie verskillende spanne. Hy het titels gewen saam met Vrystaat (1976), Noord-Transvaal (1979 en 1980) en Westelike Provinsie (1982 en 1983).

Dood wysig

Hy het in sy laaste jare op Stellenbosch gewoon. Op 23 Augustus 2023 is hy ná 'n motorongeluk oorlede.[3][4]

Verwysings wysig

  1. (en) "Theuns Stofberg". SA Rugby. Besoek op 31 Augustus 2010. [dooie skakel]
  2. (af) "Theuns Stofberg (1955–2023)". Afrikanergeskiedenis. Geargiveer vanaf die oorspronklike op 29 Augustus 2023. Besoek op 23 Augustus 2023.
  3. (en) Herman Mostert (22 Augustus 2023). "Former Springbok Theuns Stofberg seriously injured in car crash". Nuus24. Besoek op 23 Augustus 2023.
  4. (en) Craig Lewis (23 Augustus 2023). "RIP: Former Springbok captain passes away after accident". The South African. Besoek op 23 Augustus 2023.

Bibliografie wysig

Eksterne skakels wysig

Voorafgegaan deur
Morné du Plessis
Springbokkaptein
1976–1980
Opgevolg deur
Wynand Claassen