Thoer
Die thoer of zoeger (Arabies: صلاة الظهر, ṣalāt aẓ-ẓuhr, "middaggebed"), tussen die fadjer en die asser, is die tweede van vyf verpligte daaglikse gebede (salaah) wat Moslems moet doen.[1]
Die formele daaglikse gebede van Islam bestaan uit ’n verskillende aantal eenhede, wat rak'ats genoem word.[1] Die thoer het vier verpligte (fard) rak'ats. Vooraf kan vier aanbevole (soennah) rak'ats gedoen word en ná die tyd nog twee.
Op Vrydae word die middaggebed deur die Vrydaggebed vervang. Dan is dit verpligtend dat Moslem-mans wat puberteit bereik het saam bid, óf in ’n moskee in die stad waar hulle woon óf in ’n groep. Vroue word aanbeveel om dit te doen, maar dit is nie vir hulle verpligtend nie.
Vir ’n salaah om geldig te wees, moet dit binne die voorgeskrewe tyd gemaak word. Mense met ’n aanvaarbare rede het ’n langer tyd waarbinne hul gebed geldig sal wees.[2]
Verwysings wysig
- ↑ 1,0 1,1 Kaart vir al vyf gebedsbeurte by qul.org
- ↑ Significance of Offering the Isha and Maghrib Prayers and their Benefits, QuranReading-webtuiste, 29 Januarie 2015. Besoek op 14 Mei 2017
Eksterne skakels wysig
- Hoe om die thoer te maak, op YouTube
Hierdie artikel is vertaal uit die Engelse Wikipedia
