Thornham is 'n landbounedersetting in die Tsitsikammastreek. Dit is die eerste dorpie oos van die Stormsrivierbrug op die N2-nasionale pad en sy naam staan met witgekalkte klippe teen die berghang uitgepak.

Thornham
Nedersetting
Thornham is in Oos-Kaap
Thornham
Thornham
 Thornham se ligging in Oos-Kaap
Koördinate: 33°58′0″S 23°56′0″O / 33.96667°S 23.93333°O / -33.96667; 23.93333Koördinate: 33°58′0″S 23°56′0″O / 33.96667°S 23.93333°O / -33.96667; 23.93333
LandVlag van Suid-Afrika Suid-Afrika
ProvinsieOos-Kaap
DistrikSarah Baartman
MunisipaliteitKou-Kamma
Oppervlak
 • Totaal2,81 km2 (1,08 vk. myl)
Bevolking
 (2011)[1]
 • Totaal664
 • Digtheid236/km2 (610/vk. myl)
Rasverdeling (2011)
 • Indiërs/Asiërs1.8%
 • Bruin mense96.7%
 • Swart mense1.5%
Taal (2011)
 • Afrikaans 95.5%
 • Engels 2.7%
 • Ander 1.8%
Poskode (strate)
6307
Poskode (posbusse)
6307
Skakelkode042

In 1860 het Thorne en Cunningham 'n deel van die plaas Blouleliesbos gekoop en in die 1900's is aanliggende grond bygekoop. Op 23 Julie 1968 is die 320 ha as die gesamentlike eiendom van 127 inwoners geregistreer. Die grond is nie onderverdeel nie en niemand besit 'n afsonderlike transportakte nie. Van die begin af was die dorpie eksklusief vir die bewoning van die afstammelinge van Thorne en Cunningham en grond kan nie aan buitestaanders verkoop word nie. Vandag staan die inwonertal by die 700. In 1955 is die naam Thornham aangeneem om die stigters te herdenk.

Die Morawiese kerk is die enigste kerk op Thornham. In 1915 is 'n skool in gebruik geneem wat Sondae as kerk gebruik is. Sondae was die pastoor die predikant en gedurende die week die meester. In 1964 is 'n volwaardige kerkgebou opgerig.

Die grond is vrugbaar, die reënval baie betroubaar en 'n fontein lewer vars water. Daar is baie werkgeleenthede op die plantasies, by die saagmeulens en in die toerismebedryf.

Sien ook wysig

Verwysings wysig

  1. 1,0 1,1 1,2 1,3 "Hoofplek Thornham". Sensus 2011.
  • Serfontein, Jozua: Tsitsikamma - stories oor sy mense en dié kontrei. Observatory: Lotsha, 2006. ISBN 1-920133-05-4