Die troposfeer is die laagste laag van die Aarde se atmosfeer en die een waarin byna al die weerstoestande plaasvind. Dit bevat 75% van die atmosfeer se massa en 99% van die totale massa van die waterdamp en aërosols.[1] Die gemiddelde hoogte van die troposfeer is 13 km – dit is 18 km in die trope, 17 km by die middelste breedtegrade en in die winter 6 km in die poolstreke.

Die lae van die Aarde se atmosfeer.

Die laagste deel van die troposfeer, waar wrywing met die Aarde se oppervlak lugvloei beïnvloed, is die planeet se grenslaag. Dit is gewoonlik ’n paar honderd meter tot 2 km diep, na gelang van die landvorm en tyd van die dag. Bo die troposfeer is die tropopouse, wat die grens tussen tropo- en stratosfeer is. Die tropopouse is ’n inversielaag, waar die lug se temperatuur ophou om met die hoogte af te neem en dus konstant deur die hele laag bly.[2]

Die woord "troposfeer" is afgelei van die Griekse tropos ("draai, omkeer, verander") en sphere.

Verwysings wysig

  1. "Troposphere". Concise Encyclopedia of Science & Technology. McGraw-Hill. 1984.
  2. Danielson, Levin, and Abrams (2003). Meteorology. McGraw Hill.{{cite book}}: AS1-onderhoud: gebruik authors-parameter (link)