Turaida (Duits: Treyden of Treiden, selde Thoraida) is 'n klein nedersetting en voormalige landgoed aan die oewer van die Gauja-rivier en wat sedert 1953 deel uitmaak van die stad Sigulda, Letland. Die naam beteken "Tuin van God". Die stadsdeel staan veral bekend vir die gelyknamige kasteel bo-oor die Gauja-vallei. Daar is ook ´n gelyknamige dorp met die naam Turaida in die distrik van Krimulda.

Turaida
Die kerk van Turaida
Die kerk van Turaida
Turaida is in Letland
Turaida
Turaida
Koördinate: 57°11′N 24°50′O / 57.183°N 24.833°O / 57.183; 24.833Koördinate: 57°11′N 24°50′O / 57.183°N 24.833°O / 57.183; 24.833
LandVlag van Letland Letland
Historiese landskapLyfland
StreekSiguldas novads
TydsoneUTC+2 (OET)
 • SomertydUTC+3 (OEST)

Geskiedenis wysig

 
Die kasteel Turaida, soos gesien vanuit die poort
 
Die toring met 'n hoogte van 30 m bied 'n uitsig oor die kasteel se binnehof en die vallei van die Gauja-rivier

Op bevel van aartsbiskop Albert van Riga het biskop Philipp von Ratzeburg in 1214 die kasteel Fredeland op die bouvalle van die Lyfse hoof Kaupo se ou houtvesting laat bou. Kaupo het 'n bondgenoot van die Duitse Orde geword en word in Letlandse legendes as "volksverraaier" beskryf.

Die nuwe kasteel, wat later herdoop is tot Treyden (Lets: Turaida), was een van die grootstes van sy soort in Lyfland en het ook as 'n soort teengewig teen die Swaardbroederorde se vesting aan die teenoorliggende oewer gedien.[1]

Die kasteel was vervolgens deurgaans bewoon totdat dit in 1776 deur 'n brand vernietig is. Slegs die toring het gespaar gebly. Die kasteel word sedert 1953 gerekonstrueer en is tans met sy museum (wat die geskiedenis van die Lywe, die inheemse Fins-Oegriese bevolking behandel en argeologiese vondse uit die tyd van Kaupo vertoon), park, skulpturetuin, houtkerk en enkele gerekonstrueerde plaashuise uit die 18de en 19de eeu 'n gewilde bestemming vir in- en uitheemse besoekers. Die kasteelterrein kan ook met Letland se enigste kabelspoor vanuit Sigulda bereik word.

Verwysings wysig

Eksterne skakels wysig

Wiki-webtuistes

Turaida-museum