Tweede Tempel

Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg.

Die Tweede Tempel (Hebreeus: בֵּית־הַמִּקְדָּשׁ הַשֵּׁנִי, Beit HaMikdash HaSheni) was die Joodse heilige tempel wat tussen 516 v.C. en 70 n.C. op Tempelberg in Jerusalem gestaan het. Volgens die Joodse tradisie het dit Salomo se Tempel (die Eerste Tempel) vervang wat in 586 v.C. deur die Nieu-Babiloniese Ryk vernietig is toe Jerusalem binnegeval en ’n deel van die bevolking van Juda na Babilon verban is.

’n Model van Herodes se Tempel (’n restourasie van die Tweede Tempel) in die Israel-museum, 1966.

Geskiedenis

Die Tweede Tempel was aanvanklik ’n taamlik beskeie gebou wat deur ’n paar verbanne Joodse groepe gebou is wat van Babilon af na die Levant teruggekeer het. In die tyd van Herodes die Grote is dit egter heeltemal oorgebou en gerestoureer tot ’n groot en manjifieke struktuur. Nes die Babiloniërs die Eerste Tempel vernietig het, het die Romeine die Tweede Tempel en Jerusalem in 70 n.C. verwoes as vergelding vir die voortdurende Joodse opstande.

Volgens Joodse eskatologie sal die Tweede Tempel deur die Derde Tempel vervang word.

Eksterne skakels

• Wikimedia Commons het meer media in die kategorie Tweede Tempel.