Die Internasionale Fietsryfederasie (amptelik in Frans: Union Cycliste Internationale, afgekort UCI) is op 14 April 1900 gestig om fietsry te organiseer en te bevorder. Die UCI se hoofkantoor is in Aigle, Switserland geleë.

UCI
Kenteken van die UCI
Kenteken van die UCI
Franse naam Union Cycliste Internationale
Land wêreldwyd
Sportsoorte Padfiets, Baanfiets, Bergfiets, Cyclo-Cross, BMX, Parafietsry, Trials, Binnehuise fietsry
Gestig op 14 April 1900
Gestig in Parys, Frankryk
President David Lappartient
Konfederasies ACC, UEC, OCC, COPACI, CAC
Setel Aigle, Switserland
Affiliasie Internasionale Olimpiese Komitee
Amptelike tale Frans
Amptelike webwerf uci.org

Die stigterslande was:

  • België
  • Frankryk
  • Italië
  • Switserland
  • Verenigde State van Amerika

UCI Beheer wysig

Die UCI beheer en reguleer alle vorme van fietsry:

  • Padfiets
  • Baanfiets
  • Bergfiets
  • "Cyclo-Cross"
  • BMX
  • Parafietsry
  • "Trials"
  • Binnehuise fietsry[1]

Die UCI het die alleenreg:

  • op die titel "Wêreldkampioenskap"
  • om die wêreldkampioenskappe te reël
  • die advertensie, TV en radio bemarking regte daarvan
  • die reg op die welbekende "Reënboog Kleure"

Nasionale Federasies wysig

 
Ingang van die UCI se hoofkwartier te Aigle (Switserland)

Elke land se Nasionale Fietsry Federasie mag affilieer by die UCI. Dit gee aan die nasionale federasies die reg om hulle fietsryers in te skryf vir die verskeie formate se Wêreldkampioenskap byeenkomste. Tans is 170 nasionale federasies by UCI geaffilieer.

Die UCI “Reënboog Kleure” wysig

 
Christoph Sauser, wêreldkampioen in sy reënboogtrui

Die UCI vereer hul wêreldkampioene met die welbekende reënboogtrui. Dit is 'n wit trui met 5 ringe gekleur in blou, rooi, swart, geel en groen om die bors. Die kleure verskyn ook op die UCI vlag.

Elke nuwe wêreldkampioen kry die reg om die reënboogtrui vir die daaropvolgende jaar te dra; tewens hy moet die trui by elke byeenkoms dra waaraan deelneem solank dit dieselfde kategorie en spesialiteit is waarin hy dit verwerf het. Dus die padfiets wêreldkampioen mag nie sy trui tydens 'n bergfiets byeenkoms dra nie.

Wêreldkampioene is ook verplig om die reënboogtrui met elke moontlike openbare geleentheid te dra, in besonder tydens kompetisies, prysuitdelings, perskonferensies, TV-onderhoude, fotosessies en ander geleenthede.

Heersende wêreldkampioene het ook die reg om die reënboogkleure op hul fiets, helm en skoene aan te bring. Weereens mag hy slegs die gemerkte toerusting dra tydens wedrenne van dieselfde kategorie en spesialiteit as waarin hy dit verwerf het. Sodra wêreldkampioene onttroon word het hulle die reg om reënboog ringe om die kraag en moue van hulle fietsrytruie te dra. Hulle mag dit egter nie op’n nasionale trui aanbring nie.[2]

Kontinentale Konfederasies wysig

Die grondwet van die UCI bepaal ook dat alle lande van dieselfde kontinent saam gegroepeer word om 'n kontinentale konfederasie te vorm. Daar is 5 konfederasies nl:

  • Afrika
  • Amerika
  • Asië
  • Europa
  • Oseanië

Die konfederasies se hoofdoelwitte is as volg:

  • Daarstelling van 'n kontinentale wedren kalender
  • Beplanning en organisering van opleiding vir Commissaires en Tegnici
  • Organisering van kontinentale kampioenskappe

Die kontinentale kampioenskap moet jaarliks plaasvind vir ten minste al die Olimpiese fietsry dissiplines. Die UCI sal vir elke kampioenskap 'n Tegniese komitee, Voorsitter vir Commissaire paneel en 'n Verbode Middel-inspekteur aanstel.[3]

Wêreldbekers en Kampioenskappe wysig

Benewens die wêreldkampioenskap beheer en organiseer die UCI ook nog die World Cup Series. Dit bestaan tipies uit vyf byeenkomste waar bv. vir die eerste twintig posisies punte toegeken word en die ryers met die meeste punte na afloop van die reeks is daardie jaar se World Cup Kampioen. World Cups word slegs vir die XCO, DHI, Four-cross(4X) en XCE veldwedren formate gehou en die UCI besit ook die alleenreg daarvoor.
Die status van titels waaroor internasionale ryers droom is soos volg:

  • Olimpiese Kampioen
  • Wêreldkampioen
  • "World Cup" Kampioen
  • Kontinentale Kampioen
  • Nasionale Kampioen

Sien ook wysig

Verwysings wysig

  1. UCI Regulations – Part 1: General Organisation of Cycling as a Sport
  2. UCI Regulations – Part 9: World Championships
  3. UCI Regulations – Part 10: Continental Championships

Eksterne skakels wysig