Ursa Major I-dwergsterrestelsel
Die Ursa Major I-dwergsterrestelsel of Ursa Major I dSph is ’n sferoïdale satellietstelsel van die Melkweg in die sterrebeeld Groot Beer (Ursa Major). Die ontdekking daarvan deur Beth Wilman en ander is in 2005 aangekondig.[1]
| Ursa Major I-dwergsterrestelsel | ||||
| Soort stelsel | Dwergsterrestelsel | |||
| Sterrebeeld | Groot Beer (Ursa Major) | |||
| Tipe | dSph | |||
| Waarnemingsdata (Epog J2000) | ||||
| Regte klimming | 10h 34m 52,8s | |||
| Deklinasie | +51º 55' 12" | |||
| Besonderhede | ||||
| Afstand (ligjaar) | 330 000 | |||
| Besonderse kenmerke | Melkwegsatelliet | |||
| Ander name | UMa I-dwerg, Ursa Major I dSph | |||
| Lugkoördinate | ||||
| 10h 34m 52.8s, +51° 55′ 12″ | ||||
| ||||
Dit is ’n baie klein stelsel: net ’n paar duisend ligjare in deursnee. Sy absolute magnitude is na raming net -6,75[1] en dit is sedert 2006 die dofste sterrestelsel bekend naas die Boötes I- (-5,7) en die Ursa Major II-dwerg (-3,8). Dit is dus dowwer as sommige sterre in die Melkweg. Dit is al vergelyk met die Sextans-dwergsterrestelsel:[1] albei is baie oud en arm aan metale.
Ursa Major I is na raming sowat 330 000 ligjare van die Son af[1] – sowat twee keer so ver as die Groot Magellaanse Wolk, die Melkweg se grootste en helderste satelliet-sterrestelsel.
In 1949 het Edwin Hubble ’n ander struktuur ontdek wat eers bekend was as die Ursa Major-dwerg.[2] Intussen is egter gevind Palomar 4 is ’n baie verafgeleë bolswerm (sowat 360 000 ligjare van hier).
Verwysings wysig
- ↑ 1,0 1,1 1,2 1,3 Willman, Dalcanton, Martinez-Delgado, et al. (2005) "A New Milky Way Dwarf Galaxy in Ursa Major", submitted to Astrophysical Journal Letters, on arXiv.org: astro-ph/0503552
- ↑ "Ursa Major Dwarf, Palomar 4". Milky Way Globular Clusters (in Engels). Geargiveer vanaf die oorspronklike op 7 Oktober 2009. Besoek op 16 April 2005.
Eksterne skakels wysig
- SIMBAD: Ursa Major-dwerg
Hierdie artikel is vertaal uit die Engelse Wikipedia
