'n Vaas is 'n hol houer, gewoonlik hoog in verhouding tot sy horisontale deursnee. Dit word hoofsaaklik vir dekoratiewe doeleindes gebruik. Dit kan van 'n aantal materiale vervaardig word, soos keramiek, glas, nie-roesende metale, soos aluminium, koper, brons of vlekvryestaal. Selfs hout is gebruik om vase te maak, hetsy deur boomspesies te gebruik wat natuurlik teen vrot weerstand bied, soos kiaat, of deur 'n beskermende deklaag op konvensionele hout toe te pas. Vase word dikwels versier, en dit word gereeld gebruik om snyblomme te hou.

Neoklassieke vaas; ongeveer 1790; hoogte: 25,4 cm, breedte: 18,7 cm; Victoria en Albert Museum (Londen)

Vase het oor die algemeen 'n soortgelyke vorm. Die voet of basis kan bolvormig, plat, karinaat[1] wees of 'n ander vorm hê. Die liggaam vorm die hoofgedeelte van die stuk. Sommige vase het 'n skouer, waar die liggaam binnetoe buig, 'n nek wat hoogte gee, en 'n lip, waar die vaas weer buitetoe uitvlam. Sommige vase het ook handvatsels.

Galery wysig

Verwysings wysig

  1. Emmanuel Cooper. 2000. Ten Thousand Years of Pottery, fourth edition, University of Pennsylvania Press, ISBN 0-8122-3554-1, ISBN 978-0-8122-3554-8, 352 bladsye

Eksterne skakels wysig