Verhaal van die waterfront
Verhaal van die waterfront (Shuihu zhuan) is 'n Chinese roman uit die 14de eeu, een van die vier klassieke romans van die Chinese letterkunde. Verder is dit ook verfilm in 'n Japannese reeks wat gebaseer is op hierdie roman, waarvan die omgewing ou China van die Song-dinastie was, byna duisend jaar gelede. Dit is geskryf deur Shi Nai'an en moontlik geredigeer deur Luo Guanzhong.
Verhaal van die waterfront
| |
|---|---|
| |
'n Bladsy uit 'n blok gedrukte weergawe van die roman Verhaal van die waterfront wat in die vroeë deel van die 17de eeu na Kopenhagen, Denemarke gebring is
| |
| Oorspronklike titel | 水滸傳 |
| Skrywer | Shi Nai'an |
| Land | China |
| Taal | Chinees |
| Genre | Roman |
| Uitgewer | |
| Uitgegee | 14de eeu |
| Medium | Druk |
Die verhaal van die reeks fokus op 108 helde wat regeringskorrupsie beveg en daarom self buite die wet beland. Hulle probeer, byvoorbeeld om besittings wat alreeds van arm burgers gesteel is deur onregmatige belasting, vir die mense terug te kry. Die hoofskurk is goewerneur Kao Chiu. Hy is deur en deur ambisieus, korrup en sleg. Die belangrikste held en protagonis, Lin Chung, is aan die begin van die regverdige verset. Geleidelik vergader al hoe meer helde in die middelpunt van die weerstand, Liang Shan Po, en wat met 'n man se weerstand begin, word die weerstand van 'n groep helde wat uiteindelik tot 'n leër van heldhaftige stryders groei. Amptelik is dit egter 'n soort bandietleër, miskien ietwat soortgelyk aan dié van Robin Hood. 'n Belangrike aanhaling uit die reeks wat telkens herhaal word is dus:
"Kyk nie neer op die slang nie, omdat hy geen horings het nie, want wie weet of dit nie 'n draak sal word nie?"
'n Ander belangrike aanhaling is:
"'n Onreg kan 'n volk beweeg, en 'n volk wat onreg aangedoen is, kan die wêreld beweeg ... so kan een regverdige man 'n leër word."
Die verhaal is legendaries. Die helde blyk bomenslik te wees tydens gevegte, soos die geval is met meer legendariese wushu-films: hulle kan tien meter hoog en ver spring en letterlik so vinnig soos die wind hardloop. Volgens die verhaal was die helde gedurende hul leeftyd legendaries. Hulle geregtigheid maak hulle selfs onoorwinlik.
Die Japannese televisiereeks bestaan uit 26 episodes en is aan baie lande verkoop.
Eksterne skakels wysig
Wikimedia Commons het meer media in die kategorie Verhaal van die waterfront.
Hierdie artikel is in sy geheel of gedeeltelik uit die Nederlandse Wikipedia vertaal.
