Villa Tugendhat

in Brno, Tsjeggië


Verdiepings

3


Voltooiing

1929–1930


Argitek
Ludwig Mies van der Rohe


Opdraggewers

Fritz en Grete Tugendhat


Argitektoniese besonderheid

Konstruksie met staalskelet sonder gewigdraende mure, filigrane staalsuile

Villa Tugendhat is 'n privaat woonhuis wat volgens 'n ontwerp van die Duits-Amerikaanse argitek Ludwig Mies van der Rohe (1886–1969) tussen 1929 en 1930 vir die entrepreneurs-egpaar Fritz en Grete Tugendhat, die ouers van die Duitse filosoof Ernst Tugendhat en die kunshistorikus Daniela Hammer-Tugendhat, in Černá Pole, 'n welgestelde noordelike buurt van Brno in Tsjeggo-Slowakye (tans Tsjeggië), van gewapende beton gebou is. Die gebou word as 'n baanbrekende prototipe van modernistiese boukuns in Europa beskou en het saam met Mies van der Rohe se befaamde Duitse uitstallingspawiljoen vir die Wêreldtentoonstelling van 1929 in Barcelona ontstaan, soos uit die ooreenstemmende gebruik van staalsuile sowel as edele materiale en meubels, oop ruimtes en die plat dakkonstruksie blyk.[1] Binne die argitek se Europese werkperiode was Villa Tugendhat die beduidendste funksionalistiese ontwerp.

Tugendhat Villa in Brno*
Unesco-wêrelderfenisterrein
Ligging van Villa Tugendhat op 'n kaart (Tsjeggië)
Villa Tugendhat
Villa Tugendhat
Ligging van die Villa Tugendhat in Tsjeggië
Koördinate: 49°12′26″N 16°36′57″O / 49.20722°N 16.61583°O / 49.20722; 16.61583Koördinate: 49°12′26″N 16°36′57″O / 49.20722°N 16.61583°O / 49.20722; 16.61583
Lande Flag of the Czech Republic Tsjeggië
Tipe Kultuur
Kriteria ii, iv
Verwysings 1052
Streek Europa
Inskripsiegeskiedenis
Inskripsie 2001  (25ste Sessie)
* Naam soos dit in die Wêrelderfenislys verskyn.
Streek soos deur Unesco geklassifiseer.

Villa Tugendhat is die mees bekende voorbeeld van modernistiese boukuns in Brno – en die enigste moderne gebou in Tsjeggië wat deur Unesco as wêrelderfenis gelys is.[2] Sy innovatiewe ontwerp, waarvoor 'n met bakstene versterkte staalskelet sonder gewigdraende mure gebruik is om Mies van der Rohe se nuwe informele konsep van 'n maklik aanpasbare oop ruimte met groot vensterfronte, wat perfek in sy natuurlike omgewing pas, te verwesenlik, was 'n mylpaal wat van Villa Tugendhat een van die ikone van moderne residensiële argitektuur gemaak het – saam met Corbusier se Villa Savoye, Frank Lloyd Wright se Robie House en Hans Scharoun se Haus Schminke.

Verwysings wysig

Eksterne skakels wysig