Vlag van Guadeloupe

Die Franse oorsese gebied Guadeloupe het geen amptelike vlag nie en gebruik die vlag van Frankryk as vlag. Die eiland het wel, soos die ander Franse oorsese gebied in die Karibiese See, Martinique ’n eie onderskeidende vlag. Die vlag is in twee horisontale bane met die boonste blou baan wat een derde van die vlag beslaan. In die blou baan is drie Fleur-de-Lis eweredig gespasiëer en in die rooi baan is ’n geel son in die middel met suikerriet daar agter.

Vlag van Guadeloupe
Vlag van Guadeloupe
Vlag van Guadeloupe
Verhouding 2:3
Ontwerp Twee horisontale bane waarvan die boonste blou baan drie Fleur-de-Lis bevat en die onderste rooi baan ’n geel son met suikerriet daar agter.

Vlag van die gebied wysig

 
Vlag van die Région Guadeloupe

Die amptelike vlag van die département is ’n wit vlag met ’n logo van ’n gestileerde son en ’n voël op ’n groen/blou vierkant. Onder die logo is die woorde Guadeloupe Region in swart aangebring en in geel onderstreep.

Ander vlae wysig

Verskeie onafhanklikheidsbewegings gebruik hul eie simbole as vlag vir Guadeloupe. Die ontwerp van die Front de Libération Nationale de la Guadeloupe (FLNG) en die Groupement des Organisations Nationalistes Guadeloupéennes (GONG) is soortgelyk aan die vlag van Kuba en die vlag van die Union Populaire pour la Libération de la Guadeloupe (UPLG) herinner aan die vlag van Suriname.

Eksterne skakels wysig