Vlag van Koerdistan
Die vlag van Koerdistan (Koerdies: ئاڵای کوردستان, Alaya Rengîn, letterlik: "kleurvolle vlag") word deur die Koerde gebruik as ’n simbool vir hul strewe na onafhanklikheid.[2][3][4] Dit is die amptelike vlag van die outonome streek Koerdistan in Irak.[5] Dit is die etniese vlag van die Koerdiese volk en word as sulks deur hulle in alle streke van hul tuisgebied, Koerdistan, erken. Die vlag was in soortgelyke vorms die amptelike staatsvlag van die Republiek Ararat (1927–1930) en die Republiek Mahabad (1946–1947).
 |
|
| Bynaam | (ku) Alaya Rengîn ("kleurvolle vlag")[1] |
|---|---|
| Gebruik | Nasionale vlag en vaandel   |
| Verhouding | 2:3 |
| Goedgekeur | 1920 deur verskeie groeperings 1992 deur Irakse Koerdistan |
| Ontwerp | Rooi, geel, groen en wit, met ’n son van 21 strale in die middel. |
Ontwerp wysig
Kleure wysig
Die belangrikste kenmerk van die vlag is die gloeiende goue son-kenteken (Roj in Koerdies) in die middel. Die embleem se sonskyf het 21 strale, gelyk in grotte en vorm, met ’n enkele vreemde straal bo-op en die twee ewe strale onder. Die getal 21 is ’n heilige getal en verwys na hergeboorte/herlewing van die antieke en inheemse Koerdiese godsdiens, Jesiedisme, en sy moderne verskynings.[6] Daarbenewens verwys die getal 21 na 21 Maart, wanneer Koerde en ander Irannese volke Nouruz, die begin van die lente, vier.
Die simbolisme van die kleure is soos volg:[3][7]
| Kleur | Betekenis |
|---|---|
| Rooi RGB: (235,35,35) |
Simboliseer die bloed van die martelare en die volgehoue stryd om vryheid en waardigheid. |
| Groen RGB: (39,138,65) |
Druk die skoonheid en landskappe van Koerdistan uit. Lewe en vitaliteit. |
| Geel RGB: (250,185,20) |
Verteenwoordig die bron van lewe en lig van die mense. Die son is ’n antieke simbool en 21 sonstrale verteenwoordig 21 Maart, Nouruz. |
| Wit RGB: (255,255,255) |
Verteenwoordig vrede en gelykheid. |
Geskiedenis wysig
Die vlag het sy eerste verskyning tydens die beweging vir Koerdiese onafhanklikheid van die Ottomaanse Ryk gemaak en lyk soos ’n vroeëre weergawe van die Xoybûn (Khoyboon) organisasie wat betrokke was by die Araratrebellie van 1930,[8] en is gehys deur die kortstondige Republiek Ararat vanaf 1927 tot 1931. Die vlag het in 1932 toe in die media weer verskyn, een van sy ontwerpers het dit as ’n rooi, wit en groen met ’n son in die sentrum beskryf.[9] ’n Soortgelyke vlag is later deur die Sowjet-ondersteunde Republiek Mahabad in 1946 gebruik.
Moderne aanpassing aan internasionale vlagstandaarde wysig
Die vlag het in die 1990's in Koerdiese media soos MED TV, Kurdsat, Kurdistan TV en hul affiliasies-programme verskyn met die vlag wat dikwels voorkom in hul uitsendings, sodat dit 'n simbool vir Koerdiese nasieskap kon word.[4][10][11] In 1998 is ’n dokument oor die nasionale vlag se aanpassing by internasionale vlagstandaarde deur Mehrdad Izady en Bijhan Eliasi uitgewerk.[6] Dit is onmiddellik deur die internasionale vlaginstituut goedgekeur. In 1999 het die parlement van die Koerdiese plaaslike regering die gestandaardiseerde vlag as die amptelike en algemene verteenwoordiging van die Koerdiese nasionale vlag in al sy aspekte goedgekeur.
Ander vlae wat deur Koerde gebruik is wysig
-
![Vlag van die Ajjoebide (1171–1260)[verwysing benodig]](//upload.wikimedia.org/wikipedia/commons/thumb/2/28/Flag_of_Ayyubid_Dynasty.svg/150px-Flag_of_Ayyubid_Dynasty.svg.png)
Vlag van die Ajjoebide (1171–1260)[verwysing benodig] -
![Vlag van die Emiraat Soran[12] (1816–1835)](//upload.wikimedia.org/wikipedia/commons/thumb/b/b0/Flag_of_the_Emirate_of_Soran.svg/150px-Flag_of_the_Emirate_of_Soran.svg.png)
Vlag van die Emiraat Soran[12] (1816–1835) -
![Vlag van die Koninkryk Koerdistan[12] (1922–1924)](//upload.wikimedia.org/wikipedia/commons/thumb/0/06/Flag_of_Kingdom_of_Kurdistan_%281922-1924%29.svg/150px-Flag_of_Kingdom_of_Kurdistan_%281922-1924%29.svg.png)
Vlag van die Koninkryk Koerdistan[12] (1922–1924) -
Vlag van die Republiek Ararat (1927–1930) -
Vlag van die Republiek Mahabad (1946–1947) -
Siries-Koerdiese vlag, gebruik as die de facto-vlag van die Demokratiese Federasie Noord-Sirië, ook bekend as Rojava (Wes-Koerdistan).
![Vlag van die Ajjoebide (1171–1260)[verwysing benodig]](/wiki/L%C3%AAer:Flag_of_Ayyubid_Dynasty.svg)
![Vlag van die Emiraat Soran[12] (1816–1835)](/wiki/L%C3%AAer:Flag_of_the_Emirate_of_Soran.svg)
![Vlag van die Koninkryk Koerdistan[12] (1922–1924)](/wiki/L%C3%AAer:Flag_of_Kingdom_of_Kurdistan_(1922-1924).svg)
.svg)
Soortgelyke ontwerpe van Irannese lande wysig
-
Vlag van die moderne Persiese Ryk (Iranse monargie tot 1979) -
Vlag van Iran, sedert 1980 -
Vlag van Tadjikistan, sedert 1992
.svg)
Koerdiese vlagdag wysig
Sedert die goedkeuring deur die Koerdiese parlement in 1999 word die Koerdiese vlagdag op 17 Desember gevier. Aktiwiteite op hierdie dag sluit in dans, eet en vier.[13][14][15]
Verwysings wysig
- ↑ Hakan Akçura. "Thousands show solidarity with Kobane in Stockholm" (in Engels). Geargiveer vanaf die oorspronklike op 1 Julie 2015. Besoek op 9 Maart 2015.
- ↑ (en) Aziz, Mahir (2014). The Kurds of Iraq: Nationalism and Identity in Iraqi Kurdistan. I.B.Tauris. p. 130. ISBN 978-1-78453-273-4. Besoek op 20 Oktober 2018.
- ↑ 3,0 3,1 (en) Danilovich, Alex (2016). Iraqi Federalism and the Kurds: Learning to Live Together. Routledge. p. 101. ISBN 978-1-317-11293-8. Besoek op 20 Oktober 2018.
- ↑ 4,0 4,1 (en) Russell, Gerard (2015). Heirs to Forgotten Kingdoms: Journeys Into the Disappearing Religions of the Middle East. Basic Books. ISBN 978-0-465-09769-2. Besoek op 20 Oktober 2018.
- ↑ (en) "Flag & national anthem". Koerdistan se plaaslike regering. Koerdistan se plaaslike regering. Geargiveer vanaf die oorspronklike op 2 April 2015. Besoek op 20 Oktober 2018.
- ↑ 6,0 6,1 Dr. M. R. Izady. "The National Flag of Kurdistan". Encyclopaedia Kurdistanica (in Engels). Geargiveer vanaf die oorspronklike op 1 Mei 2008. Besoek op 6 Februarie 2008.
- ↑ (en) HUMANRIGHTSWATCH (1992). "Turkish Forces Kill Scores of Peaceful Demonstrators" (PDF). Helsinki Watch. 4 (9): 8. Besoek op 20 Oktober 2018.
- ↑ "The National Flag of Kurdistan" (in Engels). Koerdiese Instituut Parys. Geargiveer vanaf die oorspronklike op 23 Mei 2019. Besoek op 20 Oktober 2018.
- ↑ (ku) "Ala û sirûda netewiya Kurdistanê". Koerdistan plaaslike regering. Geargiveer vanaf die oorspronklike op 17 Desember 2018. Besoek op 20 Oktober 2018.
- ↑ (en) Haiderali, Karim (2003). The Media of Diaspora. Psychology Press. pp. 82–83. ISBN 978-0-415-27930-7. Besoek op 20 Oktober 2018.
- ↑ (en) Kontra, Miklós (1999). Language, a Right and a Resource: Approaching Linguistic Human Rights. Central European University Press. p. 228. ISBN 9789639116641. Besoek op 20 Oktober 2018.
- ↑ 12,0 12,1 T. F. Mills (25 November 1997). "Kurdistan: Short-lived independent states" (in Engels). Flags of the World. Geargiveer vanaf die oorspronklike op 9 Junie 2019. Besoek op 20 Oktober 2018.
- ↑ (en) Learn About the Kurdistan Flag. "The Kurdish Project". The Kurdish Project. Besoek op 20 Oktober 2018.
- ↑ On Kurdistan's National Flag Day. "Kurds show solidarity with Peshmerga". ekurd.net (in Engels). Geargiveer vanaf die oorspronklike op 26 Augustus 2018. Besoek op 20 Oktober 2018.
- ↑ (en) December 17, Flag Day. "Kurdistan Region: Flag Day". www.pukmedia.com. Geargiveer vanaf die oorspronklike op 26 Augustus 2018. Besoek op 20 Oktober 2018.
Eksterne skakels wysig
Wikimedia Commons het meer media in die kategorie Koerdiese vlae.- (en) Kurdistan by Flags of the World
| Hierdie artikel is in sy geheel of gedeeltelik vanuit die Engelse Wikipedia vertaal. |
