Vlag van Sierra Leone

Die nasionale vlag van Sierra Leone is op 27 April 1961 amptelik in gebruik geneem. Die vlag vertoon ’n horisontale driekleur met ewe wye bane in (van bo na onder) groen, wit en blou.

Vlag van Sierra Leone
Vlag van Sierra Leone
Vlag van Sierra Leone
Gebruik Nasionale vlag en Burgerlike- en Staatsvaandel Nasionale vlag en burgerlike- en staatsvaandel
Verhouding 2:3
Goedgekeur 27 April 1961
Ontwerp ’n Horisontale driekleur in groen, wit en blou.
Wisselvormvlag van Sierra Leone
Wisselvormvlag van Sierra Leone
Gebruik Vlootvaandel Vlootvaandel
Verhouding 2:3
Ontwerp ’n Wit vlag met die nasionale vlag in die skildhoek.

Simboliek wysig

Die groen stel die welige plantegroei van die bergagtige gebiede en die landbou van die nasie voor, wit stel vrede en eenheid voor en blou.[1]

Geskiedenis wysig

Tussen 1821 en 1888 het dit deel uitgemaak van Brits-Wes-Afrika en is ’n vlag van die kolonie gebruik (’n blou Britse vaandel) met die koloniale embleem. In 1888 het Sierra Leone ’n afsonderlike kolonie geword en is ’n nuwe embleem in gebruik geneem en die vlag is daarvolgens aangepas. ’n Blou Britse vaandel met die koloniale wapen van Sierra Leone aan die wapperkant is toe amptelik gebruik. Op die koloniale wapen staan ’n olifant voor ’n palmboom en ’n groen berglandskap. Onder die olifant staan in rooi letters die voorletters van die gebied (S.L.). Gambië, Ghana (toe die Goudkus) en Nigerië (toe die Lagos-kolonie), ook voormalige Britse kolonies, het dieselfde koloniale wapen gebruik maar met hul eie voorletters daarop (G., G.C. en L. onderskeidelik). Die wapen op die vlag van 1916 tot 1961 het bo-aan ’n Union Jack bevat met die onderste deel wat in twee verdeel is. Links was ’n vrygemaakte slaaf wat op die strand gesit het met ’n skip, na bewering die H.M. brig “Miro”, in die vooruitsig; regs was ’n palmboom op goue grond. Daaronder was die leuse “Auspice Brittania Liber” (“Vry onder die beskerming van Brittanje”).

Ander vlae wysig

Verwysings wysig

  1. (en) Greig, Charlotte. The Dictionary of Flags. Grange Books. ISBN 1-84013-758-4.

Eksterne skakels wysig

Hierdie artikel is in sy geheel of gedeeltelik vanuit die Engelse Wikipedia vertaal.