Vlakte diastella

Spesie van die diastellas

Die Vlakte diastella (Diastella proteoides) is 'n blomdraende struik wat tot die genus Diastella behoort en deel van die fynbos vorm. Die plant is endemies aan die Wes-Kaap en kom op die Kaapse Vlakte voor vanaf Tokai tot by Malmesbury en Eersterivier. Die struik is plat en word slegs 50 cm hoog maar 3 m in deursnee en blom regdeur die jaar met die hoogtepunt van Julie tot Februarie.

Vlakte diastella
Wetenskaplike klassifikasie
Koninkryk:
(geen rang):
(geen rang):
Orde:
Familie:
Genus:
Spesie:
D. proteoides
Binomiale naam
Diastella proteoides
(L.) Druce
Sinonieme
  • Diastella ericifolia Knight
  • Leucadendron proteoides L.
  • Mimetes homomallus Rchb.f. ex Meisn.
  • Mimetes proteoides (L.) Druce
  • Mimetes purpureus R.Br.
  • Protea purpurea L.
  • Protea salsoloides Thunb. ex Meisn.

Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van bye. Die plant groei in sandvlaktes op hoogtes van 0- 150 m.

In Engels staan dit as die Flats Silkypuff bekend.

Galery wysig

Bronne wysig