Vorticisme
Vorticisme was 'n kortstondige modernistiese kunsbeweging in die vroeë 20ste eeuse Britse kuns en liriek wat onder meer deur kubisme en Italiaanse futurisme geïnspireer is. Die beweging se doelwitte is in 1914 in die eerste uitgawe van die kunstydskrif BLAST bekendgemaak met 'n manifes. Om net soos futuriste vry te breek van die kunsstrominge van die verlede het Vorticiste die uitbeelding van landskapstonele en naakstudies summier verwerp ten gunste van 'n suiwer geometriese styl met sterk abstrakte neigings.
Die term vorticisme is in 1914 deur die Amerikaanse digter Ezra Pound gebruik. Vorticistiese kunstenaars, wat hoofsaaklik in Londen saamgetrek was, maar internasionale ambisies ontwikkel het, was aktief tot 1917, die jaar waarin 'n groot Amerikaanse uitstalling hul kuns aan die Noord-Amerikaanse publiek bekendgestel het.
Vorticisme word, danksy die beweging se gebruik van skilder- en beeldhoukuns asook die gedrukte woord, as die eerste Britse multimediale kunsvorm beskou.
Eksterne skakels wysig
- Algemene inligting
- Vorticism.co.uk Geargiveer 14 Augustus 2020 op Wayback Machine
- The Art Story - Modern Art Insight: Vorticism
- The Fortnightly Review: Vorticism, by Ezra Pound
- Kunsuitstallings
- Centre Pompidou, Paris