Vrat

klein, growwe groeisel wat soos 'n blomkool of 'n soliede blaas lyk, wat dikwels op hande voorkom

Vratte is gewoonlik klein, growwe, harde groeisels wat dieselfde kleur as die res van die vel het.[1][2] Daar is gewoonlik geen simptome nie, tensy hulle onder die voete voorkom; hulle kan dan pynlik wees.[2] Wanneer hulle aan die hande en voete aangetref word, kan hulle ander dele van die liggaam ook aantas.[1] Een of baie vratte kan voorkom. Hulle is nie kankeragtig nie.[2]

Verskeie vratte op iemand se groottoon.

Oorsaak en diagnose wysig

Vratte word veroorsaak deur ’n infeksie deur die menslike papilloomvirus (MPV).[1] Faktore wat die risiko van infeksie kan verhoog, is die gebruik van openbare storte, die werk met vleis, ekseem en ’n lae immuunstelsel.[1][2] Die virus dring vermoedelik die vel binne waar dit effens beskadig is.[1]

’n Paar soorte word aangetref, soos gewone vratte, soolvratte en genitale vratte.[2] Laasgenoemde word gewoonlik seksuseel oorgedra.[3]

Voorkoms en behandeling wysig

Sonder behandeling verdwyn die meeste soorte vratte binne ’n paar maande tot ’n paar jaar. Hulle kan behandel word met onder meer salisielsuur wat aan die vel gesmeer word en met hipotermiese behandeling.[1] Genitale vratte word op ander maniere behandel.[2]

Vratte is baie algemeen en die meeste mense kry dit die een of ander tyd.[4] Hippokrates het dit al in 400 v.C. beskryf.[5] Die huidige geraamde voorkoms vir niegenitale vratte onder die algemene publiek is 1-13 persent.[1] Dit kom veral by jong mense voor.[1]

Verwysings wysig

  1. 1,0 1,1 1,2 1,3 1,4 1,5 1,6 1,7 Loo, SK; Tang, WY (12 Junie 2014). "Warts (non-genital)". BMJ clinical evidence. 2014. PMC 4054795. PMID 24921240.
  2. 2,0 2,1 2,2 2,3 2,4 2,5 "Warts: Overview". U.S. National Library of Medicine. 30 Julie 2014. {{cite journal}}: Cite journal requires |journal= (hulp)
  3. W Buck, Henry (13 Augustus 2010). "Warts (genital)". BMJ clinical evidence. 2010. PMC 3217761. PMID 21418685.
  4. "Papillomas (Warts) – National Library of Medicine". PubMed Health. Besoek op 6 November 2016.
  5. Bope, Edward T.; Kellerman, Rick D. (2012). Conn's Current Therapy 2012 (in Engels). Elsevier Health Sciences. p. 275. ISBN 1-4557-3305-9.

Eksterne skakels wysig