Waagkapitaal is 'n vorm van finansiering deur private-ekwiteit finansiëring wat deur waagkapitaalondernemings of -fondse voorsien word aan beginondernemings wat geag word om groot groeipotensiaal te hê of wat hoë groei getoon het (in terme van aantal werknemers, jaarlikse inkomste, of albei). Waagkapitaalondernemings of -fondse belê in hierdie vroeëfase-ondernemings in ruil vir ekwiteit, of 'n eiendomsbelang. Waagkapitaliste neem die risiko om riskante beginondernemings te finansier in die hoop dat sommige van die ondernemings wat hulle ondersteun, suksesvol sal wees. Omdat beginondernemings groot onsekerheid het,[1] het Waagkapitaal beleggings hoë mislukkingsyfers. Die beginondernemings is gewoonlik gebaseer op 'n innoverende tegnologie of sakemodele en kom meestal uit die hoëtegnologie-nywerhede, soos inligtingstegnologie, skoon energie of biotegnologie.

'n Finansieringsdiagram wat illustreer hoe beginondernemings tipies gefinansier word. Eerstens soek die nuwe firma "saadkapitaal" en befondsing deur "engelbeleggers" en versnellers. As die firma dan deur die "vallei van die dood" kan oorleef - die tydperk waar die onderneming op 'n "skoenveterbegroting" probeer ontwikkel, kan die onderneming waagkapitaal soek.

Sien ook wysig

Verwysings wysig

  1. Schmitt, Antje; Rosing, Kathrin; Zhang, Stephen X.; Leatherbee, Michael (21 September 2017). "A Dynamic Model of Entrepreneurial Uncertainty and Business Opportunity Identification: Exploration as a Mediator and Entrepreneurial Self-Efficacy as a Moderator". Entrepreneurship Theory and Practice (in Engels). 42 (6): 835–859. doi:10.1177/1042258717721482. ISSN 1042-2587.

Eksterne skakels wysig