Waenhuiskrans

dorp in Wes-Kaap, Suid-Afrika

Waenhuiskrans is 'n kusdorpie aan die Indiese Oseaan in die Wes-Kaap, Suid-Afrika. Dit is genoem na 'n grot soos 'n waenhuis sowat 2 km suid van hier. Die dorp is 'n gewilde visvangoord. Dit staan ook as Arniston bekend na aanleiding van die HMS Arniston wat op 30 Mei 1815 hier gestrand het. Slegs ses van 378 persone aan boord het oorleef.

Waenhuiskrans
Waenhuiskrans se bekende vissershuisies
Waenhuiskrans se bekende vissershuisies
Waenhuiskrans is in Wes-Kaap
Waenhuiskrans
Waenhuiskrans
 Waenhuiskrans se ligging in Wes-Kaap
Koördinate: 34°40′0″S 20°13′50″O / 34.66667°S 20.23056°O / -34.66667; 20.23056Koördinate: 34°40′0″S 20°13′50″O / 34.66667°S 20.23056°O / -34.66667; 20.23056
LandVlag van Suid-Afrika Suid-Afrika
ProvinsieWes-Kaap
DistrikOverberg
MunisipaliteitKaap Agulhas
Oppervlak
 • Totaal3,95 km2 (1,53 vk. myl)
Hoogte
16 m (52 ft)
Bevolking
 (2011)[1]
 • Totaal1 267
 • Digtheid321/km2 (830/vk. myl)
Rasverdeling (2011)
 • Wit mense9.6%
 • Indiërs/Asiërs0.2%
 • Bruin mense87.9%
 • Swart mense2.4%
Taal (2011)
 • Afrikaans 86.1%
 • Tswana 5.7%
 • Engels 4.8%
 • Ander 3.4%

Betrokkenheid tydens die Tweede Wêreldoorlog wysig

Tydens die Tweede Wêreldoorlog was dit nie alleen die suidelike noorkapperwalvisse wat Waenhuiskrans besoek het nie, maar ook ander grys burgers van die see wat langs die diep kus verbybeweeg en vlugtig opgekom het om toegang tot die strand te verkry. Dit was U-bote van die Nazi-regering wat 133 skepe langs die Suid-Afrikaanse kus tussen 19421945 gesink het.

Die see naby Kaap Agulhas was die middelpunt van die Unterboot-bedrywighede. Soos die Hollandse matrose van ouds, het die Duitse bemanning vars verversings nodig gehad, maar hierby ook diesel. Die Nazi-ondersteuners uit die kontrei was tog te bly om vars plaasprodukte te voorsien. Volgens oorlewering het daar geheime tennisspele op die strand by Waenhuiskrans plaasgevind.

Net ’n hanetreetjie van Potberg af, langs De Hoop se kus, het die U-bote in die diepe waters geskuil. ’n Bekende palingvisserman is aangestel om op die uitkyk vir U-bote te wees. ’n Spesiale telefoonverbinding is vir hierdie doel geïnstalleer. ’n Witsandwinkelier het die Duitse bemanning van diesel verskaf, totdat die polisie ingelig en sy gewaarsku is dat ’n lokval gestel is.[2]

Wapen wysig

Waenhuiskrans se plaaslike raad het in 1993 'n wapen by die Buro vir Heraldiek geregistreer: Deursnede, swart en silwer, in die skildvoet twee blou dwarsbalke, die boonste rand uitgeskulp en die onderstes ingeskulp, in die skildhoof drie silwer uitkomende gewelhuisies met 'n blou venster elk; 'n gewelfde goue skildhoof. Die helmteken was 'n swarttobie wat 'n blou skeepswiel vashou op 'n blou muurkroon, en die wapenspreuk was "Bewaar en behou".[3]

Galery wysig

Sien ook wysig

Bronne wysig

Verwysings wysig

  1. 1,0 1,1 1,2 1,3 "Hoofplek Waenhuiskrans". Sensus 2011.
  2. Overberg Tapestry. Leslie Howard. 2004. Bl. 152. ISBN 0-9584766-1-6
  3. National Archives of South Africa: Data of the Bureau of Heraldry.