Wasili III van Rusland

Wasili III (Russies: Василий III Иванович; 25 Maart 1479 – 3 Desember 1533) was van 1505 tot 1533 die grootprins van Moskou. Hy was die seun van Iwan die Grote en Sophia Paleologue. Sy doopnaam was Gawriil (Гавриил).

Wasili III van Rusland
Grootprins van Moskou
Periode	1505–1533
Voorganger	Iwan III
Opvolger	Iwan die Verskriklike
Huis	Rjoerik
Vader	Iwan III
Moeder	Sophia Paleologue
Gebore	25 Maart 1479
Oorlede	3 Desember 1533
Eggenote	Solomonia Saboerowa Elena Glinskaja

Bewind

Wasili III het die beleidsrigtings van sy pa voortgesit. Hy het Wolokolamsk in 1513, Rjazan in 1521 en Smolensk in 1514 geannekseer. Hy het ook die Russiese invloed na die gebiede om die Wolga uitgebrei.

In sy binnelandse beleid het hy die hulp van die Russies-Ortodokse Kerk ingeroep in sy stryd teen die feodale opposisie.

Gesinslewe

Teen 1526, toe hy 47 jaar oud was, was Wasili reeds 20 jaar getroud met sy eerste vrou, Solomonia Saboerowa, maar die egpaar was steeds kinderloos. Eindelik is besluit dat Wasili ’n nuwe vrou moet vat en hy is van Solomonia geskei. Daar was groot teenstand teen sy tweede vrou, prinses Elena Glinskaja, die dogter van ’n Serwiese prinses, omdat sy Rooms-Katoliek was. Sy het egter die seun gebaar wat hom opgevolg het: Iwan die Verskriklike. Drie jaar later het hulle nog ’n seun, Joeri, gehad.

Dood

Terwyl hy gejag het, het Wasili ’n pyn in sy heup gekry as gevolg van ’n abses. Hy is op sy versoek teruggeneem na Moskou, waar hy gevra het om ’n monnik gemaak te word. Hy het die naam Warlaam aangeneem. Hy is op 4 Desember 1533 oorlede.

Verwysings

Hierdie artikel is vertaal vanuit die Engelse Wikipedia