Wasserbillig

Wasserbillig (Luxemburgs: Waasserbëlleg) is 'n dorp in die Groothertogdom Luxemburg by die samevloeiing van die riviere Sauer en Moesel met sowat 2 300 inwoners.

Wasserbillig Waasserbëlleg
Dorp
Uitsig oor Wasserbillig
Wasserbillig
Koördinate: 49°42′47″N 6°29′53″O
Land	Luxemburg
Distrik	Gréiwemaacher
Kanton	Gréiwemaacher
Gemeng	Mäertert
Hoogte	130 m (427 ft)
Bevolking
• Totaal	2 354
Tydsone	UTC+01:00 (MET)
• Somertyd	UTC+02:00 (MEST)
Poskode	L-6601
Webwerf	www.mertert.lu

Geskiedenis

Die huidige dorp gaan terug op 'n Romeinse nedersetting met die naam Biliacum.

Ligging

Die samevloeiing van Moesel en Sauer in Wasserbillig

Die Sint Maartens-kerk

Wasserbillig is met 'n hoogte van 130 meter bo seevlak die laagste punt van Luxemburg. Die dorp lê naby die Duitse grens, teenoor Wasserbilligerbrück oorkant die Sauer- en Oberbillig oorkant die Moeselrivier. Wasserbillig is die administratiewe setel van die munisipaliteit Mertert, wat deel uitmaak van die kanton Grevenmacher.

Ekonomie

Petrolstasies tussen Mertert en Wasserbillig

Danksy sy ligging naby die Duitse grens is Wasserbillig 'n besige dorp, wat onder meer op die grenshandel steun. Weens die laer belasting in Luxemburg speel die sogenaamde petroltoerisme 'n belangrike rol, aangesien baie Duitsers hier hulle petrol tenk. Langs die pad tussen Wasserbillig en Mertert is veertien petrolstasies opgerig, en ook die voormalige grenspos by die federale snelweg 64 is tot 'n petrolstasie omgebou. ExxonMobile se grootste petrolstasie lê langs die snelweg A1, wat Luxemburg met Duitsland verbind.

Eksterne skakels

• Wikimedia Commons het meer media in die kategorie Wasserbillig.
• Die amptelike webwerf van Wasserbillig