Hierdie artikel handel oor die voorstad van Johannesburg. Vir die voorstad van Bloemfontein, sien Westdene, Bloemfontein.

Westdene is ’n voorstad in die weste van Johannesburg, wes van Melville en oos van Sophiatown, sowat 6 km wessuidwes van die stadsaal. In die noorde word dit deur die Melvillekoppies begrens en in die suide deur die voorstede Westbury en Rossmore.

Westdene
Die NG gemeente Westdene se kerkgebou, wat hulle met 'n ander kerk deel weens 'n skerp afname in die lidmaattal.
Die NG gemeente Westdene se kerkgebou, wat hulle met 'n ander kerk deel weens 'n skerp afname in die lidmaattal.
Westdene is in Gauteng
Westdene
Westdene
 Westdene se ligging in Gauteng
Koördinate: 26°10′20″S 28°0′0″O / 26.17222°S 28.00000°O / -26.17222; 28.00000Koördinate: 26°10′20″S 28°0′0″O / 26.17222°S 28.00000°O / -26.17222; 28.00000
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
HoofplekJohannesburg
Oppervlak
 • Totaal2,04 km2 (0,79 vk. myl)
Bevolking
 (2011)[1]
 • Totaal7 815
 • Digtheid3 831/km2 (9 920/vk. myl)
Rasverdeling (2011)
 • Wit mense38,8%
 • Indiërs/Asiërs5,6%
 • Bruin mense6,7%
 • Swart mense46,4%
 • Ander2,5%
Taal (2011)
 • Engels 41,3%
 • Afrikaans 22,2%
 • Zoeloe 7,4%
 • Tswana 6,8%
 • Ander 22,3%

Geskiedenis wysig

Westdene is omstreeks 1910 op die plaas Braamfontein uitgelê en genoem na aanleiding van die ligging daarvan wes van die middestad. Die woord “dene” is afgelei van Ou Engels en beteken “vallei”.

Afrikaanse bevolking wysig

 
Die Hervormde kerk Johannesburg-Wes in Trenbystraat, Westdene. Die gemeente is in 1942 gestig en het nou sowat 160 belydende lidmate.

Wat Westdene se eens groot Afrikaanse gemeenskap betref, is dit vandag nog die tuiste van die Hervormde gemeente Johannesburg-Wes en die NG gemeente Westdene. Gereformeerde lidmate wat vroeër hier gewoon het, sou inskakel by die Gereformeerde kerk Johannesburg-Noord in Melville. Westdene, Melville en Triomf het nie een vroeër jare ’n Afrikaanse hoërskool gehad nie; die naaste Afrikaanse hoërskool was die Hoërskool Vorentoe in Rossmore. In 1985 het die Westdenedam-ramp plaasgevind toe 42 kinders verdrink het nadat die bus waarmee hulle van die Hoërskool Vorentoe onderweg was, in die Westdenedam beland het. Nadat die tweetalige Laerskool Melpark, 'n samevoeging van die Afrikaanse Aucklandparkse Laerskool en Engelse Melville Primary School, in Melville verengels het, het Afrikaanse ouers die Orbanskool in Westdene, naasaan Melville, begin, wat intussen dubbelmedium geword het.

In 1934 het Westdene 1 037 Afrikaanse munisipale kiesers gehad en 182 Engelse. In 1949 was dit 2 550 en 213 en in 1961 onderskeidelik 3 459 en 1 160.

Demografie wysig

Volgens die sensus van 2011 het Westdene 7 815 inwoners gehad, van wie 46,4% swart en 38,8% wit was. Engels was die huistaal van 41,3% van die inwoners en Afrikaans dié van 22,2%. In die sensus van 2001 was die bevolking 4 909, sowat 1 900 minder. Dié skerp toename kan toegeskryf word aan die amper drievoudige toename in die swart bevolking van 1 264 tot 3 626. Die wit bevolking se getalle het effens afgeneem van 3 193 in 2001 tot 3 032 in 2011, maar hul aandeel aan die totaal het skerp gedaal van 65% tot 38,8%. Afrikaans het ook teruggeskuif van sy eerste plek in 2001 toe 38% van die inwoners dit as hul huistaal aangedui het, na die tweede plek in 2011 toe dit 22,2% van die inwoners se huistaal was.

Verwysings wysig

  1. 1,0 1,1 1,2 1,3 "Subplek Westdene". Sensus 2011.

Bronne wysig