Wikipedia:Geselshoekie

Dis naweek! Kom ry die perde by die asemrowende Golden Gate Nasionale Park in die Oos-Vrystaat!

Sien ook:

• Wikipedia:Welkom nuwelinge wat veral op nuwelinge gemik is.
• Wikipedia:Gebruikersportaal vir nuttige skakels vir alle gebruikers.
• Wikipediabespreking:Geselshoekie vir bespreking van die toekoms van hierdie bladsy.
• Taalforum vir besprekings oor taalprobleme. Die juiste terme, spellings ensomeer.

Verdere hulp:

Vir volledige hulp, riglyne en beleid (algemeen en spesifiek), raadpleeg gerus die

• Engelse Community Portal,
• Nederlandse Gebruikersportaal en
• Meta Wikipedia.

Argief
2004-06	2007	2008
2009	2010	2011
2012	2013	2014
2015	2016	2017
2018	2019	2020
2021	2022	2023
2024
Hoe word 'n argief aangelê?

Welkom by die Afrikaanse Wikipedia se algemene geselshoekie. Enigiemand is welkom om deel te neem aan die besprekings hier: onderteken asseblief u besprekings deur ~~~~ te tik, of die "Handtekening met datum"-ikoon () te kies op die redigeringskieslys.

Ou besprekings word na die argief geskuif (sien die navigasiekas regs). As u 'n gesprek wil voortsit wat reeds in die argief is, word aanbeveel dat u die betrokke dele uitknip en hier plak.

Hierdie blad is vir algemene besprekings, besprekings omtrent 'n spesifieke artikel kan op daardie artikel se besprekingsblad begin word; sodoende kan dit ook deur toekomstige bydraers en redigeerders gelees word.

Vir die jongste nuus van WikimediaZA, besoek gerus ons Facebook bladsy, word lid van die Afrikaanse poslys of besoek ons Tuisblad in Afrikaans

>>> Voeg 'n nuwe onderwerp by <<<

'n Interessante video

'n Meta-ontleding van hoe en.wiki aan mekaar verbind is.

• youtube video

Jcwf (kontak) 18:11, 1 April 2024 (UTC)

Dit is interessant! Groete! Oesjaar (kontak) 20:11, 1 April 2024 (UTC)

Antwoord op die verkeerde plek! Ouderdom! Jammer! Groete! Oesjaar (kontak) 12:27, 2 April 2024 (UTC)

Bloemfontein as voorbladkandidaat

Ek het nog steeds geen antwoord oor hoekom Bloemfontein nie voorbladstatus gekry het nie. Skakel na bespreking. - Rooiratel (kontak) 07:31, 2 April 2024 (UTC)

Ek ondersteun dit nie. Groete! Oesjaar (kontak) 12:28, 2 April 2024 (UTC)

Maar hoekom! Dit is wat ek wil verstaan, maar niemand kan vir my sê nie! Wat is fout met die inhoud en die kwaliteit van die artikel? - Rooiratel (kontak) 12:43, 2 April 2024 (UTC)

Ek het reeds gesê weens die huidige dinge wat daar aan die gang is nadat hulle die hofsaak gewen, soos ek reeds verduidelik het by jou oorspronklike voorstel. Dit is my rede. Groete! Oesjaar (kontak) 12:55, 2 April 2024 (UTC)

Dat daar 'n hofsaak oor plaaslike dienste was verduidelik nie vir my wat fout is met die kwaliteit van die bladsy se inhoud is nie. So ek vra julle, wat het 'n hofsaak te doen met die kwaliteit van die bladsy se inhoud? - Rooiratel (kontak) 13:11, 2 April 2024 (UTC)

Net 'n opmerking om my stuiwer ook in die armbeurs te gooi: die feite soos aangedui in die artikel is oud en nie korrek nie (soos bv. die bevolkingsgetalle en -samestelling), omrede dit gebaseer is op 'n sensus wat meer as 13 jaar gelede (2011) plaasgevind het. Sekerlik kan so 'n artikel nie op die voorblad geplaas word nie? Groete! Johannescharlesventer

As daar inkorrekte feite is, sal ek dit aanvaar, maar sover het niemand hulle genoem, of probeer reg maak nie. M.b.t. die sensusdata, is al ons bladsye oor Suid-Afrikaanse nedersettings (groot of klein) se stats van die 2011-sensus af, omdat dit die enigste een is waar die data maklik is om te kry. Johannesburg, Pretoria, en Kaapstad het almal voorbladstatus, en hulle het almal ook sensusdata van 2011 af, net soos Bloemfontein. So hoekom kan Johannesburg, Pretoria, en Kaapstad voorbladstatus kry, maar nie Bloemfontein nie? Daar is nog nie 'n enkele mens wat kan sê nie. - Rooiratel (kontak) 15:00, 2 April 2024 (UTC)

Aangesien jy nou Kaapstad (tans 125 153 grepe), Johannesburg (172 373 grepe), Pretoria (63 114 grepe) met Bloemfontein (37 775 grepe) vergelyk is die grootte van dié artikels die hoofrede vir my. Die Engelse Bloemfontein het tans 60 259 grepe- en dié grootte sal vir my werk. Groete. --  SpesBona 21:10, 2 April 2024 (UTC)

Ek dog die voorvereiste vir die grootte van 'n voorbladartikel was altyd 30k grepe, nie 60k nie. Ek sien hierdie voorvereiste is nie hier gelys nie, maar ander dink ook dit was altyd 30k, sien hier. Kan ons asseblief besluit wat die minimum lengte moet wees, en dit by die riglyne byvoeg?

Ek wag nog steeds om te hoor wat eintlik fout is met die bladsy. Is daar "feite" wat nie korrek is nie? Is die styl/taal nie aanvaarbaar nie (en hoekom)?

Hoekom sukkel julle so om te sê wat fout is met die bladsy? @Oesjaar @BurgertB @ATravelingWizard? - Rooiratel (kontak) 08:51, 3 April 2024 (UTC)

Waar en wanneer het ons besluit dat 30 k die minimumgrootte vir voorbladartikels is? Ek het nog nooit 'n artikel ondersteun omdat dit 30 k het of een voorgestel omdat dit 30 k het. Fernando Alonso het ek nie ondersteun juis omdat dit slegs 30 k het. Die Bloemfontein-artikel is ewe groot as Teheran en Josef Stalin s'n, is hulle dan ook voorbladartikels? Hoekom moet ons in Afrikaans met minder tevrede wees as die Engelse, Duitse of Franse artikels meestal meer inhoud het? Ons kan die taaldebat slegs wen met kwaliteit. Vertaal die hele Engelse artikel oor Bloemfontein, dan sal ek dit ondersteun. Groete. --  SpesBona 11:25, 3 April 2024 (UTC)

Ek weet nie, vra vir Oesjaar. Maar ek dink ons moet 'n minimum (en maksimum?) grootte hê, en by die riglyne byvoeg sodat almal weet wat verwag word. So ek stel voor dat ons nou daaroor besluit vir die toekoms.

M.b.t. Teheran en Josef Stalin se bladsye: dit bladsygrootte is net een van verskeie voorvereistes. So nee, die grootte beteken nie noodwendig dat hulle goed genoeg is vir voorbladstatus nie. As hulle ook aan al die ander vereistes voldoen, dan ja.

Ek probeer enige toekomstige argument oor die voorbladartikelbenoemings te voorkom deur al die vereistes te dokumenteer. Maar mense sal eerder een of ander vae snert noem as om eintlik te sê wat hulle dink die probleem is. Geen probleem sal ooit opgelos word as jy nie eers weet dat dit bestaan nie. So totdat antwoorde op hierdie vrae voorkom, is ons vervloek om hierdie argumente vir ewig te herhaal. - Rooiratel (kontak) 11:52, 3 April 2024 (UTC)

Dis jy wat sukkel om te verstaan. 'n Hele paar mense het al gesê wat fout is. Die artikel is in die eerste plek VEROUDERD. ~ Burgert (kontak) 14:50, 4 April 2024 (UTC)

> Dis jy wat sukkel om te verstaan.

Ja presies, dit is wat ek die hele tyd sê! Ek sukkel om te verstaan, en julle sukkel om te sê wat presies die fout is! Wat is veroudered? Wat het 'n hofsaak oor dienslewering met die kwaliteit van die artikel te doen?

Jy het oorspronklik gesê: "Volgens iemand wat daar woon, gaan dit blykbaar maar beroerd hier – glad nie so rosig nie."

Wat het dit met die kwaliteit van die artikel te doen?????

Hoekom sukkel jy so om dit te verduidelik? - Rooiratel (kontak) 19:27, 7 April 2024 (UTC)

Bevestig, dit was nog altyd 30k. Ek het my sê gesê. Wens jy wil jou tyd meer vrugbaar gebruik en my help met Wikiwoordeboek soos hierbo gevra, die 60 000 foto's van prof Van Wyk ens. Groete! Oesjaar (kontak) 09:29, 3 April 2024 (UTC)

Ek sal wanneer ek antwoorde het. Jy het nog eintlik niks gesê oor wat fout is met die Bloemfonteinartikel nie. Verduidelik asb. wat 'n hofsaak oor plaaslike dienste te doen het met die kwaliteit van die artikel. - Rooiratel (kontak) 09:54, 3 April 2024 (UTC)

Jy begin my nou grensloos irriteer met jou gekef. Wanneer skryf jy eendag 'n voorblad? Ook, dankie maar nee dankie vir ENIGE hulp vorentoe. Ek sal oorleef. Oesjaar (kontak) 10:01, 3 April 2024 (UTC)

Hoe dink jy is 'n mens veronderstel om 'n voorblad te skryf as dit glad nie duidelik is wat aanvaarbaar is nie? Wat is so moeilik om 'n paar vrae te antwoord? Ek vra nie dat jy self die bladsy moet reg maak nie, ek wil net weet wat die probleem is, sodat ek (of iemand anders) dit kan reg maak. As jy so bekommerd is oor voorblaaie, dan hoekom help jy nie hier nie? - Rooiratel (kontak) 10:28, 3 April 2024 (UTC)

Verifiëring van bronne

Gemeenskap, sien asb. op Gebruikerbespreking:LorkBakk die gesprek tussen myself en Gebruiker:Rooiratel. Ek hoor graag wat julle hieroor dink. Groete! Oesjaar (kontak) 11:28, 2 April 2024 (UTC)

Die artikel Puyo Pop Fever, soos hy oorspronklik “vertaal” is, is op sigself die grootste probleem, myns insiens. Dit is nie net bietjie taalversorging wat benodig word nie, die artikel moet halfpad herskryf word. Of LorkBakk se bydrae die Afrikaanse Wikipedia 'n guns doen, is oop vir debat, maar ten minste stel hy belang.

Vreemdtalige bronne is wel ‘n komplikasie en maak verifiëring moeiliker, maar is nie op sigself onaanvaarbaar nie. Die kwaliteit van die bron is meer belangrik as die taal. Die Engelse Wiki aanvaar die aanhaal van anderstalige bronne en het riglyne daaroor hier. En ook hier: Non-English sources Thermofan (kontak) 09:07, 3 April 2024 (UTC)

Dat die bladsy taalversorging nodig het, stem ek saam. Maar dit is 'n totale ander saak.

Dit is totaal onprakties om net Afrikaanse bronne te aanvaar. En as ons Engelse bronne aanvaar, hoekom nie ander tale? En in gevalle soos bladsye oor die geskiedenis, of oor 'n spesifieke land sal die beste bronne heel waarskynlik nie in Engels of Afrikaans wees nie. - Rooiratel (kontak) 09:23, 3 April 2024 (UTC)

Hoor-hoor Bontratel  Aliwal2012 12:19, 3 April 2024 (UTC)

Prof. Anne-Marie Beukes

Gemeenskap, neem kennis dat Prof. Anne-Marie Beukes, HUB van die SAAWK, afgetree het op kort kennisgewing met haar laaste dag van diens laas Donderdag voor die Paasnaweek. Ons verloor 'n groot ondersteuner en vriend. Nou wonder 'n mens wie gaan haar opvolger wees? Dr. Linda Brink neem tans waar as HUB van die Akademie. Sien SAAWK Groete! Oesjaar (kontak) 12:26, 2 April 2024 (UTC)

Ai, tog. Dit is 'n verlies. Thermofan (kontak) 06:59, 3 April 2024 (UTC)

Chathameilande

Enige vrywilliger wat iets hieroor wil skep? Groete! Oesjaar (kontak) 13:03, 2 April 2024 (UTC)

• Uitgevoer Chathameilande. @Puvircho: het lanklaas die vlag van die Chathameilande beskryf. Ek mis sy vlagartikels! Groete. --  SpesBona 13:30, 2 April 2024 (UTC)

Dankie! Groete! Oesjaar (kontak) 14:18, 2 April 2024 (UTC)

Bladtrekke vir Maart

Ons bladtrekke vir Maart was 'n nederige 710 833. Nes ek dink ek verstaan die statistiek, dan verras dit my! Groete! Oesjaar (kontak) 12:12, 3 April 2024 (UTC)

Radial engine

Gemeenskap, ek is nou self deurmekaar. Wat is die korrekte vertaling van bogenoemde vliegtuigenjin: sterenjin, stermotor of radiale enjin? Groete! Oesjaar (kontak) 12:27, 7 April 2024 (UTC)

Masters of the air.

Laasjaar het die rolprent Oppenheimer ongekende besoeke na die artikels Robert Oppenheimer en die Manhattan-projek tot gevolg gehad. Ek voorspel dat die TV-reeks Masters of the Air, wat reeds oorsee uitgesaai is, ook groot belangstelling na vliegtuigartikels gaan veroorsaak. Die betrokke artikels volgens my sal wees: Boeing B-17 Flying Fortress, Consolidated B-24 Liberator, Avro Lancaster, Spitfire, Messerschmitt Bf 109 en die North American P-51 Mustang. Die eerste drie is bomwerpers en die laaste drie is vegvliegtuie. Slegs een van die ses artikels het voorbladstatus - Boeing B-17 - terwyl die ander vyf eintlik nie eers inleidings is nie. Ek gaan die Liberator neem na voorbladstatus, is daar enige vrywilligers wat gaan help? Oesjaar (kontak) 19:57, 7 April 2024 (UTC)

Turbo-aanjaer

Gemeenskap, volgens die nuwe HAT moet dit Turboaanjaer (een woord) wees. Kan ek voortgaan en dit skuif? Groete! Oesjaar (kontak) 07:21, 8 April 2024 (UTC)

En volgens die WAT ook! Groete! Oesjaar (kontak) 07:47, 8 April 2024 (UTC)

Ja, gaan asb. voort! -- Aliwal2012 11:40, 10 April 2024 (UTC)

"Die Romeinse boer" (1925), Wikisource en die k-woord. Oplaai, of nie?

Beste Wikipediane

Ek moet my nou op die Keiser beroep, al moet ons ook WikimediaZA inroep.

Daar is 'n boek wat ek die afgelope tyd oorgetik het; dit is klaar, en gereed om opgelaai te word: Die Romeinse boer, deur T.J. Haarhoff. Die jaar 1925. Haarhoff is in 1971 oorlede. Dus is die werk sedert 2022 in die openbare besit.

Die boek is belangrik om die volgende redes:

• Dit is die eerste volledige vertaling van die Georgica (Vergilius) in Afrikaans. Daar is ook 'n paar grepe uit stoere Cato ("die slinkse") se sêgoed omtrent die landbou.

• Die boek is vandag skaars soos hoendertande. Ek het regtig moeite gehad om hom te bekom. By biblioteke sal jy hom in die diepste, donkerste en stowwerigste hoekie vind.

• Anders as die versvertaling van Blanckenberg, is hier voetnotas wat van kritieke belang is. Veral vir iemand wat nog nooit met die klassieke te doene gehad het nie, is dit broodnodig.

• Haarhoff, in my oë, het die regte bedoeling gehad. Al is daar akademici wat hom daarvan beskuldig dat hy moontlik Empaaiergesind was, of dat hy te eksklusief was, het hy die regte idee gehad, uit 'n ekonomiese oogpunt. Hy het gesien hoe die Afrikaner (die blanke Afrikaanssprekendes) geen nut in die klassieke of Latyn meer sien nie. Dit het hul gewoon koud gelaat. (Nou nog as ek Latynse boeke koop, vra mense of ek prokureur wil word - natuurlik om te weet of hulle meer geld kan vra...) By Afrikaanse skole het Latyn in die 1920's sterk agteruitgeboer, al was daar ouens, soos Langenhoven, wat 'n paar dekades tevore by Stucki uitgeblink het. Dus doen Haarhoff wat enige professor wat 'n passie vir sy vak het sou doen (en sy leerstoel probeer red) - hy probeer red wat daar te redde is. Hy soek 'n metafoor, en hy kry hom: soek die raakpunte tussen die Romeinse Boer en die Afrikaner (daar is nogal verbasend baie 'n eeu gelede), en siedaar... die volk sal hul met die Romeine vereenselwig, en die getalle sal terugstroom. Boonop is Afrikaans so te sê pas op die wetboeke as amptelike taal bekragtig. Hy spits hom dus toe op hierdie nismark (nie die sakeklas nie, maar boere, ook diegene wat pas verstedelik het, moontlik selfs die armblanke wat deur Latyn sosiale opgang sal kan geniet), ewe veel as wat 'n straatpredikant op die Kaapse vlakte sy eie mense sou bearbei. Ongelukkig kan een boek nie Latyn red nie; veral nie as dit geen herdruk beleef het nie.

• Die terugvoer op die boek daardie tyd was besonder positief. Een boer het selfs aan Haarhoff gesê hy gebruik sy Vergilius-vertaling as handboek, met voorspoedige gevolge. Vir my klink dit na 'n oordrywing, maar goed, daar is goed soos "wisselbou" wat daarin genoem word. Hoewel die ploeëry, wat Vergilius hier ophemel as iets moois as die water in die voortjies afloop (ooit gehoor van erosie?), deesdae, waar moontlik, eintlik vermy word in die Overberg (en die Swartland).

• Vergilius oordryf soms baie erg, soos dat die werksterbye, na die afsterwe van die "koning", hul eie selle begin plunder. Dit klink vir my eerder na Romeinse hiënapolitiek, dit is immers 'n gedig. Ons weet vandag die werksterbye maak die "koningin", vir die nes, deur die nes. As hulle nie 'n koningin het nie, maak hulle net 'n nuwe een. Maar dan sê hy die bye leef vir 7 jaar. "Onmoontlik!" dag ek. Maar daar is vaktydskrifartikels wat sê die afgelope 50 jaar het die bye se lewensverwagting halveer, toe te skryf aan genetiese veranderinge. Is dit moontlik dat 2000 jaar verloop het, en in hierdie 2000 jaar het hul lewensverwagting so geweldig ingekrimp? Wie weet. Die teks bied dus stof tot nadenke, dalk selfs 'n onderwerp vir 'n verhandeling of proefskrif.

• Laastens kan die boek gebruik word sodra die artikel oor die Georgica begin word (daar is 'n Franse voorbladartikel). Drie vertalings kan langs mekaar gejukstaponeer word.

Nou wat is dan die probleem?

• Op bladsy 24 word die k-woord gebruik, nie met verwysing na iemand nie. Laat ek dit gou aanhaal:

"Arbeid adel" was die prinsiep waarop die outydse boer te werk gegaan het; maar met die vermenigvuldiging van slawe en die steun op goedkope slawe-arbeid het baie die houding ingeneem, wat soms by ons ook voorkom, en seker soorte werk as k_____rwerk (opus servile) verag.

Dit voel half asof ons weer besig is met dieselfde muggiesiftery as in die 1970's met die sensuurwette, maar goed - ek is die ene ore.

Mag hierdie boek opgelaai word, ja, of nee? Suidpunt (kontak) 08:39, 9 April 2024 (UTC)

Indien die kopiereg verval het, gaan maar voort. Dit is 'n historiese werk. Geen rede om dit te sensuur, of om dit te vernietig/weg te steek nie. Niemand gaan vir jou persoonlik dagvaar nie, jy het dit nie geskryf nie. - Rooiratel (kontak) 09:20, 9 April 2024 (UTC)

Ek stem saam met Rooiratel. ~ Burgert (kontak) 09:57, 10 April 2024 (UTC)

Oscars vir Afrika!

As ek in 2028 nog in die land van die lewendes is, gaan ek die 100ste Oscaraand doen. Goeiste! ~ Burgert (kontak) 14:59, 10 April 2024 (UTC)

Ek sal dit lees! Groete! Oesjaar (kontak) 15:26, 10 April 2024 (UTC)

Infobox aircraft engine

@Oesjaar: het my opdrag gegee om bogenoemde inligtingskas in Afrikaans te vertaal, maar hoe langer ek daarna kyk, hoe minder verstaan ek dit. Die probleem is nie net dat dit as 't ware uit vyf (?) ondersjablone bestaan nie, maar ook dat ek nie weet waar dit eintlik begin nie. Heel boaan staan daar {{Being deleted|2023 January 22|Template:Infobox aircraft begin|merge=Template:Infobox aircraft}} en ek weet nie wat dit beteken nie. Lyk my hulle beplan om Infobox aircraft begin met Infobox aircraft te versmelt (wat ons wel het: {{Inligtingskas Vliegtuig}}. Sover ek kan sien bestaan dit uit vyf modules: Infobox aircraft engine, Infobox aircraft begin, Infobox aircraft program, Infobox aircraft type en Infobox aircraft career. Dalk moet jy self 'n tegnikus wees om dit te verstaan. Ek is regtig jammer en wil Oesjaar nie langer laat wag nie, dus klop ek hier vir hulp aan. Groete. --  SpesBona 20:30, 10 April 2024 (UTC)

Dalk moet 'n mens wag totdat die Engelse hulle templates gemerge het, en dit dan vertaal. ~ Burgert (kontak) 15:22, 11 April 2024 (UTC)

Chem Sim 2001

Hierdie gebruiker het sopas 'n beeld van ammoniumsulfied verwyder met die argument dat dit verkeerd is. Dit is waar dat die uitbeelding nie ideaal is nie, omdat dit nie die volle kristalstruktuur toon nie, net die ione. Maar hy vervang dit ook nie met so 'n beeld nie, gaan na commons, eis die verwydering van die bestaande beeld en beweer dit is ongebruik...

Ek dink nie dit is aanvaarbaar nie. As hy 'n beter beeld sou maak om dit mee te vervang, sou dit 'n ander saak wees. Maar dit grens aan vandalisme. Die bestaande beeld is nie ideaal nie maar ook nie verkeerd nie. Jcwf (kontak) 19:21, 12 April 2024 (UTC)

Kan jy dit terugsit? Groete! Oesjaar (kontak) 19:29, 12 April 2024 (UTC)

@Jcwf: sy of haar wysiging verbeter nie die artikel nie. – Pynappel (kontak) 19:30, 12 April 2024 (UTC)

Ek het dit teruggesit en my protes op commons aangeteken. Sien Jcwf (kontak) 20:04, 12 April 2024 (UTC)

@Oesjaar:, @Pynappel:. Chem Sim 2001 het op commons gesê If there is no replacement/alternative model available at the moment, it's better to have none instead of a factually incorrect one. Die bestaande beeld is nie factually incorrect nie. Dit toon die korrekte ione van hierdie ionogene verbinding (sout). Ja, dit sou beter wees as dit deur 'n komplete kristalstruktuur vervang word, maar Chem Sim 2001 gaan dit nie doen nie. Ek dink dat hy geblokkeer moet word en dat af.wikipedia 'n protes op common moet laat hoor. Jcwf (kontak) 09:06, 13 April 2024 (UTC)

Geluk aan Gebruiker:Sobaka met sy verjaarsdag!

Geluk Gebruiker:Sobaka met jou verjaarsdag. Dankie vir al jou harde werk, dit word hoogs waardeer! Ons hoop jy het 'n lekker dag! Groete! Oesjaar (kontak) 06:32, 19 April 2024 (UTC)