Willem III van Akwitanië
Willem III van Akwitanië (913 – 3 April 963, Saint-Maixent-l'École); met die byname Vlashoof (Latyn: Caput stupae), omdat hy ligblonde hare gehad het, of die Vrome; was die seun van Ebalus van Akwitanië en Emilienne (Emiliana). Hy word Graaf van Poitiers as Willem I, in opvolging van sy vader, en vanaf 935 hertog van Akwitanië, as Willem III.
| Willem III van Akwitanië | |
Hertog van Akwitanië
| |
|---|---|
| Voorafgegaan deur | Ebalus van Akwitanië |
| Opgevolg deur | Hugo die Grote |
Graaf van Poitiers
| |
| Voorafgegaan deur | Ebalus van Akwitanië |
| Opgevolg deur | Willem IV van Akwitanië |
Persoonlike besonderhede
| |
| Gebore | 913 |
| Sterf | 963 |
In 935 volg hy sy vader op as graaf van Poitiers en eis ook die titel van hertog van Akwitanië op, maar die koninklike kanselary het eers die jaar voor sy eie dood (962) sy hertoglike titel erken. Kort na die dood van Koning Roedolf van Frankryk in 936 moes hy onder druk van Lodewyk IV van Frankryk selfs sy besittings in Poitiers opgee ten gunste van Hugo die Grote. In die jare hierna het Willem III vir Lodewyk IV teen Hugo die Grote geveg, onder andere tydens die verlore Slag van Laon. Toe vrede in 942 bemiddel word tussen Lodewyk IV en Hugo die Grote, het Willem III vir Lodewyk IV as sy koning gehuldig en op die wyse die titel van Poitiers teruggekry, asook die aanstelling van leke-ab van Saint-Hilaire-le-Grand.
In 950 het hy weer gebots met Koning Lodewyk IV toe dié en Hugo die Grote versoen geraak het, en Lodewyk IV vir Hugo die Grote as hertog van onderskeidelik Akwitanië en Boergondië aangestel het. Lodewyk IV en Hugo die Grote het probeer om Akwitanië te verower, maar is deur Willem III verslaan. In 955 het Willem III graaf van Auvergne en van Limoges geword. Willem het ook Vitry-sur-Loire van die graaf van Anjou verower. Koning Lotarius (941; Laon - 2 Maart 986) van Wes-Frankië (Lodewyk IV se opvolger) het Willem III gevrees. Hy en Hugo die Grote het in 955 gepoog om Poitiers te verower, maar misluk, alhoewel Willem III in 'n veldslag verslaan is. Na Hugo die Grote se dood is hy opgevolg deur die minderjarige Hugo Capet as Hertog van Akwitanië, Hugo kon egter nie die aansprake op die hertogdom voortsit nie, en omdat Willem III met Koning Lotarius versoen is, het 'n tydperk van vrede ingetree. Vanaf 959 het Willem III die titel van Graaf van die Hertogdom van Akwitanië gedra, en in 962 formeel Hertog van Akwitanië geword. Die abdy van Saint-Hilaire-le-Grand is aan hom gegee, wat ná sy dood in sy dinastie gebly het. Willem III is die stigter van die hertoglike biblioteek in die Paleis van Poitiers. Hy is in die abdy van Saint-Cyprien begrawe.
Hy is in 935 getroud met Geirlaug van Normandië (912 - 14 Oktober 962), die dogter van Rollo van Normandië, en het twee kinders by haar gehad:
- Willem IV van Akwitanië (935 - 993)
- Adelheid (952-1004), wat getroud was met Hugo Capet.[lower-alpha 1]
Voorouers wysig
| Voorouers van Willem V van Akwitanië | ||||||||
|---|---|---|---|---|---|---|---|---|
| Oorgrootouers | Ranoelf I van Akwitanië (820-866) ∞ Bilchildis van Maine (omstreeks 830-) |
? (-) ∞ ? (-) |
? (-) ∞ ? (-) |
? (-) ∞ ? (-) | ||||
| Grootouers | Ranoelf II van Poitiers (850-890) ∞ ? (omstreeks 934) |
? (-) ∞ ? (-) | ||||||
| Ouers | Ebalus van Akwitanië [1] (873-935) ∞ Emilienne (omstreeks 934) | |||||||
| Willem III van Akwitanië (913-963) | ||||||||
Notas wysig
- ↑ Volgens Bouchard was Adelheid nie van Poitiers/Akwitanië nie. 'n Dokument uit 982 wat as "bewys" vir Adelheid se oorsprong gebruik is, maak melding van 'n suster (Adela) van Willem IV van Akwitanië wat getroud was met 'n sekere hertog Eblo, wat later verander is na hertog Hugo Capet. Bouchard konstateer dat die dokument as ongeorganiseerd voorkom, en dat beide hertog Eblo en sy vrou Adela reeds teen 982 dood was. Bouchard konstateer derhalwe dat Adelheid se afkoms onseker is.
Verwysings wysig
- ↑ Painter 1956, p. 244.
Bronne wysig
- Bouchard, Constance Brittain (2001). Those of My Blood: Creating Noble Families in Medieval Francia. University of Pennsylvania Press.
- Painter, Sidney (1956). "Castellans of the Plain of Poitou in the Eleventh and Twelfth Centuries". Speculum. The University of Chicago Press. 31 (2 Apr). doi:10.2307/2849411. JSTOR 2849411. S2CID 162306871.
Willem III van Akwitanië Huis van Poitiers Gebore: 913 Oorlede: 3 April 963
| ||
| Voorafgegaan deur Ebalus van Akwitanië |
Hertog van Akwitaniê 935–963 |
Opgevolg deur Willem IV van Akwitanië |
| Hertog van Poitiers 935–963 | ||