Wladimir Pasjkof
Wladimir Igorewitsj Pasjkof (Russies: Владимир Игоревич Пашков) is die eerste minister van die Volksrepubliek Donetsk, 'n wegbreekrepubliek in die ooste van Oekraïne. Pasjkof is sedert 6 Februarie 2020 die "waarnemende leier van die regering" in Donetsk.[1]
Agtergrond wysig
Pasjkof is in die Siberiese stad Brask gebore en is 'n Russiese burger.[1] Voor sy aanstelling as waarnemende eerste minister van Donetsk was hy tot 2014 die adjunkgoewerneur van Rusland se Irkoetsk-oblast.[2] Pasjkof was ook tot 2005 die burgemeester van sy tuisdorp, Bratsk. [3]
Omstredenheid wysig
Die aanstelling van 'n voormalige senior Russiese amptenaar as waarnemende leier binne 'n wegbreekrepubliek in Oekraïne het tot fel kritiek teen Rusland gelei.[1][3][4] In reaksie het Dimitri Peskof, woordvoerder van die Kremlin, gereageer dat "Rusland absoluut niks met daardie konflik te doen het nie. Dis nie 'n amptelike persoon wat amptelik soontoe afgevaardig is nie. In hierdie geval gaan dit moontlik oor die aktiwiteite van 'n private persoon wat as 'n gewone burger van die Russiese Federasie optree."[5]
Verwysings wysig
- ↑ 1,0 1,1 1,2 https://www.kyivpost.com/ukraine-politics/ex-russian-official-becomes-prime-minister-of-donetsk-militants.html
- ↑ https://carnegiemoscow.org/commentary/84089
- ↑ 3,0 3,1 https://www.uawire.org/russian-vice-governor-becomes-prime-minister-of-dpr
- ↑ https://civicmonitoring.org/newsletter55/
- ↑ https://www.rferl.org/a/kremlin-says-has-no-part-in-russian-citizen-becoming-prime-minister-in-ukraine-separatist-region/30420378.html