Woodstock is die eerste voorstad van Kaapstad aan die spoorlyn wat oor Wynberg tot in Simonstad loop. Dit is gemengde voorstad met heelwat winkels aan die hoofstrate, nywerhede en behuising. Dele van Woodstock ervaar in die jongste jare ’n herlewing vanweë kantoor- en ander werkers in middestad wat hier kom woon omdat dit so na aan hul werkplek geleë is.

Woodstock

Papendorp (verouderd)
Voorstad
Uitsig op Woodstock
Uitsig op Woodstock
Woodstock is in Cape Town
Woodstock
Woodstock
Koördinate: 33°55′50″S 18°26′50″O / 33.93056°S 18.44722°O / -33.93056; 18.44722Koördinate: 33°55′50″S 18°26′50″O / 33.93056°S 18.44722°O / -33.93056; 18.44722
LandVlag van Suid-Afrika Suid-Afrika
ProvinsieWes-Kaap
Metropolitaanse MunisipaliteitKaapstad
Oppervlak
 • Totaal4,78 km2 (1,85 vk. myl)
Hoogte
39 m (128 ft)
Bevolking
 • Totaal9 345[1]
 • Digtheid300/km2 (7 800/vk. myl)
TydsoneUTC+2 (SAST)
Poskode
7925
Skakelkodes021

Woodstock is geleë tussen Tafelbaai en die onderste hange van Duiwelspiek 'n enkele kilometer oos van die middestad van Kaapstad. Woodstock word bedien deur 'n spoorwegstasie, die naaste stasie aan Kaapstad, en het die poskode 7925 vir straatadresse en 7915 vir posbusse.

Geskiedenis wysig

Aanvanklik was Papendorp, soos die voorstad eers geheet het, 'n aparte dorpie. Dit is genoem na Pieter van Papendorp, wat in die laaste deel van die 18de eeu daar gewoon het. Daar was teen 1845 was reeds ’n skool en ’n Anglikaanse kerk. Die spoorlyn wat deur die dorp aangelê is, het dit meer gewild gemaak. In 1881 het die dorpie met Soutrivier saamgesmelt. Die naam is na Woodstock verander nadat die inwoners daarvoor gestem het. In 1913 is Woodstock by Kaapstad ingelyf.

Die voorstad was vroeër die tuiste van 'n aansienlike, mindergegoede Afrikaanse gemeenskap met 'n eie kerk, die NG gemeente Woodstock, en skool, Laerskool Tafelberg, maar met die geleidelike verval van die voorstad en die verbetering van Afrikaners se ekonomiese posisie het bykans alle Afrikaanssprekendes mettertyd die voorstad verlaat vir aangenamer voorstede verder van die middestad af.

Wapen wysig

Woodstock het van 1881 tot 1913 sy eie munisipaliteit gehad. Die raad het in 1892 'n skynheraldiese "wapen" aangeneem wat 'n sinkende seilskip en 'n man op 'n perd wat die see inry toon. Heride ontwerp verwys na Wolraad Woltemade se seereddingsdaad in 1773. Die helmteken was 'n dolfyn omwonde om 'n gekroonde anker; die skildhouers was twee leeus; en die wapenspreuk was "Per mare per terras".[2]

Verwysings wysig

  1. Subplek Woodstock Sensus 2011
  2. Wes-Kaapse Argief : Woodstock Munisipale Notules (8 Februarie 1892).

Sien ook wysig

Eksterne skakels wysig