Spesifieke brandstofverbruik

Spesifieke brandstofverbruik, is 'n ingenieursterm wat gebruik word om die branstofdoeltreffendheid van 'n enjinontwerp aan te dui. Dit is 'n mate van die hoeveelheid brandstof wat benodig word om 'n gegewe hoeveelheid krag oor 'n gegewe tydperk te lewer.

Spesifieke brandstofverbruik hang af van die enjinontwerp, maar verskille in die spesifieke brandstofverbruik tussen verskillende enjins met dieselfde onderliggende tegnologie is geneig om baie klein te wees. Tipiese petrolenjins se spesifieke brandstofverbruik is ongeveer 0.3 kg/(kW·h) ongeag die onwerp van enige besondere enjin. Oor die algemeen sal die spesifieke brandstofverbruik vir 'n klas enjins toeneem saam met die samepersingsverhouding. Dieselenjins het 'n hoër spesifieke brandstofverbruik as petrolenjins hoofsaaklik vanweë hulle baie hoër samepersingsverhouding aangesien die manier waarop hulle brandstof brand in der waarheid minder doeltreffend is.

In praktiese toepassings is daar verskeie faktore wat 'n betekenisvolle rol speel in die bepaling van die brandstofdoeltreffendheid van 'n spesifieke enjinontwerp in 'n betrokke toepassing. Vliegtuigturbines (straal- en turboskroefenjins) byvoorbeeld is gewoonlik baie ligter en kleiner as suierenjins met gelykwaardige kraglewering, wat die sleurkrag op die vliegtuig verlaag asook die hoeveelheid krag benodig om die vliegtuig aan te dryf. Turbines is daarom 'n baie meer doeltreffende vliegtuigaandrywer as wat andersins sal blyk uit 'n vergelyking soos in die onderstaande tabel:

Soort Enjin SBV
Stustraal 0.61 kg/(kW·h)
Turboskroef 0.49 kg/(kW·h)
Otto-siklus 0.3 kg/(kW·h)
Dieselsiklus 0.24 kg/(kW·h)
Otto-saamgestelde enjin 0.23 kg/(kW·h)
Turbo-aanjaer Diesel 0.23 kg/(kW·h)
Turbo-aangejaagde & Tussenverkoelde Diesel 0.22 kg/(kW·h)
Diesel-saamgestelde enjin 0.21 kg/(kW·h)

Sien ook wysig