Stade de Gerland

Die Stade de Gerland is die hoofsportmiddelpunt van die Franse stad Lyon. Die stadion wat in die Gerlandkwartier geleë is het tussen 1950 en 2015 as tuisveld van Olympique Lyonnais gebruik. Die stadion is vir sommige van die wedstryde van die Europese Sokkerkampioenskap 1984, FIFA Sokker-Wêreldbekertoernooi in 1998, FIFA Sokker-Konfederasiebeker in 2003 en Rugbywêreldbeker 2007 gebruik.

Stade de Gerland
UEFA
Die Stade de Gerland voor die wedstryd tussen Australië en Japan tydens die Rugbywêreldbeker 2007
Bynaam	Le Temple
Volle naam	Stade Gerland
Ligging	353, Avenue Jean-Jaurès, 69007 VIIde Arrondissement, Lyon, Frankryk
Koördinate	45°43′25.6″N 4°49′56.1″O
Eienaar	Stad Lyon
Operateur	Stad Lyon
Kapasiteit	43 051
Oppervlak	Gras
Konstruksie
Eerste sooi gespit	1913
Gebou	1914
Geopen	1926
Uitgebrei	1960, 1980, 1998
Boukoste	32,7 m € (insluitend renovasies)
Argitek	Tony Garnier René Gagis (renovasie)
Huurders
Olympique Lyonnais (Ligue 1) (1950–2015)

Lugbeeld van die Stade de Gerland

Wedstryd tussen Australië en Japan tydens die Rugbywêreldbeker 2007

Bouwerk aan die stadium, ontwerp deur die Lyonse inwoner Tony Garnier, het in 1913 'n aanvang geneem. Konstruksie is egter kort daarna deur die uitbraak van die Eerste Wêreldoorlog onderbreek. Na die einde van die oorlog is konstruksie in 1919 met die hulp van 'n groot aantal Duitse krygsgevangenes hervat. Die stadium was teen 1920 ten volle funksioneel.

Oorspronklik het die stadion geen onderdaksitplekke gehad nie en aansienlike herbouings is mettertyd aangebring. In 1960 moes die fietsrybaan wat om die sokkerveld geloop het opgeoffer word om die sitplekkapasiteit na meer as 50 000 te vermeerder. In 1984 het die aantal toeskouers 51 680 vir sekere Europese Sokkerkampioenskapwedstryde gehaal.

Vedere renovasies was nodig vir die FIFA Sokker-Wêreldbekertoernooi in 1998 aangesien FIFA teen daardie tyd daarop aangedring het dat alle stadiums wat vir internasionale wedstryde, insluitend Wêreldbekerwedstryde, sitplekke vir alle toeskouers moes hê. Die noord- en suidpawiljoene is geheel en al gesloop en die atletiekbaan wat oorgebly het na die fietsrybaan verwyder is moes ook afgestaan word. Die nuwe inkarnasie van Gerland het 'n maksimumkapsiteit van 43 051 bereik.

Die stadium bestaan tans uit twee hoofpawiljoene: 'n noord- en suidpawiljoen. Daar is ook twee kantpawiljoene: Die tribune Jean Jaurès en die tribune Jean Bouin.

Tussen 1950 en 2015 was die stadion die tuiste van Olympique Lyonnais wat 'n nuwe veld nodig gehad het toe dit afgeskei het van Lyon Olympique sportklub wat by die Stade des Iris gespeel het.

In 1967 is die stadion as 'n historiese monument verklaar met veral die boogingange wat as bewaringswaardig beskou word.

Die rekordbywoning vir 'n Ligue 1 wedstryd is 48 552 vir 'n wedstryd tussen Olympique Lyonnais en AS Saint-Étienne in 1982.

Tydens die FIFA Sokker-Wêreldbekertoernooi in 1998 het die stadion vyf groepwedstryde aangebied.

Tydens die FIFA Sokker-Konfederasiebeker in 2003 het 'n tragedie hom op die stadion afgespeel tydens die halfeindstryd tussen Kameroen en Colombia toe die Kameroense middeveldspeler Marc-Vivien Foé op die veld ineengestort het en kort daarna in die hospitaal gesterf het.

In 1972 is die Rugby League Wêreldbekereindstryd by die stadion gehou.

Olympique Lyonnais het in 2015 sy tuisveld na die nuwe stadion Parc Olympique Lyonnais geskuif.

Wedstryde

Europese Sokkerkampioenskap 1984

Hoofartikel: Europese Sokkerkampioenskap 1984.

Datum	Tyd	Span 1	Telling	Span 2	Rondte	Toeskouers
16 Junie 1984	20:30	Denemarke	5–0	Joego-Slawië	Groep A	24 736
24 Junie 1984	20:00	Spanje	1–1 (5–4 straf.)	Denemarke	Halfeindstryd	47 843

FIFA Sokker-Wêreldbekertoernooi in 1998

Hoofartikel: FIFA Sokker-Wêreldbekertoernooi in 1998.

Datum	Tyd	Span 1	Telling	Span 2	Rondte	Toeskouers
13 Junie 1998	17:30	Suid-Korea	1–3	Meksiko	Groep E	39 100
15 Junie 1998	17:30	Roemenië	1–0	Colombia	Groep G	37 572
21 Junie 1998	21:00	Verenigde State	1–2	Iran	Groep F	39 100
24 Junie 1998	16:00	Frankryk	2–1	Denemarke	Groep C	39 100
26 Junie 1998	16:00	Japan	1–2	Jamaika	Groep H	39 100
4 Julie 1998	21:00	Duitsland	0–3	Kroasië	Kwarteindstryd	39 100

FIFA Sokker-Konfederasiebeker in 2003

Hoofartikel: FIFA Sokker-Konfederasiebeker in 2003.

Datum	Tyd	Span 1	Telling	Span 2	Rondte	Toeskouers
18 Junie 2003	21:00	Frankryk	1–0	Colombia	Groep A	38 541
20 Junie 2003	19:00	Colombia	3–1	Nieu-Seeland	Groep A	22 811
21 Junie 2003	21:00	Brasilië	1–0	Verenigde State	Groep B	20 306
23 Junie 2003	21:00	Verenigde State	0–0	Kameroen	Groep B	19 206
26 Junie 2003	18:00	Kameroen	1–0	Colombia	Halfeindrondte	12 352

Rugbywêreldbeker 2007

Hoofartikel: Rugbywêreldbeker 2007.

Datum	Tyd	Span 1	Telling	Span 2	Rondte	Toeskouers
8 September 2007	15:45	Australië	91–3	Japan	Groep B	40 043
11 September 2007	20:00	Argentinië	33–3	Georgië	Groep D	40 240
15 September 2007	13:00	Nieu-Seeland	108–13	Portugal	Groep C	40 729

Eksterne skakels

• Google Map (lugfoto)
• Krete van die Stade Gerland Geargiveer 10 Mei 2008 op Wayback Machine
• Virtuele besoek aan die stadion Geargiveer 20 Julie 2008 op Wayback Machine