Strandstraat, Kaapstad

Die historiese Strandstraat is ‘n hoofdeurgangsroete in die middestad van Kaapstad.

Ligging

Die straat kom vanaf Seepunt en is ‘n oostelike voortsetting van High Level Road. Ooswaarts kruis Strandstraat vir die Buitengracht, Breestraat, Loopstraat, Langstraat, Burgstraat, Adderleystraat, Pleinstraat, gaan dan verby die stasie, die Kasteel die Goeie Hoop, kruis daarna Oswald Pirowstraat, verby die Goeie Hoop-sentrum en sluit dan aan by die deel van die N2-pad bekend as die Nelson Mandela Boulevard.

Naam

Die blou stippellyn in hierdie kaart dui die oorspronklike kuslyn aan. Strandstraat is onder en links daarvan sigbaar. Regs van die N2-afrit word die straat New Marketstraat en, verder na regs, Albertstraat.

Aanvanklik was die pad bekend as Heerestraat, maar al gou as Zeestraat. ‘n Destydse meent (waar nou die stasie is) aan die noordwestekant van die Kasteel was bekend as Het Strandt aan ‘t Fort Plein, want dit het teen die strand gelê. Dus was die straat reeds in 1790 as Strandstraat bekend.

Geboue en mense

Aan die noordwestelike punt van die straat staan drie kultuurmonumente uit die 18de eeu langs mekaar, naamlik die kostershuis, die Lutherse kerk en die Martin Melck-huis. Skuins oor die straat is die Koopmans-de Wet-huis. In die huis een weg van die hoek met Adderleystraat het in 1751 tot 1753 Nicolas-Louis de Lacaille gewoon en sy sterrekundige waarnemings gedoen. Kapt. James Cook het ook in die straat gebly terwyl sy skepe Resolution en Adventure voor anker in Tafelbaai gelê het.

Bibliografie

Green, Lawrence G.: Grow lovely, growing old. The story of Cape Town’s three centuries – the streets, the houses, the characters, the legends, traditions and folklore, the laughter and tears. Kaapstad: Howard B. Timmins, 1951
Green, Lawrence G.: Tavern of the Seas. Kaapstad: Howard B. Timmins, ongedateerd
Laidler, P.W.: A Tavern of The Ocean. Being a Social and Historical Sketch of Cape Town from its earliest days. Kaapstad: Maskew Miller, 1926