Sugiliet
 
Sugiliet uit die Wessels Myn, Hotazel, Kalahari mangaanvelde , Noord-Kaap Provinsie, Suid-Afrika. Grootte: 3.0 x 2.8 x 1.3 cm. 
Formule K(Na,□)2Li3(Fe,Mn,Al,Zr)2[Si12O30] 
Nickel-Strunz (10) 9.CM.05  
Eenheidsel a = 10 Å, c = 14 Å
* Lys van minerale
Portaal Geologie

Sugiliet[1][2][3] (/ˈsuːɡᵻlaɪt/ SOO-gi-lyt), ook bekend as lavuliet, koninklike Asel, cybeliien, en wesseliet, is 'n relatief skaars pienk tot pers siklo-silikaat mineraal met die ingewikkelde chemiese formule KNa2(Fe, Mn, Al)2Li3Si12O30. Sugiliet kristalliseer in die heksagonale kristalstelsel met prismatiese kristalle. Kristalle word selde aangetref, en Sugiliet kom gewoonlik in massiewe vorm voor. Dit het 'n Mohs hardheid van 5,5-6,5 en 'n soortlike gewig (relatiewe digtheid) van 2,75-2,80. Dit is meestal ondeursigtig.

Sugiliet is die eerste keer in 1944 deur die Japannese petroloog Ken-ichi Sugi (1901–1948) beskryf vir 'n voorkoms op Iwagi eiland, Japan, waar dit in 'n aegirien sïeniet intrusiewe gesteente gevind is. Dit word ook in 'n soortgelyke omgewing by Mont Saint-Hilaire, Quebec, Kanada gevind. In Suid-Afrika, word dit in die Wessels-myn in die Noord-Kaap provinsie ontgin uit laag-gebonde mangaanafsettings (die naam wesseliet is afkomstig van die naam van die myn). Dit word ook in gerapporteer in Ligurië en Toscane, Italië, Nieu-Suid-Wallis, Australië en Madhya Pradesh, Indië.

Let wel: Die ‘’g’’ in die mineraal se naam word algemeen uitgespreek soos die ‘’j’’ in die naam "Jacques". Soos met die meeste minerale, is die uitspraak egter dieselfde as die persoon waarna dit vernoem is; in hierdie geval, die Japannese naam Sugi het 'n harde "g", soos in "berge".[4]

Gebruike wysig

Sugiliet is 'n halfedelsteen, en word gewoonlik in juweliersware (gewoonlik in cabochon vorm) en in ornamente gebruik.

Dit is ook gewild onder mineraalversamelaars, veral in kristalvorm.

Verwysings wysig

  1. Sugilite data on Webmineral
  2. Sugilite on Mindat.org
  3. Sugilite in the Handbook of Mineralogy
  4. "OpenLearn Live: 8th September 2015 – Meet The Minerals". OpenLearn (in Engels). The Open University. Geargiveer vanaf die oorspronklike op 18 Desember 2017. Besoek op 20 Januarie 2016.

Sien ook wysig

Eksterne skakels wysig