Sykol-ghieliemientjie

Die Sykol-ghieliemientjie (Barbus neefi) is 'n varswatervis wat wyd verspeid is. Dit kom voor in sytakke en in die Limpopo-, Steelpoortriviere en naby die oorspronge van die Zambezirivier, Kafuerivier en buite Suider-Afrika in die Kongorivier. In Engels staan die vis bekend as die Sidespot barb.

Sykol-ghieliemientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Barbus
Spesie:	B. neefi
Binomiale naam
Barbus neefi Greenwood, 1962

Voorkoms

Daar is twee pare baarde om die mond. Die vis is donkerolyf aan die bokant en goud-groen aan die sye. Die kieudeksel is heldergoud van kleur. Kenmerkend van die vis is die groot, donker kolle op die sye in 'n ry terwyl daar ook swart kolle op die basisse van die stertvin en die analevin voorkom. Daar is ook horisontale lyne op die boonste en onderste ry skubbe. Die vis word tot 70 mm lank.

Habitat

Die vis kan in 'n akwarium aangehou word.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Barbus-neefi.html