Teunis van der Zwart

Teunis van der Zwart (gebore op 13 April, 1964 te Katwijk, Nederland) is 'n Nederlandse horingspeler en dirigent.

Teunis van der Zwart was 'n pryswenner tydens die Bad Harzburg Natuurlike-horing Kompetisie van 1989. Hy het daarna besluit om 'n wêreldwye ambassadeur vir die natuurlike-horing te word. Hy is 'n welbekende en gerekende spesialis op sy gebied, sowel as 'n solis, kamermusiekspeler en onderwyser. Hy is sedert 2008 toenemend aktief as dirigent van orkeste en kore. As horingspeler het Van der Zwart talle opnames en konserttoere met uitnemende ensembles vir vroeë musiek, soos die Amsterdamse Barokorkes, Orchester des Champs-Elysées, Windsekstet Nachtmusique, Akademie für Alte Musik Berlyn, Bach Collegium Japan en Collegium Vocale Gent meegemaak. Van der Zwart was vir vyftien jaar die hoof-horingspeler van die Freiburger Barockorchester, welke pos hy steeds by die Orkes van die 18de eeu beklee. Hy het gereeld met albei hierdie orkeste as solis opgetree, en CD-opnames van Mozart se horingconcertos vir die Harmonia Mundi France en Glossa plate-etikette gemaak. Van der Zwart het saam met die Japanese Orkes Libera Classica en Hidemi Suzuki 'n CD-opname gemaak van Joseph Haydn se horingconcerto vir TDK. In 2008 verskyn 'n CD-opname van Johannes Brahms se Horingtrio met Isabelle Faust (viool) en Aleksander Melnikof (klavier) by die Harmonia Mundi plate-etiket, en in Desember 2007 neem hy Ries se Dubbelconcerto vir twee horings op met die Kölner Akademie, gelei deur Michael Alexander Willenss. Hy het met beide die Orkes van die 18de eeu en die Nederlandse Bachvereniging die Quoniam van J.S. Bach se mis in B-mineur (BWV 232) opgeneem. As solis het hy saam met dirigente soos Frans Brüggen, Philippe Herreweghe, Hidemi Suzuki en René Jacobs gewerk. As kamermusiekspeler, solis, onderwyser en dosent, verskyn Van der Zwart in talle konsertreekse en feeste in Europa, die VSA, Australië en Japan. Hy doseer aan die Konservatoria van Amsterdam sowel as aan die Koninklike Konservatoria in Den Haag. Hy is by albei konservatoria 'n gereelde dirigent van barok-orkeste. Hy is die stigter en musikale leier van die Sinuet Kamerorkes.

Eksterne skakels

• Kort biografie van Teunis van der Zwart op die Bach Kantates Webwerf
• Die Bach Kantates Tuisblad