Thamalakane-ghieliemientjie

Die Thamalakane-ghieliemientjie (Barbus thamalakanensis) is 'n varswatervis wat voorkom in die Okavangorivier en die boonste gedeelte van die Zambezirivier. In Engels staan die vis bekend as Thamalakane barb.

Thamalakane-ghieliemientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Barbus
Spesie:	B. thamalakanensis
Binomiale naam
Barbus thamalakanensis Fowler, 1935

Voorkoms

Die vis het 'n slank lyf met twee pare baarde om die mond. Die vis is deurskynend bruin aan die bokant, silwerwit aan die kante en die onderkant. Daar is 'n swart streep vanaf die punt van die snoet tot by die basis van die stertvin en daar is ook 'n swart kol op die basis van die anale vin. Gedurende die broeityd word die mannetjies goudkleurig. Die vis word tot 40 mm groot.

Habitat

Die vis leef naby die oewers van riviere in water wat digte plantegroei het. Hulle vreet insekte.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Barbus-thamalakanensis.html