Toks van der Linde
Toks van der Linde (gebore as Albert van der Linde op 30 Desember 1969) is 'n voormalige Suid-Afrikaanse rugbyspeler.[1]
| |||||
| Volle naam | Albert van der Linde | ||||
|---|---|---|---|---|---|
| Geboortedatum | 30 Desember 1969 | ||||
| Geboorteplek | Senekal, Suid-Afrika | ||||
| Lengte | 1,90 m | ||||
| Massa | 122 kg | ||||
| Skool | Hoërskool Paul Erasmus, Senekal | ||||
| Universiteit | Universiteit van die Vrystaat | ||||
| Rugbyloopbaan | |||||
| Loopbaan as speler | |||||
| Posisie(s) | stut | ||||
| Provinsiale- / Staatspanne | |||||
| Jare | Klub / span | Weds | (pte) | ||
| 1992-1993 1993 1995–2001 |
Vrystaat Natal Westelike Provinsie |
6 9 133 |
|||
| Superrugby/Verenigde Rugbykampioenskap | |||||
| Jare | Klub / span | Weds | (pte) | ||
| 1998–2001 | Stormers | 32 | (5) | ||
| Nasionale span(ne) | |||||
| Jare | Land | Weds | (pte) | ||
| 1995-2001 |  Suid-Afrika
|
7 | (0) | ||
Spelerloopbaan wysig
Van der Linde het in Senekal in die Vrystaat skoolgegaan en die Oos-Vrystaat in 1986 en 1987 by die jaarlikse Cravenweek-toernooi verteenwoordig. Nadat hy skool voltooi het, het hy by die Universiteit van die Vrystaat gaan studeer en in 1992 sy provinsiale debuut vir Vrystaat gemaak.[2] Van der Linde het ook vir Natal gespeel en daarna na die Westelike Provinsie verhuis. Hy het in 133 wedstryde vir hul gespeel.
Van der Linde het op 12 November 1995 sy toetsdebuut vir die Springbokke teen Italië gemaak in die Stadio Olimpico in Rome. In 1996 het hy saam met die Springbokke na Argentinië, Frankryk en Wallis getoer en in vier van die vyf toetswedstryde gespeel, elke keer as 'n plaasvervanger. Sy volgende en laaste toetswedstryd was vyf jaar later teen Frankryk in Parys. Hy het ook in elf toerwedstryde gespeel en twee drieë vir die Springbokke gedruk.[3]
Van der Linde is 'n bekende gesig op TV, as ankeraanbieder van die sportgeselsprogram Toks & Tjops op kykNET.
Verwysings wysig
- ↑ "Toks van der Linde". ESPN scrum. Besoek op 7 Augustus 2020.
- ↑ Van Rooyen, Quintus (1997). Bankfin Annual 1997. Montana Park: SA Rugby Writers' Society. p. 122. ISBN 0620209607.
- ↑ Schoeman, Chris (2002). Who's who of South African rugby 2002 (6th uitg.). Cape Town: Who's Who of SA Rugby. p. 242. ISBN 0620261889.