Towerkop
Towerkop is 'n opvallende bergspits by Ladismith in die Klein-Karoo van Suid-Afrika.
| Towerkop | |
|---|---|
| Ligging | Wes-Kaap, Suid-Afrika |
| Hoogte | 2 189[1] meter bo seevlak |
| Prominensie | 430 meter |
| Reeks | Swartberg |
| Koördinate | 33°25′17″S 21°12′24″O / 33.42139°S 21.20667°OKoördinate: 33°25′17″S 21°12′24″O / 33.42139°S 21.20667°O |
  Towerkop |
|
Ligging wysig
Die piek lê in die Klein Swartberge, 8 km noodnoordwes van Ladismith en wes van die naburige spitse Elandsberg (Toringberg) en Seweweekspoortpiek. Towerkop kan vanaf 100 km ver af al gesien word.
Die piek wysig
Die bergspits bereik 'n hoogte van 2 189 m bo seespieël en is op Seweweekspoortpiek en Matroosberg na die hoogste punt in die Wes-Kaap. Die besondere rotstoring met steil wande van 150 m bestaan uit 'n westelike en 'n oostelike piek geskei deur 'n nou rotsskeur. Lank is aanvaar dat die westelike piek onklimbaar is totdat 'n jongeling Gustav Nefdt die skynbaar onmoontlike in 1885 vermag het. Eers in 1947 is die spits weer bereik. Sedertdien bly dit 'n uitdaging vir bergklimmers. Alle toegangspaaie na die piek is in privaat eiendom. In die winter is die piek soms met sneeu bedek. Volksvertellings deel mee dat 'n heks in haar woede die kop in twee verdeel het.
Ter vergelyking wysig
- Berg Everest is met 'n hoogte van 8 848 m bo seevlak die hoogste bergpiek in die wêreld.
- Berg Kibo by Kilimandjaro in Tanzanië bereik 'n hoogte van 5 859 m en is die hoogste piek in Afrika.
- In Suid-Afrika is Thabana Ntlenyana in die Drakensberge op 3 842 m die hoogste punt.
- In die Oos-Kaap bereik Kwaduma in die Drakensberge 3 019 m en is daardie provinsie se hoogste punt. Die Kompasberg by Nieu-Bethesda in die Sneeuberge is 2 502 m hoog.
- Kriegersbaken (Murchpunt) in die Noord-Kaap (ook in die Sneeuberge naby Nieu-Bethesda) bereik 2 156 m bo seevlak.
- a Seweweekspoortpiek 2 325 m bo seespieël is die hoogste punt in Suid-Afrika wes van die Kompasberg.
- b Matroosberg 2 249 m in die Hexrivierberge by De Doorns.
- c Towerkop 2 189 m en Elandsberg 2 127 m.
- d Groot Winterhoekpiek 2 077 m in die Groot-Winterhoekberge.
- e Sneeukop in die Skurweberg 2 070 m.
- f Sneeuberg in die Sederberg 2 028 m.
- g Du Toitspiek in die Klein-Drakensteinberge 1 995 m.
- h Cradockpiek in die Outeniekwaberge 1 578 m.
- i Oom Stan se liggie teen Elandsberg is op 1 350 m.
- j Tafelberg bereik 'n hoogte van 1 085 m bo seevlak. Towerkop is dus amper twee maal so hoog bo seespieël as Tafelberg.
Lees ook wysig
Verwysings wysig
- ↑ (en) "Towerkop, South Africa". Peakbagger.com. Besoek op 28 April 2020.
Bibliografie wysig
- Burman, Jose: A peak to climb – the story of South African mountaineering. Kaapstad: C. Struik, 1966.