Trojaanse Perd-voorval

Die Trojaanse perd-massamoord was ‘n insident tydens die anti-apartheidsproteste.

Op 15 Oktober 1985 het ‘n groep studente en skoolkinders op ‘n plek in Belgraviastraat in Athlone bymekaargekom waar hulle al voorheen met die polisie gebots het tydens hulle anti-apartheidsbetogings. Op daardie dag het ‘n vragmotor van die spoorweë gelaai met kratte ‘n paar keer voor die groep jongmense verby gekom. Toe die skare die vragmotor onder die klippe steek, kom ‘n groep konstabels uit die kiste te voorskyn en skiet op die oproeriges. Drie mense sterf in die geweld. ‘n Buitelandse kameraspan was toevallig op die toneel en beelde van die oproer is gou wêreldwyd vertoon.

In ‘n hofsaak na die insident is bevind dat die veiligheidsmagte wel onredelike geweld gebruik het, maar niemand is veroordeel nie. Tydens die WVK se sittings in 1997 het die insident weer ter sprake gekom.

Op Erfenisdag 2005 is ‘n monument in Athlone onthul om hierdie gebeure in herinnering te roep.

Lees ook

• Bambata-rebellie
• Bisho-slagting
• Bulhoek-opstand
• Koegas-gruwels
• Langalibalele-rebellie
• Marikana-slagting
• Maritz-rebellie
• Sharpeville-slagting
• Slagtersnek-rebellie
• 1922-staking

Bibliografie

• news.uct.ac.za
• https://sahistory.org.za/dated-event/trojan-horse-massacre