Vallei van Verlatenheid
rotsagtige landskap in Kamdeboo Nasionale Park, Oos-Kaap
Die Vallei van Verlatenheid bied een van die skouspelagtigste berguitsigte in Suid-Afrika. Dit is ‘n natuurmonument van besondere geologiese betekenis. Hierdie besienswaardigheid lê 14 km van Graaff-Reinet op die R63 hoofpad na Murraysburg.
Loodregte kranse en hoë dolorietpilare teen die agtergrond van die vlaktes van die Kamdeboo is die gevolg van vulkaniese werking en erosie 150 tot 190 miljoen jaar gelede.
Hierdie besondere stuk bergterrein is in 1935 tot nasionale gedenkwaardigheid verklaar. Pierneef het dit in een van sy skilderye verewig.
Bronne
wysig- Baudert, Margaret: Graaff-Reinet and the Valley of Desolation. In: Lantern. Tydskrif vir Kuns, Kennis en Kultuur. Jaargang 29, nr. 2, April 1980.
- Country Life, Februarie 2011
| Wikimedia Commons bevat media in verband met Vallei van Verlatenheid. |
