Valles Marineris

Valles Marineris is 'n enorme kloofstelsel op Mars. Dit is in 1971 deur die Amerikaanse ruimtesonde Mariner 9 ontdek en ook na dié tuig vernoem: "Valles Marineris" is Latyn vir "Mariner-vallei". Die kloofstelsel is by Mars se ewenaar geleë, net oos van die Tharsis-streek. Valles Marineris is meer as 4000 km lank, 200 km wyd en tot 7 km diep, wat dit die grootste diepkloof in die sonnestelsel maak.

Valles Marineris
Valles Marineris vorm 'n groot litteken op Mars se oppervlak.
Valles Marineris vorm 'n groot litteken op Mars se oppervlak.
Soort Kloofstelsel
Ligging Mars, oos van die Tharsis-streek
Lengte 4 000 km
Breedte 200 km
Diepte 7 km
Portaal  Portaalicoon   Sterrekunde

Die stelsel strek oor byna 'n kwart van die planeet se oppervlakte en meeste wetenskaplikes is dit eens dat dit 'n groot tektoniese bars in die kors van Mars is. Hierdie bars het moontlik gevorm soos die planeet afgekoel het en is beïnvloed deur die stygende kors in die Tharsis-streek na die weste en daarna wyer gemaak deur erosie. Daar is egter ook kanale naby die oostelike kante wat lyk of hulle deur water of koolstofdioksied gevorm is.

Valles Marineris van naderby

Koördinate: 13°54′00″S 59°12′00″W / 13.900°S 59.200°W / -13.900; -59.200