Maak hoofkeuseskerm oop

Vir altyd is 'n Afrikaanse rolprent wat op 12 Februarie 2016 in teaters begin draai het. Donnalee Roberts vertolk die rol van Nina en Ivan Botha as Hugo. Nina word voor die kansel gelos, sy kan nie die vernedering verduur nie en besluit om haar perfekte dag ten volle te geniet. Nina en Hugo word die volgende oggend op 'n vliegtuig wakker, besig om in Mauritius te land. Wat sal hulle doen?

Vir altyd
Regisseur Jaco Smit
Produksieleier Danie Bester
Ivan Botha
Donnalee Roberts
Draaiboek Ivan Botha
Donnalee Roberts
Met Laré Birk
Ivan Botha
Elize Cawood
Donnalee Roberts
Wilson Dunster
Ilse Roos
Dirk Stolz
Musiek deur Benjamin Willem
Uitgereik 12 Februarie 2016
Land Suid-Afrika
Taal Afrikaans
IMDb-profiel

HoofrolspelersWysig

StorielynWysig

Hugo en Nina was beste vriende kleintyd. Daar was altyd avontuur, maar nou is die verlede net 'n pynlike herinnering.

Op agt en twintig keer Hugo, 'n suksesvolle reisfotograaf, vir die eerste keer in 10 jaar terug na sy ouerhuis in die Paarl. Onbewus daarvan dat dit die vooraand is van Nina, 'n aspirant-sprokiesboekskryfster en eienares van 'n boekwinkel, se troudag.

Hugo word onverwags deel van Nina se groot dag, maar haar mooiste oomblik verander egter in 'n nagmerrie toe haar aanstaande, Retief, nie trou aan haar kan beloof nie en haar voor die kansel los. Nina is histeries en dring aan daarop dat daar voortgegaan word met haar spogtroue, al is dit sonder haar bruidegom. Die sjampanje vloei en na die groot partytjie, skrik Hugo en Nina wakker op 'n vliegtuig wat gereed maak om op die tropiese eiland van die liefde, Mauritius, te land.

Daar ontmoet hulle twee getroude paartjies: die Bothas, wat met 'n tweede wittebrood hul huwelik probeer red, en die Van Zyls, wat met vakansie is om hul goue huweliksherdenking te vier.

Hugo en Nina was heeltemal onvoorbereid op die avontuur wat hul 'wittebrood' vir hul inhou. Wit strande en watervalle was nie al nie. Die seer verlede word oopgekrap en ou liefde kan nie meer ontken word nie. Maar dan daag Retief op en dreig om Hugo en Nina se geluk te verwoes. Slegs Nina kan haar toekoms bepaal.

Eksterne skakelsWysig