Vrbasrivier
Die Vrbas (Serwiese Cyrilies: Врбас) is 'n hoofrivier met 'n lengte van 250 km in die weste van Bosnië en Herzegowina, Sentraal-Europa. Dit is 'n regtersytak van die Savarivier. Die stad Banja Luka is op sy oewers geleë.
| Vrbas Врбас | |
|---|---|
 | |
 Die rivier se roete in rooi aangedui
| |
| Stroomgebied | Bosnië en Herzegowina |
| Hoofrivier | Sava |
| Oorsprong | Vranica |
| Sytak -links | Prusačka, Semešnica, Pliva Crna Rijeka en die Suturlija |
| Sytak -regs | Desna, Ugar, Vrbanja |
| Lengte | 250 km |
| Monding-hoogte | 90 m |
| Stroomgebiedopp. | 6 274 km2 |
Naam wysig
Die woord vrba beteken "wilgerboom" in Bosnies, Serwies en Kroaties, en 'n aantal treurwilgerbome versier die rivieroewers in Banja Luka.
Dit het sy naam verleen aan een van die provinsies (banovinas) van die Koninkryk Joego-Slawië, die Vrbas Banovina.
Aardrykskunde wysig
Dit is 'n regtersytak van die rivier Sava. Die Vrbasrivier ontspring teen die suidelike helling van die Vranica-berg naby die stad Gornji Vakuf, op ongeveer 1 530 m bo seevlak. Dit dreineer die sentrale deel van die noordelike hange van die Dinariese Alpe. Dit mond uit in die Savarivier op ongeveer 90 m bo seevlak. Die totale lengte van die hoofwaterloop is ongeveer 250 km.
Die gemiddelde jaarlikse reënval is ongeveer 800 mm by die monding van die Vrbas aan die Savarivier en tot 1500 mm in die suidelike deel van die kom. Kenmerkende gemiddelde vloei is ongeveer 34,6 l/s/km2 Die maksimum reënval kom voor in die laat herfs- en wintermaande in die suidelike dele van die Vrbaskom, met minimum hoeveelhede in die somer, terwyl die noordelike dele van die kom die meeste reën ontvang gedurende die somermaande (Junie–Julie), met die maksimum in November en Desember.
Sytakke wysig
Die belangrikste sytakke aan die regterkant is die Desna-rivier, die Ugar en die Vrbanja en links: Prusačka, Semešnica, die Pliva, die Crna Rijeka (Swartrivier) en die Suturlija-rivier, wat in die middelste deel van die opvanggebied geleë is.[1]
Galery wysig
-
Naby Banja Luka -
-
Die rivier met sy pragtige kronkels
Verwysings wysig
- ↑ "argiefkopie". Geargiveer vanaf die oorspronklike op 19 Maart 2016. Besoek op 31 Januarie 2020.