Die Vundu (Heterobranchus longifilis) is 'n varswatervis wat voorkom in die middel- tot laer gedeeltes van die Zambezirivier, die Kongorivier insluitende die Tanganjikameer, Edwardmeer en die Nylrivier. In Engels staan die vis ook bekend as Vundu.

Vundu
Tydperk: Laer Plioseen — Hede
Wetenskaplike klassifikasie edit
Domein: Eukaryota
Koninkryk: Animalia
Filum: Chordata
Klas: Actinopterygii
Orde: Siluriformes
Familie: Clariidae
Genus: Heterobranchus
Spesie:
H. longifilis
Binomiale naam
Heterobranchus longifilis

Voorkoms wysig

Die vis het 'n groot kop met lang baarde wat verby die kop strek. Die vis is olyfgrys of rooibruin van kleur terwyl die kop en pens aan die onderkant wit is. Die onvolwasse visse het swart vlekke op die tweede dorsale vin. Die vis word tot 1,17 m lank en kan tot 55 kg weeg. Die Zimbabwe-hengelrekord is 50 kg en die Malawi-rekord is 29,71 kg.

Habitat en gewoontes wysig

Die vis leef in die hoofstroom van diep riviere of in diep poele of mere. Die vis is naglewend, vreet feitlik enigiets insluitend ongewerweldes, insekte, vis en ander gewerweldes in hul larwestadia.

Die vis broei in die somer gedurende die reënseisoen, en die eiers en klein vissies word langs plante in vlak water aangetref. Die vis kan tot 12 jaar oud word en is die grootste varswatervis in Suider-Afrika.

Sien ook wysig

Bron wysig

Verwysings wysig

  1. "Fishbase.org" (in Engels). Geargiveer vanaf die oorspronklike op 2 Maart 2009. Besoek op 5 Mei 2010.