Walmer-landgoed
Walmer-landgoed is 'n onderafdeling van die voormalige Distrik Ses van Kaapstad in die provinsie van die Wes-Kaap.
Walmer-landgoed Walmer Estate | |
|---|---|
  Walmer-landgoed Walmer-landgoed se ligging in Wes-Kaap | |
| Koördinate: 33°56′10″S 18°26′42″O / 33.93611°S 18.44500°OKoördinate: 33°56′10″S 18°26′42″O / 33.93611°S 18.44500°O | |
| Land |  Suid-Afrika |
| Provinsie | Wes-Kaap |
| Munisipaliteit | Stad Kaapstad |
| Hoofplek | Kaapstad |
| Oppervlak | |
| • Totaal | 0,47 km2 (0,18 vk. myl) |
| Bevolking (2011)[1] | |
| • Totaal | 2 325 |
| • Digtheid | 4 947/km2 (12 810/vk. myl) |
| Rasverdeling (2011) | |
| • Wit mense | 8,8% |
| • Indiërs/Asiërs | 10,1% |
| • Bruin mense | 55,5% |
| • Swart mense | 17,9% |
| • Ander | 7,6% |
| Taal (2011) | |
| • Engels | 87,1% |
| • Afrikaans | 8,9% |
| • Ander | 4,0% |
In die apartheidsjare was sommige van die inwoners sogenaamde boonsteklas-Kleurlinge. Let wel dat die term "bruin mense" deesdae as meer aanvaarbaar beskou word. Dit is onder andere beskryf as "die gekleurde Bishopscourt",[2] of "swart Seepunt", wat beide verwys het na welgestelde blanke woonbuurte. Die inwoners van Walmer-landgoed was glo meestal Engelssprekend, waar Engels nog beskou is as 'n taal met 'n hoër status as Afrikaans.[3]
Ten spyte hiervan was Afrikaans die oorheersende taal in die omgewing. Armoede en bendebedrywighede was altyd 'n groot probleem. Die onlangse gentrifikasie van die buurt het die demografie egter drasties verander. Dit het daartoe gelei dat baie inwoners wat generasies lank daar gewoon het uit hulle huise gesit is en in die Kaapse Vlaktes moes gaan bly waar daar baie probleme is met bendebedrywighede.[4] Heelwat van hierdie inwoners het hulle nou in Blikkiesdorp en ander dele van die nuwe Delft-township op die Kaapse Vlaktes gevestig.[5] Die gentrifikasie het Walmer-landgoed byna heeltemal verander in die laaste paar jaar. Dit sluit ook die argitektuur in, wat gelei het tot 'n verlies aan die sogenaamde ou-Kaapse, Distrik Ses-sjarme. Die ou kulturele bedrywighede het hiermee saam ook verdwyn. Die tradisionele Kaapse Klopse word byvoorbeeld nou byna glad nie meer in die nuwe jaar opgevoer nie, as gevolg van 'n gebrek aan ondersteuning en selfs afkeer van die nuwe inwoners. Dieselfde situasie word ook in die naburige Bo-Kaap ondervind.[6]
Verwysings wysig
- ↑ 1,0 1,1 1,2 1,3 "Subplek Walmer-landgoed". Sensus 2011.
- ↑ Vivian Bickford-Smith; E. Van Heyningen; Nigel Worden (1999). Cape Town in the Twentieth Century: An Illustrated Social History. New Africa Books. p. 130. ISBN 978-0-86486-384-3.
- ↑ Kay McCormick (2002). Language in Cape Town's District Six. Oxford University Press. p. 43. ISBN 978-0-19-823554-5.
- ↑ "Walmer Estate family to be evicted after 80 years in one house". Cape Town Anti-War Coalition blogspot. 29 Julie 2007. URL besoek op 3 Oktober 2015.
- ↑ "Eviction fight over unsafe building". www.iol.co.za/capeargus. 3 Februarie 2012. URL besoek op 3 Oktober 2015.
- ↑ "Kaapse Klopse banned in Bo-Kaap". www.iol.co.za/news. 30 Desember 2009. URL besoek op 3 Oktober 2015.