Wapen van Namibië
Die wapen van Namibië is met die onafhanklikheidwording van Suid-Afrika op 21 Maart 1990 amptelik in gebruik geneem. Die simbole is die vlag van Namibië, die Welwitschia in die Namibwoestyn, die visarend, die gemsbok en die leuse Unity, Liberty, Justice (Engels: “Eenheid, vryheid, geregtigheid”).
Ontwerp
wysigDie wapenskild in blou en groen word deur ’n skuinsstreep in rooi met wit fraiings verdeel. In die vordere veld is ’n goue son. Twee in hul natuurlike kleure afgebeelde gemsbokke dien as skildhouers van die wapen regop op woestynsand. In die woestynsand groei ’n groen Welwitschia. Bo die wapenskild ’n in die landskleure geverfde visarend op ’n toque. Onder die wapen die leuse
Simboliek
wysigDie verskeie elemente van die wapen verteenwoordig die volgende:
Die wapenskild bevat die vlag van Namibië en beskik oor dieselfde simboliek. Dit staan vas in die sand van die duisendjarige Namibwoestyn.
In hierdie sand groei die Welwitschia, een van die oudste plante wêreldwyd.
Die visarend verteenwoordig die noordelike Namibië met sy waterhulpbronne. Die visarend is bekend vir sy deurdringende skree en sy kragtige liggaam. Hy verteenwoordig Namibië se toekoms.
Die twee gemsbokke weerskante die skild verteenwoordig die halfdroë gebiede van Namibië. Hulle staan vir elegansie, trots en moed.
Die heraldiese lint dra die Engelse leuse van die nasie, wat die grondliggende beginsels uit Namibië se grondwet noem:
- Unity, Liberty, Justice
- (“Eenheid, vryheid, geregtigheid”)
Geskiedenis
wysigDuits-Suidwes-Afrika
wysigIn 1914 het die Duitse Keiserryk besluit om wapens vir al sy kolonies, insluitende Duits-Suidwes-Afrika, te ontwerp. Die wapen is ontwerp, maar die Eerste Wêreldoorlog het voor die voltooiing van die projek uitgebreek, en die wapen is nooit goedgekeur nie. Die wapen van Duits-Suidwes-Afrika het ’n silwer Afrikanerbeeskop, ’n diamant tussen sy horings, die Duitse Keiserlike arend en bo die Duitse Keiserkroon bevat.[3] Hierdie wapen is, effens verander, op die vlag van die Duitse Keiserryk geplaas. Gedurende die 1920’s se neokolonialisme het die voorgestelde wapen ’n kort publieke verskyning gemaak, toe ’n effens veranderde weergawe deur die “Duitse koloniale Soldatevereniging” (Deutscher Kolonialkrieger-Bund), maar dit ook as ’n dekorasie op kalenders, gebruik is.[4]
Suidwes-Afrika
wysigIn 1958 het die Suid-Afrikaanse administrasie besluit om ’n amptelike wapen te ontwerp. Ná die goedkeuring van die Suid-Afrikaanse regering het die regering dr Coenraad Beyers betrek om die wapen te ontwerp. Dit is in 1961 gefinaliseer, in 1963 in gebruik geneem en in 1964 deur die Buro vir Heraldiek geregistreer. Dele van die Duitse ontwerp is ook vir die wapen van Suidwes-Afrika onder Suid-Afrikaanse administrasie gebruik.
Die wapen is in 1980 uit gebruik geneem toe in Suidwes-Afrika ’n drieledige regeringstelsel ingestel is. Die Verteenwoordigende Owerheid van die Blankes (1980–89) het die wapen in 1981 oorgeneem.[5]
Namibië
wysigDie Nasionale Subkomitee van die Konstituerende Vergadering van Namibië, met lede soos Hidipo Hamutenya en Andrew Matjila,[6] het opdrag gehad om ’n vlag, ’n wapen en ’n volkslied te kies. Die komitee is deur die Suid-Afrikaanse Buro vir Heraldiek bygestaan. Nadat hulle die vlag van Namibië goedgekeur het, het hulle daarop besluit om dieselfde ontwerp ook vir die wapen te gebruik, saam met ’n visarend (Haliaeetus vocifer) vir ’n kruin en twee gemsbokke (Oryx) as skildhouers.[1] Die Welwitschia mirabilis op die kompartement is van die vorige wapen van Suidwes-Afrika oorgeneem.
-
Voorgestelde wapen van Duits-Suidwes-Afrika (nooit gebruik), 1914. -
'n Ander weergawe van die voorgestelde wapen van Duits-Suidwes-Afrika (nooit gebruik), 1914. -
Wapen van Suidwes-Afrika, 1963 tot 1980
Verwysings
wysig- ↑ 1,0 1,1 (en) Merrington, A.J. (1990). 'New National Symbols for the Republic of Namibia' in Arma Vol 32/1990 – II.
- ↑ (en) "National Coat of Arms of the Republic of Namibia Act, 1990" (PDF). 28 Maart 1990. Geargiveer vanaf die oorspronklike (PDF) op 30 Oktober 2013. Besoek op 27 Mei 2013.
- ↑ (en) Pama, C. (1965). Lions and Virgins
- ↑ (de) "Deutsche Kolonialgeschichte – Des Kaisers neue Wappen". Spiegel Online. 26 Februarie 2009. Besoek op 2 September 2020.
- ↑ (en) Frederick Brownell (1990): 'The Evolution of the Coats of Arms and Flags of SWA and Namibia' in Archives News (Augustus 1990).
- ↑ (en) "Promulgation of National Anthem of the Republic of Namibia Act, 1991 (Act 20 of 1991), of the National Assembly". Staatskoerant, Republiek van Namibië. 17 Desember 1991. Geargiveer vanaf die oorspronklike op 17 November 2021. Besoek op 2 September 2020.
Bronne
wysig- (de) Karl-Heinz Hesmer (1992). Flaggen und Wappen der Welt. Geschichte und Symbolik der Flaggen und Wappen aller Staaten. Gütersloh: Bertelsmann Lexikon Verlag. ISBN 3-570-01082-1.
Eksterne skakels
wysig| Wikimedia Commons bevat media in verband met Wapens van Namibië. |
- (de) Flaggenlexikon (Beskrywing van vlag en wapen)
- (en) Nasionale simbole van Namibië
- (en) Suid-Afrikaanse heraldiese webwerf Geargiveer 31 Maart 2013 op Wayback Machine
| Hierdie artikel is in sy geheel of gedeeltelik vanuit die Duitse Wikipedia vertaal. |
| Hierdie artikel is in sy geheel of gedeeltelik vanuit die Engelse Wikipedia vertaal. |