Wikipedia:Geselshoekie/Argief2020.2

Argief Hierdie bladsy dien as 'n argief van ou besprekings. Moenie die inhoud van hierdie bladsy wysig nie. Indien u 'n nuwe bespreking wil begin, of by een van die oues hieronder wil aansluit, doen asseblief so voort op die huidige besprekingsblad.
Sedert einde Junie 2020

Afrocuration

Afrocuration doen 'n projek om artikels in Afrika-tale te skep in verband met Covid-19. Sover het ons 8 uit die 10 nodige artikels, die ander twee is en:Social distancing en en:Face masks during the COVID-19 pandemic. Help asb hiermee. Julle kan die vordering dophou op hierdie Google Sheet. Dankie Dumbassman (kontak) 15:29, 21 Junie 2020 (UTC)

Versperring van gebruikers

Gemeenskap, ek verstaan daar is rusie tussen sommige van ons gebruikers. Dit is 'n natuurlike deel van enige gemeenskap en hoef nie noodwendig deur gebruikerversperring aangespreek te word nie. Bladsyskrapping en terugrolle is maklik genoeg. Gebruiker:Elana Barker het in die verlede baie goeie bydraes gemaak deur middel van inhoudvertaling. As sy daardie tipe van bydraes kan voortsit, dan is sy 'n aanwins vir ons projek. Ek wil ook nie hê ons moet Charlie verjaag nie, ten spyte van die politieke geskil elke nou en dan. Ons duld reeds nie ontoepaslike kommentaar op besprekingsbladsye nie, en in die Geselshoekie gee ons vir gebruikers 'n bietjie meer van 'n carte blanche. Die bladsyverwyderingsproses werk goed en ons kan nou oor die aanvaarbaarheid van bronne gesels sonder dat enigiemand versper of andersins weggejaag hoef te word. Wat dink julle? – K175 (skil 'n appeltjie) 16:09, 23 Junie 2020 (UTC)

Ek dink nie ons moet vir Gebruiker:Charlielv55 verjaag nie. Sy menings is vir my irriterend en uitlokkend, maar dit is syne en kom nie voor op artikels nie. Aan die anderkant Gebruiker:Elana Barker het herhaaldelik dieselfde foute gemaak en ek dink die 3 maande versperring is geregverdig. Dankie Dumbassman (kontak) 16:39, 23 Junie 2020 (UTC)
Stem saam. Daar is 'n oneindige keuse van inligting daarbuite op die internet - oopbron- en materiaal wat onder 'n CC-lisensie vrygestel is. Materiaal waarmee die kerninhoud van ons ensiklopedie aangevul kan word. Daar is seker ook boeiende take vir Elana. Inligting oor Afrikaanse organisasies en wat ook al hoef nie noodwendig hier gedupliseer te word nie - dit word al elders in Afrikaans verskaf. Die probleem is steeds dat Afrikaanssprekendes meestal ook Engels ewe goed magtig is en Afrikaans maklik verdring word uit die openbare ruimte. Die geleentheid, wat ons hier het, is 'n eg Suid-Afrikaanse en Namibiese ensiklopedie wat - anders as die Engelse projek - nie deur 'n verskeidenheid teikenmarklande gedeel moet word nie. En hulle uitleg is dikwels - ek vra verskoning - s*t, 'n seer vir die oog.
Daar was nooit genoeg goeie redes vir Engelssprekendes om as groot skare na Suid-Afrika te emigreer nie. Ons moet ook kyk hoe sterk hulle geledere deur die emigrasiegolf sedert 1994 verswak is. Sekerlik is ook Afrikaanssprekendes hierdeur geraak. Afrikaanssprekendes kan in elk geval nog maklik alle terreine van die samelewing beset en ook alle inligting hier in Afrikaans versamel.
Om Joe Biden of Donald Trump aan te val is sekerlik nie die mees intelligente keuse nie. Dit lyk asof albei daarin slaag om mense tot deelname aan die openbare lewe en debat te oorreed en te motiveer wat voorheen geswyg het. Amerikaners uit klassieke landboustreke stel in elk geval in Suid-Afrika belang, sy wynboustreke, geskiedenis, leefstyl. Hulle sien ook graag as hul deelstaat of stad hier breedvoerig behandel word.
Donald vra die regte vrae. Een voorbeeld: Is daar 'n samehang tussen lae loonvlakke en massa-immigrasie? In die Verenigde Koninkryk en die VSA moontlik wél. 'n Australiese vrou (wat met 'n studente-visum die VK binnegekom het en wie se seun vlot Gaelies praat) en haar gesin is met deportasie gedreig omdat haar salaris nie die £36 000 (of watter bedrag ook al) minimum-vereiste-vlak vir gekwalifiseerde immigrante vervul nie. Maar daar is moontlik een miljoen onwettiges in die land wat slawearbeid verrig. En pseudovlugtelinge wat burgers doodsteek.
En meteens kry wetenskaplikes - wat waarskynlik nie deur die behuisingsnood in Kalifornië geraak sou word nie - ook geen visum meer nie. En as ons bekyk hoeveel bejaardes in Amerikaanse en Britse sorginstellings Koronavirus-slagoffers word - dit is klaarblyklik 'n veel hoër syfer as in Duitsland of Oostenryk - weet ons: net soos in die DDR- en Sowjet-Russiese samelewing word bejaardes in markgerigte ekonomieë as waardeloos bestempel.
Hierdie onderwerpe val in kategorieë soos globalisering (watter elites trek voordeel daaruit, wie word 'n slagoffer daarvan?), stadsbeplanning (menswaardige hoërdigtheidsbehuising en moderne openbare vervoerstelsels moet meer aandag geniet in Amerikaanse metropole), ensovoort... Sekerlik ook van belang in Suid-Afrika. Voyageur (kontak) 16:45, 23 Junie 2020 (UTC)

Groepering van mense in rasse

Kan ons asseblief ophou om van "rasse" te praat? Ons is mense, nie katte, honde of perde nie! Dis juis die oorsaak van al die probleme, in beide die VSA en die RSA. In Duitsland verwerp ons die rassekonsep al sedert 1945, julle weet hoekom ("Ariërs" v. Jode)! Die term staan nog in die grondwet, ja. Maar daar is tans 'n groot debat aan die gang om die term te verwyder. Dieselfde moet nou wêreldwyd gebeur. Groete. --   SpesBona 18:35, 23 Junie 2020 (UTC)

Ja, asseblief. Ons moet ophou om mense in boksies te druk. Sommige mense gee nie om nie, maar daar is baie mense wat daarteen stry en dit is hoe ons mekaar eindelik in Suid-Afrika gaan vind. ~ Burgert (kontak) 19:01, 23 Junie 2020 (UTC)
Ons katte hou ook nie daarvan om volgens "rasse" gekategoriseer te woord nie. Katte tree daarnaas ook nooit as Islamiste en terroriste op nie. Voyageur (kontak) 19:00, 23 Junie 2020 (UTC)
Dit sal gaaf wees as almal sinvolle kommentaar kan lewer en ophou om soos Suidpunt aan te gaan. ~ Burgert (kontak) 19:02, 23 Junie 2020 (UTC)
Voyageur, Moslems is terroriste, Afro-Amerikaners verkragters en dwelmhandelaars, Blankes rassiste, Jode bestuur die wêreld, en Grieke is lui. Dis nou alombekend. Groete. --   SpesBona 19:05, 23 Junie 2020 (UTC)
Die stadsregering van Teheran het honde as "onhigiënies" bestempel en hulle ingesamel. Die meeste diere het vervolgens van honger en dors gesterf... Voyageur (kontak) 19:08, 23 Junie 2020 (UTC)
Mense, wat de hel gaan hier aan? As News24/EWN/IOL hierdie gesprekke sien, is dit nag. --Lefcentreright (kontak) 19:10, 23 Junie 2020 (UTC)
Ek tree nie arrogant op nie, lewer sinvolle kommentaar en oorspronklike, sinvolle artikels, groepeer mense nie volgens rasse nie en beskou diere nie as goedere nie. Maar ek sal enige waansin as sulks bestempel. Voyageur (kontak) 19:21, 23 Junie 2020 (UTC)
'n Mens kan nie net ras ignoreer nie. Dit definieer soveel aspekte van 'n mens se geleefde ervaring. Ras, of dan wel etniese herkoms, is 'n aspek van die werklikheid wat in enige ensiklopedie behandel moet word. Ons kan byvoorbeeld 'n artikel skryf oor die beweging om mense nie volgens ras te klassifiseer nie, en die voordele en nadele daarvan. – K175 (skil 'n appeltjie) 19:26, 23 Junie 2020 (UTC)
Die groepering van diere as goedere (bv. volgens Duitse wette) is 'n probleem vir 'n ander dag. Ek verwys eintlik na die amptelike taalgebruik in beide die RSA en VSA wat uit ander tye dateer en net probleme skep. Dit mag mens as waansin bestempel. Die groepering van diere as goedere in sommige lande natuurlik ook. Groete. --   SpesBona 19:35, 23 Junie 2020 (UTC)
@K175: Nee, 'n mens kan nie. As ek môre apteek toe gaan, sal ek sien die man wat ek hoop om daar te kry, is swart. Ek is mal oor hom en hou van sy swart gesig. Ek hou van sy humor en hou van sy kennis. Ek hou van die feit dat hy in die wit bakermat, Pretoria, wil gaan woon omdat hy van die stad hou, terwyl ek vir hom sê die stad is te wit vir my. En ek hou daarvan dat ek en hy daaroor kan lag en mekaar daaroor kan spot. Dis iets anders as die goed wat ek op Wikipedia lees. ~ Burgert (kontak) 19:42, 23 Junie 2020 (UTC)

──────────────────────────────────────────────────────────────────────────────────────────────────── Sien, dis nou 'n bietjie soos die Döner-verkoper daar in Königs Wusterhausen. Hy mag oor die taalgebruik van Turke spot, want dis sy herkoms. Ek mag daaroor lag, want dis hoe hy dit bedoel: snaaks. Maar omdat hy op Vrydae Moskee toegaan, is hy waarskynlik 'n terroris. Dit kan nie anders wees nie! (Hoop maar net iemand sien die ironie!) Groete. --   SpesBona 19:51, 23 Junie 2020 (UTC)

:) ~ Burgert (kontak) 20:04, 23 Junie 2020 (UTC)
Die lys Moslem-terroriste (en -slagoffers) is beslis langer as die lys van Sciëntologiese terroriste... Lede van daardie kerk kan natuurlik oorweeg om iedereen, wat hulle wil bekeer of hul "profeet" beledig, die keel af te sny... Ek sal dan steeds nog hier skryf. Kan ons 'n lys kry van lande waar Islam gelyke regte vir almal, 'n demokratiese samelewing en tegnologiese vooruitgang bevorder het? Voyageur (kontak) 20:09, 23 Junie 2020 (UTC)
Daar is meer as 1,8 miljard Moslems op aarde. Hoeveel terroriste is daar nou? As daar 1,9 miljard terroriste was, sou die wêreld anders lyk! Die meeste mense op aarde wat slagoffers van terroriste is, raai wat, Moslems! Hoeveel krieketstadions is daar al opgeblaas, net omdat Pakistanse aanhangers Allahu akbar skree? 0, ek bedoel NUL. Hoeveel mense is al deur verregse terroriste soos Anders Behring Breivik, Brenton Harrison Tarrant, NSU en die KKK vermoor? Jy verwerp haatspraak teen Sciëntology, maar haatspraak teen Moslems is net billik. Dis nie konsekwent nie. Godsdiensvryheid geld vir almal of vir niemand. Groete. --   SpesBona 20:17, 23 Junie 2020 (UTC)
Ek sal tevrede wees as hulle met hervorming begin. Ek verstaan daar is baie moderne Moslems wat dieselfde mening het. Voyageur (kontak) 20:19, 23 Junie 2020 (UTC)
Dink maar net aan en:Islamic Golden Age. Wat het Europa destyds gedoen? Vroue ("Hexe! Auf den Scheiterhaufen mit ihr! Ihre Wäsche ist weißer als meine! Ihre Tochter gleich mit!" ) verbrand, Jode in ghettos opgesluit en "ketters" soos Kathare vervolg. Ek praat nie eers van die verowering van die Amerikas (wat later gevolg het) of al die slawe uit Afrika nie. Ons het nog nie eens die 20ste eeu met Hitler, Stalin en Mao bereik nie... Groete. --   SpesBona 20:24, 23 Junie 2020 (UTC)
Ek stem saam. Maar jy weet goed daar is twee strominge binne Islam, verteenwoordig deur twee state, wat orals probeer posvat. Hulle voer reeds bloedige oorloë teen mekaar en ander - as terroriste, as konvensionele oorlogspartye soos in Jemen of as aanlyn-aanstokers. Voyageur (kontak) 20:30, 23 Junie 2020 (UTC)
Dis juis die probleem. Soenniete teen Sjiite, Sjiite teen Soenniete, Iran teen Saoedi-Arabië, Saoedi-Arabië teen Iran. Dit gaan nooit eindig nie, net sodra die Mahdi uiteindelik verskyn het. Dan sal ons sien watter kant reg was. Sirië, Libië, Jemen, Libanon, Irak, ons sien hierdie soort "Stellvertreterkriege" nou meer en meer. Selfs die VSA is nou baie lekker betrokke, hulle beskerm Israel, ondersteun Saoedi-Arabië, verpes Iran en verwerp beide Russiese en Chinese inmenging. Ek het al gelees dat Islam dieselfde sal moet deurmaak as destyds die Christendom met die skisma tussen Rome en Konstantinopel, ons noem dit nou Riaad en Teheran. Groete. --   SpesBona 20:40, 23 Junie 2020 (UTC)

Ons benodig die volgende artikels...

Gemeenskap, terwyl van julle jul wortels probeer vind, ons benodig drie artikels om ons jong ingenieurs te help:

  • Smee-yster
  • Giet-yster
  • Manhattan-projek

Enige vrywilligers... Groete! Oesjaar (kontak) 19:49, 23 Junie 2020 (UTC)

Ons soek ons wortels en Oesjaar soek sy ysters. :) ~ Burgert (kontak) 19:53, 23 Junie 2020 (UTC)
Ek sal Manhattan-projek begin. Dumbassman (kontak) 14:45, 24 Junie 2020 (UTC)
Dankie, dit behoort 'n potensiële voorbladartikel te wees. Groete! Oesjaar (kontak) 16:02, 24 Junie 2020 (UTC)

Ek en die blomme...

Gemeenskap, laat ek dit maar erken: ek sukkel om blom artikels te vertaal... Wat sal die volgende in Afrikaans wees: Each flower occurs in the axil of a bract and has 1 nerved perianth segments that are almost free. Each flower has 6 stamens. The seeds are characteristically shield shaped and there are one or two seeds in each chamber.

The plants may grow up to 1 metre in height and have narrow or thread like but never succulent leaves. The leaves decay into prominent fibres at the base of the stem, often netted or reticulate in appearance, although this feature is absent from the New Zealand species. They tend to overwinter and aestivate with wiry or swollen tubers.

Ek is totaal uit my diepte hier...

Groete! Oesjaar (kontak) 10: 18, 24 Junie 2020 (UTC)

Ek aanvaar geen verantwoordelikheid vir hierdie vertaling nie:
Elke blom kom in die oksel van ’n skutblaar voor en het een (is dit reg?) geaarde blomdeksegment (of anders: geaarde blokdeksegmente) wat amper vry/vrystaande/los is. Elke blom het ses meeldrade. Die saad is gewoonlik skildvormig en daar is een of twee sade in elke kamer.
Die plante kan tot ’n meter hoog word en die blare is smal of draderig, maar nooit vlesig nie. Die blare verrot tot prominente vesels by die basis van die stam. Dit is dikwels netagtig of netvormig, hoewel dié verskynsel afwesig is by die Nieu-Seelandse spesie/spesies. Hulle is geneig om deur ’n winter- of somerslaap te gaan met draderige of geswelde knolle. ~ Burgert (kontak) 15:22, 24 Junie 2020 (UTC)
"Perianth leaf" is 'n blomdekblaar of periantblaar, en word gebruik in die volgende twee gevalle[1] waar die periantblare ("tepals") 'n enkele of alternerende krans vorm. "Nervature" is aarstelsel, "nerved" is beaar(d), hou "geaard" vir elektrisiteit of geaardhede. Die "segments" (ook "lobes") waarvan gepraat word is maar aaneengroeiende blomblare, daarom "almost free". "Bract" is braktee of skutblaar. Die blom groei dus uit die oksel van die braktee/skutblaar en die blomdekblare/periantblare (d.w.s. nie spesifiek kelk- of kroonblare nie) is beaard/toon duidelike bearing. Kyk ook hierdie woordelys[2] of die Vaktaalburo se Plantkundewoordeboek. JMK (kontak) 19:00, 29 Junie 2020 (UTC)
Jy is welkom om die hele stuk te vertaal... ASB! Groete! Oesjaar (kontak) 19:07, 29 Junie 2020 (UTC)

New template

Hi community! Since I've joined af.wikipedia, I've created articles about Swiss Municipalities (like Guggisberg). You can find more of them in this Sjabloon. Would there be anyone willing to help with translating a new template for this kind of article? Please let me know on my talkpage or via e-mail. Cheers! Nadzik (kontak) 20:12, 28 Junie 2020 (UTC)

Argiefskakels in sportartikels

Dit sal gaaf wees as Kabouterbot in sportartikels ESPN- en BBC-webwerwe sal kan los soos hulle is. Dit maak nie sin om argiefskakels by te sit nie. Eerstens is hierdie webwerwe van die mees stabiele wat ek ken, tweedens maak dit nie sin om statistiekwebwerfe te argiveer nie. ESPN se spelerstatistiek word na elke liewe toernooi deur hulle hersien en op datum gehou. Ek het al gesien dat Kabouterbot al argiewe na ou jare soos 2016 bygevoeg het. Dit maak nie sin nie! @K175:, neem asseblief kennis en programmer jou bot só, dat hy dit nie meer doen nie. Dieselfde geld vir Wêreldrugby se ranglys. Baie dankie! Groete. --   SpesBona 11:15, 29 Junie 2020 (UTC)

@K175:, kan jy asb reageer? Groete! Oesjaar (kontak) 18:41, 29 Junie 2020 (UTC)
Net 'n voorbeeld uit Walliese nasionale rugbyspan wat ek tans in Duits vertaal[1]
  1. "Most matches" (in Engels). ESPNscrum. Geargiveer vanaf die oorspronklike op 21 Julie 2015. Besoek op 31 Mei 2020.

Let op die argief uit 2015, terwyl die statistiekbladsy nog steeds beskikbaar én op datum is (2020). As ek dit verwyder, sal die bot dit hoogswaarskynlik weer insit. Groete. --   SpesBona 15:13, 30 Junie 2020 (UTC)

Ek sou dink argiefskakels is altyd toepaslik, aangesien selfs normaalweg stabiele webwerwe skielik aflyn kan gaan (dink maar aan Die Burger, of Netwerk24 wat nou agter 'n betaalmuur is). Die korrekte benadering in die geval van statistieke is eerder om 'n onlangse argiefskakel in te sit. KabouterBot sal nie 'n bestaande argiefskakel vervang nie. Die ou argiefskakels word ingesit omdat daar nie meer onlangse argiefskakels beskikbaar is nie (omdat niemand dit nog geargiveer het nie). Wat 'n mens dalk kan doen is om spesifieke domeine op 'n witlys te plaas sodat hulle geargiveer word al is hulle reeds geargiveer. Hoe dit ook al sy, dit is moontlik om spesifieke domeine te ignoreer (d.i. om nie argiefskakels van daardie domeine in te voeg nie), en bestaande argiefskakels kan ook verwyder word, sou die gemeenskap dit goeddink. – K175 (skil 'n appeltjie) 18:15, 30 Junie 2020 (UTC)
Dis onwaarskynlik dat ESPN en BBC agter betaalmure beland. Ek stel voor dat jy ESPN en BBC asseblief uitsorteer van elke argieflopie van jou bot. Al is dit te laat, want jou bot het reeds deur al die sportartikels deurgeploeg. As ek van die artikels nadat die Sesnasies 2020 uiteindelik klaar is hersien en die argiefskakels weens hul verouderde inligting verwyder (2015 in internasionale sport is alles behalwe nuut) sal jou bot dit waarskynlik somer só weer invoeg. Ek sal dan soos die liewe Don Quixote voel. As ek dit hoegenaamd doen... Groete. --   SpesBona 19:02, 30 Junie 2020 (UTC)
Die beste oplossing is waarskynlik om nie al die cite-sjablone te gebruik nie. Die bot is dan nie meer in staat om ou argiefskakels by te sit nie. Groete. --   SpesBona 19:35, 30 Junie 2020 (UTC)

Oesjaar is trigger happy....

Gemeenskap, help asb! Ek het die verkeerde blad verwyder... Sien Wikipedia:Bladsyverwydering, ouderdom.... Oesjaar (kontak) 18:27, 29 Junie 2020 (UTC)

MediaViewer

Wanneer 'n prent uit Afrikaanse wikipedia in MediaViewer oopgemaak word, kan ons die artikelbyskrif onderaan lees. Ons kan ook die korterige "caption" lees wat in Commons bygevoeg is. Maar ons kan nié die "Summary Description" lees nie. Dit is soms 'n uitvoerige beskrywing en is hier en daar in Afrikaans, want ek werk self daaraan. Dit kan tans net gelees kan word as jy nuuskierig genoeg is om in Commons in te gaan, d.w.s. Afrikaanse wikipedia te verlaat. Dit is 'n ekstra Afrikaanse hulpbron wat tans versteek word. Dit wil voorkom of mens wel die Engelse beskrywing kan lees as jy die lêer uit die Engelse wikipedia benader, of selfs die Franse beskrywing wanneer daar nie 'n Engelse beskrywing is nie. JMK (kontak) 20:20, 29 Junie 2020 (UTC)

Ek het by dié foto onder "edit" op WikiCommons ná "en|1=Earth's crust" gevoeg "af|1=Aarde se kors" (met die krulhakies), en toe gee hy die Afrikaanse description toe ek hom in die Afrikaanse Wikipedia bekyk. Of bedoel jy iets anders? Ek weet nie of 'n mens dit met enige foto mag doen nie. Dié een het Afrikaanse byskrifte. Jy kan hom sien in die artikel Aardkors. As jy hom uit Commons oopmaak, gee hy die Engelse description. File:Earth-crust-cutaway-af.svg ~ Burgert (kontak) 22:37, 29 Junie 2020 (UTC)
Ja dit werk, baie interessant en sal dit voorlopig gebruik. Daardie "1=" voor beskrywings sou wees om 'n "=" in die teks te systap, wat om een of ander rede die algoritme deurmekaar gooi. Maar ek het nie geweet dat dit ook bepaal hoe, en of, die teks in wikipedia vertoon word nie. JMK (kontak) 22:23, 8 Julie 2020 (UTC)
As iemand 'n bot op commons wil loop, en daardie "1=" voor alle Afrikaanse beskrywings wil insit, kan dit dalk 'n goeie idee wees. JMK (kontak) 22:49, 8 Julie 2020 (UTC)

Weeskindjie-artikel

Benaming "Weesbladsy" het pas veroorsaak dat ek vinnig skakels na 'n bestaande artikel moes vind, sodat die kassie bo-aan die artikel verwyder kon word. Die betrokke persoon oor wie die artikel handel, is verwar omdat so 'n "wees"-naam by sy artikel gebruik is en kon glad nie verstaan waarom die inligting oor hom nou tot "weeskindjie-status" afgegradeer is nie. So asof dit nie aan die standaarde volfdoen van 'n goeie Wikipedia-artikel nie. Dis boonop 'n persoon wat hom deeglik in die lewe onderskei het, baie beslis nie 'n onnosel ou nie! En as hy so voel, moet daar mos duisende ander wees wat ook so dink. Kortom, "Weesbladsy" klink dalk "catchy", maar vir die gewone gebruiker wat nie eens die begrip van skakels tussen bladsye ten volle onder die knie het nie, klink dit Grieks. Dit kan selfs as neerhalend of kwetsend ervaar word. Kan daar nie maar net gesê word "Ongekoppelde bladsy" nie? Ek neem aan die naam "Weesbladsy" is vantevore reeds deeglik deur julle bespreek, maar ek glo regtig 'n herdink is nodig. Bedoel sonder om enigsins onmin te wil stig, asseblief. Mooi groete. Mieliestronk (kontak) 00:03, 30 Junie 2020 (UTC)

Hallo, ek stem ons hou dit soos dit is. Daar is geen rede om dit neerhalend te ervaar nie. Dankie Dumbassman (kontak) 07:32, 30 Junie 2020 (UTC)
Genoeg rede, dalk nie. Met kommentaar soos "daar is geen rede nie" word in my boek bedoel dat die spreker reken hy of sy weet alles omtrent die taal of sy nuanses, finish en klaar, geen gepraat verder nie!
Ai. Goed dan, ek aanvaar daar word bedoel "volgens my is daar geen rede nie". Maar ek is doodseker as ek nou êrens in die sosiale media 'n meningsopname sou loods met die vraag "wat verstaan jy as 'n woord soos << weesartikel >> bokant 'n artikel verskyn?" — ek is sekerder as seker dat bloedweinig sal weet en dat minstens 'n goeie klompie sou reken dis dalk kwetsend.
Sannie Petoors lees 'n Wikipedia-artikel oor haar en bokant staan dis "'n weesbladsy". Sy het pas oor Piet Gawerjal, Betttie Boontjie en Koos Poepies gelees, maar hul artikels is almal "skoon". Sy voel afgehaal. Ek het pas 'n vergelykbare geval ervaar. Werklik.
'n Artikel, hetsy in 'n ensiklopedie, koerant, tydskrif of waar ook al, is allereers daar vir die leser, ten tweede vir die samestellers met hul eie kodes en werkstaal wat, waar nodig, iewers aangebring moet word. In 'n ensiklopedie soos Wikipedia, waar almal kan saamwerk, kan leser-samesteller dieselfde mens wees, maar dis selde die geval. Dis daarom ewe noodsaaklik dat jou "kodetaal" vir verreweg die meeste mense verstaanbaar moet wees. Kortom, die groot gros van jou lesers het min tot geen benul wat beteken die verduideliking net ná "weesbladsy" dat skakels na die betrokke artikel gevind moet word nie. "Ongekoppelde bladsy" pleks van "weesbladsy", of iets in daardie trant, sal dit ten minste duideliker maak dat dit hier oor werkmetode gaan en nie plasing van 'n artikel in 'n sekere weeshuis-kategorie nie!
Ek dink ek praat as iemand met 'n redelik aanvaarbare aanvoeling vir die nuanses in taalgebruik! Glimlag-ikoon!Mieliestronk (kontak) 02:39, 1 Julie 2020 (UTC)
Die nuanse sal dan wees dit is neerhalend om "wees" te wees? Dumbassman (kontak) 13:55, 1 Julie 2020 (UTC)
Nee, juis nie. Dit gaan immers oor konteks. Sê nou ek sou jou vraag só beantwoord het: Nee, seuntjie, hoe kan jy my so 'n vraag vra? Dan sou jy mos dadelik afgehaal gevoel het dat hierdie outoppie so op jou neersien. Maar kan 'n mens daaruit aflei dat dit per se neerhalend is om 'n "seuntjie" te wees? Natuurlik nie. Moet herhaal dat hierdie gebruik van "weesbladsy" nie iets is waaroor ek aanvanklik self ongelukkig gevoel het nie, maar dat dit teenoor my geopper is deur 'n deurwinterde taalman en geleerde wat wou weet hoekom sy artikel skielik 'n stempel gekry het wat lyk of dit tot "weeskindjie"-status gedegradeer is – en wat dan gedoen kan word om die "foute" reg te stel sodat die betiteling "weesbladsy" kan verdwyn. Vir hom – en ek is seker ek het hom reg gelees – was dit eintlik 'n verleentheid, al het hy dit nie in soveel woorde gesê nie. En hy sal sekerlik nie die enigste wees nie, selfs al het niemand anders nog beswaar gemaak nie, want die leek sou nie maklik weet waar om te "kla" nie. Mieliestronk (kontak) 05:54, 2 Julie 2020 (UTC)
Ek hou van jou verduideliking. Ek verander my stem na "neutraal", kom ons hoor wat dink die ander. Dankie en lekker dag Dumbassman (kontak) 06:45, 2 Julie 2020 (UTC)

Die hele idee van die sjabloon is vir my laf. Hoekom moet daar so iets wees? Aan wie maak dit saak of 'n artikel geskakel is of nie? Dit is bloot verwarrend en skep onodige werk. Ek sal bv. nie die sjabloon op 'n bladsy gaan uithaal nie, al is hy nie meer "ongekoppel" of "wees" nie. Die een wat dit daar geplaas het of die sjabloon geskep het kan dit maar gaan uithaal. Dit was 'n lawwe idee en sluit aan by die Engelse Wikipedia wat deesdae so baie "waarskuwings" op hulle bladsye het dat dit lyk of geen van hulle artikels aan die standaarde voldoen nie. ~ Burgert (kontak) 07:32, 2 Julie 2020 (UTC)

Dankie, Burgert. Wyse woorde! :-) Ek het pas die man wat ongelukkig was per e-pos gevra om vir my in 'n paar woorde te skryf presies wat hom gepla het (sonder om woorde in sy mond te probeer lê!) Hier is wat hy geskryf het:
<< Hoe beskryf ek my gevoel? Sekerlik as ietwat “cut down to size”, as ek die Engels mag inspan. ‘n Ander woord wat by my opkom: “afgehaal”.
Die “wees”-status val op my oor soos volg: nie op dieselfde vlak as ‘n volwaardige wikipedia (ware Jakob) nie, derhalwe minderwaardig, selfs minder geloofwaardig.
Iemand sou die indruk kon kry dat hierdie ou nie werklik vir ‘n wikipedia kwalifiseer nie, sommer voor op die wa is en self vir hom die reg toe-eien.>>
Dis nou uit die mond van iemand wat in sy tyd self soveel geskryf het dat dit op sigself 'n ensiklopedie sou kon vul. (Net waar hy hier bo "'n Wikipedia" skryf, moet dit stellig gelees word as "'n Wikipedia-artikel"!) Hoe ook, 'n baie bekende meningsvormer gewees, hierdie persoon,, veral opmerklik in die oorgang na 'n demokrasie 'n kwarteeu gelede. Dit alleen behoort genoeg te wees om die laaste spykers in die weeskissie in hamer. Seblief tog. Mieliestronk (kontak) 16:08, 2 Julie 2020 (UTC)
Ek stem saam met Burgert dat die Engelstalige weergawe 'n bietjie die kluts kwyt geraak het met al die baniere wat hulle orals plak. Vir ons wysigers bestaan daar die spesiale bladsy Spesiaal:EensaamBladsye, maar dit lyk my dit word geruime tyd reeds nie bygewerk nie. As ons wil wegdoen met die banier, kan ons natuurlik net die kategorie Kategorie:Weesbladsye by betrokke artikels voeg sodat ons hulle darem nog kan opspoor. Ek dink die doel van die banier is juis om die leser aan te moedig om die nodige wysigings aan te bring sodat die artikel nie meer in die weestoestand verkeer nie. Ek is nuuskierig, @Mieliestronk: het die persoon wat aanstoot geneem het die teks in die banier gelees, en wat was hul reaksie daarop? Verkieslik sou die teks hulle genoop het om te begin bydra. Persoonlik het ek nog nie besef dat die term as neerhalend beskou kan word nie. Dit verwys immers na die bladsy en nie na die onderwerp van die artikel nie. Maar as die taalkundiges dit eens is dat dit kwetsend is, dan is dit seker maar so. Dit kan ook verskillende nuanse onder verskillende generasies hê. Ek het al die term "orphan" in rekenaartegnologie raakgeloop, en geen negatiewe nuanse daarmee verbind nie, bv. 'n "orphaned process" wie se proses wat hom geskep het, nie meer bestaan nie. Daar is ook ander gebruike van orphan in Engels hier te lese. Hoe dit ookal sy, om die sjabloon te verwyder, sou 'n eenvoudige taak met 'n robot wees. Gebruiker:KabouterBot loop gereeld deur al die artikels van A-Z en voeg die sjabloon by of verwyder dit na aanleiding van die aantal skakels na elke artikel in die ensiklopedie. – K175 (skil 'n appeltjie) 15:49, 2 Julie 2020 (UTC)
@K175:, ek het begin skryf aan my voorlaaste plasing net 'n entjie hoër op, met 'n onderbreking tussenin, voordat ek jou plasing gelees het. Ek dink jy het dit dalk (aanvanklik) ook nie gesien nie?? 'n Mens het waardering vir die "weesbladsy"-nuutskepping, wie ook al die outeur daarvan was, maar dit werk myns insiens eenvoudig nie soos dit bedoel is dit moet werk nie. Bes moontlik het "wees" vir ten minste 'n belangrike deel van ons mense nie die presiese gevoelswaarde wat "orphan" vir die Engelssprekendes het nie, weens dié se meelewing met al die Oliver Twists en Orphan Annies in hul geledere. Nietemin, die vertolking van "wees" as "'n artikel wat niestandaard sou wees", kan nie geïgnoreer word nie, voel ek. Die beswaarmaker het ook duidelik nie genoeg kennis van Wikipedia se binnewerkinge om die ongekoppeldheid te verstaan nie. Maar dom is hy beslis nie! ☺ Voorts is verrewweg die meeste van ons mense natuurlik geskool in die koeranttradisie waar 'n inligtingstukkie oor die herkoms van 'n berig vooraan of agteraan gespyker word: "deur Kosie Bomskok, ons spesiale verteenwoordiger aan die oorlogsfront" of "Mathilda Moepel, onafhanklike medewerker" of "Meegedeel" of so iets. Die volk ken nie van meewerk om 'n stuk leesstof te skep nie. Hulle het maar net na Wikipedia gekom omdat hulle inligting soek. Mieliestronk (kontak) 16:34, 2 Julie 2020 (UTC)

Stukkende sjablone

 
Let op al die Rooi waarskuwings

Goeienaand, gemeenskap, let op die stukkende sjablone wat ek nou onder Gebruiker:SpesBona/Sandput versamel het. As jy op "Wysig" en dan "Voorskou" klik, sal jy al die rooi waarskuwings sien. Help asb. Groete. --   SpesBona 21:15, 8 Junie 2020 (UTC)

@K175: beplan jy nog iets of sal ek iemand op die Duitse wiki om hulp moet vra? Vra maar net. Groete. --   SpesBona 14:23, 30 Junie 2020 (UTC)
@SpesBona: Hoe kan 'n mens miskien help? Moet die sjablone oorgeskryf word of hoe? Laat weet maar. Groete, --Lefcentreright (kontak) 14:34, 30 Junie 2020 (UTC)
@Lefcentreright: Myns insiens is die beste oplossing om die ou weergawes van die sjablone weer in te sit. Hulle het voorheen uitstekend gewerk. Maar onlangs het K175 baie Engelse parameters bygevoeg en nou sit ons in derduisende artikels met stukkende sjablone. Dalk sal dit werk as die ou parameters op nuut in die sjablone ingevoeg word, d.w.s. 'n soort "restourasie". Dan sal dit waarskynlik in al die artikels weer reg vertoon. Dit sal net baie harde werk wees om só te doen (die restourasie). Groete. --   SpesBona 14:40, 30 Junie 2020 (UTC)
@SpesBona: Ek stem saam met jou dat die ou weergawes van die sjablone weer ingesit moet word. Is daar miskien 'n manier om te sien watter artikels het stukkende sjablone? Laastens, hoekom het K175 in elk geval die Engelse parameters bygevoeg? Ek wil graag weet hoekom. --Lefcentreright (kontak) 14:46, 30 Junie 2020 (UTC)
@Lefcentreright: Byvoorbeeld Gitega. Kliek op "wysig" en jy sien die rooi waarskuwing. Jou vraag kan in elk geval net K175 beantwoord. Ek dink maar, net om sjablone uit die Engelse Wikipedia sonder enige vertaling in Afrikaans oor te neem. Die bronteks is dan nog steeds in Engels. Myns insiens het ek dan dieselfde reg om dit ook vir Duitse parameters te doen, Voyager vir Franse parameters, ander mense vir Nederlands, ens. Ek dog mos altyd hierdie is die Afrikaanse Wikipedia en niks anders nie. Inligtingskassies moet dus net in Afrikaans wees. Ons het die plig om die taal suiwer te hou. Dit sê ek as 'n Duitser (10 000 km noord van Suid-Afrika), interessant, né? ;) Groete. --   SpesBona 14:56, 30 Junie 2020 (UTC)
Moet ons K175 se admin status tydelik opskort totdat 'n plan van aksie bedink is siende dat hy nie werklik reageer op enige van ons menings nie? Groete! Oesjaar (kontak) 15:01, 30 Junie 2020 (UTC)
@Oesjaar: ek dink maar só. Ek het al baie slaaplose nagte weens hierdie dinge gehad en dis alles behalwe gesond. Tans voel ek meer tuis op die Duitse Wikipedia, waar sulke optrede streng verbode is. Daar is ook nie 'n bot wat jy soos KabouterBot teister en jou eie artikeluitleg na 12 jare se betrokkenheid net ignoreer. Van Botartikels praat ek nie eers nie. Dié bot is tans lekker aan die gang terwyl K175 swyg. Groete. --   SpesBona 15:08, 30 Junie 2020 (UTC)
@SpesBona: Ek het sopas gekyk (https://tools.wmflabs.org/templatecount/index.php?lang=af&namespace=10&name=Inligtingskas+Nedersetting#bottom). 5 644 artikels gebruik die Inligtingskas Nedersetting, so, met ander woorde, 5 644 artikels het stukkende sjablone. As so iets op die Engelse Wikipedia gebeur het, sou dit absoluut nag gewees het. --Lefcentreright (kontak) 15:19, 30 Junie 2020 (UTC)
@Lefcentreright: Dis juis dié probleem. As jy dit op die groot taalweergawes doen, was dit beide jou eerste en laaste paaltjie, as ek dit met 'n krieketterm mag beskryf. Daarna is jy uit. Jou adminstatus, as jy een gehad het, is dan natuurlik ook weg. Groete. --   SpesBona 15:23, 30 Junie 2020 (UTC)
@SpesBona: Skrap sy admin status. Wat hy gedoen het, is w:en:Disruptive editing. Plus, hy wil nou ook nie help om tot by 'n oplossing vir sy foute te kom nie. --Lefcentreright (kontak) 15:34, 30 Junie 2020 (UTC)
@Lefcentreright: As hy vanaand nie antwoord nie, vra ek 'n waard/opsigter om só te doen. Ek dink maar ons sal die bot ook moet blokkeer. Ek stel voor, dat Gebruiker:KabouterBot vanaf nou uitsluitlik op besluit van die gemeenskap in werking tree en elke aksie vooraf met ons bespreek word. Dit sal baie werk wees om die argiefskakels en die kassies weer reg te ruk. Dis net onnodige werk en in die tyd kon ons baie ander dinge gedoen het. Groete. --   SpesBona 15:58, 30 Junie 2020 (UTC)

──────────────────────────────────────────────────────────────────────────────────────────────────── Die rooi waarskuwing by Gitega is 'n geldige waarskuwing. Die |koördinaatwys=aansig=inlyn,titel-sintaksis is nie geldig in die nuwe sjabloon nie. Dit is iets wat maklik reggemaak kan word, ek moet net daarby uitkom. Die sjabloon is kwalik "gebreek". As jy my op nog rooi waarskuwings kan wys, sal ek graag daarna kyk. – K175 (skil 'n appeltjie) 18:20, 30 Junie 2020 (UTC)

Ek sukkel nog om stukkende sjablone op te spoor. Dit vertoon alles netjies vir my - mis ek iets? Voyageur (kontak) 18:32, 30 Junie 2020 (UTC)
Prayagraj, Visakhapatnam. Sal ek nou al die artikels moet noem? Groete. --   SpesBona 18:35, 30 Junie 2020 (UTC)
Friesland, elke liewe toetsartikel lewer foute... Groete. --   SpesBona 18:42, 30 Junie 2020 (UTC)
Daar is 2 974 bladsye in Kategorie:Inligtingskas Nedersetting met onbekende parameters. Ek kan oor die naweek of so wanneer ek tyd het daaraan aandag gee. Ek vermoed die meeste van die probleme het te doen met koördinaatwys wat in die nuwe sintaksis omgeskakel moet word. Prayagraj en Visakhapatnam het ongeldige parameters gebruik. Dit is waarvoor die waarskuwing daar is - sodat jy dit kan regmaak. – K175 (skil 'n appeltjie) 18:50, 30 Junie 2020 (UTC)
Die waarskuwings bestaan net omdat die sjablone verander is. Ons hoef nie 2 974 bladsye reg te maak nie. Die kassie het al gewerk. Dis net "geldige waarskuwings" volgens jou mening, omdat dit nie meer deel van die sjabloon is nie. Voorheen het bo die kassies die koördinate verskyn, soos in die ander taalweergawes ook. Maar nou... Ek is nie hier om 2 974 bladsye reg te maak nie. Los die sjabloon en almal is tevrede. Groete. --   SpesBona 18:55, 30 Junie 2020 (UTC)
Jammer, maar parameters met spelfoute in is ongeldig, en moet 'n waarskuwing lewer. As jy nie daarvan hou nie, kan jy dit met liefde ignoreer. Die koördinate wat nie inlyn met die titel verskyn nie is vanweë die parameter koördinaatwys waarvan ek die sintaksis met my robot sal moet verander. – K175 (skil 'n appeltjie) 19:06, 30 Junie 2020 (UTC)
Behalwe vir die kommas in vk, m, is daar niks te sien in die naamruimte wat vir my verdag lyk nie. Daar is artikels met foto's van lae gehalte en/of swak uitleg wat my meer pla. Voyageur (kontak) 19:12, 30 Junie 2020 (UTC)

Opsigter

Admins: ons moet aan iemand Opsigter status toeken. Daar is tans vier Burokrate waarvan slegs twee werklik aktief is. Ek stel voor dat ons Gebruiker:SpesBona opsigter status gee en myself sal Burokraat status kry. Julle opinie asb. Groete! Oesjaar (kontak) 16:01, 30 Junie 2020 (UTC)

  Ondersteun – Ek sekondeer SpesBona as opsigter. Dankie Dumbassman (kontak) 16:36, 30 Junie 2020 (UTC)
  Ondersteun – Maak gerus so. Voyageur (kontak) 16:56, 30 Junie 2020 (UTC)
  Ondersteun – Jip. Gaan gerus voort. ~ Burgert (kontak) 17:10, 30 Junie 2020 (UTC)
  Ondersteun – Steun voorstel. Sobaka (kontak) 17:21, 30 Junie 2020 (UTC)
  Ondersteun  Aliwal2012 18:04, 30 Junie 2020 (UTC)
  Gekant – Beide gebruikers wil my en my robot versper, wat 'n verlies vir die projek sal wees. – K175 (skil 'n appeltjie) 18:23, 30 Junie 2020 (UTC)
  Ondersteun Nadzik (kontak) 12:00, 5 Julie 2020 (UTC)

Ek het die Stewards gevra om vir Gebruiker:SpesBona opsigter status toe te ken. Greenman (kontak) 21:04, 15 Julie 2020 (UTC)

Die Afrikaanse Wikipedia kan nie opsigter regte toeken nie. Opsigter is "steward" in Engels, en dis 'n groot gedoente. Die alternatiewe is vir burokrate die regte to kry (soos in die Engelse Wikipedia) - ons het vyf burokrate - of vir 'n steward elke keer te vra. Greenman (kontak) 22:01, 15 Julie 2020 (UTC)
Dit lyk as of die opsigters nie die reg aan die Afrikaanse Wikipedia burokrate sal gee. Sien Changes that are likely to be declined. Greenman (kontak) 23:13, 15 Julie 2020 (UTC)
Greenman Dankie, vir jou werk hier, dit is reg so. Kommmunikeer asb met 'n Opsigter wat ons dan kan gebruik soos en wanneer benodig. Groete! Oesjaar (kontak) 06:21, 16 Julie 2020 (UTC)
Ons kan op hierdie bladsy vra. Ons moet eers ooreenkoms hier kry. Greenman (kontak) 16:37, 16 Julie 2020 (UTC)

Opmerking

Met uitgebreide verontschuldigingen aan degenen die zich eraan zullen ergeren dat ik dit in het Nederlands schrijf: op af:wiki heeft niemand de bevoegdheid om een ander opsigter (steward) te maken (zie Spesiaal:LysGroepRegte bij Regte): opsigters kunnen alleen door andere opsigters worden benoemd. Omdat de bevoegdheden van stewards projectoverschrijdend zijn, kan men dat slechts worden door zich op Meta te kandideren en daar verkozen te worden (zie m:Stewards en m:Stewards/Elections). De kans dat een af:wiki-gebruiker zonder uitgebreide cross wiki-ervaring op Meta tot steward zal worden benoemd, is nul. Wutsje (kontak) 19:05, 30 Junie 2020 (UTC) (voormalig steward)

Hierso is die bladsy. Stewards/Elections. --Lefcentreright (kontak) 19:13, 30 Junie 2020 (UTC)
Afrikaans asb! Groete! Oesjaar (kontak) 19:50, 30 Junie 2020 (UTC)
The rather frequent small-mindedness regarding the usage of other languages than Afrikaans (and German) on talk pages of this wiki sometimes really is annoying (I even started with apologies!). When someone uses English or Afrikaans on nl:wiki, they are never met with a Nederlands a.u.b.! (see e.g. here or here). Google Translate is almost useless when it comes to Afrikaans. Should I use English from now on, oder wäre es besser wenn ich auf Deutsch schreiben würde? Wutsje (kontak) 20:49, 30 Junie 2020 (UTC)
@Wutsje: Von mir aus kannst du gerne auf Deutsch schreiben. Feel also free to use English. Ik begrijp Nederlands ook, maar het schrijven van het Nederlands is een beetje moeilijk. As mens in Nederlands Afrikaans praat, kyk die Nederlanders 'n bietjie snaaks. Hulle verstaan dit effens, maar dit klink ook vreemd vir hulle. Amper soos Nederlands vir Duitsers klink. Maar ek is darem baie lief vir Amsterdam en Nederland! :) Groete. --   SpesBona 21:10, 30 Junie 2020 (UTC)
@Oesjaar: [3]K175 (skil 'n appeltjie) 20:04, 30 Junie 2020 (UTC)
Hierdie vertaling verstaan ek nog minder... Swak Afrikaans. Oesjaar (kontak) 20:11, 30 Junie 2020 (UTC)
@Oesjaar: Wutsje sê eintlik dat niemand op die Afrikaanse Wikipedia die mag het om 'n opsigter self aan te stel nie. Daar word verkiesings vir opsigters elke jaar op Meta gehou. Omdat min van ons op Meta aktief is, gaan dit onwaarskynlik wees dat 'n gebruiker van Afrikaanse Wikipedia 'n opsigter word. --Lefcentreright (kontak) 20:20, 30 Junie 2020 (UTC)
@Lefcentreright: Ten minste een waard/opsigter ken ek persoonlik. DerHexer uit Berlyn. Ek wil hom nie "ping" (roep) nie, andersins dink hy, ons het sy hulp nodig. Groete. --   SpesBona 20:26, 30 Junie 2020 (UTC)
Dan sal ek as Raadslid die saak deur die WikimediaZA Komitee verder neem vir twee redes: daar is bestaande Admin's wat totaal onaktief is en hulle status moet verander word en tweedens om Gebruiker:K175 te skors totdat daar 'n oplossing gevind word. Ons kan nie so aangaan nie, hy weier eenvoudig om deel van die span te wees... Dan is dit nou maar so. Dankie Lefcentreright. Oesjaar (kontak) 20:28, 30 Junie 2020 (UTC)
Deon, ek stem 100% saam. Ons het vandag baie argumente gelewer, maar die meeste daarvan word net op sy gesit. Lefcentreright se verwysing (en:Wikipedia:Disruptive editing) is 'n ernstige saak. Ek beskou dit as minagting van ander mense se harde werk. As Lefcentreright nie wil dat 'n bot veranderinge aan die artikel aanbring wat hy begin het nie, is dit sy goeie reg. Ons is mos almal vrywillig hier en as ons vandag geteister word, is ons môre elders. Sondag het ek die minste lus ooit gehad, om die Pumas hoegenaamd vir ons voorblad voor te berei! Argentinië is onskuldig, ek belowe. Groete. --   SpesBona 20:41, 30 Junie 2020 (UTC)
Ek sal dit môre amptelik met die Raad opneem. Groete! Oesjaar (kontak) 20:48, 30 Junie 2020 (UTC)
Dankie Wutsje! Groete! Oesjaar (kontak) 20:48, 30 Junie 2020 (UTC)

Versoek

Goeie naand, gemeenskap. Kan iemand asseblief die Sinoniem artikel beskerm omdat dit dikwels deur IP-gebruikers gevandaliseer word? Ek het sopas vandalisme verwyder en sien in die geskiedenis dat IP-gebruikers gereeld skade aanrig. Groete, --Lefcentreright (kontak) 18:26, 30 Junie 2020 (UTC)

  Uitgevoer --  Aliwal2012 18:34, 30 Junie 2020 (UTC)
@Aliwal2012: Dankie! --Lefcentreright (kontak) 18:35, 30 Junie 2020 (UTC)

Jaarlikse "Wikipedia Pages Wanting Photos"-kompetisie

U word hiermee hartlik uitgenooi om by die "Wikipedia Pages Wanting Photos (WPWP)"-projek aan te sluit deur Wikipedia-artikels van foto's te voorsien en moontlik pryse daarvoor te wen. Dit begin vandag 1 Julie 2020 en sluit op 31 Augustus 2020.

Die primêre doel is om beelde vanaf Wikimedia Commons oor te dra na Wikipedia-artikels wat nie oor beelde/foto's beskik nie. Deelnemers kan enige toepaslike foto kies uit die etlike duisende op Wikimedia Commons, veral dié van vorige tematiese bydraes (Wiki Loves Africa, Wiki Loves Earth, Wiki Loves Folklore, ens.).

Besoek gerus die kompetisie se bladsy om meer te wete te kom oor die WPWP-poging.

Met vriendelike groete,

Dankie,

Deborah Schwartz Jacobs, Gemeenskapskakelbeampte, namens die organiseerders van "Wikipedia Pages Wanting Photos". - 08:24, 1 Julie 2020 (UTC)

Boodskap vertaal deur Aliwal2012

Apologie aan Gebruiker:Wutsje van die Nederlandse Wikipedia en ou vriend hier by ons...

Gemeenskap, neem kennis dat ek Gebruiker:Wutsje om verskoning gevra het oor 'n opmerking van my gisteraand oor Afrikaans. Kom ons hoop sy aanvaar dit. Groete! Oesjaar (kontak) 09:30, 1 Julie 2020 (UTC)

Goeie nuus!

Removal of Afrikaans at Unisa unlawful and unconstitutional – SCA. Die Universiteit van Suid-Afrika is verplig om Afrikaanse onderrig aan te bied. Groete. --   SpesBona 13:10, 1 Julie 2020 (UTC)

Dit is inderdaad! Groete! Oesjaar (kontak) 13:21, 1 Julie 2020 (UTC)
Die beste nuus in 'n lang ruk. Groete. --Lefcentreright (kontak) 13:45, 1 Julie 2020 (UTC)
Net omdat die appèlhof die taalbeleid "tersyde gestel" het, beteken dit steeds nie die universiteit gaan nou oor sy voete val om drastiese veranderinge aan te bring nie. Onthou, in my tyd, 2011, was Afrikaans al drasties aan die kwyn - selfs in die Departement Literatuurwetenskappe is van die derdejaarsmodules al klaar verengels; ek was nog gelukkig genoeg om my werkopdragte in Afrikaans te kon inlewer - te midde van Afrikaanssprekende dosente wat werk in Engels moes aanbied met slegs 'n Engelse modulegids! Baie van daardie dosente is nou al afgetree. So, hoe ver gaan die universiteit sy klok terugdraai, en, as ek mag vra, in watter departemente?
Opdatering: het pas via eNuus verneem die klok draai terug tot 2016.
Dit kan selfs wees dat die instansie eenvoudig die saak bloot net ignoreer, of op sy beste sloer, al is elektroniese bystand aansienlik goedkoper en bestaan daar geen verskoning waarom 'n Afrikaanse handleiding naas 'n Engelse handleiding op die internetfora nie mag bestaan nie. Ek bedoel, daar is niemand wat in 'n lesingsaal agter 'n kateder moet staan nie: jy laai gewoon jou studiebrief en studiegids af en maak jou werkopdragte klaar. Sekere modules bied ook hulp aan van sogenaamde e-tutors.
Sou die instansie wel versuim om enige vordering te toon, beteken dit dat Solidariteit maar weer hof toe moet gaan om vuur te maak om die taalmedium as't ware deurgevoer te kry, wat maar wéér sy lede se geld gaan kos, want: ek laat my nie vertel die personeel wat permanent aangestel is gaan nou oornag 'n blitskursus in Afrikaans loop nie. Die maklikste en pynloosste oplossing sal natuurlik wees om 'n paar kontrakwerkers te kry wat die merkwerk en vertaalwerk doen - dit gee die dosente ook tyd om hulle op navorsing toe te spits.Suidpunt (kontak) 16:47, 1 Julie 2020 (UTC)
Terwyl daar Europeërs en Amerikaners is wat soms in vier of vyf verskillende vakgebiede werksaam is en dan alles nog in twee of drie of vier tale vertaal. Die eenvoudigste oplossing is om die deure van alle Engelsmedium-instellings in Suid-Afrika vir goed te sluit. Studente kan dan afstandonderrig uit lande volg wat werklik Engelssprekend is - die Verenigde Koninkryk of die VSA.
Net 'n voorbeld: Dissiplines soos Middeleeuse literatuur het 'n materiële kulturele grondslag en 'n historiese konteks wat bestudeer moet word. Dit kan nie volgens lands- en taalgrense afgebaken word nie - die hele idee is belaglik. Daar is geen Middelhoogduitse of Italiaanse letterkunde sonder Oksitaans of Frans nie. Akademici móét meer as een taal magtig wees.
As gevolg van die Koronavirus-pandemie sal tuiskantore in die toekoms 'n belangriker rol speel - daar is tog geleenthede vir Afrikaansmedium-onderwys. Elektroniese afstandonderrig kos minder en kan landswyd gevolg word. Koshuisverblyf, klaskamers en alle ander duur geriewe van residensiële universiteite is vir baie dissiplines oorbodig. Voyageur (kontak) 16:57, 1 Julie 2020 (UTC)
Oor jou eerste punt: Mediëvistiek is reeds in die vroeë 1980's afgeskaf - heel eerste aan die Afrikaanse universiteite. Tog het Unisa 'n pragtige bundeltjie saamgestel 'n Blik op die Middeleeue (1989) wat ek juis vanaand wil begin deurlees, alles danksy Umberto Eco wat die wêreld tot stilstand geruk het met sy boekie Die naam van die roos. Die tegnologiese bydraes in 'n Blik op die Middeleeue vervat is verstommend - die ontwikkeling het nooit gestop nie. Maar die beste wat jy sou vorder, met die kultuursanksies/-boikotte en al, was Frans en Duits, met hier en daar 'n paar druppels Italiaans en Nederlands in die bibliografieë. Vergelyk nou hiermee Paul van Warmelo wat in sy studie oor die Romeins-Hollandse Reg Latyn, Frans, Nederlands, Afrikaans, Duits, Engels en bowenal Italiaanse bronne vermeld, en mens staan verbysterd hoe eentalig die wêreld geword het. Boonop, vandag met die internet, is buitelandse bronne soveel makliker tot ons beskikking.
Unisa bied wel spesiale rekenaarlokale aan hul studente by sekere uitgesoekte Thusong-sentra, soos op my dorp. Met Corona weet ek nie of hierdie sentra nog oop is nie. Anders moet jy van die plaaslike biblioteekdienste gebruik maak (ook toe tot Vlak 1). Van die selfoonmaatskappye is deur Unisa genader om gratis datatoegang te verskaf. Suidpunt (kontak) 17:31, 1 Julie 2020 (UTC)
Mediëvistiek is klaarblyklik beperk tot lande met 'n argitektoniese, literêre en ander Middeleeuse erfenis, of lande wat taalkundig en kultureel daarin deel en oor die fondse en wetenskaplikes vir uitgebreide navorsing en onderwys beskik. Venesiaanse studies is 'n goeie voorbeeld vir 'n dissipline waar Angel-Saksiese akademici en instellings 'n oorheersende rol speel. Voyageur (kontak) 17:43, 1 Julie 2020 (UTC)

Die IUBN-rooilys

Die slim manne, vir elke moontlike opsie behalwe EX (uitgestorwe) op die IUBN-rooilys word 'n nuwe ooreenkomstige kategorie geskep. Hoekom ook nie vir EX nie? Sien Wolseley-tolbos. Groete! Oesjaar (kontak) 18:41, 1 Julie 2020 (UTC)

Nee, iemand het die taksoboks gaan verander, hoe dan anders? Dit werk as jy {{taksoboks2}} gebruik, waaraan nie verander is nie. ~ Burgert (kontak) 21:11, 1 Julie 2020 (UTC)
Ek het dit nou reggemaak. - Rooiratel (kontak) 06:52, 2 Julie 2020 (UTC)
Dit werk nog steeds nie? ~ Burgert (kontak) 07:17, 2 Julie 2020 (UTC)
Op Wolseley-tolbos en Kwagga sien ek die Kategorie "IUBN Rooilys uitgestorwe spesies". Sien jy dit nie? Indien nie, probeer hierdie skakel: https://af.wikipedia.org/wiki/Wolseley-tolbos?action=purge en kliek op "OK". Laat my weet of dit dan nog steeds nie werk nie. - Rooiratel (kontak) 07:27, 2 Julie 2020 (UTC)
Met die nuwe kleinletter weergawe sien ek dit... Moet ons nou al die Fauna en Flora verander? Groete! Oesjaar (kontak) 07:33, 2 Julie 2020 (UTC)
Ek sien dat Wolseley-tolbos gebruik "Taksoboks2" en Kwagga gebruik "Taksoboks". Altwee werk vir my. Wat bedoel jy met "kleinletter weergawe"? - Rooiratel (kontak) 07:43, 2 Julie 2020 (UTC)
Ek het die sjabloon op eersgenoemde na Taksoboks2 verander om my punt te bewys; by Kwagga is die kategorie fisiek bygevoeg. ~ Burgert (kontak) 07:45, 2 Julie 2020 (UTC)
Taksoboks is teruggeplaas by Wolseley-tolbos. Nou is die kategorie weer weg. ~ Burgert (kontak) 07:46, 2 Julie 2020 (UTC)
Ok, nou sien ek. Laat ek nog rondkrap en sien wat ek kan doen. - Rooiratel (kontak) 07:48, 2 Julie 2020 (UTC)
Na Burgert se eerste verandering het ek nie gesien dat die taksoboks verander is nie, net gesien dat IUCN3.1 nou iucn3.1 is... Is Taksoboks K175 se monster en die Taksoboks2 die ou weergawe? Groete! Oesjaar (kontak) 07:49, 2 Julie 2020 (UTC)
@Oesjaar: Inderdaad. ~ Burgert (kontak) 07:53, 2 Julie 2020 (UTC)
@Burgert Behr: ek dink ek het dit nou. Probeer weer asseblief. - Rooiratel (kontak) 08:02, 2 Julie 2020 (UTC)
Dankie, nou werk al die kategorieë, lyk dit my. ~ Burgert (kontak) 08:14, 2 Julie 2020 (UTC)
Wonderlik. Ek is bly dit werk nou. - Rooiratel (kontak) 08:47, 2 Julie 2020 (UTC)
Baie dankie julle slim manne! Groete! Oesjaar (kontak) 10:30, 2 Julie 2020 (UTC)

Feedback on movement names

Hello. Apologies if you are not reading this message in your native language. Please help translate to your language if necessary. Baie dankie!

There are a lot of conversations happening about the future of our movement names. We hope that you are part of these discussions and that your community is represented.

Since 16 June, the Foundation Brand Team has been running a survey in 7 languages about 3 naming options. There are also community members sharing concerns about renaming in a Community Open Letter.

Our goal in this call for feedback is to hear from across the community, so we encourage you to participate in the survey, the open letter, or both. The survey will go through 7 July in all timezones. Input from the survey and discussions will be analyzed and published on Meta-Wiki.

Thanks for thinking about the future of the movement, --The Brand Project team, 19:44, 2 Julie 2020 (UTC)

Note: The survey is conducted via a third-party service, which may subject it to additional terms. For more information on privacy and data-handling, see the survey privacy statement.

Vertaling van "Mind"

Hallo almal. Ek sukkel met die vertaling van die Engelse woord "mind". Ek sien gewoonlik die voorstelling "gees", maar vir my beteken gees "spirit", en dit is nie die selfde ding as "mind" nie. Die beste voorstelling wat ek aan kan dink is 'gemoed'. Is dit reg, of is daar beter voorstelle?

Die rede hoekom ek vra is omdat ons nie twee bladsye kan hê met die selfde naam nie. En ons kan ook nie een bladsy gees hê oor twee verskillende onderwerpe nie. Ek sien nl-wiki het nl:geest vir "mind" (wikidata:Q450), en vir "spirit" (wikidata:Q193291), noem hulle dit ook "geest" maar hulle het nie 'n bladsy daarvoor nie.

So wat is julle voorstelle vir titels vir die twee artikels:

  • Gees - ontasbare wese
  • Gemoed - kombinasie van kognitiewe fakulteite wat bewussyn, denke, redenering, persepsie en oordeel bied

Groete - Rooiratel (kontak) 09:01, 6 Julie 2020 (UTC)

Gemoed het vir my meer met 'n stemming te doen, m.a.w. 'n kortstondige ding. Die meeste van die tyd kan 'n mens mind vertaal met "gees" of "verstand". 'n Mens moet maar elke geval op sy eie oordeel. Ek dink nie 'n mens kan dit so letterlik vertaal soos wat jy dit wil doen nie. ~ Burgert (kontak) 09:23, 6 Julie 2020 (UTC)
Ja ek stem saam oor 'gemoed'. Dit werk ook nie so goed nie. "Verstand" beteken vir my basis dieselfde as "begrip", en dit werk ook nie. Miskien moet ons maar altwee "gees" noem waar een die betekenis verduidelik tussen hakies. Ek sien vir Esties, het hulle et:Vaim (mens) en et:Vaim. Dit kan seker ook werk. Byvoorbeeld:
  • Gees - ontasbare wese
  • Gees (mens) - kombinasie van kognitiewe fakulteite wat bewussyn, denke, redenering, persepsie en oordeel bied

Groete - Rooiratel (kontak) 09:48, 6 Julie 2020 (UTC)

Dis dalk die beste opsie. As 'n mens in die HAT en WAT kyk, sal jy die baie betekenisse van die woord "gees" sien. ~ Burgert (kontak) 09:53, 6 Julie 2020 (UTC)
Dankie Burgert Behr, ek sal solank saadjies skep vier hierdie twee artikels sodat mense in die toekoms nie met hierdie probleem hoef te sukkel nie. - Rooiratel (kontak) 10:08, 6 Julie 2020 (UTC)

Tolletjies en Graafwater-tolbos

Is daardie wetenskaplike name reg? Dit lyk vir my soos variëteite van Leucadendron brunioides en moet dus eintlik Leucadendron brunioides var. brunioides en Leucadendron brunioides var. flumenlupinum wees. Ek wonder ook of die variëteitname in die kassie onder binomiale naam moet verskyn, want binomiaal beteken tog "bestaande uit twee dele". En moet elkeen sy eie artikel hê? Ek vra maar net omdat ek nie weet nie. ~ Burgert (kontak) 10:39, 7 Julie 2020 (UTC)

Dit lyk op die Engelse Wikipedia vir my of variëteite in een artikel tuishoort. Kyk en:Escobaria vivipara. ~ Burgert (kontak) 10:48, 7 Julie 2020 (UTC)
Die name is reg. Hulle is altwee 'n variëteit van Leucadendron brunioides. En en-wiki het ook artikels vir variëteite:
Groete - Rooiratel (kontak) 11:01, 7 Julie 2020 (UTC)
Dankie, maar dan is die name net nie reg geskryf nie. En in die kassie moet staan Trinomiale naam. ~ Burgert (kontak) 11:05, 7 Julie 2020 (UTC)
Dit moet as bv. Leucadendron brunioides var. flumenlupinum geskryf word. Tegnies is dit dan trinominaal, maar ek dink nie die kassie sal die verandering toelaat nie. Groete --  Aliwal2012 11:18, 7 Julie 2020 (UTC)
Nou moet 'n mens nog net Variety in die kassie kry sodat dit Variëteit lees! ~ Burgert (kontak) 11:49, 7 Julie 2020 (UTC)
Dankie manne, ek is nie 'n kundige met die blommetjies nie! Groete! Oesjaar (kontak) 13:38, 7 Julie 2020 (UTC)
En ons moet Trinomiale naam na die Afrikaans laat skakel in plaas van na Infraspecific name (botany). ~ Burgert (kontak) 13:47, 7 Julie 2020 (UTC)
Ek het nou trinomiale naam reggekry, maar sukkel met variety. @K175: ? ~ Burgert (kontak) 20:58, 7 Julie 2020 (UTC)
@Burgert Behr:   Uitgevoer [4] Daar is nog 'n paar onvertaalde klades wat lyk dit my nog nie soseer in ons artikels gebruik word nie. – K175 (skil 'n appeltjie) 16:40, 8 Julie 2020 (UTC)
@K175: 'n Variëteit en subspesie is twee verskillende goed. Die plante hier bo is variëteite. ~ Burgert (kontak) 08:33, 9 Julie 2020 (UTC)
@Burgert Behr: OK, maar dan moet dit in die inligtingskasse verander word - ek het net Variety na Variëteit in die sjabloon vertaal. – K175 (skil 'n appeltjie) 08:36, 9 Julie 2020 (UTC)
Ekskuus, ek sien daar is nou 'n debat daaroor by Bespreking:Tolletjies. Nie jou fout nie! ~ Burgert (kontak) 08:38, 9 Julie 2020 (UTC)

COVID-19

Gemeenskap, ek voel die volgende artikels se titels moet verander word, want die titels is effens misleidend:

Die Engelse Wikipedia het alle artikels genaamd "Coronavirus pandemic" na "COVID-19 pandemic" geskuif. Laat weet wat julle dink. Groete! --Lefcentreright (kontak) 14:09, 7 Julie 2020 (UTC)

  Kommentaar Ons oumanne hou nie van verandering nie, tensy dit uiters noodsaaklik is! Daar is alreeds taalsuiweraars wat dit COVIS (S vir siekte) wil noem, hoe nou gemaak? --  Aliwal2012 15:10, 7 Julie 2020 (UTC)
So as hierdie pandemie nou vir nog 'n paar jaar dien, wat dan? Gaan ons elke jaar die artikels se titels moet verander? --Lefcentreright (kontak) 18:57, 7 Julie 2020 (UTC)
Ek verstaan nie lekker wat jy sê nie. Bedoel jy die artikels moet verander word na Covid-19-pandemie, Covid-19-pandemie in Suid-Afrika en Covid-19-pandemiesamesweringsteorieë? Dan stem ek saam. Covid-19 is die siekte se naam. En ons mag dit met kleinletters skryf. Ek sal laasgenoemde eerder Samesweringsteorieë oor die Covid-19-pandemie wil maak. ~ Burgert (kontak) 20:00, 7 Julie 2020 (UTC)
@Burgert Behr: Dit is wat ek bedoel. Ek moes dit duideliker geskryf het. --Lefcentreright (kontak) 20:05, 7 Julie 2020 (UTC)

Ha-ha, daai tweede een het my 'n bietjie gegooi. En ja, ons kan dit seker COVID-19 ook los, anders verwar ons weer mense. Maar ek dink die media skryf Covid-19. ~ Burgert (kontak) 20:11, 7 Julie 2020 (UTC)

  Ondersteun Die Duitstalige Wikipedia het hierdie artikels se titels ook verander. Ek stem dus saam met die voorstel, alhoewel ek hoop (maar ongelukkig nie verwag nie!) dat hierdie siekte in 2021 verdwyn het. Groete. --   SpesBona 20:25, 7 Julie 2020 (UTC)
  Ondersteun die voorstel. Groete! Oesjaar (kontak) 06:00, 8 Julie 2020 (UTC)
  Ondersteun nou ook, kan ons dan bg. voorstelle/hernoemings implementeer? Groete, --  Aliwal2012 11:50, 14 Julie 2020 (UTC)

Vandalisme

Gemeenskap, vanoggend om 04:00 was daar weer 'n vandalisme aanval op ons Wiki. Kan alle Admin's asb help om te verseker dat die skade herstel is. Groete! Oesjaar (kontak) 05:59, 8 Julie 2020 (UTC)

Editing news 2020 #3

12:55, 9 Julie 2020 (UTC)

Ruimtevaarders

Is daar Afrikaanse ekwivalente vir astronaut en cosmonaut, of is almal maar ruimtevaarders? Ek sien terloops die Chinese is taikonauts. JMK (kontak) 18:21, 9 Julie 2020 (UTC)

Ek noem cuttlebone maar skulp, tensy iemand beswaar het. Die Germaanse tale noem dit blykbaar so. Mens kan seker praat van tjokkaskulp en inkvisskulp. En bestaan Groot-Karoo in Afrikaans, en is die koppelteken korrek? Of is dit dalk Bo-Karoo? Of is die Bo-Karoo net die area rondom Orania? JMK (kontak) 11:30, 10 Julie 2020 (UTC)
Ek sien Longman Online sê by cosmonaut: an ASTRONAUT from the former Soviet Union. ~ Burgert (kontak) 13:08, 10 Julie 2020 (UTC)

Announcing a new wiki project! Welcome, Abstract Wikipedia

Sent by m:User:Elitre (WMF) 19:56, 9 Julie 2020 (UTC) - m:Special:MyLanguage/Abstract Wikipedia/July 2020 announcement

Oesjaar se fynbos projek

Gemeenskap, soos julle seker gesien het, was ek die afgelope paar maande baie besig om spesies te skep van die Proteaceae-familie; reeds oor die 300 spesies is geskep en 12 van die 14 genera is gedek. Die uitstaande twee genera is Spatalla en Sorocephalus. Eersgenoemde word spoons in Engels genoem. Ek kry geen Afrikaanse verwysing vir die genus nie, kan die spoon na lepel verwys?

Met betrekking tot Sorocephalus: daar word na die blomme verwys as powderpuff in Engels, terwyl die woord Sorocephalus stapelkop (heaped head?) beteken. Weereens kry ek geen Afrikaanse verwysings nie. Enige hulp, raad of voorstelle is welkom... Daar word ook na hulle verwys as clusterheads.

Ek wil graag die projek afhandel, daar is 31 spesies tesame in die twee uitstaande genera. Groete! Oesjaar (kontak) 12:46, 10 Julie 2020 (UTC)

Spatalla het blykbaar niks met 'n lepel te doen nie, maar wel die blom-morfologie van die genus. En daar is reeds Lepelbosse, vgl. Phylica en Maytenus. Stel dus voor dat jy die enigste name wat bestaan, nl. Wolbos en Slangkoppie[5] generies aanwend. Sou voorstel Triplespoons -> Wolbosse, want daar is twee triplespoon-spesies (Spatalla caudata & S. confusa) wat so bekend staan weens die wollerige bloeiwyses. Vir unispoons,[6] alhoewel geeneen 'n naam het nie, dan Slangkoppies wat die vorm van die bloeiwyses beskryf. By Sorocephalus is daar absoluut niks in Afrikaans nie (in Engels wel Clusterheads, Soranthes, Powderpuffs), maar om in voeling met die Engels te bly, kan jy miskien -kwassie gebruik, n.a.v. bolvormige bloeiwyse[7] wat by almal aanwesig is. Daar is reeds 'n kwasbossie in Afrikaans (Sericorema remotiflora), 'n kwasbiesie en die poeierkwas/rooikwas/skeerkwas (Haemanthus), wat almal die kwasagtige bloeiwyse of saad het. Fine-leaf soranthe is dan miskien Fynblaarkwassie, ens. JMK (kontak) 15:34, 10 Julie 2020 (UTC)
JMK, dankie vir jou advies. Ja, met 'n tegniese agtergrond sukkel ek maar met die plantkunde... Hou maar 'n ogie asb, jy het beslis 'n beter aanvoeling vir die biologie as ek! Groete! Oesjaar (kontak) 16:59, 10 Julie 2020 (UTC)

Dronk taalskakels

Ek sien die taalskakels is lekker deurmekaar vandag – g'n sprake van alfabeties nie! ~ Burgert (kontak) 13:04, 10 Julie 2020 (UTC)

Burgert, dinge het verander: ons generasie moes nog die alfabet in alfabetiese orde ken... Oesjaar (kontak) 13:06, 10 Julie 2020 (UTC)
Weet iemand wat aangaan? – K175 (skil 'n appeltjie) 09:58, 12 Julie 2020 (UTC)
@K175, Burgert Behr, en Oesjaar: Hierdie probleem bestaan wêreldwyd, hier die gesprek op die Duitse Navraagafdeling en hier die taak wat hulle geskep het. Hou hom dop vir nuwe inligting, hulle is tans besig met 'n oplossing van dié probleem. Groete. --   SpesBona 18:15, 14 Julie 2020 (UTC)
Dit was nogal vanmiddag vir 'n rukkie reg, maar nou is dit weer deurmekaar. ~ Burgert (kontak) 18:24, 14 Julie 2020 (UTC)

Vertaling

Gemeenskap, wat is die korrekte vertaling van Perpetual Deacon Anglican Diocese of Namibia? --Lefcentreright (kontak) 16:34, 11 Julie 2020 (UTC)

"Anglikaanse Permanente Dekenaatsdiosees van Namibië" of "Anglikaanse Diosees van Namibië onder leiding van 'n permanente deken". Voyageur (kontak) 16:49, 11 Julie 2020 (UTC)

Sciëntologie

 
Ek was daar! Wat nou? Groete. --   SpesBona 10:15, 15 Julie 2020 (UTC)
Een van Voyageur se "ruimteskepe van lig" (wat vir my verbasend nader aan die ark lyk) Suidpunt (kontak) 13:05, 17 Julie 2020 (UTC)

Gemeenskap, daar is 'n menings verskil tussen twee van ons gebruikers oor bogenoemde artikel wat die twee here redelik opgewonde het. Admins, lees asb die arikel en meet die inhoud aan die Wikimedia norme vir neutraliteit ens. Ek het nog nooit die artikel deurgelees nie, sal dit doen. Die saak is dringend. Groete! Oesjaar (kontak) 06:50, 15 Julie 2020 (UTC)

Ek gaan myself liewers verskoon van hierdie drama. Ek voel ek het Slashme kalm genoeg gevra om eers dit hier te bespreek voor hy die artikel skrap en vervang met 'n Duitse vertaling. Laat my weet as ek moet stem vir iets, maar tot dan hou ek my menings vir myself. Dankie Dumbassman (kontak) 07:08, 15 Julie 2020 (UTC)
Ek het @Slashme: reeds in die e-pos gewaarsku, want ek ken @Voyageur: se mening. Dink maar net aan 2017, die geskrapte artikel. Hy het my waarskuwing net geïgnoreer blykbaar nie gekry nie. Groete. --   SpesBona 08:45, 15 Julie 2020 (UTC)
En ek haal myself aan uit die e-pos: "Ek gaan my springmielies voorberei vir hierdie "lekker gesprek" vanaand. Dit gaan in 'n groot botsing met die hoofouter van hierdie artikel ontaard. Onthou maar net die botsing rondom die artikel R2-45. Let op die besprekingsbladsy van hierdie artikel: Bespreking:Sciëntologie. Aan die einde van die dag gaan die Afrikaanse Wikipedia waarskynlik weer sonder hierdie BAIE belangrike outeur sit, wat nog 'n groot verlies vir dié taalprojek gaan wees. Ons het al 'n tekort aan skrywers. Maak maar 'n mooi plan hoe jy hierdie saak wil hanteer. Wat is meer belangrik, hierdie artikel of 'n baie aktiewe outeur wat al sedert 15 jaar op die Afrikaanse Wikipedia betrokke is en al baie gedoen het? Ek waarsku maar net, want ek weet presies wat gaan gebeur! Ekself is al sedert 12 jaar op die Afrikaanse Wikipedia betrokke en ek ken die mening van dié skrywer rondom hierdie saak baie goed." Groete. --   SpesBona 08:50, 15 Julie 2020 (UTC)
SpesBona, ek het pas my email deurgesoek, en ek het geen so iets gekry nie. Is jy seker jy't dit na davidrichfield@gmail.com gestuur? --Slashme (kontak) 10:18, 15 Julie 2020 (UTC)
Ook middagete gehad, dus nou my antwoord. @Slashme: Ek is doodseker, jy het op wikimediaza@lists.wikimedia.org geskryf en ek het daar geantwoord. Kyk daar asseblief. Groete. --   SpesBona 10:55, 15 Julie 2020 (UTC)
Miskien is jy nie op daai lys, dit kan só wees. Maar mens sien dit nie. Het ek nou vir die Nirwana 'n e-pos geskryf? Groete. --   SpesBona 11:00, 15 Julie 2020 (UTC)
Ek is wel op daardie lys, en ek het die bespreking weereens deurgelees, maar dit lyk my regtig asof jou e-pos in die eter verdwyn het! Ek het wel Dumbassman se bedenkinge gelees, maar joune is nie daar nie. Nou ja. --Slashme (kontak) 11:55, 15 Julie 2020 (UTC)
Die vraag is of ons met wetenskaplik verantwoorde artikels wil voortgaan of met twak op sensasiepersvlak. Moet gevalle van kindermolestering in die Rooms-Katolieke Kerk in die inleidende artikel oor hierdie organisasie genoem en bespreek word? Hoekom nie enkele spotprente oor profeet X op die betrokke taalprojekte plaas? Amerikaanse wetenskaplikes kan op 'n neutrale manier oor die tematiek debatteer, maar tog nie sensasiepers-gepeupel nie. Dit is ook opvallend dat die anti-Sciëntologiese histerie buitensporig raak in lande met anti-Amerikaanse strominge - Rusland, Frankryk, Duitsland. As ek nie van die kerk hou nie, hoef ek nie lid daarvan te word nie. Ek hoef tog nie soos 'n geestesverstoorde twak vir ander lesers te versprei nie. Voyageur (kontak) 09:36, 15 Julie 2020 (UTC)
As ’n leek oor die onderwerp dink ek nie een van die artikels is vreeslik neutraal nie. Ek ervaar die Duitse artikel as uiters negatief, veral die laaste helfte. Daar is ook ’n heeltemal te groot klem op Duitsland. In die oorspronklike artikel is daar dikwels die gebruik van "beweer", "na bewering" en "volgens sy eie beskrywing". Tog word geen werklike kritiek genoem nie en word kritiek afgemaak as "sensasiegedrewe" en "inakkuraat". Dit alles in ag genome: Ek dink nie dis aanvaarbaar dat ’n hele langerige artikel geskrap en oorgeskryf word sonder oorlegpleging met die res van die gemeenskap nie. Ek sal graag wil sien dat die oorspronklike artikel behou word, met die byvoeging van ’n klein deel van die kritiek in die Duitse artikel – verkieslik wêreldwye kritiek en nie beperk tot Duitsland nie. ~ Burgert (kontak) 09:39, 15 Julie 2020 (UTC)
Ek stem saam dat die Duitse artikel te veel klem op die situasie in Duitsland lê, en daar kan geredeneer word oor hoeveel aandag aan die kritiek gegee moet word. Die artikel in sy huidige toestand is egter heeltemal eensydig en onvolledig. My standpunt is dat Voyageur wel 'n ongelooflike bydrae aan die Afrikaanse Wikipedia lewer, maar nie in staat is om objektief oor sciëntologie te skryf nie. Enige kritiek van sciëntologie word as haatspraak uitgekryt, wat presies die houding van die kerk is. --Slashme (kontak) 10:18, 15 Julie 2020 (UTC)
Alle gelowe is twak en bedrog. Die kortste moontlike samevatting van kritiek is al bygevoeg. Net soos wetenskaplik verantwoorde publikasies met bronvermelding. Net kritiek van wetenskaplikes mag genoem word - om die genoemde redes. En die belangrikste feit ontbreek nog: Daar is tienduisende aanhangers wat gelukkig en tevrede is as Kerklede. Hulle word nie eers gevra deur al die arrogante assholes nie. As iemand anders nie daarvan hou nie, is dit nog geen ensiklopediese onderwerp nie. Die Amerikaanse Grondwet en Wetgewer beskerm geloofsvryheid en erken nie-winsgewende status aan religieuse organisasies toe wat aan bepaalde kriteria voldoen. Die inhoud van geloofsbelydenisse word nie beoordeel of goedgekeur nie. Dit is tydverspilling om ander se gelowe te bevraagteken. Hoekom begryp buitelanders dit nie? Ons kan in die eerste sin van die artikel oor Suid-Afrika ook vermeld het dat President Trump dit as "shithole" beskryf het. Hoekom doen ons dit nie? Omdat dit nie hier saak maak nie. Voyageur (kontak) 09:46, 15 Julie 2020 (UTC)
Ek sal Voyageur se aanwesigheid op die Afrikaanse Wikipedia altyd bo 'n vertaling van 'n enkele artikel uit die Duitse Wikipedia verkies. Ek was destyds by die inwyding in die Otto-Suhr-Allee in Berlyn, toe Sciëntologie sy kerk daar geopen het. Ek het dit sonder enige skade oorleef. Duitsland is sedertdien ook nie bekeer nie. Baie sensasie rondom niks nie. Groete. --   SpesBona 10:00, 15 Julie 2020 (UTC)
Ek stem saam dat ons nie so 'n uitstekende outeur wil verloor nie, en ek is absoluut bereid om met die gemeenskap hier te werk om die artikel op minder dramatiese wyses te verbeter! --Slashme (kontak) 10:18, 15 Julie 2020 (UTC)
Jy kon my gerus geraadpleeg het! Daar is Amerikaanse Sciëntoloë en ander geloofsaanhangers wat die Afrikaanse projek steun - met tyd en geld. Juis mense wat ook nie Afrikaners of Suid-Afrikaners deur middel van stereotipes probeer verstaan nie. Ek weet nie hoekom hulle nou hierdie soort dank ontvang nie. Ons moet dan dieselfde beginsels op alle geloofsartikels toepas. Almal hier is vertroud Afrikaanse kerke. Kan vroue predikante wees? Is daar reëlings vir selfdegeslaghuwelike? Het hulle 'n verlede van rasdiskriminasie? Voyageur (kontak) 10:29, 15 Julie 2020 (UTC)
LOL! Inderdaad. Ek sou onnodige, ongevraagde en oningeligte kritiek op omstrede gelowe werklik in projekte los waar ander profete as Hubbard vereer word en die getal beledigdes miljarde beloop en nie net enkele tienduisend nie. Vir die maksimum-effek daarvan. Per spotprent of so. Slashme word dan naas 'n gebruikersnaam ook 'n uitnodiging - vir radikale aanhangers wat heel anders op kritiek reageer as Sciëntoloë. Voyageur (kontak) 10:05, 15 Julie 2020 (UTC)
So pas nog 'n kommentaar gekry. Ons kan almal gerus 'n besoek aan die onderaardse begraafplase van vroeë Christene in Romeinse katakombes bring. Ons is dan tussen die sterflike oorskot (as dit nog daar is) van mense wat oorlede is in die geloof van 'n heropstanding binne 'n baie kort tydperk. Hulle lê nog daar. Die kultus vind steeds sy aanhangers. Die kwessie - of ons gees en bewussyn nou gebonde is aan en beperk bly tot die organiese breinfunksionaliteit of onafhanklik daarvan kan bestaan - kan so nie beantwoord nie. Die onsterflike wese is die grondbeginsel van Sciëntologie en ander gelowe - die enigste vraag wat die moeite werd is om ondersoek te word. Voyageur (kontak) 11:14, 15 Julie 2020 (UTC)
Steun Gebruiker Burgert Behr se voorsel. Hou die oorspronklike maar voeg van die internasionale reaksie/kritiek/aktiwiteite by. Artikel is nie tans neutraal nie.Sobaka (kontak) 17:50, 15 Julie 2020 (UTC)
Weet julle toevallig hoeveel lidmate die Kerk in Suid-Afrika het en hoe groot die persentasie Afrikaanssprekendes is? Voyageur (kontak) 18:37, 15 Julie 2020 (UTC)
Geschieht die Wiederauferstehung aller Christen nicht erst mit der Erscheinung des Herrn am Jüngsten Tag? Diese Idee wurde übrigens auch vom Judentum übernommen, wenn ich so an den Friedhof am Jerusalemer Ölberg denke. Groete. --   SpesBona 11:20, 15 Julie 2020 (UTC)
Ja, aber vieles deutet darauf hin, dass man die Wiederkunft Christi als ein unmittelbar bevorstehendes Ereignis angesehen hat. Sicher auch, weil das klar umrissene Konzept der Auferstehung im Kontrast steht zu sehr vagen Vorstellungen in der traditionellen römischen Religion. Voyageur (kontak) 11:25, 15 Julie 2020 (UTC) Voyageur (kontak) 11:25, 15 Julie 2020 (UTC)
Sehr oft sogar. Die Zeugen Jehovas vermeiden es jedoch mittlerweile, die Jahreszahl zu nennen. Groete. --   SpesBona 11:27, 15 Julie 2020 (UTC)
Der Fehler liegt in der Überbetonung religiöser Schriften als unmittelbare Botschaften Gottes, mit der Möglichkeit, daraus zukünftige Ereignisse abzuleiten. Es gibt interessante amerikanische Traditionen (wahrscheinlich wiederhole ich mich jetzt) wie die Seekers, die derart unentschlossen im Glauben waren, dass sie auf irgendeine göttliche Botschaft gewartet haben. Daran schließt die Geschichte des Buches Mormomn an, das auf wundersame Weise auf Goldplatten entdeckt und übersetzt worden sein soll. Womit Fehler und Lücken in der Bibel schnell behoben werden konnten. Ich kenne und schätze Anhänger beider Glaubensgemeinschaften, auch wenn wir wissen, dass wir in zentralen Punkten unterschiedlicher Auffassung sind. Ich würde aber niemals ernsthaft anzweifeln, dass ein Heiliger der Letzten Tage wie Mitt Romney allein wegen seines Glaubens nicht als Präsident der USA amtieren könnte. Das ist leider sehr ausführlich so argumentiert worden. Nur die Verfassungstreue zählt. Die Kirche mag neuen Anhängern die LGBT-Frage stellen, aber es ist der Oberste Gerichtshof, der die pursuit of happiness für die Bürger und Exekutive definiert. Wobei Entscheidungen zeitgebunden getroffen worden sind und werden. Wie die Rassentrennung bei Chancengleichheit und gleichen Einrichtungen. Ohne dass dies jemals verwirklicht worden wäre. Voyageur (kontak) 11:34, 15 Julie 2020 (UTC)
Richtig, schon bei JFK wurde ein Fass aufgemacht, nur weil er Katholik war. Als wenn England eine katholische Monarchin bekommen würde. Groete. --   SpesBona 11:42, 15 Julie 2020 (UTC)
Dit is belangrik om 'n neutrale standpunt in te neem. Hier is die artikel daarvoor: https://af.wikipedia.org/wiki/Wikipedia:Neutrale_standpunt Om te verseker dat ons 'n objektiewe standpunt inneem vir Afrikaans Wikipedia beteken dat ons 'n neutrale platform skep. Enige artikel wat geskryf word, moet voldoen aan die "Neutrale Standpunt" artikel. As daar enige partydigheid in 'n artikel opgelet word, behoort dit aangepas te word sodat dit feitlik is. LiebeB (kontak) 08:08, 17 Julie 2020 (UTC)
Solank as wat redigeerders, wat vertroud is met ´n onderwerp, dit bewerk, en in staat is om Afrikaanse artikels sonder vreemde hulp, sonder twyfelagtige bronne en met ´n fokus op die wesentlike aspekte saam te stel, gebeur dit ook nie. Ek herinner aan die Jesus van Nasaret-artikel wat jare gelede heel neutraal was. Meteens het aanhangers van bepaalde kerke byna begin huil omdat hy tog liewe Jesus is en hul beste vriend. Die skryweres van die artikel het haarself as Christen te kenne gegee; nogtans was daar nooit sprake van partydigheid nie. As iemand bydraes oor Sciëntologie redigeer en nie bereid is om triviale kritiek daarby in te sluit nie, word hy/sy as partydig bestempel. My naam het nooit op die ledelys van die Internasionale Vereniging van Sciëntoloë verskyn nie, terwyl kerke andersyds kan bevestig dat ek die moeite doen om self 'n indruk te kry van iets.
Die mees omstrede saak, die beweerde skeppingsmitologie of wat ook al dit is, kan ek, soos ek reeds beken het, nie beoordeel nie omdat dit net toeganklik is Kerklede op die hoogste vlakke en nie gepubliseer word nie. Die outentisiteit van materiaal, wat op die internet en elders versprei word, kan ek nie verifiseer nie. Dit maak ook nie saak nie; lees net wat daaroor - en ander gelowe se mitologieë - in die Sciëntologie-artikel staan.
Ons is tans een van min projekte wat nie afsak tot die idiote- en trivia-vlak nie. Die term ensiklopedie insinueer akademiese en intellektuele werkwyse. Die hele Wikipedia-projek blyk tans nog nie neutraal teenoor die Kerk van Sciëntologie te staan nie. Ek sal ook nie kritiek van Nazi-publikasies by Holocaust-artikels insluit net om hulle ´neutraal´ en ´feitlik´ te maak nie.
Die openbare diskoers oor Sciëntologie word sterk beïnvloed deur persone wat om een of ander rede bande met die Kerk verbreek het, sowel as joernaliste en skrywers wat op ekonomiese sukses aangewese is en dus die sensasievlak bo ´n neutrale en wetenskaplike diskoers verkies. Min aandag word aan die kerklike lewe en aanhangers geskenk wat tevrede is met hul geloof. As Christene hier hul liewe Jesus met sukses kan opeis, moet Sciëntoloë êrens ook liewe Ron kan kry.
Wat die vertaling van Duitse artikels en oorskrywing van oorspronklike Afrikaanse bydraes aangaan - kyk tog net met watter stereotipes Afrikaners daar dikwels beskryf word. Ek sal julle graag uitvoerig berig watter neerhalende kommentare selfs deur sommige Duitse akademici gelewer is. Sal ons daardie soort negatiewe inhoud orals in artikels invoeg waar Afrikaanssprekendes trots voel oor iets om dit neutraal, feitlik en onpartydig te maak?
Die beste oplossing sal wees om die kritik in 'n aparte soort bad bank-artikel uit te plaas waar die hele saak in 'n historiese konteks en samehang beskryf word. Ongelukkig het selfverklaarde kritici al so baie opinies gelug dat die artikel anders te omvangryk raak. Voyageur (kontak) 07:59, 17 Julie 2020 (UTC)
Net 'n vraag of twee. Ek het Terra Piering 1 deur Juan Sadie (1979:69-72) gelees en die volgende val op:
 

'Jalet, glo julle in 'n Almagtige?'
'Jy is nou op 'n baie interessante onderwerp - godsdiens,' antwoord sy effens ontwykend. 'Dit is ook 'n gevaarlike onderwerp, want indien jy dit verkeerd verstaan, kan dit jou hele lewensuitkyk in 'n slegte mate beïnvloed.' Sy dink 'n rukkie na.
'Ek dink ek ken jou nou al lank genoeg om te weet dat jy 'n verstandige persoon is. Dus dink ek ek kan maar ons geloofsoortuiging aan jou verduidelik.'
'Ek waardeer dit werklik dat jy my vertrou,' sê Albert bly. 'Jy weet, ek het nog nooit iemand uitgelag oor sy geloofsoortuiging nie. Hy kan netsowel reg wees, en ek verkeerd.'
'Dis is 'n baie goeie uitgangspunt,' sê Jalet, duidelik beïndruk met Albert se woorde. ' 'n Mens moet altyd 'n ander mens se gevoelens en opvattings respekteer, hoe belaglik dit ook al klink.'
'Nou toe nou, vertel my nou waaraan julle glo,' por Albert haar aan.
'Nou goed, ons glo aan 'n God van die toekoms,' sê sy en kyk vol afwagting na Albert. Hy sê egter nie 'n woord nie en sy gaan verder. 'Dit klink miskien na 'n snaakse begrip, maar dis tog nie so moeilik om te verstaan nie. Elke mens strewe bewustelik of onbewustelik na volmaaktheid of anders gestel, na die ewige lewe. Om dit te kan bereik, moet die mens krag van iemand of iets ontvang. Hy skep dus vir homself 'n god en aanbid hom of hulle. Hierdie mens waarvan ek nou praat, is die primitiewe mens wat meer op instink as op intelligensie staatmaak. Dis 'n goeie ding dat die mens hierdie instink het, anders sou hy nooit volmaaktheid bereik het nie.
'As hy nie 'n god gehad het nie, sou hy geen sedes gehad het nie. Hy sou geroof en geplunder het, want hy sou nie die vrees gehad het dat 'n god hom sou straf nie.'
'Wat die primitiewe mens natuurlik nie kan besef nie, is dat die god waaraan hy glo in 'n ander tyddimensie is, naamlik in die toekoms, en nie by hom in die hede nie.'
'Wat bedoel jy met 'n god van die toekoms?' wil Albert weet.
'Dit is die mens van volmaaktheid.'
'Bedoel jy nou op materiële of geestelike vlak?'
'Natuurlik op geestelike vlak. Materiële dinge vergaan, maar die geestelike kan nie vergaan nie. Eendag sal die Heelal vergaan en dan al ons op geestelike en goddelike vlak moet bly voortbestaan. Wanneer die Heelal eendag vergaan sal die mense wat nie volmaaktheid bereik het nie, hel hê. Hulle sal tot in ewigheid in die ruimte ronddryf. Hulle sal nie hulle geeste kan beheer nie.'
'Weet jy, dit het nogal vir my sin,' erken Albert. 'In die Bybel word van die hel gepraat, 'n geween en gekners van tande, en 'n ewige vuur wat nooit geblus kan word nie. Dit sal vir iemand so voel as hy tot in ewigheid hulpeloos ronddryf.' 'Dit wys jou net hoe sterk die mens se instink is,' sê Jalet.'Hy het al van die vroegste tye af besef dat die toekoms vir hom een van tweede dinge kan inhou, of hemel of hel.
'Sê my nou, Jalet, as mens nou hierdie vlak van geloof bereik het, wat word van jou Bybel, die Kerk en gebed?'
'Jy behou dit alles nog,' antwoord sy kort en kragtig. 'Ek sal jou sê hoekom. Kom ons vat eers die Bybel. Ons Bybel behoort nie veel van julle s'n te verskil nie, ek bedoel nou op geregtelike vlak. Die Bybel is 'n rigsnoer. Die wette daarin is deur die mens se gesonde instink daargestel. Daar is drie belangrike begrippe wat so te sê die doel van die Bybel opsom, naamlik eerlikheid, liefde en woeker met jou talente. As jy hierdie drie dinge nakom, moet jy volmaaktheid bereik.
'Die Kerk is nét so belangrik. Dit gee aan 'n mens geestelike gemoedsrus. In die Kerk kry 'n mens ook die kans om as't ware na jouself in 'n spieël te kyk en jou foute te sien.'

 
Sy erken dat haar planeetbewoners in reïnkarnasie glo.
Dan kom die volgende vraag:
 

'Hoekom konsentreer julle nie nét op geestelike vlak, byvoorbeeld breinkrag nie? So behoort mens mos baie vinniger volmaaktheid te bereik.'
'Jy het 'n punt daar beet, Albert, maar 'n mens kan nie die materiële dinge afskeep nie. Ons moet eers die natuurwette volkome verstaan voordat ons al ons aandag op geestelike vlak kan vestig.'

 
VRAAG 1: Die toeval van reïnkarnasie, die mens se drif na volmaaktheid (wat teleologies in die toekoms gestel word - byna Aristoteliaans én Jungiaans), die mens self as 'god van die toekoms'... het ons dalk hier met Sciëntologie te make? Of, staan dit nader aan Oosterse gelowe, met in begrip die Boeddhisme? [Tussen hakies, ek is bewus van prof. Gerrit van Wyk Kruger wat aanvoer (Die verhaal van die Griekse taal en 35 eeue daarheen p. 153): "Die Westerse Christendom het 'n suiwer Oosterse oorsprong. Die leer van Jesus, wel deeglik gegrond op die Joodse Ou Testament, weerspieël inderdaad in sy etiek sterk Boeddhistiese gesigspunte wat vers en kapittel bewys kan word (iets wat 'n vergelykende studie onmiddellik aantoon)."]
VRAAG 2: Ek sou ook net graag wil weet wat die Sciëntologie se werksetiek is. Want die Nuwe Testament se swaar vermaning dink ek is moeilik te ewenaar (wat nog swaarder onder die Calvinistiese juk gestel word, so swaar dat dit beslis nie in die sonnige, ligsinnige, pretsoekende, Katolieke aarde van die Versailles kon gedy nie!): as jy nie jou talente ontwikkel nie, sal jy daarvan een vir een gestroop word en jy sal in die buitenste duisternis gewerp word. Waar daar 'n geween en gekners van tande sal wees (wat, soos verstaan word, beteken: God sal jou soos 'n sleg hond wegjaag!). Net Deuteronomeum 21:20-21 is erger: 'n deurbringer (FR: "qui se livre à des excès", DE: "Verschwender", La: "vacat et luxuriae atque conviviis" - ook maar goed Israel het toe nog geen konings gehad nie!) moet summier gestenig word ("So moet jy dan die kwaad uit jou midde uitroei, en die hele Israel sal dit hoor en vrees."), terwyl die verlore seun (erfgeld is swerfgeld) darem weer genade (boonop met 'n vetgemaakte kalf!) toegestaan is (terwyl die verbitterde broer nog heeltyd al die (by-by-by-by)voordele (sy pa se besittings) nooit benut het nie - daar is die vermaning wéér!). Suidpunt (kontak) 13:05, 17 Julie 2020 (UTC)
Dit herinner my aan 'n opmerking in 'n boek waar die werksetiek en geesteshouding van die Puriteine ter sprake is en 'n kort samevatting gegee word. "Om te verhoed dat enigiemand êrens pret het en sy lewe geniet." Die oosterse kultusse soos Islam het beslis ook binne hul geledere strominge voortgebring wat gelowiges (en nie-gelowiges wat met hulle moet saamleef) nog op aarde vir die vermeende paradys wil voorberei - met die barbaarse wreedheid van hul primitiewe chauvinistiese en paternalistiese samelewings.
Vir Sciëntologie is ons nog nie so ver nie - tans het ons die agt dinamieke in Afrikaans (wat ek persoonlik net soos Boeddhisme eerder sou aanbeveel as die boeke van die drie groot godsdienste wat in die Semitiese wêreld ontstaan het - dit bespaar papier en religieuse oorloë). Presbiterianisme is 'n uitsondering - een van min Christelike strominge wat my onder sy aanhangers kan tel en vir ons die kritiese gees gegee het om die belangrike sake in die kunsmatige stryd oor Sciëntologie te verstaan, en tirannie en die inperking van godsdiensvryheid te bestry. 'n Godsdiens wat hele supermoondhede soos die Verenigde State voortgebring het (of beslissende bydrae gelewer het tot sy ontstaan) danksy sy gees van onafhanklikheid.
Sciëntologie word beskryf in die Kerk se eie kanale (webtuiste en TV-netwerk). As ek dit in enkele woorde moet beskryf, dan sou ek dit 'n religieuse filosofie noem wat op soek is na die ware geestelike kern van die mens en sy bestaan en vir sy aanhangers wyse en praktiese raad gee hoe om hul lewe te bemeester, hul medemense en omgewing te verstaan en hoe om dieper insig te kry van dit wat voor hul lewe was en daarna sal wees. Geen kruisiging nie, geen genitalieë word besny nie, geen nuttelose tekste word een miljoen keer herhaal nie, niemand moet lang baarde dra - en artikels in Afrikaans se Wikipedia mag ook nog gerus geskryf word.
Ons kort nog 'n beskrywing van 'n tweede kerk wat deur sy teenstanders graag as "omstrede" beskryf word - die Kerk van Jesus Christus van die Heiliges van die Laaste Dae. Omrede van lede verwag word om tien persent van hul inkomste as tithing te betaal, het hulle finansiële bates ter beskikking wat honderd keer of meer groter is as dié van die Kerk van Sciëntologie. Voyageur (kontak) 15:02, 17 Julie 2020 (UTC)
Susanna Viljanen ('n Fin en ateïs) glo 'n kerk het inderdaad invloed op die politiek en uiteindelik die kultuur. Volgens haar lewer Calvinisme van die beste samelewings op: Nordiese lande, Switserland en Holland. Sy dink wel Sciëntologie is 'n "bogus religion", maar beskou die laagste vorm van godsdiens die bokbloeddrinkende animisme: "Animism is the absolute bottom dregs. It creates similar society as if people lived in schizophrenia."
Ook sê sy
 

The rule of thumb is the more negative view a religion has on Homo sapiens, the better society it creates. Calvinism (with core tenents of human total depravity and predestination) creates the best society, but Lutheranism creates the least bad.

 
Maar, sy kyk ook na die VSA en wys al die nadele van Calvinisme uit: die tronke (en kerke) is tot barstens toe vol, want met die uitverkiesingsleer is mense wat sleg is eenvoudig onrehabilitéérbaar kaksleg en net God alleen kan hulle red. Hoe gouer die sondaars afgeskrik word deur die hel in tronke, hoe meer die vlamme van die hel teen die kerksuile en kerkbanke oplek, soveel te beter die brandende bakens (lees: sondaars as brandende teerfakkels) om jou op die reguit paadjie te hou.
 

"The bright side of Calvinism is the incredible vigor, entrepreneurship, economy and vivaciousness of the society it creates."

 
Die nadeel is 'n hoogs verdeelde samelewing almal mooitjies ingedeel volgens trappe op pad hel toe (waaroor die Hollanders sal juig, want die 'verzuiling' het mos bewys hoe mens kan roem op 'n ruim diversiteit van denke! Die woord "monisme" gee hierdie mense 'n groter kramp as die see wat gedurig oor die dyk kom loer).
Maar nou vir 'n ander model:
Volgens Viljanen was die Russiese Ortodokse Kerk van die begin af ten gunste van die patrimonialisme, waar al die mag (en eiendom) in een persoon gesetel was. Kerk en staat moet een wees. Met die koms van die kommunisme, het van die Finse kommuniste (uit 'n Lutheraanse omgewing) in afsku opgemerk hoe die Kommunistiese struktuur (en die nuwe klassestelsel in 'n klaslose samelewing) bloot 'n ateïstiese parodie van die bestaande Ortodokse kerkstelsel was. Dinge het selfs met die verbrokkeling nog dieselfde gebly. "But Russia itself did not democratize: it returned to its perpetual, eternal state where it is doomed to remain until Gabriel blows his horn: Autocratic Patrimonialism." Soos ek haar antwoord sien: sy glo die Russe sal tot in ewigheid hul hoop op een man bly vestig. Die kalenders sal later aangepas word volgens v.P. en n.P. (voor Putin en na Putin).
Ook het ek agtergekom sodra die kerk en staat een en dieselfde persoon raak, raak die volk "afvallig" of kry 'n afkeer in enigiemand wat met sy geloof te koop loop. Ek sien byvoorbeeld op 'n forum waar Russe (wat hier in Suid-Afrika werk) sommer onlangs in 2018 nog gesels oor die Boerka (Boer + ka = die Afrikanervrou), en hulle grootste kritiek is dat die moderne Boerka (1) alles aan haar gat ophang (van ydelheid), (2) geen ander taal as Engels wil ken nie (hoewel die Russe hier ook maar lekker sukkel om Afrikaans te leer!), (3) nie te besonder geletterd is nie (Russiese boeke, kom net soos by die Duitsers uit 'n enorme groot leeskultuur, maar is spotgoedkoop en verbasend maklik te kry, moet mens ook begryp), (4) droom van haar ridder op die wit perd (of eerder, die wingerdblaar van Stellenbosch) om haar te kom verlos, (maar asseblief net geen uitlander nie), en, wat hul effe irriteer, (5) dat sy baie gelowig is (iemand wat jou na hul kerk uitnooi beskou hulle as dweepsiek; een wat met 'n Afrikanervrou getroud is, vergelyk dit selfs met dwelmmisbruik).
Die teenkanting is vir my goed te verstane, want dis immers in die samelewing waar jy grootword: hoe op aarde kan jy respek hê vir 'n organisasie, versinnebeeld deur die Russiese kerk (en daar is maar net één kerk wat deur die Russiese staat eintlik érken word) wat eergister nog die Khan se hand gesoen het? Wat 'n veer vir jou en jou familie of mense gevoel het. En of dit nou die Tsar of die Kommunistiese regime was, gepaai het die ruggraatlose paters gepaai teenoor wie ook al sy nuwe baas is of sal wees. My magtig, jy kan mos nie Machiavelliaanse Realpolitik probeer kruis met 'n "de wereld is onze woning niet"!
Terloops, ek het daardie Boek van Mormon, in Afrikaans, baie diep in een van my plastiekhouers weggebêre. Ek kan help as jy name soek. Suidpunt (kontak) 19:40, 17 Julie 2020 (UTC)
Ofskoon Calvinisme en sy leerstellings heelwat ingewikkelder is. Daar was en is waarskynlik ook geen Calvinistiese samelewings nie - mense beperk hulle tot enkele aspekte. Dit is John Knox en Skotse Presbiterianisme wat vir my die groter en beter invloed uitgeoefen het. Bekyk net die Skotse prestasies, die hoër persentasie jongmense wat eeue gelede toegang tot sekondêre en tersiêre onderwys gekry het (in vergelyking met Engeland) en baie meer. 'n Volk sonder natuurlike hulpbronne en rykdomme ontwikkel en gebruik sy breine. Die Scottish National Party waarborg met sy Sosiaal-Demokratiese beleid 'n minder verdeelde samelewing. As almal die wyshede en gevolgtrekkings van Presbiterianisme plus Sciëntologie plus Boeddhisme eerbiedig, word heelwat probleme opgelos.
Sciëntologie is religie op sy beste. L. Ron Hubbard se groot wyshede, as ons sy kritici net intelligent interpreteer en ander godsdienste bekyk:
  • 1. Die religieuse idiote wil religieuse leiers hê. Gee hulle een.
  • 2. Oordryf soos jy kan - dan is jy een.
  • 3. Die idiote wil bedrieg word. Doen dit.
  • 3. Sê vir hulle (nadat jy hul geld ingesak en bekyk het hoe die clowns alles doen wat jy wil): Julle kan glo en doen en betaal wat julle wil, idiote, julle sal glad nie agter die waarheid van die heelal kom nie.
  • 4. Skiet almal.

Voyageur (kontak) 19:49, 17 Julie 2020 (UTC)

Wikipedia:Kandidaatartikels vir voorblad

Goeiemiddag Gemeenskap. Nog 'n ding wat my besig hou. Daar blyk tans min belangstelling in nuwe voorbladartikels te wees. Miskien is almal nou sat of ons het nou 'n groot voorraad aan nuwe voorbladartikels wat eers verwerk sal moet word. Wat doen ons nou? Is julle ten gunste daarvan om dit vir nou te los of gaan ons voort met die doel om elke week in 2020 'n nuwe voorbladartikel te kan hê? Kom ons hou hier 'n stemming ten gunste van nuwe voorbladartikels of daarteen. Lekker stem! Groete. --   SpesBona 12:05, 15 Julie 2020 (UTC)

SpesBona, soos ek Aliwal verstaan het hy tans genoeg tot diep in die jaar... Bedoel jy wat gaan ons doen daarna? Groete! Oesjaar (kontak) 12:12, 15 Julie 2020 (UTC)
@Oesjaar: Dit gaan veral oor die res van die jaar, waarskynlik ook 2021. Daarvan hang ook my spoed af. Elke nuwe kwartaal sal ek 'n nuwe voorbladartikel soos Nederland, Papoea-Nieu-Guinee en Israel wil bydra. Groete. --   SpesBona 12:20, 15 Julie 2020 (UTC)
Ek is altyd op soek na nuwe voorbladartikels en enige terugvoer is baie welkom. Groete. --   SpesBona 12:30, 15 Julie 2020 (UTC)
Ek is besig met vier: Tiger I-tenk, 8.8 cm Flak 18/36/37/41, Rolls-Royce Merlin en Trinity kernwapentoets wat ek hierdie jaar moet klaarmaak. Ek hoop dit sal help! Groete! Oesjaar (kontak) 12:36, 15 Julie 2020 (UTC)
Ek hoop maar eerder jy voel nie gedwing om dit te doen nie! :) Ek kan ook baie meer voorbladartikels aan die gemeenskap lewer, as ons dit net wil hê. Ek dink veral aan Olimpiese Spele en die een of ander Sokkerwêreldbekertoernooi. Groete. --   SpesBona 12:42, 15 Julie 2020 (UTC)
Ons het tans genoeg vir ongeveer 12 weke, maar intussen rol die vervoerband aan...ons het 'n vlaag benoemings vd gemeenskap ontvang gedurende "lockdown", maar dit sal ook opgebruik word. Dus, gaan maar voort met jul skrywe en benoemings, asb! Groete, --   Aliwal2012 12:42, 15 Julie 2020 (UTC)
Selfs Finland en Oostenryk sal kan werk. Net om al die sport van my kant af 'n bietjie te laat verdwyn en aangenamer vir julle te maak. Ek sien reeds hoe verveel mense daaroor begin raak. ;) Groete. --   SpesBona 12:49, 15 Julie 2020 (UTC)
Jagluiperd, Goud, Plinius die jongere en Tacitus, net om nog vier moontlike kandidate te noem. Groete. --   SpesBona 12:53, 15 Julie 2020 (UTC)

──────────────────────────────────────────────────────────────────────────────────────────────────── Wat van Sciëntologie? Die goed waaroor ek artikels skryf, motors en F1, haal nie 30kB in grootte nie...   Aliwal2012 13:16, 15 Julie 2020 (UTC)

Dit sou een van die belangrikste prestasies ooit wees vir ons Wikipedia as ons 'n voorbladartikel kan skep - maar só dat dit byvoorbeeld as akademiese teks by 'n Kaliforniese universiteit ingedien kan word, dit wil sê nie dieselfde slegte reputasie aan Wikipedia verskaf soos die tekste in ander projekte nie. Suid-Afrika het nogal 'n belangrike rol in die geskiedenis van die beweging geskryf - hier is dit byvoorbeeld jare vroeër gevestig as in Duitsland. L. Ron Hubbard het selfs premier Verwoerd gekontakteer, alhoewel die Kerk later eerder 'n rolspeler in die Anti-Apartheidbeweging was. Die stryd tussen hipermoderne Amerikaanse en Suid-Afrikaanse Sciëntoloë en verkrampte Boere-Oompies in die Apartheidregering bied nogal boeiende leesstof. Dan nog die Coert Steynberg-borsbeeld van Hubbard. Kan ons asseblief 'n Netflix-drama No Religion for Old Men daaroor kry (LOL)?
Daar is selfs akademiese materiaal oor die plaaslike Kerkgeskiedenis beskikbaar - die Kerk verwys ons vriendelik na 'n essay wat in Oktober 1995 geskryf is deur David Chidester, Professor in Comparative Religion (en dus in teenstelling met Wikipediane 'n gesaghebbende deskundige), verbonde aan die Universiteit van Kaapstad. Die artikel moet waarskynlik deur Amerikaners of plaaslike Kerklede saamgestel en dan in Afrikaans vertaal word. Dit maak blykbaar nie sin om met Afrikaanssprekendes oor die Rooms-Katolieke Kerk of die Kerk van Sciëntologie te gesels nie - hulle weet glad niks daaroor nie. Ofskoon daar in die 1960's nog heelwat Afrikaanssprekende Sciëntoloë was. Dit lyk asof hulle meestal uit die hoërklas gekom en baie Sciëntoloë intussen geëmigreer het.
Onafhanklik daarvan stel die Wikipedia-Sciëntologie cult wars navorsers in staat om die sektariese karakter van albei bewegings te bestudeer. Albei is afkomstig uit die kulturele konteks van die Amerikaanse weskus, het hul eie strategie van wêreldverbetering op hul vaandels geskryf en hul eie interne hiërargieë en prosedures, saam met hul eie neologismes, Scientology speak en Wikipedia speak asook nuwe betekenisse van terme en konsepte. Ons verstaan nou neutraliteit beteken in die Wikipedia-konteks nie dat 'n wetenskaplike 'n onemosionele en nugtere analise oor 'n onderwerp verskaf nie, maar eerder dat Wikipedia-bladsye in verskillende tale met mekaar vergelyk word en almal dieselfde persentasie onsin moet bevat wat deur clowns geskryf is. Ouers en onderwysers, nie in my artikels nie.
Die doel is om 'n artikel vir kritiese, vooruitstrewende en intelligente Afrikaanssprekendes te kan bied wat hulle nie tot Wikipedia, Sciëntologie of Anonymous wil bekeer nie, maar 'n betroubare oorsig oor die geskiedenis en geloofsbelydenis kan gee (beslis ook een of ander inspirasie), en ook aandag skenk aan die Kaliforniese en Suid-Afrikaanse konteks van die 1960's - die tydperk waarin belangrike gebeure afspeel. Ons raak net soos ons geagte lesers - wat nie juis idiote is wat deur Wikipedia-sekte-aanhangers teen Sciëntologie gewaarsku moet word nie, maar vir hulself besluite kan neem - hoegenaamd nie histeries soos Duitsers, Franse of Russe oor die onderwerp nie, begin ook nie aan vervolgingswaan te ly nie (aikôna, hulle oorneem nog die hele land!) en sal in plaas daarvan gerus kan vasstel - nou ja, Los Angeles is nie noodsaaklik Pretoria nie, maar een of ander nuwe insig kry ons ook. Ons keer terug na die oorspronklike ideaal van vrye sagteware en kennis. Voyageur (kontak) 08:27, 16 Julie 2020 (UTC)
Sal die Proteas meer ondersteuning geniet as die Aussies en Engelse? Ek is op die punt om dít te toets. 'n Goeie voorbladartikel oor Sciëntologie sal ek in elk geval ondersteun. Groete. --   SpesBona 18:20, 16 Julie 2020 (UTC)
Ek ondersteun die artikel Sciëntologie glad nie. Daar is baie beter artikels wat op die voorblad kan kom. Groete! Oesjaar (kontak) 18:28, 16 Julie 2020 (UTC)
Tans het ek 15 moontlike kandidate in die pyplyn, dis al wat ek van my kant kan aanbied. 12 toetslande en die drie bogenoemde artikels wat ek nog sal uitbrei. Daarna sal ek weer kyk wat ek ter beskikking vir die Afrikaanse Wikipedia het. Groete. --   SpesBona 21:10, 19 Julie 2020 (UTC)
@Aliwal2012: Daar is wel artikels wat jy al begin het en wat geskik is vir ons voorblad. :) Miskien sal ek tog die Eerste Wêreldoorlog weer aanvat. Groete. --   SpesBona 18:20, 22 Julie 2020 (UTC)

Vandalisme

Gemeenskap, vanoggend 03:00 was daar weer 'n vandalisme aanval op hierdie Wikipedia. Kyk maar net of al die vandalisme verwyder is. Lefcentreright (kontak) 07:07, 18 Julie 2020 (UTC)

Ja, die aanval was erg. Slaan toe wanneer ons almal slaap, ai! Groete!Oesjaar (kontak) 08:01, 18 Julie 2020 (UTC)
Ek gaan nou slaap, kom ons hoop die goggas kom nie weer vannag uit nie! Lekker slaap, jy ook Gebruiker:Wutsje! Oesjaar (kontak) 20:02, 18 Julie 2020 (UTC)

Elize Cawood

Gemeenskap, Elize Cawood is ook oorlede. Kan iemand dalk help met die tannie se geboortedatum? Groete! Oesjaar (kontak) 12:35, 18 Julie 2020 (UTC)

Dankie Gebruiker:Morne! Groete! Oesjaar (kontak) 16:52, 18 Julie 2020 (UTC)
Die artikel het vanmaand reeds meer as 12,000 bladtrekke: Bespreking:Elize Cawood. – K175 (skil 'n appeltjie) 09:28, 19 Julie 2020 (UTC)
Sien ook [8] Die ooreenstemmende artikel in Engels het sover vanmaand slegs meer as 800 bladtrekke: [9]. – K175 (skil 'n appeltjie) 09:37, 19 Julie 2020 (UTC)
Ongelooflik! Oesjaar (kontak) 09:53, 19 Julie 2020 (UTC)
Ek stem saam met Oesjaar. Dit is ongelooflik! Lefcentreright (kontak) 10:09, 19 Julie 2020 (UTC)
Ek was een van daardie 12000, ek onthou haar nog uit die jare van Stralerjakkers op Radio Sonder Grense, daar was net een Girly Lubbe wat vir Olaf Stroebbel (die skobbejak vertolk deur Leon van Nierop) en "oorle' Gert" Lubbe (haar man, vertolk deur Johan van der Merwe), Maxi-perd (Marina Coetzee) en Ricky (Francois Henning, toe nog kwaito-DJ Lekgoa, vandag Snotkop) en "Maria!" (eintlik Marcel, vertolk deur Rika Sennett)op hulle plekke kon sit. Dit was ook die program waar ek in 1999/2000 rond vir die eerste keer die woord "joernalis" geleer het; ek het nooit koerant gelees nie, dit was vir oumense. Elke keer as ek Skrikkelkind: Girly se storie sien, hoor jy haar stem klokhelder in jou ore. Ek hoop RSG doen 'n deeglike dokumentêr oor haar lewe.Suidpunt (kontak) 14:13, 19 Julie 2020 (UTC)
O, maar hulle het!!! Hierso, 11 Augustus 2020. Suidpunt (kontak) 14:48, 16 Augustus 2020 (UTC)

Ordnance QF 17-pounder

Gemeenskap, wat sal die korrekte vertaling van bogenoemde wees? Dit verwys na die Engelse kanon. Sien [10]]. Groete! Oesjaar (kontak) 13:59, 19 Julie 2020 (UTC)

Ek sou sê QF-17-ponderkanon. ~ Burgert (kontak) 10:52, 20 Julie 2020 (UTC)
Dankie! Oesjaar (kontak) 13:22, 20 Julie 2020 (UTC)

Advertensieskakel

'n Onaangetekende persoon het http://overseasadventureandtrekking.com/lumbini/ gaan voeg by die Eksterne skakels van Boeddhisme. Stem julle saam dat dit 'n advertensie is en verwyder moet word? Ek is nie seker wat in sulke gevalle gedoen moet word nie. ~ Burgert (kontak) 10:49, 20 Julie 2020 (UTC)

Ek stem saam dat dit 'n advertensie is vir 'n reis maatskappy. - Rooiratel (kontak) 11:07, 20 Julie 2020 (UTC)
In enkele gevalle verskaf kommersiële skakels nuwe insigte en waardevolle inligting. Hierdie een bevat baie min daarvan - ons kan maklik self ´n artikel oor Lumbini skep, siende dat dit ´n Unesco-wêrelderfenis is. Skrap dit gerus. Voyageur (kontak) 11:28, 20 Julie 2020 (UTC)
Verwyder! Dit gebeur al meer en meer. Groete! Oesjaar (kontak) 12:09, 20 Julie 2020 (UTC)
@Burgert Behr:. Dankie dat jy dit raakgesien het! Dit is 'n reuse probleem op die Engelse Wikipedia. Lefcentreright (kontak) 13:46, 20 Julie 2020 (UTC)

Inligtingskas vir tenks

Gemeenskap: Die Engelse gebruik Infobox weapon vir tenks ens. Wat is die Afrikaanse ekwivalent? Groete! Oesjaar (kontak) 12:31, 20 Julie 2020 (UTC)

Sjabloon:Inligtingskas Wapen sal seker werk? ~ Burgert (kontak) 13:25, 20 Julie 2020 (UTC)
Dankie, laat ek en die kas mekaar nou maar aanvat... Groete! Oesjaar (kontak) 13:41, 20 Julie 2020 (UTC)
@Oesjaar: Dalk sal ek dít vir jou kan doen, dan sal jy op die teks kan fokus en hoef nie die kassie aan te vat nie. Hoeveel tenks het ons wat dié kassie nodig het? Waarskynlik sal dit maklik gedoen kan word, aangesien die kassie dieselfde parameters as die Engelse s'n gebruik, ek moet net die teksgedeeltes vertaal. Gooi maar net 'n bietjie brandstof of diesel in my enjin. Groete. --   SpesBona 21:30, 20 Julie 2020 (UTC)
@SpesBona:, dankie vir die aanbod. Ons het net drie tenks artikels Olifanttenk, Sherman Firefly, Tiger I-tenk. Ek het begin met die Tiger, neem asb oor, jy is sterker as ek met die sjablone. Wanneer ek klaar is met die Tiger gaan ek 'n paar tenk saadjies skep. Groete! Oesjaar (kontak) 06:31, 21 Julie 2020 (UTC)
Ek sien nou, ook die Eland pantserkar en Denel G6-kanon. Groete! Oesjaar (kontak) 06:34, 21 Julie 2020 (UTC)
@Oesjaar:   Uitgevoer – Al hierdie artikels het nou die kassie, kyk maar vir moontlike foute. Tydens dié veldtog het ek op 8.8 cm Flak 18/36/37/41 afgekom, dit lyk soos 'n moontlike voorbladartikel. Groete. --   SpesBona 20:31, 21 Julie 2020 (UTC)
@SpesBona:, dankie, waardeer! Dit lyk nou baie beter! Ja, ek gaan die Flak kanon voltooi na die Tiger tenk. Groete! Oesjaar (kontak) 07:00, 22 Julie 2020 (UTC)

Subspesie vs. variëteit

Gemeenskap, terwyl ek onlangs geworstel het met die fynbos was daar kommunikasie oor subspesie vs. variëteit binne ons geledere. Ek het dit goed gedink om met Dr. Tony Rebelo, spesialis in protea spesies, te kommunikeer daaroor. Hier is sy kommentaar:

Subspecies and Varieties are what the author designated them as. A modern concept a subspecies is geographically distinct, and varieties occur as discreet populations within an area, but not neatly separated. In the old days, subspecies were regarded as very different (but not enough for a species) and varieties less so. And geographical data on specimens has improved so that many varieties can now be designated as subspecies. But this requires a formal, published change: otherwise we have to use what the authors set them as. Until then, the rank chosen by the author remains.

Ek hoop dit help. Hy het deur die Leucadendrons geloer en hier is sy enigste aanbeveling:

  • Leucadendron brunioides subsp. var. brunioides
  • Leucadendron brunioides subsp. var. flumenlupinum

Geniet! Groete! Oesjaar (kontak) 15:56, 22 Julie 2020 (UTC)

Dis die regte man om te vra. JMK (kontak) 10:12, 23 Julie 2020 (UTC)

Armour-piercing discarding sabot (APDS)

Gemeenskap, geniet die stukkie inligting saam met my. Ek het op ons FB-blad gevra of iemand die Afrikaanse term ken vir bogenoemde. Wraggies, na 'n week kry ek dit toe: Armour-piercing discarding sabot. Afrikaans: pantserbreek skei-klomp en sy verduideliking is: Dit is wanneer ń dunner projektiel gedra word deur dele wat wegval sodra die projektiel die loop van die wapen verlaat. Groete! Oesjaar (kontak) 18:54, 22 Julie 2020 (UTC)

Dit sal seker net pantserbreek-skeiklomp of pantserbreekskeiklomp wees. ~ Burgert (kontak) 11:12, 23 Julie 2020 (UTC)
Ek neem so aan Burgert! Groete! Oesjaar (kontak) 14:13, 23 Julie 2020 (UTC)
Die probleem hier is dat dit miskien nie die klomp is wat die pantser breek nie, maar die projektiel. Die klomp val net by die bek van die loop uit, of hoe? Nie seker nie, want ek het net na videos gekyk en dis waar my kennis hiervan eindig. Of andersins is die klomp tog die hele samestelling wat afgevuur word. JMK (kontak) 16:40, 23 Julie 2020 (UTC)

Delpher

Gemeenskap, Gebruiker:Jcwf, ja hy leef nog, het hierdie onder my aandag gebring: *Sien, veral Ek sukkel maar met die Nederlands. Kyk maar daarna... Groete! Oesjaar (kontak) 14:12, 23 Julie 2020 (UTC)

Sê vir hom dankie, dit het my skoon ontgaan. Ek het, toe ek nog op twitter was, op 20 April 2020 daardie skakel wat prof. LotteJensen14 gedeel het, weer getweet (ek het haar [hoogleraar in die Nederlandse letterkunde] begin volg omdat sy en haar kollegas by die Radboud Universiteit in opstand teen die klakkelose verengelsing gekom het). Ek glo egter nie daarin om mense met leë hande weg te stuur nie, so hier is 'n rekonstruksie van oud-Rotterdams, sy heimat.Suidpunt (kontak) 17:12, 23 Julie 2020 (UTC)
Suidpunt, wat se waarde het dit vir ons? Groete! Oesjaar (kontak) 17:16, 23 Julie 2020 (UTC)
Nee, die lewe is mos gee en neem, al het die Biologieonderwyseres vir my al gesê 'n mens moenie 'n gegewe perd in die bek kyk nie. Hy gee vir ons 'n mooie lysie, ek stuur ietsie sentimenteels van sy heimat (en my Ouma en Oupa ook wat aan die Rottekade gebly het). Maar wat ons betref kan jy alles uitvind oor Zuid-Afrika uit die 1970's, dis kostelike vermaak. Daaroor het die koerante baie te sê gehad. Met die Sensuur het die Hollandse pers geskryf daar is so min mense wat Hollands lees in Suid-Afrika (kug-kug, volg my oë :) !) dat jy elke sensuurwet in Suid-Afrika kon oortree en jy sou absoluut niks oorkom nie.Suidpunt (kontak) 17:25, 23 Julie 2020 (UTC)
Terloops,vir diegene wat wel belang sou stel in Hollandse dialekte en woordherkoms en etimologie, "as is verbrande hout" in Afrikaans lyk op 'n druppel water na die Amsterdams (as is verbrande turf) en dit is haas onmoontlik om hierdie uitdrukking in Standaardnederlands te gebruik aangesien die dubbelsinnigheid van as (naamlik as/als) ontbreek.Suidpunt (kontak) 17:48, 23 Julie 2020 (UTC)

Vertaling uit Nederlands...

Gemeenskap, Gebruiker:Ellywa, ons suster op die Nederlandse Wikipedia het gevra of ons nie dié wil vertaal nie? Sien https://nl.wikipedia.org/wiki/Johannes_van_Staden Enige vrywilligers? Groete! Oesjaar (kontak) 15:32, 25 Julie 2020 (UTC)

Hier gaan ons: Johannes van Staden. Groete. Frank (kontak) 08:49, 28 Julie 2020 (UTC)

92 000

Daar is nou 92 000 artikels op hierdie Wikipedia! @Oesjaar: het die 92 000ste artikel geskep. Nog net 8 000 voor ons 'n 100 000 artikels het. Lefcentreright (kontak) 17:00, 25 Julie 2020 (UTC)

Vertaling

Gemeenskap, wat sal die korrekte vertaling vir "Assembly of the Republic" wees? Groete! Lefcentreright (kontak) 08:44, 28 Julie 2020 (UTC)

Ek weet nie of daar 'n Afrikaanse term is nie. 'n Mens kan dit seker soos in ander tale direk vertaal as Vergadering van die Republiek. In Mosambkiek is dit die wetgewende vergadering, lyk dit my. ~ Burgert (kontak) 08:58, 28 Julie 2020 (UTC)
@Lefcentreright: Dis eerder Vergadering van die Republiek Mosambiek, sonder "Republiek van Mosambiek". Sien gerus Bespreking:Botswana vir die rede hoekom. Groete. --   SpesBona 19:31, 30 Julie 2020 (UTC)

Sjabloon:Liggingkaart Sentraal-Amerika

Goeienaand Gemeenskap: wats fout met bogenoemde? In die artikel Wes-Indiese nasionale krieketspan werk dit nie mooi nie, alhoewel dieselfde sjabloon in al die ander taalweergawes werk. Dit sal gaaf wees as al die Wes-Indiese toetsstadions op een kaart kan verskyn. Help asseblief! Groete. --   SpesBona 21:20, 29 Julie 2020 (UTC)

@Burgert Behr, Rooiratel, en Aliwal2012: Kan iemand help hier? Groete. --   SpesBona 21:00, 3 Augustus 2020 (UTC)

Bladtrekke

Dit blyk asof die kortstondige gemors by die taalskakels met 'n openbare vertoning van al die taalskakels vir almal saamgeval het. Dus het ons vir 'n kort tydperk meer bladtrekke as ooit, lyk dit my. Kan dit iemand bevestig? Dit sal myns insiens 'n baie goeie rede wees om die diskriminerende korter lys aan taalskakels uiteindelik af te skaf! Dit pla my al vir 'n lang tydperk. Groete. --   SpesBona 21:30, 30 Julie 2020 (UTC)

Gebruikers met 'n Wikipedia-rekening hoef net 'n hakie te sit of te verwyder in Voorkeure > Voorkoms > Tale. Hulle kan self kies of hulle die kompakte lys wil sien of nie. Net soos hulle self die beeldgrootte van lêers mag bepaal. Hierdie soort keuses moet in alle bedryfstelsels en sagteware-programme gemaak word - nie net op Wikipedia nie. Dit sal help om nuwe gebruikers 'n kort beskrywing van die basiese funksies van die sagteware te gee. Voyageur (kontak) 22:00, 30 Julie 2020 (UTC)
Gewone lesers het nie eens die kans om dit te doen nie. Ek het dit in die oomblik, toe ek dit agtergekom het, al afgeskakel. Maar vir die meeste mense is ons deur hierdie ding "versteek. Groete. --   SpesBona 17:35, 31 Julie 2020 (UTC)
Lees eers hierdie
Fokus veral op die tabel by die hofie How about languages that are not tied to any territory, such as Esperanto? Won't this feature hurt the traffic to projects in these languages?
En dan hierdie.
Dit is vir my duidelik dat tale soos Faroëes (fo) en Fries (fy) meer voordeel daaruit trek, maar Afrikaans beslis nie. Dit is te verstane, want niemand gebruik eintlik meer soos ek 'n tafelrekenaar nie. Om die waarheid te sê, al sedert Julie 2016 nie meer nie. Die meerderheid lesers van die Afrikaanse Wikipedia gebruik selfone. Ek kies hier juis die opsie waar bots nie ingesluit word nie. Suidpunt (kontak) 21:15, 2 Augustus 2020 (UTC)
Ek gebruik in elk geval 'n skootrekenaar want ek benodig 'n sleutelbord en 'n effens groter skerm as wat dit 'n slimfoon sal kan hê. Ek behoort dalk aan die generasie wat slimfone meer verpes as gebruik. Groete. --   SpesBona 21:40, 2 Augustus 2020 (UTC)
In elk geval is dit mobiele toestelle/mobiele bedryfstelsels. Daar is beslis ook heelwat tabletrekenaars met iOS/iPadOS/Android in gebruik. Voyageur (kontak) 22:30, 2 Augustus 2020 (UTC)
Dit is heeltemal so, want daar is skole wat tablette pleks van handboeke uitgedeel het. Ek probeer maar net aan die gemiddelde sosio-ekonomiese omstandighede van Suid-Afrika dink (1M bladtrekke vir Julie 2020) - want ek betwyfel sterk of elke tweede ou 'n selfoon én tablet sal hê, laat staan nog bekostig. Vir die een wie se pappie wel 'n hoë possie beklee: daardie meneer en mevrou pasryk se kroos sal eerder, hoe onlogies ook al, oor die R15k-R23k uitgee op 'n enkele foon wat alles kan doen (weet mense hoe breek die goed?) en hul maatjies op skool beïndruk. Net soos daardie één matriekafskeidrok, vir een aand, tussen die vodde klere in die kas.
Ek probeer juis so min geld uitgee op my selfoondiensteverskaffer (slegs in nood!), want, net soos petrol eintlik 'n onnodige uitgawe is (koerierdienste is véél goedkoper as wat ek self sou moes ry), net so is selfoondatakoste absoluut buitensporing vergeleke met Wi-fi (nee, spoed beïndruk my nie - ek is selfs tevrede met 386kb/s, dis tog net lees- en skryfwerk). Dus, liewer 'n domfoon en 'n rekenaar en ergonomie (twee 17"-skerms ouer as 14 jaar) teen sakpaspryse wat by my behoeftes pas - tuis omring deur boeke vir ywerige navorsing, as 'n Apple iPhone wat met 5G rondrinkink teen pryse wat in die gamers/verbruikers-klas val (wat nie 'n enkele sent op boeke sal uitgee nie, maar op halfvoltooide speletjies, YouTube en Netflix). Kortom: ek spaar my geld om meer (uitlandse en tweedehandse) boeke te koop (en DVD's vir taalaanleer) - en wat 'n onbaatsugtige diens lewer mens nie hier op Wikipedia nie?
Vir iemand soos Voyageur wat konstant op reis is - sy behoeftes en lewensomstandighede (en invoertariewe) in die Verenigde Koninkryk verskil opmerklik. Suidpunt (kontak) 05:30, 3 Augustus 2020 (UTC)

Inligtingskas Wapen

Wapen ==

Gemeenskap, hoekom wys die inligting van die armour parameter nie? Sien Tiger I-tenk. Groete! Oesjaar (kontak) 15:12, 2 Augustus 2020 (UTC)

@Burgert Behr, SpesBona, K175, Rooiratel, en Aliwal2012:, kan julle dalk 'n bietjie raad gee hier? Groete! Oesjaar (kontak) 06:54, 3 Augustus 2020 (UTC)
Hou net vas, ek werk gou daaraan. Die armour parameter was missing, dis later bygevoeg by bronsjabloon op en:wp.
Ek maak "armour" solank "Pantser" in die sjabloon, reg?   Aliwal2012 10:58, 3 Augustus 2020 (UTC)
Jy is skerper as 'n Minora blade! Dankie en groete! Oesjaar (kontak) 11:19, 3 Augustus 2020 (UTC)
Ek vermoed ons sal die sjabloon moet hernoem, aangesien dit nie vir artikels soos Wapen van Suid-Afrika werk nie. Ons kort nog 'n kassie vir wapens soortgelyk aan {{Inligtingskas Vlag}}. My voorstel is om bogenoemde sjabloon na "Inligtingskas Wapentuig" te hernoem, wat dink julle? Groete. --   SpesBona 21:00, 3 Augustus 2020 (UTC)

Nasie en staat: die verskil

As die Engelse na 'n "nation" verwys, bedoel hulle die land en sy mense - of net die land - of net die land se mense. In Afrikaans kan 'n "nasie" NOOIT na 'n land verwys nie, dit verwys ALTYD, in watter verband ook al, na MENSE. Ons kan nie sê Nieu-Seeland is 'n eilandnasie nie. Dis 'n eilandstaat. Die Nieu-Seelanders is 'n nasie, met verskillende volkere soos Maori's en Engelse wat saam die nasie gevorm het. Het pas weer in die artikel oor Ysland gesien dat dit 'n eilandnasie genoem is, maar kyk maar of daar enige gerekende Afrikaans-taalhandleiding of -woordeboek is wat noem dat 'n nasie 'n staat kan wees. Eisj, 'n mens kom die dwaling oral teë! Mooi groete. Mieliestronk (kontak) 18:55, 2 Augustus 2020 (UTC)

Interessant. Baie dankie. In Engels is island nation en island country sinonieme. In Nederland en Duits kry ons dieselfde sinonieme eilandnatie/eilandstaat en Inselstaat/Inselnation. Maar dis ook een rede meer om konsekwent Eerste Nasies in plaas van Indiane in die Noord-Amerikaanse konteks te gebruik. Voyageur (kontak) 19:27, 2 Augustus 2020 (UTC)
Dis juis die probleem. In Europa sit ons met meer nasies as state/lande. Duitsland, Frankryk en Italië is in elk geval Nationen en Staaten/Länder, terwyl die staat Verenigde Koninkryk uit drie en 'n deel van 'n vierde nasie bestaan, wat ons ook lande noem. In Spanje is dit baie ingewikkeld. Ysland sal ek wel as 'n Nation in Duits beskryf, maar Nieu-Seeland is weer iets anders. Lees maar de:Nationalstaat en de:Kulturnation. My probleem is nie hoe Engelse iets noem nie, my moedertaal is Duits, dis my grootste invloed op my Afrikaans. Terloops, die artikel eilandstaat het ek al in 2012 begin, nou sien ek die regte term. Ek luister graag wat verbeteringe betref. Groete. --   SpesBona 20:00, 2 Augustus 2020 (UTC)

Jim Janssen van Raaij

Gemeenskap, ek het probeer om hierdie artikel uit Nederlands te vertaal. Ek sal dit waardeer as iemand dit gou kan proeflees. Groete! Lefcentreright (kontak) 11:28, 3 Augustus 2020 (UTC)

  Uitgevoer --  Aliwal2012 13:10, 3 Augustus 2020 (UTC)
@Aliwal2012: Baie dankie! Lefcentreright (kontak) 15:19, 3 Augustus 2020 (UTC)

Gebruiker:Liami Smith

Ek het 'n sterk vermoede hierdie gebruiker is 'n kouspop van Gebruiker:Elana Barker. Sockpuppeting to circumvent blocking is nie toelaatbaar nie en lei gewoonlik tot die permanente versperring van die kouspopleier en sy kouspoppe. Lefcentreright (kontak) 15:17, 3 Augustus 2020 (UTC)

My vermoede is Gebruiker:Racheltjie is ook een van haar rekeninge. Ek het al in Mei vir 'n Engelse Checkuser gevra en die antwoord was: "User:Racheltjie has never edited on the English language version of Wikipedia and so there is no data available to me with which to make an assessement." So hoe kan mens uitvind? Dumbassman (kontak) 16:36, 3 Augustus 2020 (UTC)
@Dumbassman: Hier is ons oplossing: m:Steward requests/Checkuser. Lefcentreright (kontak) 16:49, 3 Augustus 2020 (UTC)

Ek dink julle moet versigtig wees om summier onverantwoordelike, onbewese gevolgtrekkings te maak. Racheltjie is nie ‘n skuilnaam van enige ander persoon nie. Ek het geen verwantskap met enige ander Wiki verbruiker nie. Ek was, weens persoonlike redes vir ‘n tyd lank onaktief op Wikipedia, maar dit sal regtig vir my jammer wees as julle op grond van hoegenaamd geen bewyse my wil blokkeer. Ek sal ‘n verskoning waardeer.

Gebruiker:Racheltjie, ek vra verskoning. Niks persoonlik nie, was net 'n vermoede. Lekker aand Dumbassman (kontak) 17:43, 3 Augustus 2020 (UTC)

Verskoning aanvaar, maar ek sal graag wil weet presies op grond waarvan die aanname gemaak is. Dis ietwat van ‘n heksejag.

Jou wysigingsgeskiedenis se tydstip was verdag na Elana se skorsing. Ook omdat jy die Content Translation Tool gebruik. Weereens niks persoonlik nie. Dumbassman (kontak) 18:19, 3 Augustus 2020 (UTC)

──────────────────────────────────────────────────────────────────────────────────────────────────── Hoekom is Elana Barker se rekening nou weer versper? Ek dog die bemarking en kopieregskendings is geskrap, en haar vertaalbydraes was waardevol. Is dit nie dalk tyd om die versperring op te hef nie? 102.165.236.165 18:31, 3 Augustus 2020 (UTC)

Die kopieregwetgewing het nie verander nie, dus alle Kennis en Wêreldspektrum bydraes is teen die wet. Dit moet verwyder word, 'n brief is oppad na Maroela Media in die verband. Oesjaar (kontak) 18:39, 3 Augustus 2020 (UTC)
  Kommentaar Die eerste sin hierbo lees Sockpuppeting to circumvent blocking is nie toelaatbaar nie, en dit bly staan in Elana se geval. --  Aliwal2012 18:51, 3 Augustus 2020 (UTC)
Moet ek gou vir 'n CheckUser vra? Lefcentreright (kontak) 18:53, 3 Augustus 2020 (UTC)
Gaan voort. Oesjaar (kontak) 18:54, 3 Augustus 2020 (UTC)
Dit is gedoen. Lefcentreright (kontak) 19:03, 3 Augustus 2020 (UTC)
Hardus.Maree en Liami Smith is kouspoppe van Elana Barker. Lefcentreright (kontak) 19:15, 3 Augustus 2020 (UTC)
Al drie gebruikers is nou oneindig versper. Lefcentreright (kontak) 19:23, 3 Augustus 2020 (UTC)

────────────────────────────────────────────────────────────────────────────────────────────────────

Baie dankie! As kruisverwysing, sien Elana se blokkering. Dit wys jou net, wikipedia is verslawend!   Aliwal2012 19:49, 3 Augustus 2020 (UTC)
LOL. Net so! Lefcentreright (kontak) 19:54, 3 Augustus 2020 (UTC)

Tiger I-tenk: die laaste laaste...

Gemeenskap: ek sukkel om hierdie verwysing te laat vertoon:

Kan iemand help asb? Groete! Oesjaar (kontak) 20:09, 3 Augustus 2020 (UTC)

Daar's hy:
  • Spielberger, Walter & Doyle, Hilary (2007). Tigers I and II and their variants. Pennsylvania: Schiffer Publishing Ltd. ISBN 978-0-7643-2780-3. Spielberger & Doyle (2002).AS1-onderhoud: meer as een naam: authors list (link)
Groete. --   SpesBona 21:00, 3 Augustus 2020 (UTC)

Australiese nasionale krieketspan

Gemeenskap, uit bogenoemde artikel: wat sal die Afr. wees vir bodyline bowling? Ook in Engels is hy uit vir 'n duck. Ek ken dit as 'n nulletjie. Enige ander voorstelle? Groete! Oesjaar (kontak) 13:01, 4 Augustus 2020 (UTC)

Pharos Nuwe Woorde en oues wat in die slag gebly het (1999): lyfboulwerk (ek vind die woord snaaks genoeg nêrens met Google nie, vreemd; lyfbouler ken Google ook nie). Duck is inderdaad 'n nulletjie volgens 1997 Pharos.Suidpunt (kontak) 17:46, 4 Augustus 2020 (UTC)
Ek het gewonder oor draaibouler, maar dis 'n "spinner". Suidpunt (kontak) 17:50, 4 Augustus 2020 (UTC)
Ons het die Lyfkrieket-reeks wat oor bodyline cricket gaan. Groete. --   SpesBona 18:10, 4 Augustus 2020 (UTC)

Vol vervoerband vir 2020-voorbladartikels

Ter insae direk gekopieer hieruit

Hi @SpesBona: ek hoop dit gaan goed met jou daar in Duitsland!

Ek het nou 'n blink idee in die stort gekry. Met die erge opeenhoping (oormaat) van voorbladkandidate tot einde 2020, wat van as ons twee artikels per week vertoon, totdat die opeenhoping afgekoel het?

Die eerste artikel van die week Maandag tot Don, dan 'n volgende een van Don. aand tot Sondagaand. Ek kan dit tegnies manipuleer op die tuisblad deur net die #weeknommer vorentoe te skuif. Dit sal mos nie afbreuk doen aan die sterre se status nie?

Laat weet asb wat jy dink! Groete, --  Aliwal2012 11:24, 5 Augustus 2020 (UTC)

@Aliwal2012: Hallo Gert, dis 'n interessante idee, al het ek persoonlik geen probleem om te waag wag totdat die artikels wat ek uitgebrei het op die voorblad verskyn nie. Ek het mos al planne vir 2023. Ek dink maar dis net 'n kort opeenhoping vir ons voorblad. Kyk maar wanneer ek die een of ander artikel begin bywerk het. Ek dink maar dis veral my skuld dat 2020 nou propvol met nuwe voorbladartikels is. Behalwe vir Zambië het ons elke week 'n nuwe voorbladartikel gehad. Dit is my hoofdoel vir 2020 en ons sal daarin slag. Vir my voel dit nou lekker rustig en is minder stres om nie elke week aan dieselfde artikel te moet skryf nie. Dis al voldoende as ek beide die land- en krieketartikels eers weer in 2021 begin aanpak. Intussen sal ek nuwe artikels skryf totdat ek die mylpaal van 2000 Afrikaanse artikels bereik het (nog minder as 450 artikels!) en saam met ene Voyager (dis 'n ander gebruiker as ons Voyageur) die Duitse Wikipedia met goeie rugbyartikels voorsien, wat ek later sal wil vertaal. Dus het ek nie 'n probleem met die gewone stelsel nie. Maar dis net my mening. Kom ons vra vir ander gebruikers wat al voorbladartikels geskryf het soos @Burgert Behr, Voyageur, Morne, Oesjaar, Puvircho, en Sobaka:. Sê julle sê asseblief. Groete. --   SpesBona 19:15, 5 Augustus 2020 (UTC)
Ek wonder of dit nie beter is om dit te los soos dit is nie. Een van die dae is die voorbladartikels op, en dan moet ons dit weer verander. Of ons sit dalk weer met 'n probleem om artikels te kry. ~ Burgert (kontak) 20:13, 5 Augustus 2020 (UTC)
@Aliwal2012:, ek het oor die saak nagedink. Ja, jy het 'n lekker probleem maar kom ons los dit net soos dit tans is. Myns insiens is daar die naweek gebruiker wat dan 'n voorblad kan mis. Groete! Oesjaar (kontak) 20:17, 5 Augustus 2020 (UTC)
So gemaak, dankie vir julle insette! --  Aliwal2012 20:57, 5 Augustus 2020 (UTC)

Technical Wishes: FileExporter and FileImporter intro

Max Klemm (WMDE) 09:13, 6 Augustus 2020 (UTC)

Panyaza Lesufi

Hallo, gemeenskap! Ek vertrou dit gaan goed met almal. Ek is tans besig om artikels oor die lede van Gautengse uitvoerende raad daar op die Engelse Wikipedia te skep (Sien Lebogang Maile, Tasneem Motara en en:Nomantu Nkomo-Ralehoko). Ek sal later probeer om die artikels in Afrikaans oor te vertaal.

Nou vandag het ek op Panyaza Lesufi se artikel hier op die Afrikaanse Wikipedia afgekom. Ek verstaan hy is nou nie die geliefste persoon in Afrikaner-gemeenskappe daar in Gauteng nie, maar, regtig waar, sy artikel op hierdie wikipedia is skokkend. Dit voldoen glad nie aan Wikipedia:Neutrale standpunt nie. Dit is aspris so geskryf om hom as hierdie vreeslike persoon uit te beeld. Afdelings soos "Afrikaans", "Wit mense" en "Afrikaners" is, in my opinie, nie aanvaarbaar nie. Party van die bronne is meningstukke. Ek het sy artikel op die Engelse Wikipedia geskryf en dit lyk glad nie so nie (Sien Panyaza Lesufi).

Die rede hoekom ek dit nou opbring, is omdat sekere artikels op hierdie wikipedia nie geklassifiseer kan word as neutraal nie (Sien Lys van Suid-Afrikaanse geloftes en Hendrik Verwoerd). Ons kan nie 'n wêreldklas-ensiklopedie bou sonder om neutrale standpunt beleid in gedagte te hou nie. Ek meen, ek wil nie hê dat die Afrikaanse Wikipedia verval soos die Kroatiese Wikipedia nie (Sien die berig hier). So, asseblief, kom ons los ons politieke standpunte by die deur en bou 'n neutrale ensiklopedie. Dankie! Lefcentreright (kontak) 10:17, 6 Augustus 2020 (UTC)

Lefsentreright, ek het die artikel gelees. Die bronne is definitief eensydig, omtrent net Maroela Media en dit wys in die artikel. Lesufi het 'n direkte invloed in my huis, my vrou is 'n onnie maar dit gaan nie my oordeel beinvloed nie. Wikipedia is polities neutraal en so gaan dit bly. Werk so lank aan 'n neutrale verbetering, stoor dit iewers sodat die gemeenskap daaraan kan kyk. Groete! Oesjaar (kontak) 10:38, 6 Augustus 2020 (UTC)
Wat skokkend is, is dat hy daardie goed kwytgeraak het. Wikipedia word nie gesensor nie. Ons kan nie inhoud met bronne skrap net omdat dit vir sommige mense aanstootlik is nie. As jy sy naam by 'n soekenjin intik, dan is dit die goed wat opkom. As jy meer inligting het om by te voeg, kan jy vry voel en jou gang gaan. – K175 (skil 'n appeltjie) 11:25, 6 Augustus 2020 (UTC)
Ek het my kommentaar op die saak op die besprekingsblad geplaas. Bespreking:Panyaza Lesufi - Rooiratel (kontak) 11:30, 6 Augustus 2020 (UTC)
Die radiostasie Capetalk bevestig Panyazi Lesufi se standpunte ten opsigte van Afrikaans as onderrigmedium: My child went to an Afrikaans school' Panyaza Lesufi says not 'anti-Afrikaans. Gaan hierdie ... nou beweer my bydraes hier is rasgebaseerd net omdat hulle in Afrikaans gepubliseer word? Skrap die hele artikel totdat hy iets noemenswaardigs doen of sê.
Hier is iets wat vermeld kan word en in almal se smaak val - neutraal, seks-georiënteerd, Twitter-gebaseerd, en mnr. Lesufi se mistresses is aan die woord: MEC in Abuse Scandal Voyageur (kontak) 12:37, 6 Augustus 2020 (UTC)
Dis nou interessant dat neutraliteit as "sensuur" beskryf word. Myns insiens geniet Lefcentreright elke reg om die eensydige artikel oor te skryf. Maar ek vra myself ook wat hierdie soort politici oor Europeërs dink wat vrywillig Afrikaans aanleer en hulle reeds twaalf jaar vir Afrikaans beywer. In Duitsland sal veral partye van 'n ander politieke spektrum met misnoeë reageer. Groete. --   SpesBona 21:10, 6 Augustus 2020 (UTC)
@SpesBona en Oesjaar: Die artikel is oorgeskryf. Lefcentreright (kontak) 21:18, 6 Augustus 2020 (UTC)
@Lefcentreright: Baie dankie, ek waardeer opreg! Veral saadjies of eensydige artikels oor Suid-Afrikaanse politici is 'n uitdaging op die Afrikaanse Wikipedia. Dis nie ons tak om hulle met "blanke arrogansie" te voed nie. Ons doel is neutraliteit, niks anders nie. Wat ons dink, is net privaat en hoort nie in artikels nie. Die leser sal tot sy eie gevolgtrekking kom. Groete. --   SpesBona 21:25, 6 Augustus 2020 (UTC)
@SpesBona: Ek stem 100% saam. ~ Burgert (kontak) 09:56, 10 Augustus 2020 (UTC)

Godsdiens en politieke artikels.

Gemeenskap, na amper 12 jaar hier betrokke op ons Wiki... Ek persoonlik vermy die skep van godsdiens en politieke artikels vir een rede: dit is bykans onmoontlik om dit neutraal te skryf! Vra bv. 'n DA ondersteuner, 'n ANC ondersteuner, 'n VF+ ondersteuner en EFF ondersteuner ens. elk om 'n neutrale artikel oor bv die ou Nasionale Party te skryf. Jy gaan 'n klomp totaal verskillende artikels kry waarby elke outeur gaan sweer dit is totaal neutraal en onpartydig! Feit soos 'n koei!

Dieselfde geld godsdiens artikels! Die enigste manier om politieke en godsdiens artikels neutraal te skep is om 'n verteenwoordiger van elke party/godsdiens te kry en dat hulle een artikel saam skryf... En dit gaan ook nooit gebeur nie!

Die artikel oor Panyaza Lesufi verwys: ja, die man het baie dinge gesê wat my ook warm onder die kraag kry. Maar dit is nie ons taak om politiekery onder die aandag van ons gebruikers te bring nie. Ons is nie 'n koerant of blog nie. Dit beteken dat ons elke dag elke politikus se artikel sal moet opdateer, dan word die artikel tegnies 'n blog. Ek kan nog baie oor die onderwerp skryf maar gaan nie. Ons is 'n ensiklopedie!

Aktuele nie-politieke artikels soos die ontploffing in Beiroet wat slegs die gebeure weergee sonder menings/opinies/gevolgtrekkings het wel waarde.

Ek het julle met die aanvang van die inperking gevra om te help om inhoud vir ons kinders te skep. Ons kort, korrekte, op datum inligting oor wiskunde, aardrykskunde, wetenskap, biologie, tegnologie, meganika, elektrisiteit, geskiedenis ens wat kinders kan gebruik. Ek het tot die sillabusse hier geplaas. Die inperking het tot gevolg dat aanlyn onderrig gekom het om te bly in baie skole. Youtube is hoofsaaklik Engels. Ons kan 'n verskil maak. Ek nooi julle uit, moenie tydmors met dinge wat nie werklik ons taak is nie.

Sien [11], waar dinge werklik verkeerd geloop het! Die WikimediaZA stigting se voorsitter, Gebruiker:Discott het my ingelig dat Wikimedia Stigting reken die enigste manier om die probleem op te los, is om die Wiki te skrap en oor te begin.

Dink aan ons kinders op skool... Groete! Oesjaar (kontak) 18:46, 6 Augustus 2020 (UTC)

Liewe hel. So maklik. Dan sal ek van my voorbladartikels iewers op stiffies moet begin bêre. Ek weet daar was 'n stadium toe iemand sommer vir 'n gekkedaggrap (met genoeg ondersteuners) die Franse Wikipedia wou toemaak (die redes wat aangevoer is was goedige draaksteek), maar ek het nooit kon dink so iets sou ooit met enige Wikipedia kan gebeur tensy... ek weet nie, absoluut niemand meer kan bydra nie en/of die taal geheel en al dood is. Ek het selfs al gewonder of fiktiewe tale soos Quenya of High Valyrian (wat op Duolingo aangebied word) mettertyd bestaansreg gegun sou word, want hul grammatika is amper vasgelê.
As dit een maal toegestaan is, wie sê dit kan nie ook met die Afrikaanse Wikipedia eendag gebeur nie? En wat gaan hulle maak met die rugsteunkopieë by Kiwix.org? En waarom nie sommer die Anglo-Saksiese, Gotiese en ander dooie tale toemaak wat in elk geval byna geen bydraes het nie?
Dan nog iets: Soos mens "suurstofdiewe" in die Afrikaanse taal kry, so word sulke min-besoekte artikels eintlik net "energievreters" genoem - om krag en hulpbronne en slytasie te spaar word sulke data dan afgetrek, geargiveer en heeltemal êrens in 'n kluis weggebêre. Ek is doodernstig: sakebedrywe doen dit; hoe lank voordat Wikipedia uit een of ander "groen veldtog" nie dieselfde gaan doen nie? Daar is selfs van my bydraes uit die verlede wat ek netsowel nie kon geskryf het nie, want voor die volledige besoekstatistiek was ons almal nog in die war. Niemand lees sulke werke ooit nie. Suidpunt (kontak) 20:04, 6 Augustus 2020 (UTC)
Ek het pas deur die Engelse Wikipedia se artikel gelees en die navorsing was meestal almal in 2011 en 2013 en 2014 gedoen. Ook by die Duitse Wikipedia. Waar was die kritici die afgelope 7 jaar dan? Was daar enige opvolgwerk? Die ander berig uit 2018 is nie 'n akademiese artikel nie, maar gewoon dié van 'n poniekoerant. Suidpunt (kontak) 20:29, 6 Augustus 2020 (UTC)
Dinge gaan nog net so aan... Maar nou ja... Oesjaar (kontak) 20:35, 6 Augustus 2020 (UTC)Groete!
Ek ondervind geen probleem om ander godsdienste soos Christendom, Judaïsme, Islam, Boeddhisme en Hindoeïsme op 'n neutrale manier te beskryf nie. Dis darem soos artikels oor 'n ander land se kultuur, volk of taal. Ek doen dit met gragte, veral om onkennis en haat te voorkom. Ek het eerder 'n probleem daarmee as na die Tora net heeltyd as "Ou Testament" verwys word of net die Christelike benamings van Moses se vyf boeke gebruik word. Dis alles behalwe neutraal. Ek dog daar bly sowat 70 000 Jode in Suid-Afrika en van hulle praat Afrikaans. Ons skryf ook vir hulle. Dis hoekom ek artikels soos bv. Chanoeka geskryf het. Dieselfde geld vir Kaapse Maleiers vir wie ek bv. Asjoera geskryf het. Groete. --   SpesBona 21:20, 6 Augustus 2020 (UTC)

Gebruiker:Wernigruenenfelder se bydraes.

Gemeenskap, sien asb 6 Augustus, daar is ook baie ander. Ek het 'n probleem met die sinnlose bydraes en rooi skakels wat hy maak en in die verlede gemaak het. Die goed het geen waarde nie. Julle insae asb! In kort, ek begin nou gatvol word vir van die Europese gebruikers wat dink ons woon nog in bome... Groete! Oesjaar (kontak) 20:34, 6 Augustus 2020 (UTC)

Hy doen net rekenaarvertalings en sulke goed. Van sy artikels is net gemors en bied geen ensiklopediese waarde nie. Ek is moeg vir daardie... Groete. --   SpesBona 21:05, 6 Augustus 2020 (UTC)
Stem heelhartig saam, Werni tree baie frustrerend op. --  Aliwal2012 05:59, 7 Augustus 2020 (UTC)

Help my dan asb. As iemand vir my kan se wat nie kwalifiseer as sinneloos nie, sal ek graag my fokus op daardie artikels fokus. My inligting is nie verkeerd nie en wat die geboortes/sterftes betref is dit ook nie sinnelose geskiedkundige figure nie (my doel is om vanaf die einde van 2020 dan ook die artikels oor die indiwidue te plaas sodra hulle deur die taalversorging goedgekeur is)? Ek sal baie graag nie ´n irritasie wil wees nie. Is daar iemand in Pretoria met wie ek kan gesels? – Hierdie ongetekende kommentaar is deur Wernigruenenfelder (BesprekingBydraes) gelewer.

Geboorte- en sterftedatums van onbekende mense het geen waarde nie. Dink net as ek die geboortedatum van 'n klubrugbyspeler op die Duitse Wiki plaas, wat se waarde gaan dit hê? Gee 'n lys van artikels wat jy wil skryf dan kyk ons. Ek bly in Krugersdorp, die een gebruiker wat ek ken in Pretoria wil anoniem bly. Oesjaar (kontak) 10:43, 7 Augustus 2020 (UTC)
Miskien kan Werni vir Gebruiker:Ossewa in Pretoria kontak? --  Aliwal2012 11:08, 7 Augustus 2020 (UTC)
Terwyl ons besig is om almal te skors, kan ons sommer sy rekening ook op die lykswa laai! – K175 (skil 'n appeltjie) 12:08, 7 Augustus 2020 (UTC)
@Wernigruenenfelder: Hallo! Hoe gaan dit? Een van die fundamentele beginsels op Wikipedia is Wikipedia:Aanvaar goedertrou. Ek het liggies deur jou bydraes en besprekingsbladsy gegaan. Ek aanvaar jy wil die projek help en nie afbreek nie, maar daar is twee probleme wat ek raakgesien het en dit moet dringend aangespreek word. Hulle is as volg:
  • Om rooi skakels te laai op bladsye soos 6 Augustus en Lys van outeurs/B help nie eintlik nie. Jy moet die artikels skep en dan oplaai. Dit lyk net beter.
  • Jou gebruik van 'n masjienvertaler. Ek weet dit is gerieflik, maar rou masjienvertalings is gewoonlik gevul met Anglisismes, Germanismes, spelfoute, ens. Oor die algemeen van swak gehalte. Nou om talle masjienvertalings in 'n kort tydperk te skep, sonder om die taal na te gaan, help nie veel nie. Onthou die beginsel Kwaliteit van kwantiteit.
As jy dit aanspreek en daarop verbeter, is jou bydraes meer as welkom. Lefcentreright (kontak) 12:30, 7 Augustus 2020 (UTC)
Myns insiens is dit baie verkeerd om met rekenaarvertaalde goed en botartikels te groei. Ons kan net lesers trek as ons oor baie artikels met 'n hoë gehalte beskik. Ons kan ander taalweergawes net klop as ons aan die beginsel "kwaliteit bo kwantiteit" voldoen. Andersins gaan die leser na die Engelse Wikipedia of elders. Ek dink maar dis ook deel van die onderhoud van ons taal Afrikaans, of hoe? Groete. --   SpesBona 21:15, 7 Augustus 2020 (UTC)
Jy slaan die spyker op sy kop! Groete! Oesjaar (kontak) 21:16, 7 Augustus 2020 (UTC)
Mense wat Afrikaans verpes sal ons net kan teister as ons ensiklopedie van die boonste rakke is. As ons artikels net van 'n lae gehalte is, hoor ek hulle net lag. Groete. --   SpesBona 21:25, 7 Augustus 2020 (UTC)

Dankie vir die insette. Dankie ook dat julle met my in kontak tree. Ek sien dat ek die etiket oortree en sal graag met Ossewa wil gesels om minder golwe te maak. Hoe kontak ek vir hom? Die Afrikaanse Wikipedia-projek is vir my verskriklik belangrik. My kinders begin nou die internet gebruik en dit is vir my belangrik dat hulle in Afrikaans op ´n bree spektrum naslaanwerk sal kan doen op Wikipedia. Ek het 30 jaar in die Duits en Franssprekende buiteland gebly en my Afrikaans het gevolglik ´n "Duitse inslag". Ek het in die begin die Wikipedia-vertalingsfunksie gebruik maar sedert meer as ´n jaar is al die kort artikels en bydraes my "eie Afrikaans". Ek het gevolglik opgehou om self lang vertaalde artikels te plaas en het op lyste en kort artikels gefokus. Indien moontlik (ek weet nie hoe nie), sal ek graag van my eerste artikels wil afhaal en erens hou totdat ek iemand kan kry om die taalversorging te doen. Hoe doen ek dit? Ek het tans so 300-400 artikels op Word wat vir ´n taalversorger wag voordat hulle geplaas kan word. Die kommentaar dat die mense "onbelangrik" is wil ek graag terugwys. Almal is indiwidue wat ´n groot bydrae gemaak het tot die geskiedenis van die mensdom. Ek stem met van die kommentaar ooreen dat akteurs en sportslui net in uitsonderlike gevalle ingesluit behoort te word (en very ek hulle dus). Die name wat ek in die geboorte en sterftelyste ingesluit is, is die vernaamste indiwidue op dieselfde artikels van die Duitse, Franse, Nederlandse, Sweedse, Deense en Norweegse Wikipedias. Vername en bekende mense wat in die kunste, politiek, wetenskap en ekonomie groot invloed gehad het. Baie van hulle is in die "Engelse wereld" (Suid-Afrika is deel daarvan) onbekend omdat die Engelse wereld hoofsaaklik net op die Engelse wereld fokuseer. Miskien moet ek die logika agter my bydraes verduidelik. In my besigheid het ek geleer dat as ´n mens groot volumes wil hanteer, dat dit altyd help om ´n raamwerk te bou en daarna die raakwerk in te vul. Sal dit aanvaarbaar wees as ek eers die lyste voltooi en die "rooi" skakels

vir eers ongedaan maak totdat ek artikel oor die spesifieke persoon geskryf het? – Hierdie ongetekende kommentaar is deur Wernigruenenfelder (BesprekingBydraes) gelewer. PS Werni: Teken asb jou bydraes hier met 4 tildes (~~~~), dan weet ons jy het dit geskryf!

Woon jy in Pretoria? Los vir Gebruiker:Ossewa 'n boodskap hier: [12]. Met jou agtergrond kan jy verseker 'n positiewe verskil hier maak! Groete! Oesjaar (kontak) 09:29, 8 Augustus 2020 (UTC)

N.P. van Wyk Louw

Goeienaand gemeenskap! RSG gedenk in Augustus N.P. van Wyk Louw, maar daar is iets fout met sy sterfdatum. Help asseblief! Groete. --   SpesBona 21:30, 6 Augustus 2020 (UTC)

  Uitgevoer - elke plek waar ek soek sê 18 Junie en nie Augustus nie. Selfs 2 ander plekke in die artikel. Ek dink die 14 Augustus was maar net 'n fout. Rooiratel (kontak) 09:25, 7 Augustus 2020 (UTC)
Ek stem saam. Besoek Wikidata vir vyf verwysings en ook Afrikaanse letternet. Martinvl (kontak) 13:18, 7 Augustus 2020 (UTC)
Ek het sover as moontlik alle skakels wat ek kon kry aangeskakel... Groete! Oesjaar (kontak) 08:50, 8 Augustus 2020 (UTC)

Ek is 'n ryk man...

Gemeenskap: iets anders, ek vermoed julle kry dit ook. Iemand uit Suid-Soedan maak kontak met my op Linkedin. Na hoflike, saaklike kommunikasie, toe kom die ware kleure te voorskyn: die persoon se pa het baie geld (US $5.5miljoen) in Engeland wat hy nie kan kry nie omrede hy nie uit Suid-Soedan kan wegkom nie en ek kan help... Toe staak ek maar die gesprek want ek weet wat gaan kom: betaal 'n geldjie om die geld uit Engeland te kry en in die proses moet ek my bank besonderhede bekend maak... Ek het in elk nie sy geld nodig nie want ek die afgelope week die Europese Lotery, die Britse lotery en nog 'n Nasionale Lotery iewers gewen... Ek is 'n ryk man. Groete! Oesjaar (kontak) 13:05, 7 Augustus 2020 (UTC)

Soos ons in Engels sê "pigs will fly". Martinvl (kontak) 13:20, 7 Augustus 2020 (UTC)
Suid-Soedan? Ek het dié artikel in 2010, voor dié land se onafhanklikheid in 2011, begin. Waar is my prys? Ek ontvang veral aanbode uit Nigerië en Benin. Groete. --   SpesBona 21:05, 7 Augustus 2020 (UTC)
Net laas week het ek Jamaika s'n gewen. Ek moet net R50K in een of ander rekening deponeer en dan kry ek die geld. Lekker. Lefcentreright (kontak) 21:12, 7 Augustus 2020 (UTC)

Iets vir die gemeenskap...

Gemeenskap, sien [13] Geniet! Oesjaar (kontak) 21:42, 8 Augustus 2020 (UTC)

@Suidpunt:, ek het hierdie by prof. Laurette Pretorius gekry. Indien jy dit nog nie voorheen gelees het nie, sal ek graag jou mening oor die artikel wil hoor. Groete! Oesjaar (kontak) 15:20, 9 Augustus 2020 (UTC)
Ek is dankbaar oor die skakel, en vir massagebruik is die internet gunstig. Maar ook die internet het sy teenpool. Elsabé Brits vra - as alles dan digitaal is, wat het ons eendag oor vir die argeoloë in 'n post-digitale wêreld. Spoorlose e-generasie. Ook Steve Hofmeyr het al tydens 'n onderhoud gesinspeel as daar eendag 'n apokalips uitbreek en syne is die enigste boek wat op die ashoop gevind word, dan sal daar 'n ander oogpunt wees om na die jare 2010's te kyk.
Dit hinder my nogal ook. Ons sien reeds dat baie verouderde data-formate onversoenbaar is met huidige tegnologie. Ons sien hoe MXit uit die vroeë 2000's al sy data en mobi-boeke saam met hom in 'n digitale graf ingesleep het. Alles is weg.
Ook het ek al die nadele van e-boeke beleef. Feite verander, en mense is meer geneig om die ou feite uit te wis (en e-boeke dateer hulle sommer self op) as om die nuwe feite by te plak. Iemand in die toekoms gaan dus moeilik tot 'n gevolgtrekking kom hoe 'n denksprong gemaak is (dis soos om 'n Franse boek te lees sonder om die plaaslike Franse geskiedenis te ken). Dit is iets waarmee historici vandag nog probleme het. 'n Boek kan ook swerf, maar as 'n webwerf sluit, dan sluit hy. As jy vroegtydig by archive.org voorsorg getref het - wonderlik! Maar ook net jy sal daarvan weet.
Aan die ander kant help die digitale wêreld dat jy gouer terugvoer kan kry. En die onmiddellike voordele is ook nimmereindigend.
Ek het Vrydag na 'n onderhoud met Naomi Morgan op YouTube gekyk (professor in die Frans, deur die Franse Akademie tot ridder geslaan vir haar vertaalde werke uit Frans in Afrikaans): sy het nie geweet daar was soveel vertalings uit Frans in Afrikaans in die jare 1960 nie (wat vir my sê sy het moontlik Lys van vertalings in Afrikaans geraadpleeg), ook nie van die voorgeskrewe werk wat sy op hoërskool gehad het nie - en sy was aangenaam verras deur die goeie vertaling in Afrikaans. Ek dink sulke "lyste" as inventarisse moenie onderskat word nie - ek dink dit werk meer sielkundig as iets anders: dit skep 'n vastigheid: "daar is honderde werke om op terug te val". Suidpunt (kontak) 20:16, 9 Augustus 2020 (UTC)

Maroela Media

Gemeenskap, neem kennis asb. Ons het 'n brief gekry van Maroela Media se regspan en het gevolglik hulle artikel tydelik versper totdat die probleem opgelos word. Groete! Oesjaar (kontak) 21:50, 8 Augustus 2020 (UTC)

@Oesjaar: Hoekom? Groete, Lefcentreright (kontak) 21:52, 8 Augustus 2020 (UTC)
Naamskending blykbaar. Die WikimediaZA raad sal die saak bespreek Dinsdagaand. Kom ons los dit net hier asb. Groete! Oesjaar (kontak) 21:54, 8 Augustus 2020 (UTC)
@Oesjaar: Ek het net so groot geskrik toe ek die kennisgewing op die blad gesien het. Lefcentreright (kontak) 21:55, 8 Augustus 2020 (UTC)
Die oplossing is eenvoudig: verwyder enige laster van die artikel en herstel feitlike, onomstrede inhoud wat daar bestaan het voor die laster bygevoeg is. Ek het nou vry gevoel en my gang gegaan en die nodige wysigings aangebring. – K175 (skil 'n appeltjie) 05:56, 9 Augustus 2020 (UTC)
K175, die WikimediaZA raad het opdrag gegee dat die artikel onsigbaar gemaak moet word totdat die regsdinge uitsorteer is. Oesjaar (kontak) 07:16, 9 Augustus 2020 (UTC)

────────────────────────────────────────────────────────────────────────────────────────────────────

As dit waar is...
Wel, ek gaan my stuiwer ingooi as onafhanklike bydraer, want ek kan werklik nie insien hoe ek aanspreeklik gehou kan word vir 'n blad waaraan ek nie gekarring het nie (of is ek as administrateur/bydraer outomaties deel van die kollektiewe skuld?)
Het ek die dialoog op die besprekingsblad van die artikel misgeloop? Want sover ek weet moet jy eers 'n paar skietgoed versamel voordat jy... Huh?
In die verlede het ons 'n politikus Ferdi Hartzenberg gehad wat 'n skrywer, Advokaat P.J. Pretorius ("Gewese lid van Nasionale Intelligensie"), gedagvaar het oor die boek "Volksverraad". Hy was leier van een van die splintergroepe van die sogenaamde regse partye. Nou, volgens hierdie advokaat was hierdie versplintering van die regse partye 'n idee wat net die Nasionale Party kon bedink het om die Konserwatiewe Party te rysmier. Hoe groter die versplintering van die opposisieparty, soveel te beter. Die name van baie van hierdie partyleiers is verdag gemaak.
Nou die advokaat het by later tye, soos blyk uit 'n onderhoud wat Claus Nordbruch met ander politici gevoer het in 1995-1997, aan een van hierdie leiers erken dat hy by sekere puntjies 'n saak verkeerd verstaan het en diegene [dis nou die wat nie gedagvaar het nie] om verskoning gevra het. Baie skrywers, het ek nou ook al geleer, gooi 'n klip in die bos en kyk watter haas gaan uitspring. As iemand iets lasterlik van jou sê, help dit nie jy gooi 'n prokureursbrief voor nie, want dit lyk net of jy die waarheid koop of afdwing - en dit maak die publiek juis agterdogtig [juis oor transnasionale megakorporasies wat met die beste prokkies kry wat hulle wil hê, ek sê maar net].
Verder - 'n geniale 5-jarige (met die intelligensiekwosiënt van 'n 20-jarige, maar die emosionele intelligensie van 4-jarige) kon daardie artikels geskryf het. 'n Hond kon selfs daardie artikel geskryf het, en 'n hond kan jy nie belet om sy been teen die posbus te lig nie (ek het al probeer, maar dit werk nie). Nou wat maak jy dan? Beveg vuur met vuur: skryf 'n ontsettend goeie brander terug.
Dieselfde met Jacques Pauw: moenie hom dagvaar as hy versinsels het nie, pie op sy battery met 'n veel dikker boek wat al die waarhede bevat.
O, en eh... ek onthou nog hoe Anoeschka von Meck se artikel gelyk het voordat die outeur self op 7 Mei 2017 ingeklim en enige vorm van laster bloot verwyder het met as byskrif: "Onakkurate persoonlike inligting verwyder en geredigeer." Ek dink nie Wikipedia het nog 'n prokureursbrief van haar ontvang nie
Laastens onthou ek van hierdie petalje wat hiertoe gelei het: News24.com op 23 November 2011. En weer was daar geen prokureur by betrokke nie.Suidpunt (kontak) 13:09, 9 Augustus 2020 (UTC)
'n Vandaal het nog een aand John Steenhuisen se artikel gevandaliseer en toe gebeur dit. Ek gaan Suid-Afrika mis :D Lefcentreright (kontak) 13:56, 9 Augustus 2020 (UTC)
@Suidpunt: Die artikel oor Maroela is beskerm teen wysigings deur anonieme/nuwe gebruikers en die verwydering van lasterlike inhoud is aanhoudend teruggerol. – K175 (skil 'n appeltjie) 14:12, 9 Augustus 2020 (UTC)
Eers was daar sprake van blatante plagiaat van Maroela Media se kant (wat dit natuurlik nie is nie - Elana Barker het nooit vreemde tekste as haar eie bydraes gekenmerk nie), dan was daar sprake van kopieregskending wat dit blykbaar dan ook nie is nie. Die kopiereghouer kan tog maklik gekontakteer word om die saak reg te stel. Voyageur (kontak) 15:27, 9 Augustus 2020 (UTC)
Hoe ek dit verstaan is Wereldspektrum en KENNIS "orphaned works", maar die Suid-Afrikaanse kopieregwet maak voorsiening dat iemand die eiendom weer eendag kan koop en geld daarvanaf maak. My probleem lê dat Maroela Media nie 'n onpartydige, onafhanklik en neutrale bron is nie. Maar net my mening, netnou word ek gedagvaar vir nonsens praat. Dumbassman (kontak) 15:39, 9 Augustus 2020 (UTC)
Die vraag is of daar êrens op aarde onpartydige, neutrale en onafhanklike bronne bestaan. Net skrywer en leser mag saam bepaal dat iets onpartydig is. Daar is ongelukkig miljoene en miljarde belange en menings en sienswyses en wat ook al. Eintlik moet ons 'n Wikipedia Evangelical, Wikipedia Progressive, Wikipedia Feminist, Wikipedia LDS, Wikipedia Liberal, Wikipedia Tea Party en wat nog alles beskikbaar stel. Voyageur (kontak) 15:52, 9 Augustus 2020 (UTC)
Jy is reg. Ek is ook nie die regte persoon om die besluit te maak nie. Iemand kan altyd aanstoot neem met enigiets... Die Engelse gesegte "It's offensive to be offended" Dumbassman (kontak) 15:55, 9 Augustus 2020 (UTC)
Die artikelinhoud was korrek as die inhoud van Wêreldspektrum en Kennis, op die tydstip toe dit geskryf is, deur Suid-Afrikaanse kopiereg beskerm is en nie
A) onder 'n vrye lisensie beskikbaar gestel is vir gebruik op Wikipedia nie,
B) die kopiereghouer dit ook nie eksplisiet geskenk het aan die Wikimedia-stigting nie. 'n Sodanige ooreenkoms moet op Wikipedia vermeld word. Dit is blykbaar ook nie "orphaned works" volgens Amerikaanse kopieregwetgewing nie aangesien die kopiereghouer bekend is. Selfs in gevalle waar hy nie bekend is nie en die materiaal te goeder trou as orphaned beskou en gepubliseer word, bestaan die moontlikheid dat hy te eniger tyd regtelike stappe kan instel om sy kopiereg op te eis. Fair use is nie van toepassing op Suid-Afrika en die Afrikaanse Wikipedia nie.
Publikasie van inhoud op Wikipedia is regtelik 'n verklaring deur die betrokke gebruiker dat die gepubliseerde inhoud onder 'n vrye lisensie val. Van die inhoud is geskandeer en opgelaai. Voyageur (kontak) 16:37, 9 Augustus 2020 (UTC)

APCBC in Afrikaans...

Gemeenskap, so paar weke terug het ek julle ingelig insake die Afr. naam vir Armour-piercing discarding sabot (APDS) wat pantserbreek skei-klomp is. Oor APCBC, sien hierdie videos [14] en [15] wat onder ander APCBC verduidelik. Nou verstaan ek dit ook.

Nou, die Afrikaans is: Pantserbreek-dop ballistiese-dop-projektiel... Wat dink julle? Geniet die videos. Groete! Oesjaar (kontak) 11:02, 9 Augustus 2020 (UTC)

MotoGP vs Motorfiets Grand Prix

Gemeenskap, na Brad Binder se historiese oorwinnig, wat is die korrekte bewoording? Groete! Oesjaar (kontak) 14:37, 9 Augustus 2020 (UTC)

Ek dink maar dis verwant aan Formule Een. @Aliwal2012:, wat dink jy? Groete. --   SpesBona 21:10, 9 Augustus 2020 (UTC)
MotoGP is die gebruiklike term. Groete, --  Aliwal2012 06:28, 10 Augustus 2020 (UTC)

Aktueel

Kan die histories oorwinning van Brad Binder asb in Sjabloon: Aktueel weerspieël word. Die mannetjie het geskiedenis gemaak. Groete! Oesjaar (kontak) 20:35, 9 Augustus 2020 (UTC)

  Uitgevoer, kyk asseblief. Groete. --   SpesBona 21:01, 9 Augustus 2020 (UTC)
Dankie! Oesjaar (kontak) 21:06, 9 Augustus 2020 (UTC)

Vraag

Gemeenskap, wat word 'n inwoner van Lesotho genoem? Ek is op pad om 'n klomp oor Lesotho-parlementslede te skep en ek soek graag die korrekte term. Ek kry dit as "Mosotho". Weet iemand miskien die antwoord? Groete, Lefcentreright (kontak) 18:47, 11 Augustus 2020 (UTC)

@Lefcentreright: selfde probleem met Botswana en Eswatini. Die etniese groepe help nie, aangesien van hulle natuurlik ook in Suid-Afrika bly. Groete. --   SpesBona 18:55, 11 Augustus 2020 (UTC)
@SpesBona: Eswatini se finansies minister Neal Rijkenberg is nie etnies Swazi nie, maar hy word beskryf 'n Swazi politikus. Lefcentreright (kontak) 19:02, 11 Augustus 2020 (UTC)
@Lefcentreright: Is Swazi(-land) nie verouderd nie? Groete. --   SpesBona 18:58, 11 Augustus 2020 (UTC)
@SpesBona: Nee wat. Hulle gebruik nog steeds Swazi. Ook die US State Department beskryf 'n inwoner van Lesotho as 'n "Mosotho". Lefcentreright (kontak) 19:02, 11 Augustus 2020 (UTC)
@Lefcentreright: 'n Lesotho-burger is wel 'n Mosotho, maar soos ek laas met jou geargumenteer het by Moeketsi Majoro, hoekom wil jy dit in die inleiding skryf? Dit maak dit baie eksplisiet, alhoewel dit die ware feite is. Dis so goed jy skryf "Barack Obama is 'n Hawaaiis-gebore Afro-Amerikaner" in sy inleidende paragraaf. Ek voel dis bietjie van 'n "over kill" as jy verstaan wat ek bedoel.
Ek is wel, net soos jy, 'n Boer/Afrikaner, maar ek verkies om nie so in 'n kassie geprop te word nie. Ek is wel 'n trotse Suid-Afrikaner en basta! Ek verpes dit om 'n Boer genoem te word, want dan kan die donkergroenes net weer die rassekaart teen my speel! Groete --  Aliwal2012 19:50, 11 Augustus 2020 (UTC)
Hallo Aliwal. Dit is 'n probleem waarmee die Katalaanse Wikipedia sit. Hulle sal elkeen volgens sy geboortedistrik en etnisiteit takseer, byvoorbeeld X is 'n Kataloniër, maar nie 'n Spanjaard nie. Dit maak die Spanjaarde weer die moer in, want in hulle oë ontken die Katalane dat Spanje bestaan (wat eintlik die Katalane se soete weerwraak is op Spaanse onderdrukking van die taal en kultuur). Ek dink ons sien bloot 'n "generation gap" (met permissie gesê). Ek het in 'n anti-nasionalistiese en pro-globalistiese tydperk grootgeword (waar Disney en kie voortdurend soek na eksotiese verhale en een of ander verlore stam, soos te sien met Moana) en waar nasiestate bloot 'n konstruk is deur 'n paar Britse, Franse, Portugese en Belgiese here om 'n tafel vol drank bedink hoe Afrika as koek opgesny moet word. Daar is immers lande wat nie deur ander lande erken word nie, so wat is iemand van Kosowo? Staatloos? 'n Niks? Dis nou net 'n (on)gelukkie dat my paspoort en geboortesertifikaat in Suid-Afrika voor en na 1990 was. Sterf vir 'n land? Vir 'n naampie op 'n muur wat buitendien eendag gaan omdonder, terwyl jou vrou en kinders onsimpatiek sonder vaderfiguur moet voortploeter en hoor wat 'n gemors hy was omdat hy hom by 'n vorige regime geskaar het onder diensplig? Ha-ha-ha - die gedagte! Suidpunt (kontak) 20:09, 11 Augustus 2020 (UTC)
Ons het dié probleem al bo gehad: die verskil tussen staat en nasie. Die Katalane is in elk geval 'n eie nasie, soos Puerto Ricane, Sahrawis, Palestyne, Koerde, Oeigoere, Tibettane, en baie ander. Maar hulle beskik nie oor 'n eie staat nie. Groete. --   SpesBona 21:10, 11 Augustus 2020 (UTC)

Wikipedia:Die vyf pilare van Wikipedia

Gemeenskap, ek het twee van ons gebruikers (hulle weet wie hulle is) gevra om hierdie dokument uit Engels te vertaal. Ek persoonlik verkies hierdie weergawe, die ander weergawe is [16]. Die gemeenskap moet 'n keuse maak (versmelting is ook 'n moontlikheid...), help asb. Ek dink ek werk 'n bietjie gatkant vorentoe hier....maar nou ja! Groete! Oesjaar (kontak) 19:07, 11 Augustus 2020 (UTC)

Oesjaar se weergawe is baie meer duidelik. Jy hoef nie te twyfel oor wat geskryf is nie, omdat dit so glasduidelik is. Lefcentreright (kontak) 19:16, 11 Augustus 2020 (UTC)
Oesjaar se verwerking is die beste. (Beter as die Engelse Garbage-In-Garbage-Out). En basta. Suidpunt (kontak) 19:29, 11 Augustus 2020 (UTC)
Waar pas ons die dokument in, saam met ons beleide? Moet ons iewers daarna verwys? Groete! Oesjaar (kontak) 20:38, 11 Augustus 2020 (UTC)
O ja, en dankie aan die twee Samritane wat hulle tyd op geoffer het! Dit word waardeer. Groete! Oesjaar (kontak) 20:39, 11 Augustus 2020 (UTC)

Springbokke

Net as iemand wonder waar ek die afgelope vier dae was: Ek het 'n groot vertaalwerk gedoen en die nuwe lesenswaardige artikel op die Duitse wiki, wat ek saam met Gebruiker:Voyager geskryf het, weer in Afrikaans vertaal. Enige proeflees word opreg waardeer. Groete. --   SpesBona 21:00, 11 Augustus 2020 (UTC)

Blykbaar was hierdie uitbreiding "perfek", of hoe?! Groete. --   SpesBona 18:40, 17 Augustus 2020 (UTC).

Mariner 4

Gemeenskap, ek soek hulp met die geskikte infoboks asb! Groete! Oesjaar (kontak) 19:24, 13 Augustus 2020 (UTC)

Ek wou jou been trek met 'n databoks, maar kry nie Afrikaans vir "planetary flyby" of "space launch vehicle" nie. Sterkte Dumbassman (kontak) 21:11, 15 Augustus 2020 (UTC)
Hierdie artikel is nou voltooi en ek soek nog raad met 'n infoboks... Groete! Oesjaar (kontak) 12:07, 30 Augustus 2020 (UTC)
Ag jy kan sommer 'n generiese een gebruik, jy hoef mos nie 'n doelgemaakte een te hê nie! Kopieer Apollo 14 se inligtingskas en skryf jou eie parameters daarin. Bv., vervang "Maanlanding" met "Aankoms by Mars", ens.
'n Ander opsie is sjabloon {{Inligtingskas}} wat vir enige onderwerp gebruik kan word. Groete, --  Aliwal2012 13:41, 30 Augustus 2020 (UTC)

Negehoek

Gemeenskap, in Engels is dit 'n nonagon. Is daar 'n Afrikaanse woord vir dit? Groete! Oesjaar (kontak) 11:12, 14 Augustus 2020 (UTC)

Ons moes lankal 'n lys begin het:

oktagoon - ag(t)hoek
enneagoon of nonagoon - negehoek
dekagoon - tienhoek
endekagoon - elfhoek
ens.Suidpunt (kontak) 14:17, 15 Augustus 2020 (UTC)
  Uitgevoer (soortvan), sien Veelhoek, julle kan daar karring. - Rooiratel (kontak) 02:14, 16 Augustus 2020 (UTC)
Baie dankie, Rooiratel! Suidpunt (kontak) 11:30, 16 Augustus 2020 (UTC)

Vyftienjaargemeenskap

Gemeenskap, geluk aan Gebruiker:Sobaka wat iewers in Julie 'n lid van die klub geword het! Ander aktiewe lede is Gebruiker:Alias en Gebruiker:Puvircho. As ek iemand oorgeslaan het, groot omverskoning... Groete! Oesjaar (kontak) 20:18, 15 Augustus 2020 (UTC)

Hi Oesjaar, dankie daarvoor. Kan jy net met Gebruiker:Puvircho sy 15 jr bevestig? Die meter wat ek gebruik, sê hy is op 2008-11-20 21:14 geregistreer. Miskien was hy slegs 'n IP-bydraer voor dit? Groete, --  Aliwal2012 23:45, 15 Augustus 2020 (UTC)
Dag Aliwal, ek dink ek was ’n IP-bydraer voor ek as gebruiker geregistreer het, maar dit was nie van 2005 af nie. Ek is dit eens met jou inligting dat ek sedert 20 November 2008 onder my gebruikersnaam bydraes maak. Ek het nog ’n entjie om te gaan voor ek by die vyftienjaarklub kan aansluit. Puvircho (kontak) 13:59, 17 Augustus 2020 (UTC)
@Puvircho:, dankie vir die eerlikheid. Lyk vir my regtig die ouderdom begin my inhaal. Groete! Oesjaar (kontak) 15:05, 17 Augustus 2020 (UTC)
@Oesjaar:, geen probleem. En die ouderdom kom maar nader aan my ook. ;) Puvircho (kontak) 07:48, 18 Augustus 2020 (UTC)
@Puvircho:, ek is mal oor jou vlagartikels, onafhanklik van enige ouderdom. Baie dankie vir al daardie. Groete. --   SpesBona 10:50, 18 Augustus 2020 (UTC)

Skryfwedstryd

Goeienaand Gemeenskap, vandag het ek op ou bladsye soos Wikipedia:Skryfwedstryd 2010 en Wikipedia:Skryfwedstryd 2015 afgekom. Eersgenoemde onthou ek nog baie goed, ek was al hier betrokke, maar het nie daaraan deelgeneem nie; laasgenoemde het nooit plaasgevind nie. Nou is ons tien/vyf jaar later. Wat dink julle, is dit weer tyd om 'n Wikipedia:Skryfwedstryd 2020 te hou? Ek dink maar dit sal 'n goeie geleentheid wees om al die onlangse moeilikhede met daardie virus oor te kom, bowendien kry ons waarskynlik nog artikels van 'n hoë gehalte. As iemand vra sal ek waarskynlik as 'n beoordelaar optree, soos tydens die onlangse skryfwedstryd op die Duitse Wikipedia (en tydens een ander). Wat dink julle? Groete. --   SpesBona 18:35, 17 Augustus 2020 (UTC)

Ek dink so. Ons sal waarskynlik/hopelik 'n beter reaksie kry as in 2010, want daar is nou meer mense wat hier bedrywig is. ~ Burgert (kontak) 15:36, 18 Augustus 2020 (UTC)
Ek voel dit is 'n briljante idee. Ek het vandag op die Nederlandse Wikipedia raakgelees dat daar gaan binnekort een op daardie wiki plaasvind. (Sien nl:Wikipedia:Schrijfwedstrijd). Ons kan miskien volgende jaar ons eie weergawe van die Engelse Wikipedia se en:Wikipedia:WikiCup hou? Wat dink julle? Groete, Lefcentreright (kontak) 19:03, 20 Augustus 2020 (UTC)

Sterfdatums met v.C.

Gemeenskap, vir Sterfdatums van jaar 1 en aan gebruik ons die sjabloon {{Sterfjare}}. Kan dit gebruik word vir sterftes v.C.? Indien, hoe? Groete! Oesjaar (kontak) 06:30, 18 Augustus 2020 (UTC)

...iets anders: ek sien Djengis Khan, leier van die Mongole, se sterfdatum word op die tuisblad-brokkies as 1227 genoem, terwyl artikel 1227 sê sy seun Jotsji Khan is ook dieselfde jaar oorlede. Vra maar net? --  Aliwal2012 10:12, 18 Augustus 2020 (UTC)
Volgens britannica.com is albei in 1227 oorlede. Help asb. met die Springbokke bo! Groete. --   SpesBona 10:39, 18 Augustus 2020 (UTC)

Ike Moriz

Gemeenskap, ek het 'n probleem met al die eksterne skakels van die artikel. Dit dra niks by tot die artikel nie en is myns insiens suiwere bemarking. Julle gedagtes asb? Groete! Oesjaar (kontak) 18:59, 18 Augustus 2020 (UTC)

Gaan jou gang en vee dit gerus uit! --  Aliwal2012 22:16, 18 Augustus 2020 (UTC)
Ons sit nou weer met een van daai nuwe bydraers wat oorywerig is en alles vir beter of wors wil verander. Julle opinie? --  Aliwal2012 22:42, 18 Augustus 2020 (UTC)
Gee nuwe gebruikers maar 'n grasietydperk – om die wiki-styl te begryp verg 'n paar jaar. En wie ook al in daardie sanger belangstel sal seker gelukkig wees met die bladsy. Ja die eksterne skakels kan maar waai, of na die besprekingsblad oorgeplaas word indien iemand dit wil gebruik vir navorsing. JMK (kontak) 09:05, 20 Augustus 2020 (UTC)

T(h)embisa

Gemeenskap, blykbaar is Tembisa nou Thembisa, volgens [17]. Lefcentreright (kontak) 19:52, 22 Augustus 2020 (UTC)

Breitbart.com as 'n bron 2.0

Goeienaand Gemeenskap en baie welkom binne-in die Amerikaanse verkiesings. Ja, dis om die draai. 'n Mens kan dit sien in die onlangse wysigings en van die bronne wat gebruik word is die verregse Breitbart.com. Ek dog ons het besluit om dié webwerf nie te gebruik nie, maar kyk net hier. Sien iemand kans om hierdie webwerf op 'n Wikipedia:Spam blacklist te plaas, soos die Engelse Wikipedia dit al gedoen het? Hulle versprei lekker fopnuus en is alles behalwe 'n betroubare bron vir 'n neutrale ensiklopedie. Ek weet, die eerste "konserwatiewe" gaan nou binne enkele minute "sensuur" skree, maar hierdie is nie die Kroatiese Wikipedia nie. Groete. --   SpesBona 21:00, 24 Augustus 2020 (UTC)

Die betroubare bronne vra ongelukkig intekengeld - iets wat Wikipedia se Anonymous- en ander onbetroubare skrywers ook nie so maklik ter beskikking het nie. Alle nuus en kommentaar, wat tans nog hoofsaaklik deur die pers gedek word nie, hoef nie eers hier te verskyn nie. Ons kan gerus wag totdat akademiese bronne (dinkskrums se artikels, monografieë en ander) gepubliseer is. Ons sal hier ook hoegenaamd geen invloed op kiesers kan uitoefen nie.
Daar is eerste interessante publikasies: Stiftung Wissenschaft und Politik Berlin, 18 Augustus 2020: Johannes Thimm - Fundamentale Mängel im US-Wahlsystem
En belangstellendes mag die prosedures toets - voorbeeld: Vote.Utah.gov
Voyageur (kontak) 21:27, 24 Augustus 2020 (UTC)
Ek stem saam met SpesBona, Breitbart is nie 'n betroubare bron nie. Greenman (kontak) 00:02, 5 September 2020 (UTC)

Nikolaus Laubscher

Gemeenskap, sien die artikel. Dit moet verbeter word, enige voorstelle is welkom. Op die besprekingsblad het iemand gevra of dit hoegenaamd op die Wiki hoort... Groete! Oesjaar (kontak) 08:06, 26 Augustus 2020 (UTC)

Ek dink die artikel was voorheen min of meer aanvaarbaar, totdat iemand 'n stamboom boaan gaan plak het. Ek dink die stamboom moet beslis uitkom. ~ Burgert (kontak) 14:02, 26 Augustus 2020 (UTC)

Belangrik: dringende instandhouding op 1 September

Trizek (WMF) (talk) 13:48, 26 Augustus 2020 (UTC)

Skotse Wikipedia

Gemeenskap, kyk wat met die Skotse Wikipedia gebeur het, Majority of Scots Wikipedia articles are gibberish due to single prolific editor. --Lefcentreright (kontak) 15:09, 26 Augustus 2020 (UTC)

Goddank het ons nog twee ander tale ter beskikking. Vir almal wat belang stel in Skots ('n Germaanse taal wat nou verwant is aan Engels en onder meer met Robert Burns geassosieer word) - sien The Open University:
Open University: Scots Daar is selfs 'n Sentrum vir die Skotse taal met aanlyn-kursusse: Centre for the Scots Leid. 'n Mens wonder net hoekom belangstellendes soos daardie administrateur in die Skotse projek nie hiervan gebruik maak nie. Voyageur (kontak) 15:23, 26 Augustus 2020 (UTC)
Dis maar 'n treurige Wikipedia as niemand hom in al die jare kon gestop het nie. Hy was maar 12 jaar oud toe hy begin het, sien ek. ~ Burgert (kontak) 15:34, 27 Augustus 2020 (UTC)
Deesdae leer mense nog nouliks Skots as skryftaal aan, al is daar baie geesdriftiges wat prosa en poësie in Skots geniet. Ook is daar waarskynlik min behoefte aan 'n ensiklopedie in Skots. Ek sou ook die voorkeur gee aan blogs soos Mak Forrit. In Noord-Ierland sal Ulster-Skots in die toekoms moontlik naas Iers een of ander amptelike status kry. Voyageur (kontak) 15:47, 27 Augustus 2020 (UTC)

Wikipedia:Administrateurs

Hallo, gemeenskap. @Oesjaar: het vir my gevra om die volgende gedeelte, Procedural removal for inactive administrators te vertaal.

Sê asseblief of julle met die volgende vertaling saamstem, want dit is nogal 'n belangrike een:

"Administrateurs wat vir minstens 12 maande geen wysigings of administratiewe aksies aangebring het nie, se status kan onthef word. Hierdie ontheffing is omkeerbaar en moet nooit as 'n besinning oor die gebruiker se gebruik van, of regte op, die status beskou word nie.

Voor die ontheffing uitgevoer word, moet die onaktiewe gebruiker minstens 'n maand voor die ontheffing via hulle gebruikersbesprekingsblad en e-pos in kennis gestel word. Hulle moet ook na die ontheffing gekontak word.

Ontheffing word deur Opsigters (Stewards) behandel en so 'n versoek moet hier gerig word."

Groete! --Lefcentreright (kontak) 19:39, 26 Augustus 2020 (UTC)

Mense, dis 3 uur in die middag van die volgende dag en julle het nog nie jul mening hieroor gelig nie. Hierdie is 'n ongelooflike belangrike beleid. Ek kan nou 100% verstaan hoekom daardie admins gekies het om onaktief te raak. Lefcentreright (kontak) 13:21, 27 Augustus 2020 (UTC)
Admins, dit begin nou dringend raak dat ons as Admins, as 'n groep, begin om beleidsrigtings en dokumente te finaliseer. Ons Wikipedia het sy kinderskoene ontgroei, die wittebrood is verby. Volgende jaar is ons 20 jaar oud en hopenlik bereik ons die 100,000 aantal artikels ook! Ek wil graag 'n beter verjaarsdag partytjie wil reël as vir ons 15de verjaarsdag. Ons sal moet stem oor 'n paar dinge, maar met 'n groep van 18 waarvan x onaktief is, is dit moeilik om 'n stemming te hou en meerderheid besluite te kry. Bogenoemde uittreksel uit die Engelse dokument is deel 'n globale beleid, ons moet dit gehoorsaam. Groete! Oesjaar (kontak) 14:33, 27 Augustus 2020 (UTC)
Die volgende admins is onaktief: @RAM, JCBrand, Jcwf, en BenBezuidenhout: Lefcentreright (kontak) 14:51, 27 Augustus 2020 (UTC)
Reg so Dumbassman (kontak) 14:57, 27 Augustus 2020 (UTC)
Wat wen 'n mens met so 'n beleid? Gaan dit die ou administrateurs weer aktief laat deelneem? Dit lyk nie juis verpligtend nie, wat beteken julle "kan" dit doen as julle so voel, of dit sommer net los. Groete. Frank (kontak) 15:05, 27 Augustus 2020 (UTC)
Dankie, my kompetisie-inskrywing is pas voltooi en versend.
(Ek het presies hierdie bogenoemde antwoord geskryf, Frank het my nou voorgespring):
As ek 'n vraag mag opper: wat presies is die haas en die sin daarvan, ons praat nou al van... 19 jaar later (sedert 15 Januarie 2001) onder die klip uitkruip? En dit boonop vir 'n stokperdjie by 'n piepklein Wikipedia? (Ek wil amper sê, wat de donder?!). Is daar 'n eksklusiewe beperkte ledetal per Wikipedia in die losie op die ellelange waglys waarvan die ledegeld agterstallig is? Is dit 'n aanmoediging om administrateurs te noop om sê maar 30 artikels terug te rol per maand (en dus meer betrokkenheid as die aangewese klaskaptein aan te moedig) - en dit komende van die Engelse Wikipedia wat juis aktiewe bydraers op 'n string elke dag verloor - so ons looi maar die gewillige eseltjies wat oorbly? En verloor ons hulle ook... ag, nou ja - tant pis. So jy stroop hulle nou van hul status - is dit dan nou 'n straf vir diegene wat in ieder geval, in hulle oë, beter en lekkerder dinge het om te doen? En as daar later geen Admins oorbly nie, wat dan? Nie dat 'n mens verwag om tot na jou dood nog die status te behou nie, maar ek probeer werklik die logika van die stap te begryp. Dit is lankal nie meer 2011, toe die besluit geneem is nie - die partytjie is helaas verby: jy moet soebat en smeek om lede te kry! Suidpunt (kontak) 15:22, 27 Augustus 2020 (UTC)
Ek verstaan ook nie die haas nie. As niemand reageer nie beteken dit seker die vertaling is min of meer aanvaarbaar (ek sou dit beter kon doen, maar nou ja – grappie!). 'n Jaar is darem baie kort. As Swartbaard my vang en 'n jaar lank aanhou, gaan ek darem baie hartseer wees as ek terugkom en sien ek is my status kwyt. ~ Burgert (kontak) 17:22, 27 Augustus 2020 (UTC)
Ai hel, dit kan mos nou nie so moeilik wees om te begryp nie. Op elke liewe Wikipedia (behalwe die een!) word onaktiewe administrateurs se regte onthef vir sekuriteitsdoeleindes. BenBezuidenhout, RAM, ens. gaan nie terugkeer nie. Almal van hulle lewe sulke hul beste lewens buite Wikipedia. As hulle terugkeer (Onwaarskynlik, ek twyfel), dan kan hulle weer vir hul regte vra. Lefcentreright (kontak) 11:03, 29 Augustus 2020 (UTC)
OK, dan. Ek het dit net aanvanklik ironies gevind dat ek jou nominasie ondersteun het omrede, sover ek kan onthou: "ag ja wat. As die Yslandse Wikipedia en Latynse Wikipedia onderskeidelik 28 en 21 admins het, waarom moet ons met slegs 17 tevrede wees?". En vir hierdie aanstelling moet nou onmiddellik 'n paar koppe rol... Dit het nogal snaaks gelyk, moet jy toegee. Suidpunt (kontak) 11:15, 29 Augustus 2020 (UTC)
@Suidpunt:, 18 op papier, minder as 10 in die praktyk... Oesjaar (kontak) 11:53, 29 Augustus 2020 (UTC)
@Oesjaar: Tsk. Herinner my nou aan my artikel oor kerkverlating. Ons het 3 000 lidmate, waarvan slegs 30-100 elke Sondag kerk toe gaan voor die kwarantyn. Tog word die 3 000 ander se verjaarsdae op die kerkblaadjie aangetoon. Wat 'n sonde sal dit nie wees as ons die ander 2 970 sonder genade net uit die kerkdatabasis wis nie (nie dat daar ooit moeite gedoen word om die ou skape te gaan haal nie) - want die meeste tiendegewers sit by die huis ("God het nie jou geld nodig nie, maar gee jou tiende!"). Jy sal later nie 'n enkele kerk oorhê nie. Ek moet erken, dis vinniger, makliker en geriefliker om 'n kontantoordrag te maak met die allernuutste toep as om 'n uur lank na 'n Hineininterpretierung te luister. Maar wis my net uit jou databasis, Dominee, dan kry jy nie 'n blou sent meer uit my nie. Dus: die name word behou. Maar eintlik het Leftrightcenter 'n geldige punt beet, want as ek, as 'ouderling' (spreekwoordelik, want sulke kerkpolitiek staan my regtig nie aan nie) sou weier om die kerkraadvergaderings by te woon sou ek seker een of ander dissiplinêre tug gekry het (deesdae omring die predikant hom in elk geval net met jabroers, so dit vergemaklik die snelle deurvoer van allerlei irrelevante projekte wat absoluut boggerol met Evangelisasie te make het). Aan die anderkant: dis net nog 'n rede waarom die kerke leegloop: te veel onsmaaklike binnekringpolitiek. Suidpunt (kontak) 14:52, 29 Augustus 2020 (UTC)
@Suidpunt:, ek was my hele lewe in bestuurs posisies en het paar dinge geleer: 1) moenie passasiers saam dra nie,2) bou 'n besigheid om uitsette en nie mense nie, 3) hou emosies uit jou besigheid. Die beginsels is in my gegiet. Rome was nie in drie dae gebou nie, maar dan was ek ook nie die projek bestuurder nie! As ek die dag weg is van moeder aarde, verwyder my gebruikers bladsy van die Wiki, my job sal dan gedoen wees. Daar is geen rede hoekom ek onthou moet word nie. Maar dit is my persoonlike siening... Groete! Oesjaar (kontak) 15:01, 29 Augustus 2020 (UTC)
@Oesjaar: Nadat die hond uitgesit is, wat nog nie eers 'n jaar oud mag geword het nie weens 'n vermoedelike breingewas, het ek besluit: se moer. Ek is in my hart bly ek het daardie video-opnames gemaak van die piepklein handjievol wat hy eers was. Nou goed, hy was later 'n verskrikking: hy kon my susterskind nie verdra nie, en dié het alles in sy vermoë gedoen om hom te tart. Hy het al die kind se goed afgevat, selfs die klere van sy lyf gestroop. Jy mag geen aandag aan iets anders as die hond gegee het nie. Nie verniet was sy bynaam later "Drakie" nie. Jy speel nog die een oomblik, die volgende oomblik hap hy verwoed na jou. Hy het 'n spoor van verwoesting gesaai. Hy het die ander honde se kos opgevreet (hy het 'n onversadigbare aptyt gehad - hy sou 'n hele sak hondekos opvreet tot hy naar is). Hy het die ander kleiner honde geboelie, al was hulle veel ouer, en kleiner as hy. Hy het om 07:30 soggens winter en somer geneul hy wil kos hê (soos net 'n roetine-vaste Dobermann kan). Hy het gedurig in jou pad gelê, en soos hy groter geword het moes jy hekkies oor hom spring. En tog - ons weet 'n hond laat sy geite staan na 2 jaar.
OK. Die geesteswetenskap wil rekord hou van elke liewe mens op die aarde. Wat anders soek jy dan nog hier? Hoe gaan mense jou lewensfilosofie begryp waarmee jy die lewe aangepak het? Wie gaan die verhaal vertel van die pioniersdae? Nou goed, die Aneïs se verhaal van Rome se ontstaan is gruwelik - eers is die groepie Trojane verdryf na Latium (dit is afgelei van latere - 'skuiling soek') en daarna het hulle die een bloedige oorlog met die volke rondom hulle ontketen - soos net Vergilius met tamatiesous op sy bors kan vertel.
Ek sal vir jou 'n paar kersies laat brand, soos die Franse Wikipedia maak:
 Hierdie Wikipediaan het heengegaan op xx maand 20xx. Hierdie blad bly in sy nagedagtenis behoue.
Dankie, maar dit is waardeloos... Groete! Oesjaar (kontak) 15:53, 29 Augustus 2020 (UTC)
@Oesjaar: Ons sal vir oom 'n boodskap hier skryf en:Wikipedia:Deceased Wikipedians. Lefcentreright (kontak) 16:06, 29 Augustus 2020 (UTC)
Ons moet veral probeer om hulle hier weer betrokke te kry. Dit help meer as hulle van hul status te ontneem. Terloops, dit het niks met Lefcentreright se status te doen nie, hulle is al sedert jare inaktief. Jammer, maar ek beskou Frank ook as inaktief, veral in vergelyking met die ou dae, waar jy hier 'n uitstekende werk gedoen het! Frank, sien jy enige kans vir 'n terugkoms? Groete. --   SpesBona 18:00, 29 Augustus 2020 (UTC)
Wat Wikipedia betref, seker, maar daar is nog baie vuur in die kaggel! Onaktief of de not hou ek julle vordering met groot belangstelling dop. Miskien later, wie weet, maar dit lyk darem of julle goed aangaan, waarmee ek hoogs in my noppies is. Groete. Frank (kontak) 07:26, 5 September 2020 (UTC)
Ek ondersteun die voorstel. Die Engelse Wikipedia het dit reeds in-diepte bespreek. Dis belangrik vir die gesondheid van die Afrikaanse Wikipedia, en as 'n ou admin weer aktief raak, kan hy/sy maklik weer herstel word. Greenman (kontak) 00:18, 5 September 2020 (UTC)

Karl Friedrich Abel

Gemeenskap, die meeste Wiki's gee die naam met 'n C, dis Carl. Wat is korrek in Afrikaans? Groete! Oesjaar (kontak) 18:26, 27 Augustus 2020 (UTC)

Lyk of Carl reg is. ~ Burgert (kontak) 19:58, 27 Augustus 2020 (UTC)

Statistieke

Aangesien die 93 000ste vanaand geskep is, het ek gewonder: hoe lyk die statistieke van die Afrikaanse Wikipedia? Dit is wat ek vir hierdie maand gekry het:

  • Bladtrekke (altesaam): 7,2 miljoen
  • Wysigings: 21 duisend (af met 15,19%)
  • Nuwe gebruikers: 41
  • Aktiewe gebruikers: 56 (op met 1,82%)
  • Bladtrekke per land:
    • SA: 1 miljoen
    • VSA: 282 duisend
    • Indië: 156 duisend
    • Rusland: 87 duisend, ens.

Bron: Wikimedia Statistics. Groete! Lefcentreright (kontak) 19:53, 28 Augustus 2020 (UTC)

Dankie Lefcentreright, jy gee my nou 'n verruklike idee.
Oesjaar... as ons woordvoerder, sal u asseblief (indien ook, veral ook, miskien volgende jaar) met Kaapse Bibliotekaris in verbinding tree? Dis eintlik 'n koffietafel-tydskrif wat oor die algemeen goeie ruimte laat vir ondersoekende joernalistiek. As 'n onderhoud dan nie met u toegestaan word nie, dan wel met Wikimedia Suid-Afrika se Douglas Scott et al. Ons kan daarna die artikel by Afrikaanse Wikipedia voeg.
Waarom?
  • Tydens hierdie kwarantyntydperk is meer op ons gesteun as ooit tevore, juis omrede die biblioteke gesluit was.
  • Wikipedia dien slegs as aanvulling of selfs ondersteuning vir die biblioteke, ons vervang hulle nie. Biblioteek verskaf juis skakels na Provinsiale (Dorps)biblioteke, sodat die lesers binne 'n japtrap kan uitvind watter boek nog op die rakke is. Dink maar aan lyste van vertalings, woordeboeke, opsommings van boekresensies, asook aanhalings uit boeke wat verder geraadpleeg kan word. As jy mooi gaan kyk na Brocade se Slims-stelsel, word die outeurname outomaties geskakel met 'n verskeidenheid Wikipedias.
  • Die wetenskapsfiksieskrywer en argivaris (asook tekenaar), François Verster, wat gereeld uitstekende bydraes lewer (gegewe die beperkte ruimte!) het al vantevore op die Afrikaanse Wikipedia bygedra. Gebruik sy naam as verwysing.
  • Ek dink regtig die tydskrif word effens onderskat - dis boonop gratis en vryelik toeganklik (by party biblioteke word die lede egter geweier om die tydskrif uit te neem). Albei partye baat dus hierby.
  • Die Wikipedias op Suid-Afrikaanse bodem voldoen aan die kriteria betreffende eg-Suid-Afrikaanse sake, en die problematiek of vars indrukke wat nog nie op Afrikaanse Wikipedia uitgelig is nie, kan bygevoeg word.
  • Die nuwe redakteur was vroeër betrokke by die Weg!, so die avontuurlus ontbreek nie.
  • Die Kaapse bibliotekaris is al vir jare 'n tweetalige staatsblad, dus, op welke wyse ook al, roof en plunder ons hulle nie van enige wins of aansien nie. Suidpunt (kontak) 07:30, 29 Augustus 2020 (UTC)
Ek wil veral weet wat die liewe Indiërs lees. Indiese tale, Durban, krieket? Waar kom hulle vandaan? Leer hulle Afrikaans aan? Afrikaans en Hindi is mos albei Indo-Europese tale. Groete. --   SpesBona 17:45, 29 Augustus 2020 (UTC)
Dit hang af van watter Indiërs jy praat. Daar was 'n tydperk toe Holland 'n deel van Indië besit het, en nee, dit was nie Nederlands-Indië (Indonesië) nie, maar Indië-Indië, soos afgelei kan word in boeke soos "Hortus Indicus Malabaricus" ( https://www.biodiversitylibrary.org/item/14375 ). Ek en Jan Rabie deel byvoorbeeld, ek dink, vir my twaalf geslagte terug ene Catharina van Malabar, maar as vrygekoopte slavin is sy reeds in Holland met 'n Hollander getroud. Dit kom dus 'n lang pad. Dit is dus die Hollander-aandeel.
Verder is dit nou al algemene kennis dat die Britte die Indiërs ingevoer het om in die suikerrietplantasies te werk. En, soos onder die Jode het die moedertaal by die omgewing aangepas. Eintlik het die Duitse Wikipedia reeds genoeg geskryf.
Ander etniese groepe wat jou moontlik sal interesseer: Ek het al boeke soos I.D. du Plessis se boek The Cape Malays in my trommel, en daar is ook 'n Duitse boek (eintlik 'n vertaling?) oor die Chinese Mynwerkers by archive.org.
Voyageur moet asseblief kennis neem van Report of the Commission of Enquiry into Scientology uit die jaar 1972. Dit is deur die Suid-Afrikaanse regering uitgereik. Suidpunt (kontak) 19:27, 29 Augustus 2020 (UTC)
Heerlike vermaak... Dankie vir die skakel. Alhoewel ek graag eers die tegniese toestand van hul tikmasjien sou wil ondersoek... Voyageur (kontak) 14:05, 30 Augustus 2020 (UTC)
Die Kaap en Indië binne die Britse Ryk, Suikerriet in Natal, Gandhi in Suid-Afrika, die INC 'n bondgenoot van die ANC, Indiese tale soos Gujarati, Hindi, Oerdoe, Portugees, Tamil, Telugu, in Suid-Afrika, Indiërs wat die Suid-Afrikaanse Proteas ondersteun, Adriaen van der Stel: Dis mos alles alombekend. Ons het al baie Indië-verwante artikels en ek gaan waarskynlik nog baie meer skryf. Nou weet ek ook hoekom. Ons prikkel belangstelling van 'n ander samelewing en dis presies wat ek wil bereik: Interkulturele kontak. Ons enigste voorbladartikel wat Indië betref is tans die vlag van Indië en as hy net genoeg ondersteuning kry sal in 2021 die Indiese nasionale krieketspan volg. Dit herinner my ook aan my belangstelling in al die groot katte van die wêreld: 'n Voorbladartikel oor die tier sal 'n uitstekende prestasie wees, nes die leeu, poema en jagluiperd. Groete. --   SpesBona 21:30, 30 Augustus 2020 (UTC)

@SpesBona: Eintlik soek ek vir my 'n toep/app, maar iets wat nou nie heeltemal volgens 'n Gantt-skema werk nie. Het jy dalk vir my een?

Ek wil iets hê wat so werk: hy moet kan oopklap, doodtrek, kommentaar byvoeg. Byvoorbeeld:

Wikipedia-artikels
Korttermyn (oorspronklike literêre navorsing) [klap toe]
1.1. Stigtingsdag [klap toe]
1.1.0. Kry inligting by archive.org   Uitgevoer
1.1.1. Kry inligting uit die 1920's uit delpher.nl   Uitgevoer
1.1.2. Kry inligting uit die 1930's uit delpher.nl
1.1.3. Kry inligting uit die 1940's uit delpher.nl
1.1.4. Kry inligting uit die 1950's uit delpher.nl
1.1.5. Kry inligting uit die 1960's uit delpher.nl
1.1.6. Kry inligting uit die 1970's uit delpher.nl

Langtermyn (oorspronklike literêre navorsing) [klap toe]

2.1. Intensiewe vorme [klap toe]
2.1.1. Lees Van Wapens en 'n man deur (digterliker as J.T. Benade se prosavertaling van die Aneïs).
2.2. Volksetimologie [klap toe]
2.2.1. Sif Op ons taalakker deur J.J. Smith (674 bladsye)
2.2.2. Sif deur delpher.nl (dit is 'n nagbank vol!)
2.3. Stigtingsdag [klap toe]
2.3.1. Soek bykans onverkrygbare inligting oor die 1980's, veral waarom die dag weer heringestel is, nadat die Vorster-kabinet Van Riebeeckdag om ekonomiese redes afgeskaf het in 1973/1974.
2.4. Die Oera Linda Boek (Thêt Oera Linda Bok)[klap toe]
2.4.1. Vra vir Wutsje of bogenoemde boek 'n bespotting vir die Friese kultuur is (en/of hoe hulle met hierdie boek omgaan). Is dit 'n heiligdom vir die moderne Friese, of is dit 'n vervalsing of 'n parodie van die Mosaïese verhale? Die boek is nogal postmodernisties in die sin dat dit die Friese was wat die Romeinse kultuur beïnvloed het, en nie vica versa nie. Tog is dit interessant dat die verhaal vertel van 'n beskawing wat tot niet gegaan het nadat die volk sy siel vir geld en blinkgoed verkoop het ('n didaktiese vermaning daarby!) - nogal 'n hele paar dekades vóór Oswald Spengler se Der Untergang des Abendlandes.   Uitgevoer
2.4.2. Lees die boek van voor af deur. Vergelyk die teks met die Hollandse vertaling van J.C. Ottema.
2.4.3. Kry die Afrikaanse resensies (reeds verlede jaar afgelaai by Sabinet). Neem in ag dat Adriaan Snyman se toegevoegte kommentaar die meeste aandag geniet, maar nie die vertaling self nie.   Uitgevoer
2.4.4. Vind uit of die "Rooi Haan op iemand se dak sit" (Snyman-vertaling vir brandstigting) verband hou met die Russiese kultuur, wat heel toevallig 'n soortgelyke uitdrukking ken:
"Hwa en ôtheris hvs ut nid thene rade hôn anstekt nis nèn Fryas, hi is en horning mith basterde blod."
"Wie eens anders huis uit boosheid den rooden haan opzet, is geen Fries, hij is een hoerenkind, met basterd bloed."
Dit laat mens ook nogal dink aan Rudyard Kipling se "Red Flower" uit The Jungle Book (1894) - vuur, natuurlik. Seker toevallig, want Thêt Oera Linda Bok is reeds in 1872 gepubliseer.
2.4.5. Begin delpher.nl deursoek (verwag 'n bloedbad)
2.4.6. Fynkam archive.org vir nog meer inligting en kommentaar.

[...]

Suidpunt (kontak) 13:26, 31 Augustus 2020 (UTC)

@Suidpunt: Wat bedoel jy nou? Ek verkies my skootrekenaar altyd bo my "slimfoon". Ek voel net met 'n klawerbord veilig. Dis die generasie "PC", jy weet? :) Groete. --   SpesBona 21:58, 3 September 2020 (UTC)

Oera Linda Boek

Regarding the Oera Linda Boek: imo, the text of en:Oera Linda Book is quite accurate. You will probably find no living Frisians around who regard it as a serious historical source. The communis opinio is that it is a 19th century falsification, with the aim of glorifying the origin and the history of the Frisian people. Regards, Wutsje (kontak) 13:45, 31 Augustus 2020 (UTC)

Ik dank u hartelijk. Tot mijn spijt ken ik geen Fries. :) Suidpunt (kontak) 13:55, 31 Augustus 2020 (UTC)

Kategorie:Kandidate vir spoedige verwydering

Gemeenskap, sien asb. Kategorie:Kandidate vir spoedige verwydering. Dit is vol leë subkategorieë wat deur Wwikix verouder is deur bladsye te herkategoriseer. Ons kan of sy herkategoriserings ongedaan maak (baie werk) of ons kan al hierdie leë subkategorieë skrap en hulle herskep wanneer die behoefte weer bestaan (dan maak ons ander gebruikers buiten Wwikix se bydraes ongedaan). Watter roete sal ons volg? – K175 (skil 'n appeltjie) 20:36, 28 Augustus 2020 (UTC)

K175, skrap maar... hoe seer dit my hart ook al maak. Groete! Oesjaar (kontak) 08:34, 29 Augustus 2020 (UTC)
Skrap asb. --  Aliwal2012 08:53, 29 Augustus 2020 (UTC)
Ek het omtrent 60 vandag geskrap --  Aliwal2012 11:40, 16 September 2020 (UTC)
Ja, skrap maar. ~ Burgert (kontak) 08:59, 29 Augustus 2020 (UTC)

Nog statistiek...

Aan ons analiste: sien [18], ek wens ek kon weet wat die ouderdom verspreiding van die gebruikers is... Duidelik is die militêre/Tweede Wêreldoorlog (miskien tegnologie) dinge gewild. Julle menings.. Groete! Oesjaar (kontak) 08:41, 29 Augustus 2020 (UTC)

OK, daar was 272 bewerkings in Julie 2020, dis die 264ste mees besoekte artikel vir Julie 2020, 4 betrokkenes, 0,5% mobiele kyke en altesaam 809 kyke volgens Topview Analysis: Julie 2020. Hou net aan met rol en rol en rol, en siedaar. Suidpunt (kontak) 09:06, 29 Augustus 2020 (UTC)
@Oesjaar:, vergelyk dit maar met Weergawegeskiedenis van "Tiger I-tenk", dis presies die maande, waar jy aan die artikel gewerk het. Ná elke wysiging word die artikel opnuut gelaai en dus "gelees". Die statistiek vat dit as 'n "leesaksie" op. As mens 'n artikel 300 keer wysig, word die artikel 300 keer gelees, as jy elke keer nog "Wys voorskou" gebruik, lees jy die artikel 600 keer. Groete. --   SpesBona 17:55, 29 Augustus 2020 (UTC)

Radio occultation

Gemeenskap, ek het my vasgeloop teen 'n Engelse tegniese term wat my opleiding, woordeboeke, tegniese boeke nie kan verklaar nie. Sien [19]. Ek wag, enige voorstelle... Eish! Groete! Oesjaar (kontak) 18:22, 30 Augustus 2020 (UTC)

@Oesjaar: Wat van die letterlike "radio-okkultasie". Groete. --   SpesBona 18:30, 30 Augustus 2020 (UTC)
Dit klink amper soos die duiwel se dinge! Dankie en groete! Oesjaar (kontak) 18:32, 30 Augustus 2020 (UTC)
okkultasie - Verduistering van 'n hemelliggaam deur 'n ander hemelliggaam tussenin kom. Uit my HAT, so leer mens altyd! Groete! Oesjaar (kontak) 09:38, 31 Augustus 2020 (UTC)
Die Sterrekundewoordeboek gee ook "radio-okkultasie". ~ Burgert (kontak) 10:07, 31 Augustus 2020 (UTC)

Kategorie:Bladsye met gebreekte lêerskakels en Kategorie:Gaan taal na

Goeienaand Gemeenskap, albei kategorieë groei tans lekker. Groete. --   SpesBona 21:45, 30 Augustus 2020 (UTC)

Dankie aan Gebruiker:Burgert_Behr wat die meerderheid van die Gebreekte lêerskakels herstel het. Groete! Oesjaar (kontak) 13:49, 31 Augustus 2020 (UTC)
Dis 'n plesier. ~ Burgert (kontak) 14:14, 31 Augustus 2020 (UTC)
Baie dankie van my kant ook. Wat al die Gaan taal na-artikels betref sal ek skrap bo herstel verkies, hulle groei maar net lekker. Groete. --   SpesBona 21:56, 3 September 2020 (UTC)

Gebruiker Sandput artikels

Gemeenskap, ek het begin skoonmaak aan gesoekte kategorieë. Ek het op verskeie gebruiker/sandput artikels afgekom bv. Gebruiker:Wordscape/temp38 en Gebruiker:Charlielv55/sandput/Kiri Te Kanawa. Die probleem met die halfvoltooide artikels is dat dit rooi skakels en rooi kategorieë veroorsaak. Kan ek maar die sandput artikels skrap? Dit veroorsaak onder andere verkeerde statistiek ens. Groete! Oesjaar (kontak) 07:40, 1 September 2020 (UTC)

Ek het solank omtrent 8 van Charlie s'n geskrap. Doen asb. die res as julle dit raakloop. Groete/kragloos, --  Aliwal2012 07:46, 2 September 2020 (UTC)

Domenico Veneziano

Gemeenskap, kan iemand asb help met die Boek sjabloon. Ek vermoed die redakteur gedeelte moet uit. Bevestiging asb. Groete! Oesjaar (kontak) 11:14, 2 September 2020 (UTC)   Uitgevoer na 'n dag sonder krag. Groete!   Aliwal2012 16:21, 2 September 2020 (UTC)

Dankie! Oesjaar (kontak) 20:12, 2 September 2020 (UTC)

Mariner program

Gemeenskap, my eie taal maak my soms deurmekaar... Moet bogenoemde vas, koppelteken of los wees? EK het besluit om maar die hele Mariner program/Mariner-program/Marinerprogram te vertaal met al sy ruimtetuie siende dat 4 amper klaar is. Groete! Oesjaar (kontak) 18:28, 2 September 2020 (UTC)

Mariner-program en Marinerprogram is albei reg. Tegnies is sulke goed sonder 'n koppelteken, maar 'n koppelteken kan ingesit word as jy voel dit is werklik nodig. ~ Burgert (kontak) 15:26, 3 September 2020 (UTC)

New Wikipedia Library Collections Now Available (September 2020)


Hello Wikimedians!

 
The TWL owl says sign up today!

The Wikipedia Library is announcing new free, full-access, accounts to reliable sources as part of our research access program. You can sign up for new accounts and research materials on the Library Card platform:

Many other partnerships are listed on our partners page, including Adam Matthew, EBSCO, Gale and JSTOR.

A significant portion of our collection now no longer requires individual applications to access! Read more in our recent blog post.

Do better research and help expand the use of high quality references across Wikipedia projects!
--The Wikipedia Library Team 09:49, 3 September 2020 (UTC)

This message was delivered via the Global Mass Message tool to The Wikipedia Library Global Delivery List.
Baie dankie, ek het onmiddellik toegang verkry. Ek is bly om weer toegang te hê tot JSTOR. Dit is juis hier waar ek artikels uit die pen van Françoise Waquet gekry het (ek is mal oor daardie Franse dame...). Ook ander blaaie is nou beskikbaar, soos Ulrich Ammon se stukke, wat vir my as universiteitstudent nie beskore was nie. Hier en daar is daar ook 'n artikel, soos H.F. Heese (Universiteit van Wes-Kaapland, 1989), wat meer detail verskaf oor Die Wet op Verbod van Gemengde Huwelike (1949), 'n Wikipedia-artikel wat gereeld deur skoolkinders besoek word. [ http://www.jstor.com/stable/41056266 ]. Voyageur sal sy gate uit geniet met die 3 400 stukke téén/of vir? die Sciëntologie. Oor die algemeen is daar baie... goedkoop, eensydige identiteitspolitiek rakende Suid-Afrika, hoewel daar ook argeologiese vondse opgeteken is. Opwindende pitkos oor waterstofmotors is ook daar te kry. Daar is ook 'n artikel waarna Voyageur kan kyk, naamlik "Der Protestantismus in Venedig im XIV Jahrhundert" (1990) [ http://www.jstor.com/stable/24009314 ]. ('n Artikelnaam wat my laat lag het: "Asatru – An Academic Religion?") Suidpunt (kontak) 13:05, 3 September 2020 (UTC)

Afrikaanse Wikipedia is nou amptelik die grootste Afrika-wiki

Dagsê gemeenskap!

Dis met groot vreugde dat ek kan aankondig dat die Afrikaanse Wikipedia die Malgassiese Wikipedia dié week verbygesteek het wat hoeveelheid artikels betref, na jare se volgehoue pogings. My bron: List of Wikipedias

Dankie veral aan @KabouterBot:, maar ook die gereelde lewende bydraers (@Oesjaar, SpesBona, Voyageur, Burgert Behr, K175, Sobaka, Rooiratel, Suidpunt, Lefcentreright, en Puvircho:).

Dit beteken die af:wiki is nou die grootste Afrika-wiki volgens artikels. Beslis iets om te vier! Groete --  Aliwal2012 13:57, 3 September 2020 (UTC)

Dankie aan almal wat hier help! Elke artikel tel! Hou so aan! Groete! Oesjaar (kontak) 14:23, 3 September 2020 (UTC)
Die afgelope twee dae was ek 'n bietjie besig met die nasionale simbole van Namibië en Suid-Afrika, heelgeskik tydens Erfenismaand. Hoop maar julle hou daarvan (verskoon maar enige taalfoute!). Die volgende naweek sal ek besig wees met die vertaling van die nuwe Duitse lesenswaardige artikel Englische Rugby-Union-Nationalmannschaft in Afrikaans (dis baie werk!). Geniet! Groete. --   SpesBona 21:30, 3 September 2020 (UTC)

Kategorieë:Sterfte jare v.C.

Gemeenskap, is daar 'n sjabloon wat gebruik kan word hiervoor? Of hoe gebruik mens sjabloon {{Sterfjare}} daarvoor en hoe? Groete! Oesjaar (kontak) 06:47, 4 September 2020 (UTC)

@Oesjaar: Ek verstaan nie wat jy bedoel nie. Soek jy so iets: en:Template:DeathyrBC? ~ Burgert (kontak) 09:43, 7 September 2020 (UTC)
@Burgert Behr:, ja. As ek n.C. skep dan kom die volgende in: {{Sterftejare|180|0}} {{Commons-kategorie|1800 deaths|Sterftes in 1800}} Dit blyk dat daar nie 'n ekwivalent vir sterftes v.C. is nie. Groete! Oesjaar (kontak) 09:49, 7 September 2020 (UTC)
Ek weet nou nie of ek drooggemaak het nie, maar ek die bostaande Engelse sjabloon vertaal as {{SterfjareVC}}. Kan jy kyk of dit werk? ~ Burgert (kontak) 10:11, 7 September 2020 (UTC)
Dit lyk my dit werk. Sien Kategorie:Sterftes in 44 v.C. ~ Burgert (kontak) 10:55, 7 September 2020 (UTC)
Dankie, dit werk! Groete! Oesjaar (kontak) 11:52, 7 September 2020 (UTC)

@Oesjaar:, eina! Dit vat baie tyd om van die nuwe kategorieë met interwikiskakels te voorsien. Veral as dit baie lank gelede is! Vir die vierstellige jaargetalle v.C. kry ek dit nie eens reg nie. Help asb! Dis baie werk hierdie. Ek moet taalweergawes soos Portugees, Italiaans, Frans en soms selfs ander tale inspan. Groete. --   SpesBona 20:52, 8 September 2020 (UTC)

Bosnies is baie konsekwent wat dit betref. Baie interessant! Groete. --   SpesBona 21:00, 8 September 2020 (UTC)
'n Mens het seker 'n bot nodig daarvoor. Ek het ook nou honderde nuwe kategorieë geskep en gaan beslis nie elkeen met die hand koppel nie. ~ Burgert (kontak) 11:03, 11 September 2020 (UTC)
Dankie aan Gebruiker:Burgert_Behr by my wat oorgeneem het met die datum dinge! Tussen ons het ons seker meer as 'n 1000 nuwe kategorieë geskep! Groete! Oesjaar (kontak) 16:38, 11 September 2020 (UTC)

Die konsep van onvanpastheid

Het in die middernagtelike ure afgekom op iets eienaardigs in die artikel Werkdiere. Werkdiere en werkende perde is vertaal as "konsepdiere" en "konsepperde". na aanleiding van die Engelse "draft animals of "draught animals". Ek het die eerste twee paragrawe probeer sub, en met bv. woorde soos "karweiperde" ensovoorts probeer red, maar daar is nog van daardie konsep-woorde elders in die artikel. Wonder hoe lyk so 'n konsepperd ... is hy nog op die ontwerperstafel of waar? Ander koddige vertaling in die artikel was van "conditions" as "voorwaardes", pleks van as die "toestande". (Naskrif: Ek het eers hierdie boodskap geskrap toe ek by nabetragting gedink het ek trap dalk te seer op die artikelskrywer se tone. Maar Oesjaar het gevra dat ek dit weer plaas, omdat sulke foute herstel moet word. Dis waar, ja. ;-) Mieliestronk (kontak) 05:31, 7 September 2020 (UTC)

Oom Ollie, dankie vir die inligting. ja, ek sal ook graag 'n konsepperd wil sien!. Ongelukkig is hierdie nog een van Maroela Media se vertalings wat duidelik nie geproeflees is nie. Die gebruiker het nie een verbetering aangebring na die oorspronklike artikel geskep is nie.

Ek hoop jy geniet die reeks artikels oor die ruimtetuie en programme! So uit jou tyd! Groete! Oesjaar (kontak) 05:52, 7 September 2020 (UTC)

Ek is bly iemand opper iets van "onvanpastheid", want ek is in 'n sielestryd geworstel, oor 'n woord: moet ek dit toevoeg tot Intensiewe vorme of nie? Ek gaan maar met omsigtigheid om, want daar is ook hormoonbomme wat die werk lees.
"Stokspils" (vulgêr). Ja, dit is 'n woord. In die konteks wat dit gebruik word, het dit gewoonlik niks met die man of vrou se koerasie uit te waai nie; dit word eerder gebruik om die persoon as stapelgek te beskryf, byvoorbeeld, soos ek onlangs gehoor het (uit die mond van 'n vrou): "Die f*kken vrou is stokspils!" Suidpunt (kontak) 06:18, 7 September 2020 (UTC)

Boeke vir gebruik vir ons Wikipedia.

Gemeenskap, ek het vanaand, tydens 'n Raad vergadering, die bevestiging gekry dat daar fondse beskikbaar is vir die aankoop van boeke deur die Wikimedia Stigting. Die proses gaan so werk:

  • Gebruiker identifiseer die boek
  • Gebruiker doen voorstel aan Gemeenskap hier
  • Indien gemeenskap saamstem koop gebruiker die boek
  • Gebruiker dien eis in vir terugbetaling
  • Gebruiker skep baie artikels

Voorwaardes

  • Die boek is altyd die eiendom van die Stigting
  • Die titel sal op 'n databasis aangebring word
  • Die gebruiker bewaar die boek totdat 'n ander gebruiker dit wil gebruik
  • Gebruiker A stuur dit aan gebruiker B en stel ook biblioteek in kennis van die aanstuur van boek.

Tipiese boeke waaraan ek kan dink is die nuutste Suider Afrikaanse Fauna en Flora. Gebruiker:Dumbassman het reeds toestemming gekry om 'n boek oor Namibiese gras aan te koop. Ek vertrou dit sal help. Groete! Oesjaar (kontak) 18:43, 8 September 2020 (UTC)

NS Miskien moet ons reël dat die Suid-Afrikaanse Akademie vir Wetenskap en Kuns ons boeke bewaar...

Die bewaringstorie sal seker nie werk nie, want dit sal beteken dat hulle die boeke na die volgende persoon moet stuur, of hoe? ~ Burgert (kontak) 18:59, 8 September 2020 (UTC)
As die gebruiker die boek deurgewerk het, bewaar hy dit totdat die volgende persoon dit wil gebruik. Hy stuur dit op sy eie koste aan. Gelukkig vir julle gebruikers daar in die moederstad en omgewing, is julle redelik naby mekaar. Groete! Oesjaar (kontak) 19:11, 8 September 2020 (UTC)
Gebruiker:Oesjaar ek sien in die begroting word daar ook voorsiening gemaak vir die pos van boeke. Dankie Dumbassman (kontak) 19:48, 8 September 2020 (UTC)
 
Suidpunt: "My vroegtydige aftrede op 35-jarige ouderdom kom al hoe nader..."
Ek dink weer aan 'n skuiwergat wat uitgebuit gaan word. 'n Mens beskik oor 'n boek wat jy in die jaar voertsek aangekoop het en nou van ontslae wil raak. Pleks daarvan om nou astronomiese pryse te betaal by een of ander tweedehandse boekwinkel wat in elk geval geen belasting betaal nie, "skenk" die donateur die boek aan Wikimedia (teen "markverwante prys" = ontsaglike wins vir die ou wat dit teen R1,00 aangekoop het) en eis die geld (wat net so weer in die posgeld teruggeploeg word, asook die spaarvarkie gemerk: Peperduur vakansie op my privaateiland). Suidpunt (kontak) 08:40, 9 September 2020 (UTC)

Invitation to participate in the conversation

wikiquote

Wie is admins by wikiquote? Ek wil die voorblad effens herskik, maar het nie toegang nie. JMK (kontak) 10:52, 11 September 2020 (UTC)

Daar is geen admins nie. Ek dink jy moet by meta:Steward_requests vra. Greenman (kontak) 23:28, 11 September 2020 (UTC)
Dankie! JMK (kontak) 21:02, 12 September 2020 (UTC)

Outomatiese vlieënier

Gemeenskap, die senior oomblikke word meer en meer... Het ons 'n beter/korter woord vir bogenoemde? Groete! Oesjaar (kontak) 19:02, 11 September 2020 (UTC)

ː Wat van outomatiese vlugbeheerstelsel? Sobaka (kontak) 19:45, 11 September 2020 (UTC)

Op die meeste ander Wikipedias word autopilot nie vertaal nie. Op die Nederlandse Wikipedia was daar 'n poging om die term te vertaal, maar die inleiding op daardie weergawe bevat eerder 'n lys van moontlike vertalings. 102.165.227.80 06:50, 12 September 2020 (UTC)
Dis 'n stuuroutomaat (Pharos en HAT). ~ Burgert (kontak) 08:15, 12 September 2020 (UTC)

Intertaalskakels

Gemeenskap, ek sien Gebruiker:K175 plaas nou intertaalskakels in artikels. So ver my kennis strek het ons dit nog nooit toegelaat nie. Het iemand hom toestemming gegee waarvan ek dalk nie geweet het nie? Groete! Oesjaar (kontak) 10:52, 13 September 2020 (UTC)

Hallo, het jy sopas hierdie reël opgemaak? Of kan jy my verwys na 'n beleid hieroor? Ek het in elk geval nie intertaalskakels ingevoeg nie, maar eerder gebruike daarvan, waarvan omtrent die helfte stukkend was, gewysig om na die Afrikaanse weergawe van die sjabloon te skakel. – K175 (skil 'n appeltjie) 11:14, 13 September 2020 (UTC)
Ek het geen reël opgemaak nie, ek het gesê: Sover my kennis strek... wat beteken ek nie seker is nie. Wat in elk geval is die waarde daarvan? Oesjaar (kontak) 11:16, 13 September 2020 (UTC)
Sien gerus Gebruiker:Martinvl se verduideliking hier. – K175 (skil 'n appeltjie) 11:19, 13 September 2020 (UTC)
Intertaalskakels, deur wie ook al ingevoeg, het m.i. geen doel nie. Wie gaan 'n artikel in Frans lees? (Dis nou nadat jy uitgefigure het jy moet op die "fr" tussen hakies klik om daar uit te kom.) As jy meer oor 'n persoon of onderwerp wil weet, kan jy dit eerder google as om na die Franse Wikipedia gestuur te word. ~ Burgert (kontak) 15:54, 13 September 2020 (UTC)
Ek sien daar is selfs skakels na Sweeds en in verwysings. Nee wat. ~ Burgert (kontak) 16:22, 13 September 2020 (UTC)
Intertaalskakels is in my opinie van geen nut of waarde nie. Om hulle in te voeg is bloot luiheid. Skep eerder die artikel i.p.v dat jy tyd mors om 'n intertaalskakel in te voeg! Groete, Lefcentreright (kontak) 17:06, 13 September 2020 (UTC)


Retarding potential analyzer

Gemeenskap, nes ek dink ek is uit die moeilikheid, dan is dit weer hier... Enige voorstelle vir dié storie in Afrikaans? Groete! Oesjaar (kontak) 19:16, 15 September 2020 (UTC)

As dit nou letterlik vertaal moet word, dan is dit seker:
vertraagpotensiaalmeetapparatuur /-meter/-meetapparaat/-instrument
Oftewel: "weetiemandwatdehelbetekenhierdiebegrip?"
Louis Eksteen waarsku juis teen sulke konstruksies in sy boek 'n Beeld van Afrikaanse woorde (1984, 51):
 

Lang woorde

Afrikaans word dikwels daarvan beskuldig dat sy woorde te lank is, of te lank kan word. Dan kom daar besware uit allerlei oorde dat Afrikaans sake vir sy skrywers te moeilik maak, en dat ons nou moet begin los skryf van 'n kant af. Een argument wat mens hoor, is dat Engels al sy woorde so lekker los skryf, hoekom moet Afrikaans dan nou benadeel word?

As ons mooi na die saak kyk, sien ons dat Afrikaans se probleem nie juis is dat hy samestellings vas skryf nie, maar dat die ding dieper lê: mense probeer in Afrikaans om dieselfde wyse as in Engels 'n lang string woorde agtermekaar in te span om 'n bepaalde saak te benoem. Dan kry jy die soort lintwurm waarvan byvoorbeeld ons tegniese taalgebruik wemel, soos knoopslagspiraalvlegmetode, wat in Engels sou wees button-type spiral weaving method. In Engels word die uitdrukking se woorde los van mekaar geskryf, maar in Afrikaans word alles agter mekaar en aanmekaar in 'n ry geplaas. Die Afrikaanse skryfwyse is korrek volgens ons spelling- en skryftradisie, maar is dit nodig om sulke lang woorde te maak, wat ons maar op die ou end bloot uit Engels gaan staan en vertaal? Kan ons nie probeer om meer gebruik te maak van ons eie woordskeppings nie? Daar is talle voorbeelde van woorde waar ons dit wel gedoen het; daar is verskillende moontlikhede van naamgewing. Miskien moet ons 'n reël maak en sê dat sodra 'n vertaling uit Engels 'n string woorde van drie of meer oplewer, ons ons eie Afrikaanse vinding moet kry, al kos dit kopkrap. Wat is byvoorbeeld verkeerd met kurktrekkervleg in plaas van die omslagtige knoopslagspiraalvlegmetode van netnou?

Iewers in 'n Nederlandse tydskrif lees ek dat 'n man juis sê dat 'n Engelse term soos high velocity oscillation method nie sonder meer so in Nederlands oorgesit kan word nie; in Afrikaans sal ons nie twee keer dink nie, en die Engelse term vertaal met hoësnelheidsossilleringsmetode, alles aanmekaar en alles gedrogtelik. Wat het die Nederlanders gedoen? Hulle het doodgewoon eie benoeming toegepas en hulle praat van snelle slingering. Nie sleg nie, nè? Veral vir Nederlands, wat dikwels Engelse woorde huidjie en muitjie oorneem.

Die mooiste is dat ons in Afrikaans die moontlikheid het om presies en duidelik te benoem, maar dat sprekers soms net eenvoudig nie die moeite wil doen nie. Hulle vertaal sommer maar direk uit Engels en dink dan boonop dat hulle woorde baie presies en "wetenskaplik" gevorm is. So kry ons terme soos stoomontwikkelende swaarwaterreaktor. Hierteenoor weer kry ons afkomsbreuk in Afrikaans vir die Engels fractional parentage coefficient. Die laaste twee voorbeelde toon duidelik die twee verskillende benaderings wat ek hierbo geskets het.

 
'n Mens moet eers jouself afvra wat hierdie bogenoemde RPA beteken, en eers dan kan jy 'n woord skep. Moet my asseblief nie vra nie - hierdie maand het elke liewe vorm van tegnologie my versaak. My snippermasjien (shredder) het homself begin opvreet - ja, hardeplastiek en al! Ek kon buitendien meer met 'n skêr regkry (want wanneer die ding oorverhit, skop hy vir 15 minute uit om af te koel - daarvoor het ek wragtig nie tyd nie!) - soos om kostedoeltreffend ongebruikte papier eenkant te sorteer.
Ek is so tegnies, my baadjiepunt, met -sak en al, beland vanmiddag onwetend in die emmer terwyl ek sementblokke skrop: die ene groenbruin kolkende seepmassa van die mos en dooie swamme. Al skitter daardie teëls nou hoe pêrelwit in die lenteson (dit laat my oë traan), toe ek opstaan drup dit langs my sy af - en toe besef ek my selfoon, met al sy notas en SMS'e op, is... Reël #5: moenie notas op fone maak nie, gebruik afvalpapier.
Kortom: as ek dit nog oorweeg het om 'n tablet te koop...Suidpunt (kontak) 20:14, 15 September 2020 (UTC)
Vertraagpotesiaalontleder, sou ek sê. Vertraagpotesiaal kom in die Fisikawoordeboek voor. ~ Burgert (kontak) 09:45, 16 September 2020 (UTC)
Vir almal wat nog nie weet nie, Burgert Behr is die vertaler van Dinosourium, met vriendelike verwysing na ons plaaslike koerantjie gedagteken 31 Julie 2020, bladsy 10. Wat in daardie koerant staan, is die waarheid, ek sweer: sien, daar staan dit dan swart op wit! (Eintlik probeer ek net sê: van ons hele span Wikipedia-bydraers: ons is trots op jou.) Suidpunt (kontak) 15:11, 16 September 2020 (UTC)
En dit nogal in die Boekhoek! Baie dankie :) ~ Burgert (kontak) 15:59, 16 September 2020 (UTC)
Ek moet darem ook bysê Morné van Rooyen was die boekredakteur. So dis 'n dubbeldoor vir Wikipedia. ~ Burgert (kontak) 16:07, 16 September 2020 (UTC)
Goed gedoen julle manne! Moet asb net nie van ons Wikipediatjie vergeet nie... Groete! Oesjaar (kontak) 18:01, 16 September 2020 (UTC)
Hier is agtergrond insake die werking van die Retarding potential analyzer [20]. Kry daai grysgoed aan die gang en laat ons Wiki die leiding neem met nog 'n nuwe Afrikaanse naam! Groete! Oesjaar (kontak) 19:38, 16 September 2020 (UTC)
Uit nog 'n artikel: [21] A Retarding Potential Analyzer (RPA) is a sensor that measures the ion energy distribution of a plasma. Dit is slegs Plasma-analiseerder? Groete! Oesjaar (kontak) 20:01, 16 September 2020 (UTC)

Foute...

Gemeenskap, hoe word die foute reggestel: [22]? Groete! Oesjaar (kontak) 06:27, 17 September 2020 (UTC)

Hallo, word die filum en regnum ook in kursief geskryf of geld kursief net vir die binomiale naam? Dit lyk of dit die probleem was, maar ek het die kursief vir nou eers toegelaat om die fout te verwyder. – K175 (skil 'n appeltjie) 07:43, 17 September 2020 (UTC)
Die binomiale naam is altyf kursief. Die res, dit hang af in watter konteks dit gebruik word. Nie vir die taksobokse nie. Groete! Oesjaar (kontak) 08:01, 17 September 2020 (UTC)
Dit lyk of die foute veroorsaak word deur die kleure wat in {{Taksoboks}} gestel is? Dalk kan 'n mens daardie kleure uithaal, want hulle wys in elk geval nie in die kassie nie. ~ Burgert (kontak) 10:07, 17 September 2020 (UTC)

Onsigbare foute

Kan 'n slimmer persoon asb help met die twee artikels uit [23]], Nikola Tesla en die radiostasie? Ek kon die ander gros artikel regmaak! Groete! Oesjaar (kontak) 08:49, 17 September 2020 (UTC)

Ek is nie slimmer nie, maar ek het dit reggemaak. ~ Burgert (kontak) 10:03, 17 September 2020 (UTC)
Dankie! Oesjaar (kontak) 10:08, 17 September 2020 (UTC)

South African theme on book fair in Sweden

 
The book fair in Göteborg, a "normal" year.
 
The digital book fair of sv:wp in 2020.

Goeie dag! (sorry for writing the rest in English :-) )

Göteborg Book Fair takes place late in September every year in Göteborg, and it's the largest book fair in Scandinavia. The Swedish Wikipedia community has been there since the early days, spreading information about Wikipedia, taking photos of writers and celebrities, talking to readers and developing contacts with organisations. On the fair, each year there is a specially invited guest of honour – this year one focus is on South Africa.

Due to the covid 19 pandemic, this year's book fair is unfortunately a digital-only event. Wikipedia follows suit, and we plan four days of edit-a-thons and presentations, as part of our general wiki-meeting calendar.

We will concentrate on South Africa for a whole week, with edit-a-thons on Saturday next week, combined with two a weekly wiki contests (similiar to your skryfweek) – one this week around the book fair's themes, and one next week concentrating on South Africa. During the week we will use this wish list, and articles such as this and this as a basis for our writing.

Feel free to send your ideas and advice our way, to point out articles that would be most important to start with at the edit-a-thons and contests. Also feel free to help us identify free content, text and photos, that we can use in our article work. And maybe you also will find interest in developing articles related to Sweden? :-) All the best / Die uwe! --Paracel63 (kontak) 10:55, 17 September 2020 (UTC)

Oh, yes, I remember you! You are the writer of the Swedish article about the Catalan Wikipedia. Great job, by the way, I've translated it already. The Swedish syntax and the False Friends are quite challenging, but having a Langenscheidts Taschenwörterbuch: Schwedisch-Deutsch/Deutsch-Schwedish (1965) in my transparent drawer helps a bit. But I have something on my shopping list:
1. I want something completely untranslated, such as sv:Varg i Skandinavien. I bought Vargattacken by Lars Berge not that long ago - it's still on my reading list. The verbs are quite quirky, but original.
2. You taught yourself Catalan. In fact, it seems you contribute more to the Catalan Wiki than the Swedish one, nowadays. May I ask what resources you've used? Did you visit Catalonia quite frequently before the lockdown?
3. How is the Swedish Wikipedian community really like? I've noticed the Danish Community is not that active compared to their Norwegian counterparts. That said, it has nothing to do with laziness: the Danes are completely absorbed in real-life translation and reading of (e-)books - I would even dare say the book market is already oversaturated, for 18.000 - 23.000 (re)printed titles are impossible to read in one year (except 'picture books' for tods, that is) for one person out of say, 6 million people; Worldcat is my witness. The Norwegians, however, publish fewer books, but are more actively involved with Wikipedia - I see this with the Lithuanians as well. Of course, for the Swedes (10.3 million), it's 52.218 titles for 2019 (ebooks and hardcopy). That includes translations. But I was quite amazed when I came across a Danish copy of Blodulv by Steve Feasey - as far as I know, there isn't even a German translation of this British book yet.
4. I'm looking for a Swedish database of open scientific articles. Something like the Danish https://tidsskrift.dk/ . Do you have one? Suidpunt (kontak) 13:07, 17 September 2020 (UTC)
@Suidpunt: Baie dankie! Oh, so my Catalan "renommé" has travelled all the way to South Africa? :-) Many thanks for translating sv:Katalanskspråkiga Wikipedia (which now is a recommended article). Yes, there are a lot of False Friends between our languages, but I think you got most of it alright.
1. Yes, the wolf in Scandinavia is an interesting and hot topic, as humans and wolves both vie for the role of being the top predator. In Sweden the humans are 20,000 times more frequent, so it's quite an uneven competition. ;-) Feel free to send your questions on the Swedish language my way, whenever needed. I can also be reached at paja telia.com.
2. Yes, I taught myself Catalan quite by myself. Over time, and based upon my previous knowledge of French, Latin, Italian and Spanish. Personal dedication. More than 200 episodes of Polònia. A digital subscription on Ara since 2016. And listening to a lot of Catalan language music. I've never visited Catalonia (or any other part of Spain). But Internet is my friend. And as a translator (from French to Swedish), I take pride in learning the grammar early on, when diving into a language. However, I still edit around ten times more frequently in Swedish Wikipedia (stats at bottom of page).
3. The svwp community is quite healthy and well-behaved. We're not as crowded as enwp, frwp, dewp etc, and not as well developed in many important subjects. But we can congregate around important topics at Bybrunnen, we have a lot of meetings, weekly contests, monthly article contests and ongoing wishlist contests. In some respect svwp and afwp seem to share one or two cultural traits. The dawp community suffer from being a smaller language, closer to both English and German, and the national encyclopædia going online and using community input already in 2009. The Norwegians are quite active, despite sharing some of the Danish drawbacks.
4. I'm not sure. But you can start looking here (in English), see links at bottom of page, around Medicine and a list of databases.--Paracel63 (kontak) 22:29, 17 September 2020 (UTC)
Thank you! Suidpunt (kontak) 19:01, 19 September 2020 (UTC)
Paracel63, I am currently a bureaucrat on the Afrikaans Wikipedia and have been involved here since 2009. I am willing to sit in any session for questions and answers about the Afrikaans Wikipedia, the Wikipedia's past, our current situation and the future, our challenges etc. The Afrikaans Wikipedia is the biggest African language Wikipedia, is has taken us a while to get here. Note, I am not an author, I have a technical background and is determined that all knowledge will be available in Afrikaans to our youngsters! Groete! Oesjaar (kontak) 14:15, 17 September 2020 (UTC)
@Oesjaar: Many thanks for your offer! That would be great to have you on, whenever you're around during our "digital book fair". On Saturday South Africa is the main focus, so if you're available for a short presentation of the country and the culture (and the afwp community) that day, it would be fantastic! But any day would be great. Presentation in English would be best, as few Swedes are fluent in Afrikaans or any of the other national ZA mother tongues. Let's keep in touch (I can be reached at paja telia.com).--Paracel63 (kontak) 22:29, 17 September 2020 (UTC)
@Paracel63:, what time on Saturday can I keep open for your guys? I am looking forward this session... Regards! Oesjaar (kontak) 17:33, 22 September 2020 (UTC)
@Oesjaar: Many thanks for keeping us company on Saturday. We will be online from 09:00 until 21:00, Central European Time (Summer Time). I presume that's the same time in South Africa right now. You can choose your hour freely, but some time in the afternoon (14:00–16:00?) would probably be most practical for us. A link to the online meeting will be posted on the event page soon. What do you think? Groete! :-)--Paracel63 (kontak) 18:31, 22 September 2020 (UTC)
@Paracel63:, 14:00 is fine. Send me the link. Regards. Oesjaar (kontak) 18:36, 22 September 2020 (UTC)
@Paracel63:, can other parties join as well? The Suid-Afrikaanse Akademie vir Wetenskap en Kuns is interested. Regards. Oesjaar (kontak) 15:13, 23 September 2020 (UTC)
@Oesjaar: Hi! No problem at all, with other joining us! This is an open event, for anyone active on Wikipedia or interested in Wikipedia. It is organised by Swedish Wikipedia, and we are mainly working in the Swedish language. We have spread info on this event in social media, at libraries around Sweden and on public bulletin boards. So we expect a mix of newcomers and seasoned wikipedians. And this would be a great time to join forces and learn from each others experiences. BTW, now the link to the meet has been posted. You can click on this link on Saturday, or any time between 09:00 and 21:00 during the next four days. :-)--Paracel63 (kontak) 16:04, 23 September 2020 (UTC)
@Paracel63:, it was wonderful spending the time with you guys! It hope you have enjoyed it as much as I did! Regards! Oesjaar (kontak) 13:25, 26 September 2020 (UTC)
@Oesjaar: Same to you! Many thanks for spending an hour with us. You made our day, being here for strange questions and talking about history, cultural phenomena and bringing a lot of things into context. Let's do this again, perhaps on next year's book fair here in Göteborg (Gotenburg). Groete! :-)--Paracel63 (kontak) 13:35, 26 September 2020 (UTC)
And every month we have our online "wikifika" here in Sweden. Here is our general wikimeets listing, and here is the link to our next wikifika meeting (5 October). It's a general meeting point, every month, here in Sweden. :-)--Paracel63 (kontak) 14:37, 26 September 2020 (UTC)

Franse Vreemdeling Legioen vs Franse Vreemdelegioen vs...

Gemeenskap, wat is die korrekte naam van die leër? Groete! Oesjaar (kontak) 16:42, 17 September 2020 (UTC)

nl:Franse vreemdelingenlegioen
Vreemdelegioen (HAT en Pharos). ~ Burgert (kontak) 19:28, 17 September 2020 (UTC)
Merci! Oesjaar (kontak) 19:36, 17 September 2020 (UTC)
De rien. ~ Burgert (kontak) 19:44, 17 September 2020 (UTC)

Danny Titus

Gemeenskap, koerantmanne, help asb hier! Die kas is leeg... Groete! Oesjaar (kontak) 14:03, 20 September 2020 (UTC)

@Sobaka: Dankie! Groete! Oesjaar (kontak) 05:08, 26 September 2020 (UTC)
Plesier. Sobaka (kontak) 07:38, 26 September 2020 (UTC)

Oesjaar en die Suid-Afrikaanse Akademie vir Wetenskap en Kuns

Gemeenskap, ek drink môremiddag koffie met Prof Anne-Marie Beukes van die Akademie, ek wil kyk of die twee (Wikipedia en SAAWK) nader aan mekaar kan beweeg... Groete! Oesjaar (kontak) 18:53, 22 September 2020 (UTC)

Mondkappies op!
Ek sien nou eers hoe baie inhaalwerk ek met die SAAWK se nuusbriewe het. Maar ek onthou iets anders:
Op 15 Januarie 2020 was daar 'n onderhoud met Pretoria FM. Is 'n kort opsomminkie en bron moontlik vir Afrikaanse Wikipedia, as dit kan?
Daar is nie 'n potgooi nie. Het hulle net die basiese vertel: bevestig aantal artikels, nooi nuwe gebruikers om deel te neem, gee web adres, bedank bestaande gebruikers vir harde werk en probeer slim klink!
En dan die Webinaar met Suid-Afrikaanse Akademie vir Wetenskap en Kuns en nog 'n paar groepe, rakende die onderwerp "Die vierde nywerheidsrewolusie en taal in die regsdomein". (28 Mei 2020). Enigiets interessants gebeur? Suidpunt (kontak) 20:16, 22 September 2020 (UTC)
O blikskottel...

Terugvoering

Gemeenskap, hier sit ek en Prof Anne-Marie en Prof Laurette Pretorius (laasgenoemde is gekies tot die SAAWK se raad en ou vriend van ons) na die vergadering

 
Laurette, Anne-Marie & Deon

Terugvoer uit die vergadering:

  • Kan WikimediaZA (Afr) lid word van SAAWK as dit ledegeld betaal? (Ant: tans nie, slegs individue maar sal die vraag aan Raad stel)
  • 20 Jaar partytjie volgende jaar, gaan SAAWK deelneem aan die partytjie? (Ant: Ja!)
  • Sal die SAAWK kyk na 'n prys vir beste voorbladartikel? (Ant: in beginsel ja, sal met Raad bespreek en prosedure vasstel)
  • Met WikimediaZA fondse, kan ons 2 keer per jaar werkswinkels reël by die Akademie? (Ant: BESLIS)
  • Wikiwoordeboek soek hulp... (Ant: Prof Laurette sal sakie bekyk)
  • Kan WikimediaZA (Afr) iets (plakkaat/plakker) opsit/plaas in Akademie kantoor as 'n simboliese adres? (Ant: sal met Raad bespreek en ook met Pansat)
  • Ek het 3 boeke geskenk aan SAAWK se biblioteek. Sal hulle WikimediaZA aangekoopte boeke oppas en beheer (Ant: ja, Wiki dra kostes vir versending)
  • Ek het ook gevra of ek iets mag sê op hul AJV. (Ant: ja, sal terugkom na my)

Groete! Oesjaar (kontak) 14:56, 23 September 2020 (UTC)

Baie dankie! [Jammer, maar die internet het gister gelol]. Ek dink "prys vir beste voorbladartikel" is die belangrikste uit al bogenoemde. Dit gee die geleentheid vir Jan Alleman om uit voetsoolvlak uiteindelik Icarus se vlerke te sprei (en mag dit brand soos 'n verskietende ster!). Daar hoef nie noodwendig kontant of 'n Goue Kalf by betrokke te wees nie, want die SAAWK het reeds genoeg prestige (hoewel geld seker ook die duiwel sal laat dans). Vir baie skrywers en vertalers (buite Wikipedia) het dit jare se toewyding gekos om 'n erepenning, ens. te kry. Die liggaam moet net die streng kriteria stel. Is dit, soos met die ander Akademiepryse, slegs gegrond op jaartal - dan beteken dit al ons vorige voorbladartikels kom nie in aanmerking nie (dit is nogal 'n aansporing tot konstante vernuwing): is daar byvoorbeeld geen wafferse voorbladartikel nie, dan word eenvoudig geen toekenning gemaak nie (ek is tot hiertoe vol van goedkoop weggeepryse op hoërskool wat meriete bloot vir die skyn inboet). Is daar te min artikels, kan die prys tweejaarliks of vyfjaarliks of wat toegeken word. Dit staan ook die bydraers vry of hulle noodwendig in aanmerking wil kom deur die riglyne nougeset na te kom, aldan nie. Suidpunt (kontak) 05:40, 24 September 2020 (UTC)
Noudat ek my eerste Cappuccino-uit-'n-sakkie in het, wonder ek of die Akademie nie ook die vryheid gegun moet word om self 'n artikel vir hul eie doeleindes te nomineer nie. Dit sal nie die eerste keer in die geskiedenis wees dat so iets plaasvind nie: die Pous is by magte om 'n Priester tot Pous te orden, sonder dat die Priester eers tot biskop, aartsbiskop en kardinaal georden hoef te word.Suidpunt (kontak) 06:32, 24 September 2020 (UTC)

Toutologie (taalkunde) aangevra?

Tot dusver het ons Toutologie (stylfiguur), wat alles gaaf is, maar dit mis die punt op taalkundige gebied.

In Afrikaans kry jy byvoorbeeld:

  • por(t)fisiedeur, portfesiedeur, portefisiedeur > porte de visite + deur
  • Leeu-Gamka (letterlik leeu + [Gam + ka (leeu + rivier)]

Ander wat ek nou onthou is walvis, tortelduif, bulldoghond en windhond (ek sal nog deur ander skoolboeke moet kyk). Jy kry ook kraanvoël, muildier, oeros en rendier volgens etymologiebank.nl (vergelyk dyr wat juis 'n rendier in Oudnoors beteken). 'n Mens kan eiland ook byvoeg, want "ø","øy", "ö", "oyggj" in Noord-Germaanse tale beteken juis "eiland" op sigself - waarom wil jy nou praat van eilandland? En waarom sal jy wil praat van Faroëreilande as dit letterlik Skaapeilande-eilande beteken?

In Engels is "greyhound" blykbaar afgelei van grig (teef) + hund. "Orchard" is 'n samestelling van die Latynse "tuin" (hortus) en Germaanse "tuin" (geard) ['n mens voel skoon dom dat jy so iets so voor die hand liggend misgekyk het]. Nog interessante voorbeelde het ek onlangs in 'n boek opgespoor uit 1909 (gedrukte kopie), waarvan 'n latere uitgawe hier te vinde is. (Ek moet wel sê die boek stel dit duidelik dat die eerste deel, wort/wyrt van Orchard, as Germaanse stam, aan die opmars was.)

Waarom gebeur sulke dinge?

1. Die oerbetekenis gaan heeltemal verlore, of, iemand kan die beeld aan die woord koppel, maar verstaan nie die woord se volle betekenis of reikwydte nie.
2. Om homonimiteit te vermy, byvoorbeeld: "Die kraan staan agter die kraan" - staan die kraanvoël nou voor die waterkraan, of vica versa?
3. 'n Nuwe betekenis word deur 'n nuwe samestelling geskep.

Moet ek 'n afsonderlike artikel begin en uitbou, of moet ons liefs dit alles een artikel hou? Suidpunt (kontak) 17:15, 25 September 2020 (UTC)

Suidpunt Ek vertrou jou oordeel.... Groete! Oesjaar (kontak) 13:27, 26 September 2020 (UTC)

Aardbewing in Kaapstad

Het enigiemand omstreeks 20:41 'n aardbewing gevoel? – K175 (skil 'n appeltjie) 19:08, 26 September 2020 (UTC)

Volgens die koerant was daar een! Hou vas boet! Groete! Oesjaar (kontak) 20:20, 26 September 2020 (UTC)
Die nuusmedia berig oor 'n 6.2-aardbewing wat sowat 90 minute voor 20:41 2,000 km ver in die see plaasgevind het. Ek het egter hierdie 2.5-aardbewing by die Geologiese Raad gevind wat die presiese tydstip van 20:41 en 'n ligging van noord van die Noordelike Voorstede het en ek weet nie of dit verband hou met die aardbewing wat vroeër in die see plaasgevind het nie. – K175 (skil 'n appeltjie) 20:27, 26 September 2020 (UTC)
Dis interessant. Heelwat mense in Melkbos en Milnerton sê hulle het om 20:40 trillings gevoel. ~ Burgert (kontak) 21:25, 26 September 2020 (UTC)
Uit die Overberg het ek niks gevoel nie. Maar blykbaar is dit geen nuwe verskynsel in Kaapstad nie: 1809 en verder getuig daarvan, volgens 'n berig uit 2011. En Milnerton is 'n ou kalant. Suidpunt (kontak) 21:42, 26 September 2020 (UTC)

Dis interessant dat dit op ‘n paar dae na (29 September 1969)41 jaar gelede is dat Ceres, Tulbagh en Wolseley deur ‘n groot aardbewing van 6.3 getref is. Racheltjie (kontak)

Ek het 'n ander teorie: Ek het 23 September uiteindelik onder die klip uitgekruip en vir my 'n Android 9-foon gekoop. My eerste Whatsapp was gisteraand. Boonop was ek besig om 13-jaar oue rommel te sorteer, al vir drie dae lank. Ek het selfs die Wikipedia-toep gebruik [en wat 'n geweldige nuttige voorblad!]. En toe ek sê: "Hey Google, scan QR code", toe verrys Google Lens uit die niet! Dit was duidelik teen die ganse planetêre samestand se wil en iets moes meegee: dit was 'n aardverskuiwende gebeurtenis! Suidpunt, welkom in die 21ste eeu. Suidpunt (kontak) 10:19, 27 September 2020 (UTC)
@Suidpunt:, maklike verduideliking: Gister was die eerste rugbywedstryde in ses maande in Suid-Afrika aan die gang. RSG het die eerste regstreeks uitgesaai en almal was baie opgewonde. Die aarde moes meegee het! Volgende week speel groen teen goud, wees maar versigtig! Ek vrees net die voltooiing van die Sesnasies-toernooi op 24 en 31 Oktober hier in Europa. :) Groete. --   SpesBona 11:20, 27 September 2020 (UTC)

Neem kennis: Woordeboek van Eietydse Afrikaans

Môre almal. En spesifiek vir Oesjaar wat voortdurend na nuwe woorde soek.

Baie weet miskien daarvan, ek het vanoggend eers hiervan te hore gekom toe ek 'n Afrikaanse woord vir "power bank" gesoek het (al verkies ek "kragkassie" bo die leenvertaling "kragbank"). Die webwerf is in Oktober 2019 opgerig, dus, 'n jaar gelede.

Vergewis julle maar net van die nuutste toevoegings en bywerkings. Ciao.Suidpunt (kontak) 08:12, 29 September 2020 (UTC)

O, maar ek het ook my besware teen die woordeboek. Met die uitsondering van "krimi" wat my vaagweg aan die Duits herinner, is daar nie veel oorspronklikheid nie. Ons almal weet mindf*ck is breinbliksem, nie kopf*k nie. Arme Fanie Viljoen se boek is skynbaar nog nooit van gehoor nie.Suidpunt (kontak) 08:24, 29 September 2020 (UTC)
Die woord kopfok kom ook in Pharos voor, terwyl ek breinbliksem in geen woordeboek tot my beskikking kry nie. Die redakteur van die Woordeboek van Eietydse Afrikaans is Jana Luther, wat 'n uiters ervare woordeboekmaker is en in beheer was van Pharos se tweetalige woordeboek én die nuwe HAT. Sy was ook lid van die Afrikaanse Taalkommissie. Die woordeboek kan gerus gebruik word. ~ Burgert (kontak) 09:10, 29 September 2020 (UTC)

Wiki of functions naming contest

21:19, 29 September 2020 (UTC)


Ons benodig 'n CheckUser

Gemeenskap, die Afrikaanse Wikipedia benodig 'n CheckUser. 'n CheckUser is basies 'n gebruiker wat kan kyk of 'n ander gebruiker veelvoudige rekeninge misbruik. Lees meer hieroor hier. Enige nominasies? Lefcentreright (kontak) 14:01, 14 September 2020 (UTC)

"Only stewards, ombuds, some Wikimedia Foundation staff, and a very small number of other users are allowed to have CheckUser access." Is dit waar? En daar moet minstens twee wees, lyk dit my. ~ Burgert (kontak) 09:45, 15 September 2020 (UTC)
Gebruiker:Burgert_Behr, Lefcentreright Wikis can nominate a person to become a checkuser. Afwiki currently has almost 100 000 articles, I think that it is big enough to have its own CUs. You have to choose at least 2 (there cannot be only one person), and report them to Stewards. That person has to sign a confidentiality agreement with Wikimedia Foundation and then she/he can become a Check User. IF you have any more questions about that, please let me know! :D (ping me, as it is not my main project). Cheers! Nadzik (kontak) 12:34, 16 September 2020 (UTC)

Dit is hoekom hier CheckUsers moet wees

Gemeenskap, vandag het Gebruiker:MrWaxwell weer teruggekeer en 'n klomp swak rekenaarvertaalde inhoud geskep. Ek het hom toe onbeperk versper. Ek vermoed hy is 'n kouspop van Gebruiker:ธนบดั เมืองโคตร wat reeds versper is. As hier nou CheckUsers op hierdie Wikipedia was, kon hulle al lankal gekyk het of hy 'n kouspop van daardie gebruiker is en die kopseer van sy bydraes vermy het.

Volgens die CheckUser beleid, moet ons twee kies. Daar kan nie net een wees nie. Ek het vroeër die maand die onderwerp geopper. Net Burgert Behr en Nadzik het gereageer. Ek nomineer nou vir Gebruiker:SpesBona en Gebruiker:Voyageur, aangesien hulle beide burokrate is. Laat ek sommer die stemming afskop.

Kan iemand asb. die woord 'kouspop' met 'n skakel aanvul, sal dit waardeer.GerhardErasmus (kontak) 08:42, 25 Oktober 2020 (UTC)

Kategorie:Gehugge in Noorweë

Gemeenskap, moet bogenoemde nie eerder nedersettings in Noorweë wees nie? Groete! Oesjaar (kontak) 08:29, 1 Oktober 2020 (UTC)

Nee, daardie kategorie bestaan reeds. 102.165.230.219 10:11, 1 Oktober 2020 (UTC)

Sjabloon hulp: Honde

Hallo Wikipediane. Ek benodig hulp met die sjabloon vir honde. Ek wil graag KUSA standaarde by die sjabloon bysit. Enige raad / voorstelle oor hoe ek dit kan doen? Sal enige hulp waardeer Schallabrak (kontak) 07:03, 3 Oktober 2020 (UTC)

Het jy {{Inligtingskas honderas}} probeer? Groete,   Aliwal2012 11:39, 4 Oktober 2020 (UTC)
Dit lyk my nie daar is KUSA-standaarde in die {{Inligtingskas honderas}} nie. ~ Burgert (kontak) 17:18, 4 Oktober 2020 (UTC)
Dankie vir die terugvoer. Ek het {{Inligtingskas honderas}} gebruik. Ek sal verdere navorsing doen oor hoe om KUSA by die sjabloon by te bring. Groete, Schallabrak (kontak) 10:37, 5 Oktober 2020 (UTC)

Wikipedia:Styl

Gemeenskap (admins), Gebruiker:Martinvl het die die artikel (seker inligtingstuk) verbeter. Kyk asb of julle saamstem, dit is myns insiens 'n beleidsdokument. Groete! Oesjaar (kontak) 11:56, 4 Oktober 2020 (UTC)

Lyk reg. Hy het net die taal verbeter. ~ Burgert (kontak) 17:13, 4 Oktober 2020 (UTC)

Voorblad: Het U geweet

Middag almal. Ek wil net hoor of ons dalk net die "Het U geweet" gedeelte op die Voorblad moet noem onder die diepste myn in die wêreld dat die myn se naam verander het na Mponeng? En dalk ook die diepte opdateer volgens hierdie artikel: https://www.mining-technology.com/features/feature-top-ten-deepest-mines-world-south-africa/? Groete, Schallabrak (kontak) 10:37, 5 Oktober 2020 (UTC)

Dankie, ons sal dit regstel. Oesjaar (kontak) 11:49, 5 Oktober 2020 (UTC)

Wikipedia:Bladsyverwydering

Die bladsy word al hoe langer. Kan 'n mens dit verwyder, of seker eerder in 'n argief sit? En wat van artikels wat stemme kry om dit te hou? Kan 'n mens die sjabloon verwyder, soos in Skouergordel? ~ Burgert (kontak) 18:47, 6 Oktober 2020 (UTC)

Ek het dit sommer gefieks. Dit maak sin. ~ Burgert (kontak) 20:43, 6 Oktober 2020 (UTC)
Dankie Burgert! Oesjaar (kontak) 05:51, 8 Oktober 2020 (UTC)

Hoeveel kruipende goggatjies op planeet Aarde?

Die artikel Insek bevat die volgende sinne in die inleidingparagraaf: "Die klas bevat ongeveer 950 000 spesies en is verreweg die grootste klas van alle diere: ongeveer 70% van die byna 1 miljoen ontdekte diersoorte hoort tot die insekte." Ek is nie baie goed met syfers nie, trouens, ek is beroerd daarmee. Maar 70% van 'n miljoen ontdekte diersoorte beteken mos 700 000 soorte insekte, wat die 950 000 spesies totaal weerspreek wat in net die vorige sin genoem word. Of werk my kop verkeerd? Mieliestronk (kontak) 23:52, 7 Oktober 2020 (UTC)

@Mieliestronk:, ja, kyk na die bron, Wêreldspektrum 1983, dus 37 jaar oud! Dit is verstommend dat 'n maatskappy soos Maroela Media ou inligting soos dié laat publiseer sonder om 'n poging aan te wend om 37 jaar se navorsing by te werk. Ek dink ons moet die artikel herstel soos dit was voor die bywerking. In wese is elke fauna- en flora-artikel uit Kennis en Wêreldspektrum onder verdenking eenvoudig omrede die boeke verouderd is en nuwe DNS-navorsing, wat 'n direkte gevolg op taksonomie het, nie bygewerk is nie. Groete! Oesjaar (kontak) 06:28, 8 Oktober 2020 (UTC)
@Oesjaar: Ek is juis nou in 'n gesprek met Maroela Media oor 'n ander ding. Sal kyk of ek van my kant af my geringe deeltjie kan bydra om hulle ietsie duideliker bewus te maak van die feit dat hulle dink hulle doen 'n groot volksdaad terwyl hulle kennelik besig is met kolossale opmorswerk. Dis mos duidelik met die bietjie wat ek te sien gekry het. Ek neem aan jy en andere het ook al meerdere onderonsies met hulle gehad, maar hoe meer hoe beter, of hoe? Mieliestronk (kontak) 19:27, 8 Oktober 2020 (UTC)
@Mieliestronk:, Maroela Media is by verre my grootste teleurstelling in my amper 12 jaar betrokke hier! Groete! Oesjaar (kontak) 19:44, 8 Oktober 2020 (UTC)
Vra sommer dat hulle daai webwerf van hulle bywerk. Al hulle Afrikaanse inhoud is in HTML verklaar as lang="en" i.p.v. lang="af". Ek sou self as ek geweet het hoe om hulle te kontak. Groete. Frank (kontak) 19:58, 8 Oktober 2020 (UTC)
@Frank: Die taal van baie Afrikaanse webwerwe, dink ek, word as Engels aangedui in die html. Ek kon nog nooit agterkom waar dit werklik van belang is nie, want Google en kie. herken blykbaar die taal as Afrikaans en hanteer dit dan ook so. Of is ek verkeerd? Mieliestronk (kontak) 03:30, 9 Oktober 2020 (UTC)
Google ignoreer dit (vir nou), maar soekenjins soos Bing gebruik dit wel. Dis net twee karakters om te verander. Groete. Frank (kontak) 08:12, 9 Oktober 2020 (UTC)
@Oesjaar: Het dit nou in 'n langerige e-pos aan 'n senior meisie by Maroela oorgedra dat daar groot, groot ongelukkigheid onder hardebaarde by Afr. Wikipedia is oor die plasing van totaal verouderde inligting en hoe dit die dinge hier verfomfaai. Het selfs van jou opmwerkings ge-cut & paste (naamloos). Dink dit hoort hulle 'n bietjie hard te laat dink, maar of dit enigsins ietsie gaan red gaan red, daaroor twyfel 'n mens natuurlik sterk. Mieliestronk (kontak) 03:30, 9 Oktober 2020 (UTC)
Terugvoering: @Oesjaar: Sou wel Maroela se kommentaar wou plaas, maar besef nou dat ek nie hul toestemming gevra het om dit hier weer te gee nie. Ek dink darem nie hulle sou beswaar hê nie as ek dit noem dat hulle besluit het om voortaan liewer hul "eie ding" te doen wat spesifiek gemik sal wees op skoolkinders en heeltemal kurrikulum-gedrewe vir verskillende skoolvakke aangepak sal word. @Frank: Ek sal hulle inlig oor die lang="af". Groete. Mieliestronk (kontak) 02:16, 11 Oktober 2020 (UTC)

Call for feedback about Wikimedia Foundation Bylaws changes and Board candidate rubric

Vertaal deur Aliwal2012

Hallo daar!

Vandag wil die Wikimedia-Stigting se Raad van Trustees twee oproepe vir terugvoer maak. Die eerste een is omtrent 'n verandering aan die verordenings, hoofsaaklik om die raadslede van 10 tot 16 lede te vermeerder. Die ander is oor 'n gesprek oor trusteekandidaatskap om nuwe, effektiewer metodes te vind om nuwe raadskandidate te evalueer. Die Raad verwelkom jou mening voor 26 Oktober.

Vir meer inligting hieroor, lees asseblief die volledige aankondiging hier.

By voorbaat dankie! Qgil-WMF (talk) 17:17, 7 Oktober 2020 (UTC)

Gras en Grasfamilie

Gemeenskap, hier is nog een van die poefies van Maroela Media. Die artikel gras bestaan al lank en inligting is bygevoeg uit Wêreldspektrum, 'n bron van 1982. Toe skep Maroela Media die artikel Grasfamilie, bron Kennis, 1980 en ironies dek die inligting uit die twee bronne dieselfde inhoud. Ek gaan nie die taksonomiese akkuraatheid eers probeer verifieer nie. Kan ek voortgaan en Grasfamilie skrap en Gras terug rol tot sy status voor die byvoeging van die inligting uit Wêreldspektrum? Groete!

Ek weet nou nie hoe op datum enige van die artikels is nie, maar Grasfamilie lyk nogal vir my na 'n goeie artikel, met 'n goeie indeling van die grassoorte. Dit lyk nie of die ou weergawe van Gras veel om die lyf het nie. Dalk moet 'n mens eerder gedupliseerde inligting verwyder of die twee artikels versmelt? ~ Burgert (kontak) 13:30, 9 Oktober 2020 (UTC)

Na my mening maak dit sin om die bereidskap hier op Wikipedia/Wikimedia konstruktief mee te maak so veel as moontlik te bevorder. Na my mening is die opsie om die twee artikels oor Gras, en of Grasfamilie te versmelt, soos deur Burgert Behr hierbo voorgestel (Erasmus van Embrach, GerhardErasmus, 25 Oktober 2020, 10:39).GerhardErasmus (kontak) 08:39, 25 Oktober 2020 (UTC)

Nog 'n nuwe Afr woord..

Gemeenskap, ek moet die met julle deel. Ek besit en bestuur 'n events maatskappy wat fokus op Bergfiets en Trail running. Cross-country running is bekend as landloop in Afrikaans, waar laat dit ons met Trail running? Ek het dit begin bemark as Bosdraf! Hoe klink dit vir julle? Groete! Oesjaar (kontak) 14:14, 12 Oktober 2020 (UTC)

@Oesjaar: ek hou baie van "bosdraf", maar ek sou sê dit is nie noodwendig altyd in die bos nie. So ek sal "spoordraf" voorstel. - Rooiratel (kontak) 08:34, 14 Oktober 2020 (UTC)
"Velddraf" miskien (soortgelyk aan veldren, veldfiets, ens), dit het ook 'n hoër frekwensie van gebruik op Google. Groete. Frank (kontak) 11:19, 14 Oktober 2020 (UTC)
Die probleem lyk my is dat hierdie item eintlik maar landloop is, of 'n vorm daarvan. Wat is cross-country running of trail running nou anders as landloop? By eersgenoemde verlaat jy miskien die paadjie hier en daar, en spring oor die klippe, maar dis die enigste verskil. As lg. die roetes streng volg, kan mens dit seker roete-landloop noem, of paadjie-landloop, maar dit is maar landloop. Google gooi terloops roete-hardloop uit. JMK (kontak) 10:19, 15 Oktober 2020 (UTC)
Ek stem vir veldlandloop. @Oesjaar: jou bosdraf is 'n mooi woord, maar dit het nog nie inslag gevind nie en kan obskuur (onbekend) voorkom. Groete, --  Aliwal2012 10:34, 15 Oktober 2020 (UTC)
Slaan nou 'n blokkiesraaisel-woordeboek oop, en sinonieme vir landloop (in die breë) sluit in: veldloop, veldwedloop, veldnommer en landloopwedren. Sou raai dié met veld- is waar jy oor die klippe spring, en by grondwalle afgly. JMK (kontak) 12:27, 15 Oktober 2020 (UTC)

Onderhoudskategorieë

Ek wonder al lank oor hierdie honderde onderhoudskategorieë wat ons so desperaat probeer "skoonmaak". Ek het nou die versteekte kategorie Kategorie:CS1 maint: others geskep omdat dit by 'n artikel van my opgekom het en ek nie kon uitvind wat die "probleem" is nie. Ons het 17 artikels in die kategorie; die Engelse Wikipedia het derduisende artikels in hulle soortgelyke kategorie. Dit lyk nie of hulle iets daaraan doen nie. Moet ons regtig? ~ Burgert (kontak) 18:51, 14 Oktober 2020 (UTC)

Ek moet bieg, party van die onderhoudskategorieë verstaan ek nie, my HTML kennis is net te min. As die Engelse nie weet nie... Kom ons kyk: @Greenman:, jy is baie doenig op die Engelse Wikipedia, help ons hier asb! Groete! Oesjaar (kontak) 14:34, 20 Oktober 2020 (UTC)

Vertaal van skets asb!

Gemeenskap, kan een van ons slim mense help om die in Afr te vertaal asb? Pioneer speed and distance from Sun.svg Groete! Oesjaar (kontak) 14:35, 20 Oktober 2020 (UTC)

  Gedoen en geplaas in Pioneer 11. ~ Burgert (kontak) 15:53, 20 Oktober 2020 (UTC)

@Burgert Behr: dankie! Dit word waardeer! Oesjaar (kontak) 18:50, 20 Oktober 2020 (UTC)

Vertaling van Johannes Hevelius uit Nederlands

Gemeenskap, kan iemand asb help met die vertaling van Johannes Hevelius uit Nederlands? Groete! Oesjaar (kontak) 19:58, 20 Oktober 2020 (UTC)

Ek het daarmee begin en ek maak gebruik van Google Translate (maar dit is nie 100% automaties nie). Sien Johannes_Hevelius. Martinvl (kontak) 22:06, 21 Oktober 2020 (UTC)
Dankie aan almal wat hier gehelp het! Die artikel het 21 skakels vanaf ander artikels! Groete! Oesjaar (kontak) 15:42, 23 Oktober 2020 (UTC)
Ik kom toevallig even kijken hier: do you know of the translationtool? It's a beta feature, and gives you three columns for translating articles. You can translate manually, or have an automatic translation that you then copy-edit. It uses Google-translate, so Afrikaans should be supported. Watch this 4 minute introduction to get the basics: link. Because it's in beta, you'll have to turn it on, on the Wikipedia of the target language. Ciell (kontak) 21:10, 24 Oktober 2020 (UTC)
Gebruik iemand die ding? Ek kry dit nie in die "beta"-keuse nie. hansjoseph (kontak) 13:00, 6 November 2020 (UTC)

Môreson

Het Morgenzon se naam na Môreson verander? Ek dink nie so nie. Dis seker vandalisme op die Engelse blad wat nou van daar oorgedra is. JMK (kontak) 11:38, 30 Oktober 2020 (UTC)

Hallo JMK, ek het die naam terug verander na Morgenzon, ook op die Engelse blad. Dankie vir die laat weet. --  Aliwal2012 12:38, 30 Oktober 2020 (UTC)

Pioneer 11

Wat my betref is ek klaar met hierdie vertaling, @JMK: en @Aliwal2012: kan julle asb net klaar proeflees vanaf Na verdere ontleding van die... Ek het die Engels daar gelos vir julle gemak. Ek dog die artikel kom nooit klaar nie! Dankie vir julle ondersteuning sover! Groete! Oesjaar (kontak) 17:24, 3 November 2020 (UTC)

@Oesjaar: dankie, ek het gaan kyk daar. Mooi artikel! --  Aliwal2012 08:01, 5 November 2020 (UTC)

Wiki of functions naming contest - Round 2

22:10, 5 November 2020 (UTC)

"Her-standaardisering" van Afrikaans.

Dit sal nooit gebeur nie (my mening- want Standaardafrikaans soos ons dit ken is te stewig gevestig in die Akademie, en sonder die Akademie sal die plannetjies skipbreuk ly). Indien hulle dit waag doen sal die bietjie eenheid wat daar bestaan tussen die Afrikaanssprekende gemeenskap verseker daarmee heen wees en 'n taalskeuring plaasvind tussen die bruin (en ander blankes wat hulle daarvoor beywer) en blanke gemeenskap (nie dat blankes oftewel "wittes" se taalgebruik deesdae watwonders is nie - inteendeel- hulle verwaarloos hulle taal soos nog nooit tevore nie en toon geen vertedering of koestering ten opsigte daarvan nie!) . Maar maak maar reg daarvoor, dit is blykbaar hulle plan. Hulle wil Afrikaans besoedel, wesentlik vernietig en verengels met "Kaaps" en dit "dekoloniseer" en "transformeer" (ek wil opgooi as ek dié terme hoor) in 'n onsmaaklike en onverstaanbare brousel wat daarna geen verwantskap meer met haar moedertaal Nederlands sal hê nie.

My vraag is: Waarom los! hulle nie Afrikaans uit nie en standaardiseer op hul eie vir "Kaaps". Dinge raak al hoe meer belaglik. Ek is 'n Afrikaanssprekende, ek gebruik dit, ek het seggenskap oor my taal!

Kort voor lank hoor ons dat ons verplig sal wees om ons teks te verengels (lees: ver-"Kaaps") anders verloor ons die ondersteuning van die ATR en taalmonument (die hoof aandrywers van hierdie onsinnige spulletjie .... het die Afrikaanse Wikipediaprojek ooit in elk geval ondersteuning van daardie geweste geniet? Ek weet die akademie beywer hulle vir 'n sterk en uitmuntende Afr. Wikipedia ten minste in Standaardafrikaans.

Iemand moet iets sê.

Suidpunt, wat is jou opinie hieromtrent?

As niemand opstaan vir wat reg is nie sal die bose en onsinniges oorwin! Los Afrikaans uit! Charlielv55 (kontak) 10:25, 6 November 2020 (UTC)

Die rede waarom ek so aanvallig is, is dat ek verseker nie onder 'n kalkoen uitgebroei is nie. Die ATR en die taalmonument mense bely 'n houding van nie-vyandigheid teenoor Standaardafrikaans (soos ons dit ken) maar agter die "koekiesbak" bakkies bespeur mens 'n onteenseglike antagonisme (dink bietjie daaroor: as't ware teenoor ons taal) teenoor Standaardafrikaans en afgunstigheid wat kwalik bedek is. Ek verwys natuurlik na die artikel " ’n Strategie vir die insluiting van Kaapse Afrikaans by die formele skoolkurrikulum" deur Le Cordeur op Litnet asook uitlatings deur die ATR en hul meelopers. Jammer indien ek altyd ongemaklike onderwerpe ophaal en die slaai deurgemaak krap (bietjie soos Potus Trump), maar soos hulle sê (in Engels nogal): "The only thing necessary for the triumph of evil is for good men to do nothing." - Edmund Burke. Ek hoor graag die mense met in-diepte kennis oor hierdie onderwerp se opinies (indien enige) en oor die feit dat mens weereens moet baklei en die verrotting stopsit van die laaste kulturele bate wat werklik joune is en waarvoor jy hartgrondig lief is, in hierdie ellendige, verdeelde land. Groete.Charlielv55 (kontak) 11:33, 6 November 2020 (UTC)
@Charlielv55 Soos Onkel Freud toe nog aan sy beste vriend, dr. Jung, iets uit sy jeugjare in 'n brief (14 Maart 1911) onthou: Cacatum non est pictum. Met ander woorde, iets in die trant van "gekak is nie geskilder nie." Daar is 'n rede hoekom mense na die Louvre stroom, vir een skilderytjie, en daar is 'n rede hoekom Sarah Lucas se kuns wat 'n kamer vol staan nie veel aftrek kry nie. Selfs die gepeupel het bietjie elegansie-sin, na tydloosheid, na 'n medium wat tyd en ruimte oortref, en 'n sekere mate van... eksklusiwiteit. [En daarom is daar geen ander taal soos Latyn nie]. Suidpunt (kontak) 07:38, 10 November 2020 (UTC)
Dankie Suidpunt - ek kry die boodskap, en dis baie waar! Groete. 102.132.12.43 08:04, 10 November 2020 (UTC)

Paraboliese antenne vs paraboolantenne

Gemeenskap, ek laat die ruimtetuie vir nou eers daar... My volgende projek is die vertaling van Parabolic antenna. Ek is nie heeltemal seker van die korrekte vertaling nie, die tweede naam kom uit my Poskantoor woordeboek. Julle insae asb! Groete! Oesjaar (kontak) 16:15, 7 November 2020 (UTC)

Die Tegniese Woordeboek gee paraboolantenne en die Sterrekundewoordeboek paraboliese antenne. Ek sou met eersgenoemde gaan. ~ Burgert (kontak) 09:18, 9 November 2020 (UTC)
Merci Monsieur! Oesjaar (kontak) 09:20, 9 November 2020 (UTC)

O, gonna! Artikel oor Kaapse luiperd moet weg.

Liewe lesers

Ons sit skynbaar met 'n probleempie.

Die benaming "Kaapse luiperd", so luister ek gistermiddag aandagtig na Martelize Brink en Cape Leopard Trust se geselsie, het 'n semantiese sprong ondergaan. Of van vlekke verwissel. Daar word nou bedoel "luiperd in Kaapland".

Dit het sonder twyfel verreikende gevolge: want ons almal weet Kaapse kobra (die geelslang, Naia nivea), Kaapse leeu (in die ou jare Leo leo melanochaitus) en Kaapse... is almal op die een of ander wyse afsonderlike (sub)spesies binne 'n bepaalde georuimtelike gebied, naamlik Kaapland.

En omdat die stigting as't ware nou erken het die dier is nie 'n subspesie nie, is daar geen bestaansreg vir hom op die Afrikaanse Wikipedia nie.

En eintlik het die organisasie ook geen bestaansreg meer nie. Ek bedoel, as katsenaam Panthera pardus pardus is, is hy een van die volopste roofdiere dwarsoor Afrika waarvoor wynbottels ten duurste opgeveil word. Dis soos 'n pleidooi voor die Wêreldbank vir muskiete. Dis tog waaroor die twispunt al vir jare gegaan het!

Dan ontstaan die vraag: waarom? Waarom bestaan die organisasie in die eerste plek? Want as daar 'n oorbevolking gryswolwe begin wemel en hap na mekaar in Oos-Europa, wyk hulle gewoon na ander gebiede soos Noord-, Suid- en Wes-Europa uit om die leemtes te vul. Dis wat alle roofdiere trouens doen. En waarom jy nou kinders wil opvoed, wat in hulle ganses lewens nog nooit 'n koei gemelk gesien het nie (of soos, ek geen behoefte het om berg te gaan klim nie), wat nog te sê hierdie skugter dier nog van aangesig tot aangesig ontmoet, soos die heuningtappers in Indië wat nie, soos die toeriste, in die tier se lêplek gaan lol nie...

En soos in Europa bestaan daar 'n paar vrae:

1. Waarom word die luiperd spesifiek uitgesonder, maar geen ander roofdier wat voorheen hier was nie? Ek dink maar aan die hiëna met die allervieslikste vaste gebit en gelag. Charisma, mense, charisma.
2. Waarom word 'n toproofdier uitgesonder, nou wel om ander mesoroofdiere in toom te hou, maar daar word nie gekyk na die laagste faktor in die voedselketting nie? Jy kan tog nie 'n luiperdbevolking laat aanwas sonder voedsel nie. En daardie voedsel moet weer op iets anders teer. Jy kan nie die kar voor die perde inspan nie. Begin eers bome plant, sou ek sê (tot die volgende bergbrand).
3. Het 'n luiperd meer charisma as 'n oewerkonyn, wat in die Kaap selfs meer bedreig is?
4. Is die besorgdheid oor die luiperd in Kaapland bloot 'n uitvloeisel uit wetenskaplike dwalinge uit die 1800's, of deur tradisie van oom Pietie Beukes van die 1970's wat voortgesit word?
5. Gaan dit werklik om die diere, of gaan dit om die miljoendollarbedryf gegrond op emosie?

Die belangrikste vraag is (en dit sou hardegat gewees het as Martelize dit sou vra): OK, wanneer gaan julle ontbind?

Kyk, enige organisasie stel hom voor n mikpunt. Selfs die kerk sê: "tot Jesus kom moet elke siel op aarde gewin word". Maar wanneer gaan die Cape Leopard Trust heeltemal ontbind? Of, met reeds so 'n hoë digtheid in die Kaap besuide die bergreekse, wanneer daar 5 miljoen luiperds in die Wes-Kaap is? Wanneer elke studie oor die lewensgewoontes van die dier nou finaal opgeteken is?

Hande op wie hierdie artikel geskrap wil sien:

  Ondersteun Suidpunt (kontak) 07:43, 10 November 2020 (UTC)
  Neutraal   Gekant vir redes soos ander hieronder --  Aliwal2012 21:57, 12 November 2020 (UTC)
  Gekant Ek dink ons kan net verduidelik dat dit 'n takson was wat voorheen in die literatuur bespreek is, maar nou as sinoniem met die hoofspesie beskou word. – K175 (skil 'n appeltjie) 19:33, 10 November 2020 (UTC)
  Gekant Ek stem saam met K175. Maar ons kan seker die meeste van die oorbodige inhoud verwyder, of versmelt met Luiperd. Ek sien ons het nie 'n artikel vir Afrika-luiperd (Panthera pardus ssp. pardus). Miskien kan ons dit skep met meeste van die inhoud in Kaapse luiperd. - Rooiratel (kontak) 07:47, 11 November 2020 (UTC)
  Gekant Selde geval as Knysna-olifant. Hou albei – ek sien ook geen oorbodige inhoud nie. By groot soogdiere kan daar dikwels op die oog af onderskei word tussen verskillende populasies. Dit beteken nie dat elke populasie sy eie artikel verdien nie, maar as dit redelik kenmerkend is, en die inligting en studies is beskikbaar, dan is dit interessant en ook nuttig uit 'n bewaringsoogpunt. JMK (kontak) 16:15, 11 November 2020 (UTC)
  Gekant stem saam met my kollegas. Plaas net nota in artikel oor taksonomie. Groete! Oesjaar (kontak) 16:35, 11 November 2020 (UTC)

Die Slag van Soutrivier

Gemeenskap, die voorsitter van WikimediaZA Gebruiker:Discott het die bogenoemde op die Engelse Wiki geskep: Battle of Salt River Sien iemand kans om dit te vertaal? Goeie Africana! Groete! Oesjaar (kontak) 17:18, 10 November 2020 (UTC)

Dankie Gebruiker:Sobaka! Groete! Oesjaar (kontak) 17:41, 17 November 2020 (UTC)
Plesier Sobaka (kontak) 17:53, 17 November 2020 (UTC)

Liggingkaart

Goeienaand gemeenskap, vandag het ek lekker geskrik, want liggingkaart werk nie meer lekker nie, wanneer dit nie in inligtingskassies gebruik word nie (d.w.s. as dit op sy eie gebruik word, bv. Koeberg, maar nie Bredasdorp). Dit raak baie artikels, waaronder voorbladsters! Sien iemand kans om hierdie te fieks? Groete. --   SpesBona 22:15, 15 November 2020 (UTC)

@SpesBona: Dankie dat jy dit opgelet het! Ek het dit gou reggemaak. Laat weet asb. as jy nog sulke gevalle bespeur. – K175 (skil 'n appeltjie) 22:32, 15 November 2020 (UTC)
@K175: Baie dankie! Sover ek sien werk nou alles reg. :) Groete. --   SpesBona 22:40, 15 November 2020 (UTC)

@K175: Daar is nou kassies waar al die opskriffies links geskouer is. Kyk byvoorbeeld {{Inligtingskas siekte}}. Wat is fout? ~ Burgert (kontak) 12:07, 18 November 2020 (UTC)

@K175: Kan jy dit asseblief regmaak? Daar is nou honderde, of duisende, kassies wat verkeerd vertoon. ~ Burgert (kontak) 19:16, 18 November 2020 (UTC)
@Burgert Behr: Ek glo hierdie wysiging maak dit reg. – K175 (skil 'n appeltjie) 19:18, 18 November 2020 (UTC)
@K175: Nee, dis steeds verkeerd. Tjek jy nie as jy kassies verander dat dit nie 'n gemors veroorsaak nie? Daar is gedurig 'n probleem met kassies wat mense toevallig sien en jou dan daarop moet wys. ~ Burgert (kontak) 19:24, 18 November 2020 (UTC)
@Burgert Behr: Verander dit asb. gou terug en dan wys jy my op 'n voorbeeld waar dit nog gebreek is? – K175 (skil 'n appeltjie) 19:25, 18 November 2020 (UTC)
@K175: Kepler-11 en Androgeenongevoeligheidsindroom en enige artikel wat {{Infobox generiek}} gebruik. ~ Burgert (kontak) 19:43, 18 November 2020 (UTC)
@Burgert Behr: Moet die deel "Klassifikasie en eksterne bronne" en die beeldonderskrif ook in die middel wees? En die "Mediese waarskuwing"? – K175 (skil 2 appeltjies) 19:47, 18 November 2020 (UTC)
@K175: Ja. ~ Burgert (kontak) 19:52, 18 November 2020 (UTC)
@Burgert Behr: Kyk asb. of dit nou reg is? – K175 (skil 'n appeltjie) 19:59, 18 November 2020 (UTC)

@K175: Die siektes is nou reg, maar al die ruimteartikels is nog verkeerd, ~ Burgert (kontak) 20:25, 18 November 2020 (UTC)

@Burgert Behr: En nou? Lyk die portaal reg by Son? – K175 (skil 'n appeltjie) 20:35, 18 November 2020 (UTC)
@K175: Die Portaal Sterrekunde staan nog links. ~ Burgert (kontak) 20:39, 18 November 2020 (UTC)
@Burgert Behr: Is dit nou reg? – K175 (skil 'n appeltjie) 21:09, 18 November 2020 (UTC)
@K175: Ja, baie dankie. ~ Burgert (kontak) 21:14, 18 November 2020 (UTC)

"Eerste internasionale wedstryd" by {{Inligtingskas Rugbyspan}} is nou links geskouer, terwyl dit voorheen gesentreer was. Die res van die sjabloon werk mooi, moenie verander nie. Sentreer net die "Eerste internasionale wedstryd" weer, asseblief. Wat {{Rugbywedstryd}} betref was dit voorheen een lyn, die "[Vou oop]" kort waarskynlik "nowiki". Die res werk mooi, fieks asseblief net dié probleem. Groete. --   SpesBona 22:56, 18 November 2020 (UTC)

@SpesBona: Bevestig asb. dat dit nou reg vertoon? – K175 (skil 'n appeltjie) 06:26, 19 November 2020 (UTC)
@K175: Jammer, maar dis nog nie op die punt nie. Dis nou beter, maar die spanne met hul vlae is nog nie gesentreer nie. Ek verwys na die inligting onder "Eerste internasionale wedstryd", "Grootste oorwinning" en "Grootste nederlaag". Die res lyk soos gewoon. Watter wysiging aan watter bladsy het tot dié nuwe uitleg gelei? Groete. --   SpesBona 19:10, 19 November 2020 (UTC)
@SpesBona: Kyk asb. nou weer. Ek kan nie sê presies watter wysiging die probleem veroorsaak het nie, maar ek dink dit het te doen met die feit dat baie van ons inligtingskassies verouderde HTML-sintaksis bevat wat nie meer geldig is nie, en die bygewerkte CSS definisies vir HTML elemente weglaat. – K175 (skil 'n appeltjie) 20:07, 19 November 2020 (UTC)
@K175: Dit lyk nou soos ek die kassie ken, baie dankie! :) Die Rugbywedstryd lyk ook weer reg. Ek hoop maar ons sal hierdie sjablone kan "bewaar". Ek hou van daai uitleg. Ek vertaal elke week een rugbyspan uit Duits, waar hulle lesenswaardige status verkry, om sodoende ons voorbladartikels uit te brei. Aan die einde van die dag sal die artikels dan op dieselfde vlak wees. Dus val veranderinge in uitleg dadelik op. Groete. --   SpesBona 21:45, 19 November 2020 (UTC)
@SpesBona: Goed, kom ons behou hulle so vir nou. Ek wil volgende die bronteks vir kassies wat {{Inligtingskas Persoon}}, {{Inligtingskas Ampsbekleër}} en {{Inligtingskas Akteur}} gebruik, vertaal en opruim, en dan wil ek na die aanhalingssjablone kyk om hulle eenvormig te maak en hul parameters te vertaal. – K175 (skil 'n appeltjie) 07:47, 20 November 2020 (UTC)

Koring

Gemeenskap, hier is nog een (en definitief nie die laaste nie) van Maroela Media se pogings. Inhoud van Wêreldspekturm en Kennis is net eenvoudig aanmekaar gelas met geen poging om dit te integreer nie. Daar is herhalings van feite, verwysings na Transvaal en ooreenkomste met die regering (van voor 1980) wat ek betwyfel of dit nog waar is. Het enige persoon die moed om die artikel te verbeter? Dit kan in 'n goeie artikel omskep word. Ek het waar moontlik die OCR foute reggemaak. Groete! Oesjaar (kontak) 13:44, 18 November 2020 (UTC)

  Uitgevoer – ek het die ou Koringraad as "voormalig" aangedui, ek vermoed die raad is in die 1980's ontbind. --  Aliwal2012 14:01, 20 November 2020 (UTC)

2021 enquête over de verlanglijst van de gemeenschap

De 2021 enquête over de verlanglijst van de gemeenschap is nu geopend! De enquête is de manier waarmee gemeenschappen bepalen waar het Community Tech team volgend jaar aan moet gaan werken. We moedigen iedereen aan om voorstellen in te dienen voor de deadline op 30 November, of om te reageren op andere voorstellen om ze te helpen verbeteren. De gemeenschappen stemmen op de voorstellen tussen 8 Desember en 21 Desember.

Het Community Tech team is gefocussed op hulpmiddelen voor ervaren Wikimedia bewerkers. U kunt voorstellen in elke taal opstellen en wij vertalen deze. Bedankt en we kijken uit naar uw voorstellen!

SGrabarczuk (WMF) 05:11, 20 November 2020 (UTC)

WikimediaZA se Algemene Jaarvergadering

Gemeenskap, WikimediaZA se algemene jaarvergadering vind op 28 November 2020 plaas via Zoom. Ek vra julle toestemming om my verkiesbaar te stel as die Verteenwoordiger vir Afrikaans op die komitee, soos ek nou al van 2014 doen! Groete! Oesjaar (kontak) 07:19, 20 November 2020 (UTC)

  Vraag: Indien Gebruiker:Dumbassman herverkies word, wie moet hy verteenwoordig? Namibië? --Aliwal2012
Ja. Oesjaar (kontak) 14:21, 20 November 2020
  • Na afloop van die AJV, dien beide myself en Dumbassman nog steeds op die WikimediaZA se raad. Groete! Oesjaar (kontak) 11:41, 28 November 2020
Geluk aan albei en sterkte, hoop julle kan vreugde daaruit put! --  Aliwal2012 11:56, 28 November 2020
Baie geluk aan beide Oesjaar en Dumbassman. Lefcentreright (kontak) 14:49, 28 November 2020 (UTC)

Global bot policy proposal: invitation to a Meta discussion

Sjabloon:Aktueel

Die volgende insetsel in die aktueelboks is nie neutraal nie, en bevat ook twee voorspellings, terwyl voorspellings nie Wikipedia se doel is nie. JMK (kontak) 18:14, 25 November 2020 (UTC)

@JMK: Ek stem saam, die Electoral College moet nog stem, maar die Amerikaners het wel 'n term President-elect wat na die persoon wat waarskynlik die volgende president gaan word, verwys, en die meeste media gebruik ook hierdie term en aanvaar dat Biden en Harris ingehuldig gaan word. – K175 (skil 'n appeltjie) 18:33, 25 November 2020 (UTC)
Die kieskollege ook, maar daar is onenigheid oor die uitslag van die verkiesing, benewens die verkose president. JMK (kontak) 07:20, 26 November 2020 (UTC)
Ek stem saam met JMK, dit is nog nie 'n uitgemaakte saak dat Biden deur die mense (via die kieskollege) verkies is nie, sien bv. https://townhall.com/tipsheet/mattvespa/2020/11/25/trump-legal-team-scores-a-big-win-in-nevada-n2580692; sien ook https://townhall.com/tipsheet/mattvespa/2020/11/25/wait-a-judge-halts-pa-from-taking-further-steps-in-certifying-its-election-resu-n2580680.
Daar was net TE veel ongerymdhede om nog die verkiesing te kan uitroep.
My persoonlike mening is dat ek nie eintlik meer omgee wie wen nie, Pres. Trump het Amerikaanse politiek en mense se denkwyse, hul skeptisisme jeens uitbuiting deur die elites [in die media, "big tech", die akademia, die sport (politieke) bedryf en vermaaklikheidsbedryf (Hollyweird) ] en aktivisme vir wat reg en goed is asook geregverdigde nyd jeens bose globalisme onherroeplik verander. Hy het die GOP verander na 'n party vir die werker, wie maar net sy lewe wil uitleef en die bes moontlike toekoms vir sy gesin skep, teen die belange in van die Demokratiese Party wat skynbaar nou die party van die Hollywood elite en groot skenkers is.
Wie ook al wen verloor dus eintlik, dis geen oorwinning nie - want die meningsverskille en verskillende houdings oor die VSA se toekoms (nieteenstaande ras, etnisiteit ens.) is net te groot, en die rede waarom daar nou sulke vurige en hewige verskille heers in die VSA is (volgens my) nie omdat Pres. Trump verdeel nie, maar omdat hy werklik die heel eerste konserwatief-Republikeinse president in menseheugenis is wat waag terug baklei (en so ook sy ondersteuners, wat nie meer terughou nie maar werklik opstaan vir die waardes waarin hulle glo). Hy is ook die eerste wat sy beloftes nagekom het en nie gaan lê het en verklaar het dat die demokrate en hul meelopers maar oor hom kan loop soos 'n skoothondjie nie. Hy is 'n "fighter" - ek sal hom nooit vergeet nie. Sy tyd as president is legendaries en epogmakend.

Dit sal dus goed wees indien die bespreekte bladsye teruggerol kan word totdat die uitslae finaal is en al die regsake afgehandel is. LET ASB. DAAROP BAIE VAN HIERDIE IS MAAR NET MY MENING. BAIE DANKIE.102.132.12.43 07:43, 26 November 2020 (UTC)


Dit is hoekom hier CheckUsers moet wees

Gemeenskap, volgens die CheckUser beleid, moet ons twee kies. Daar kan nie net een wees nie. Ek het vroeër die maand die onderwerp geopper. Net Burgert Behr en Nadzik het gereageer. Ek nomineer nou vir Gebruiker:SpesBona en Gebruiker:Voyageur, aangesien hulle beide burokrate is. Laat ek sommer die stemming afskop.

  Kommentaar aan almal: Kan ons nou hierdie besluit deurvoer? Die stemming is afgehandel, die 2 menere is wettiglik verkies.
@Lefcentreright: sal jy asb weer die voortou kan neem? Groete, --  Aliwal2012 12:15, 30 November 2020 (UTC)
Sjoe, hierdie ding is al vir twee maande aan die gang! @SpesBona en Voyageur: Wil julle CheckUsers wees? Lees hier. Groete, Lefcentreright (kontak) 18:28, 30 November 2020 (UTC)
Ook, ek sien nou eers dat Voyageur se laaste wysiging is meer as 'n maand gelede gemaak (18 Oktober presies). Dit is darem abnormale gedrag van sy kant af. [24] Lefcentreright (kontak) 18:33, 30 November 2020 (UTC)
Dit is inderdaad baie vreemd. Kan iemand hom in die regte lewe kontak en hoor of alles nog reg is? Dalk is hy op reis of het iets belangrik voorgeval. – K175 (skil 'n appeltjie) 18:56, 30 November 2020 (UTC)
Ek sien sy gebruikersblad sê: "Fall recess to allow for prolonged at-home spa treatment (LOL)". Groete --  Aliwal2012 11:11, 5 Desember 2020 (UTC)
Ag, wat. Ons kan dit maar argiveer. Nie een van die betrokke partye stel belang nie. Lefcentreright (kontak) 13:22, 14 Desember 2020 (UTC)

Die Slag van Soutrivier

Gemeenskap, die voorsitter van WikimediaZA Gebruiker:Discott het die bogenoemde op die Engelse Wiki geskep: Battle of Salt River Sien iemand kans om dit te vertaal? Goeie Africana! Groete! Oesjaar (kontak) 17:18, 10 November 2020 (UTC)

Dankie Gebruiker:Sobaka! Groete! Oesjaar (kontak) 17:41, 17 November 2020 (UTC)
Plesier Sobaka (kontak) 17:53, 17 November 2020 (UTC)

Liggingkaart

Goeienaand gemeenskap, vandag het ek lekker geskrik, want liggingkaart werk nie meer lekker nie, wanneer dit nie in inligtingskassies gebruik word nie (d.w.s. as dit op sy eie gebruik word, bv. Koeberg, maar nie Bredasdorp). Dit raak baie artikels, waaronder voorbladsters! Sien iemand kans om hierdie te fieks? Groete. --   SpesBona 22:15, 15 November 2020 (UTC)

@SpesBona: Dankie dat jy dit opgelet het! Ek het dit gou reggemaak. Laat weet asb. as jy nog sulke gevalle bespeur. – K175 (skil 'n appeltjie) 22:32, 15 November 2020 (UTC)
@K175: Baie dankie! Sover ek sien werk nou alles reg. :) Groete. --   SpesBona 22:40, 15 November 2020 (UTC)

@K175: Daar is nou kassies waar al die opskriffies links geskouer is. Kyk byvoorbeeld {{Inligtingskas siekte}}. Wat is fout? ~ Burgert (kontak) 12:07, 18 November 2020 (UTC)

@K175: Kan jy dit asseblief regmaak? Daar is nou honderde, of duisende, kassies wat verkeerd vertoon. ~ Burgert (kontak) 19:16, 18 November 2020 (UTC)
@Burgert Behr: Ek glo hierdie wysiging maak dit reg. – K175 (skil 'n appeltjie) 19:18, 18 November 2020 (UTC)
@K175: Nee, dis steeds verkeerd. Tjek jy nie as jy kassies verander dat dit nie 'n gemors veroorsaak nie? Daar is gedurig 'n probleem met kassies wat mense toevallig sien en jou dan daarop moet wys. ~ Burgert (kontak) 19:24, 18 November 2020 (UTC)
@Burgert Behr: Verander dit asb. gou terug en dan wys jy my op 'n voorbeeld waar dit nog gebreek is? – K175 (skil 'n appeltjie) 19:25, 18 November 2020 (UTC)
@K175: Kepler-11 en Androgeenongevoeligheidsindroom en enige artikel wat {{Infobox generiek}} gebruik. ~ Burgert (kontak) 19:43, 18 November 2020 (UTC)
@Burgert Behr: Moet die deel "Klassifikasie en eksterne bronne" en die beeldonderskrif ook in die middel wees? En die "Mediese waarskuwing"? – K175 (skil 2 appeltjies) 19:47, 18 November 2020 (UTC)
@K175: Ja. ~ Burgert (kontak) 19:52, 18 November 2020 (UTC)
@Burgert Behr: Kyk asb. of dit nou reg is? – K175 (skil 'n appeltjie) 19:59, 18 November 2020 (UTC)

@K175: Die siektes is nou reg, maar al die ruimteartikels is nog verkeerd, ~ Burgert (kontak) 20:25, 18 November 2020 (UTC)

@Burgert Behr: En nou? Lyk die portaal reg by Son? – K175 (skil 'n appeltjie) 20:35, 18 November 2020 (UTC)
@K175: Die Portaal Sterrekunde staan nog links. ~ Burgert (kontak) 20:39, 18 November 2020 (UTC)
@Burgert Behr: Is dit nou reg? – K175 (skil 'n appeltjie) 21:09, 18 November 2020 (UTC)
@K175: Ja, baie dankie. ~ Burgert (kontak) 21:14, 18 November 2020 (UTC)

"Eerste internasionale wedstryd" by {{Inligtingskas Rugbyspan}} is nou links geskouer, terwyl dit voorheen gesentreer was. Die res van die sjabloon werk mooi, moenie verander nie. Sentreer net die "Eerste internasionale wedstryd" weer, asseblief. Wat {{Rugbywedstryd}} betref was dit voorheen een lyn, die "[Vou oop]" kort waarskynlik "nowiki". Die res werk mooi, fieks asseblief net dié probleem. Groete. --   SpesBona 22:56, 18 November 2020 (UTC)

@SpesBona: Bevestig asb. dat dit nou reg vertoon? – K175 (skil 'n appeltjie) 06:26, 19 November 2020 (UTC)
@K175: Jammer, maar dis nog nie op die punt nie. Dis nou beter, maar die spanne met hul vlae is nog nie gesentreer nie. Ek verwys na die inligting onder "Eerste internasionale wedstryd", "Grootste oorwinning" en "Grootste nederlaag". Die res lyk soos gewoon. Watter wysiging aan watter bladsy het tot dié nuwe uitleg gelei? Groete. --   SpesBona 19:10, 19 November 2020 (UTC)
@SpesBona: Kyk asb. nou weer. Ek kan nie sê presies watter wysiging die probleem veroorsaak het nie, maar ek dink dit het te doen met die feit dat baie van ons inligtingskassies verouderde HTML-sintaksis bevat wat nie meer geldig is nie, en die bygewerkte CSS definisies vir HTML elemente weglaat. – K175 (skil 'n appeltjie) 20:07, 19 November 2020 (UTC)
@K175: Dit lyk nou soos ek die kassie ken, baie dankie! :) Die Rugbywedstryd lyk ook weer reg. Ek hoop maar ons sal hierdie sjablone kan "bewaar". Ek hou van daai uitleg. Ek vertaal elke week een rugbyspan uit Duits, waar hulle lesenswaardige status verkry, om sodoende ons voorbladartikels uit te brei. Aan die einde van die dag sal die artikels dan op dieselfde vlak wees. Dus val veranderinge in uitleg dadelik op. Groete. --   SpesBona 21:45, 19 November 2020 (UTC)
@SpesBona: Goed, kom ons behou hulle so vir nou. Ek wil volgende die bronteks vir kassies wat {{Inligtingskas Persoon}}, {{Inligtingskas Ampsbekleër}} en {{Inligtingskas Akteur}} gebruik, vertaal en opruim, en dan wil ek na die aanhalingssjablone kyk om hulle eenvormig te maak en hul parameters te vertaal. – K175 (skil 'n appeltjie) 07:47, 20 November 2020 (UTC)
@K175: Jammer om weer te kla, maar waar is die besluit van die gemeenskap rakende al die veranderinge aan belangrike sjablone? Hoekom het ons nie meer {{Inligtingskas Akteur}} nie? Van die artikels, waar {{Inligtingskas Akteur}} in {{Inligtingskas Persoon}} verander is, vertoon nie reg nie (weereens die rooi waarskuwings, bv. Jackie Chan). Ons vra nou herhaaldelik dat jy vóór veranderinge aan belangrike en werkende sjablone met die gemeenskap praat. Groete. --   SpesBona 22:25, 3 Januarie 2021 (UTC)

Koring

Gemeenskap, hier is nog een (en definitief nie die laaste nie) van Maroela Media se pogings. Inhoud van Wêreldspekturm en Kennis is net eenvoudig aanmekaar gelas met geen poging om dit te integreer nie. Daar is herhalings van feite, verwysings na Transvaal en ooreenkomste met die regering (van voor 1980) wat ek betwyfel of dit nog waar is. Het enige persoon die moed om die artikel te verbeter? Dit kan in 'n goeie artikel omskep word. Ek het waar moontlik die OCR foute reggemaak. Groete! Oesjaar (kontak) 13:44, 18 November 2020 (UTC)

  Uitgevoer – ek het die ou Koringraad as "voormalig" aangedui, ek vermoed die raad is in die 1980's ontbind. --  Aliwal2012 14:01, 20 November 2020 (UTC)

WikimediaZA se Algemene Jaarvergadering

Gemeenskap, WikimediaZA se algemene jaarvergadering vind op 28 November 2020 plaas via Zoom. Ek vra julle toestemming om my verkiesbaar te stel as die Verteenwoordiger vir Afrikaans op die komitee, soos ek nou al van 2014 doen! Groete! Oesjaar (kontak) 07:19, 20 November 2020 (UTC)

  Vraag: Indien Gebruiker:Dumbassman herverkies word, wie moet hy verteenwoordig? Namibië? --Aliwal2012
Ja. Oesjaar (kontak) 14:21, 20 November 2020
  • Na afloop van die AJV, dien beide myself en Dumbassman nog steeds op die WikimediaZA se raad. Groete! Oesjaar (kontak) 11:41, 28 November 2020
Geluk aan albei en sterkte, hoop julle kan vreugde daaruit put! --  Aliwal2012 11:56, 28 November 2020
Baie geluk aan beide Oesjaar en Dumbassman. Lefcentreright (kontak) 14:49, 28 November 2020 (UTC)

Sjabloon:Aktueel

Die volgende insetsel in die aktueelboks is nie neutraal nie, en bevat ook twee voorspellings, terwyl voorspellings nie Wikipedia se doel is nie. JMK (kontak) 18:14, 25 November 2020 (UTC)

@JMK: Ek stem saam, die Electoral College moet nog stem, maar die Amerikaners het wel 'n term President-elect wat na die persoon wat waarskynlik die volgende president gaan word, verwys, en die meeste media gebruik ook hierdie term en aanvaar dat Biden en Harris ingehuldig gaan word. – K175 (skil 'n appeltjie) 18:33, 25 November 2020 (UTC)
Die kieskollege ook, maar daar is onenigheid oor die uitslag van die verkiesing, benewens die verkose president. JMK (kontak) 07:20, 26 November 2020 (UTC)
Ek stem saam met JMK, dit is nog nie 'n uitgemaakte saak dat Biden deur die mense (via die kieskollege) verkies is nie, sien bv. https://townhall.com/tipsheet/mattvespa/2020/11/25/trump-legal-team-scores-a-big-win-in-nevada-n2580692; sien ook https://townhall.com/tipsheet/mattvespa/2020/11/25/wait-a-judge-halts-pa-from-taking-further-steps-in-certifying-its-election-resu-n2580680.
Daar was net TE veel ongerymdhede om nog die verkiesing te kan uitroep.
My persoonlike mening is dat ek nie eintlik meer omgee wie wen nie, Pres. Trump het Amerikaanse politiek en mense se denkwyse, hul skeptisisme jeens uitbuiting deur die elites [in die media, "big tech", die akademia, die sport (politieke) bedryf en vermaaklikheidsbedryf (Hollyweird) ] en aktivisme vir wat reg en goed is asook geregverdigde nyd jeens bose globalisme onherroeplik verander. Hy het die GOP verander na 'n party vir die werker, wie maar net sy lewe wil uitleef en die bes moontlike toekoms vir sy gesin skep, teen die belange in van die Demokratiese Party wat skynbaar nou die party van die Hollywood elite en groot skenkers is.
Wie ook al wen verloor dus eintlik, dis geen oorwinning nie - want die meningsverskille en verskillende houdings oor die VSA se toekoms (nieteenstaande ras, etnisiteit ens.) is net te groot, en die rede waarom daar nou sulke vurige en hewige verskille heers in die VSA is (volgens my) nie omdat Pres. Trump verdeel nie, maar omdat hy werklik die heel eerste konserwatief-Republikeinse president in menseheugenis is wat waag terug baklei (en so ook sy ondersteuners, wat nie meer terughou nie maar werklik opstaan vir die waardes waarin hulle glo). Hy is ook die eerste wat sy beloftes nagekom het en nie gaan lê het en verklaar het dat die demokrate en hul meelopers maar oor hom kan loop soos 'n skoothondjie nie. Hy is 'n "fighter" - ek sal hom nooit vergeet nie. Sy tyd as president is legendaries en epogmakend.

Dit sal dus goed wees indien die bespreekte bladsye teruggerol kan word totdat die uitslae finaal is en al die regsake afgehandel is. LET ASB. DAAROP BAIE VAN HIERDIE IS MAAR NET MY MENING. BAIE DANKIE.102.132.12.43 07:43, 26 November 2020 (UTC)

Kassies (vervolg)

@K175: {{Inligtingskas Planeet}} werk ook nie meer reg nie. Sommige hofies is gesentreer en ander links geskouer. Sien 2020 CD3. Hier is 'n groot boggerop met die kassies. ~ Burgert (kontak) 08:35, 26 November 2020 (UTC)

Ditto met {{Inligtingskas Maan}} ~ Burgert (kontak) 08:47, 26 November 2020 (UTC)
@Burgert Behr:   Uitgevoer. Vreeslik jammer vir die ongerief, maar ek dink dis beter dat ons nou die nuutste HTML-sintaksis gebruik. – K175 (skil 'n appeltjie) 10:39, 26 November 2020 (UTC)
@K175: Ek gaan nou maar stelselmatig deur die artikels wat ek gedoen het. Ek het nou reeds gesien {{Inligtingskas farao}} het dieselfde probleem. Ek sal sê as daar nog is. ~ Burgert (kontak) 10:41, 26 November 2020 (UTC)
By die volgende sjablone lê die foto links teen die kant: {{Inligtingskas steuring}}, {{Inligtingskas siekte}}, {{Inligtingskas Boeddhiste}}, {{Inligtingskas moskee}}, {{Inligtingskas kat}}, {{Moordenaar}}, {{Inligtingskas seerower}}, {{Inligtingskas kaas}} en {{Inligtingskas pryse}}. By {{Boeddhistiese name}} lê die opskrif "Vertalings" links. By {{Inligtingskas anatomie}} lê die foto en die hofie "Inligting" links, by {{Taksoboks3}} lê die opskrifte links en die linkerkantse kriteria in die middel iewers. Die kopie is ook klein. Die sjabloon {{Rooi sirkel}} gooi sy sirkel heeltemal op die verkeerde plek, soms sommer in die kopie. Elke ster het feitlik so ’n sirkel en dit was ’n ontsaglike werk om daardie sirkels op die regte plekke te kry. Nee, ek raak nou moedeloos. ~ Burgert (kontak) 12:31, 26 November 2020 (UTC)
@Burgert Behr: Moenie moedeloos raak nie. Dit is min moeite om dit reg te stel. Kyk asb. by 55 Cancri, Canopus en Epsilon Eridani of die rooi sirkel reg vertoon, en of dit nog bietjie geskuif moet word. Dan kan ek die res van die artikels wat daardie sjabloon gebruik met my robot regmaak. En ek glo die ander kassies vertoon nou reg - bevestig asb.? – K175 (skil 'n appeltjie) 20:14, 26 November 2020 (UTC)
Dit lyk of alles nou reg is, dankie. ~ Burgert (kontak) 21:08, 26 November 2020 (UTC)
  Kommentaar: Ek het ook na bogenoemde inligtingskassies gekyk, en alles lyk nou reg. Dankie K175 dat jy nie moed opgee nie! --  Aliwal2012 08:36, 28 November 2020 (UTC)
@K175: Sal jy asb. vir my sê wanneer jy klaar is. Ek sien jy het nog nie by almal uitgekom nie, maar sommige van die ander sirkels lê nog effens verkeerd. Ek sal dit met die hand probeer regmaak as dit nodig is. ~ Burgert (kontak) 12:00, 28 November 2020 (UTC)
@Burgert Behr: OK, ek sien KabouterBot het nie al die artikels bygekom nie. Ek dink dis omdat ek dit met die command line argument -links geloop het in plaas van met -backlinks of iets dergeliks. Ek sal net 'n verandering aan die robot moet maak sodat hy nie weer wysigings aanbring aan die artikels wat reeds gewysig is nie. – K175 (skil 'n appeltjie) 11:02, 30 November 2020 (UTC)

Die nuutste Greenman verslag...

Gemeenskap, sien: http://www.greenman.co.za/blog/?p=2734 Groete! Oesjaar (kontak) 07:45, 27 November 2020 (UTC)

Wikidata descriptions changes to be included more often in Recent Changes and Watchlist

Ontkiemingskompetisie

Hallo, laat weet as iemand die Ontkiemingskompetisie wil oorvat. Ek is nie meer lus vir die besigheid nie. Dankie Dumbassman (kontak) 07:36, 2 Desember 2020 (UTC)

Ek verneem daar is nie hierdie jaar fondse vir geskenkbewyse vir die ontkiemingskompetisie nie. Is dit so? Indien wel, moet ons dit dalk uitstel tot volgende jaar? – K175 (skil 'n appeltjie) 20:08, 3 Desember 2020 (UTC)
Nee wat, WikimediaZA sit met iets soos 400 000 in hul begroting, maar is te sleg om my te antwoord oor fondse. Ek is gatvol om te bedel vir geld. Dumbassman (kontak) 06:19, 4 Desember 2020 (UTC)
Gemeenskap, sal daar belangstelling wees om deel te neem indien daar geen geskenkbewyse is nie? – K175 (skil 'n appeltjie) 08:22, 4 Desember 2020 (UTC)
@Oesjaar: kan jy nie vir ons 'n paar toutjies by Wikimedia ZA trek nie? – K175 (skil 'n appeltjie) 14:11, 5 Desember 2020 (UTC)
Ek sal die kompetisie oorneem. Laat ek eers net met Dumbassman gesels... Groete! Oesjaar (kontak) 05:57, 8 Desember 2020 (UTC)
Die saak word volgende Dinsdagaand op die Raadsvergadering bespreek. Ek sal iets kry... Groete! Oesjaar (kontak) 09:20, 8 Desember 2020 (UTC)
@Oesjaar: "Die saak word volgende Dinsdagaand". En wat sê die raad? Groete, Lefcentreright (kontak) 11:26, 16 Desember 2020 (UTC)
Ek het R 5000 gekry. Soek net iemand om te help met die reëls. My gevoel: enige saadjie wat met 5 k groei en tydperk vanaf 18 Des tot 9 Jan. Groete!
'n Mens moet seker net bepaal wat 'n saadjie is. Is dit steeds enigiets onder 5 kilogrepe? ~ Burgert (kontak) 16:51, 21 Desember 2020 (UTC)
@Burgert Behr en Oesjaar: Ja, op die Engelse Wikipedia word enigiets onder 5 000 grepe beskou as 'n saadjie. Kan ons nou asb begin! Groete! Lefcentreright (kontak) 19:03, 21 Desember 2020 (UTC)
Die kompetisie is nou oop. Die R5000 hierbo belowe is voorlopig as pryse aangedui. Sterkte! --  Aliwal2012 19:55, 21 Desember 2020 (UTC)
Plaas asb jou naam/handtekening en elke artikel ingeskryf hier!

A/B test for the Reply tool

Hello. Please help translate to your language.

The mw:Editing team is building the Reply tool. This new tool was requested during the mw:Talk pages consultation 2019. If you want, you can turn it on now at Special:Preferences#mw-prefsection-betafeatures.

The Editing team would like to test the tool. They want to study whether it works better, especially for new editors. In the test, they will turn on the Reply tool for half of editors sometime during the week of 14 December 2020. They will not change preferences for the other editors. You will still be able to turn it on or off yourself in Special:Preferences.

The test will run for several weeks. The results will be posted at mw:Talk pages project/replying#Metrics in late January or February. The test results will help Wikipedia editors and the Editing team decide whether the tool should be turned on for everyone.

If your Wikipedia does not want to participate in this test, please contact me as soon as possible. Thank you. Whatamidoing (WMF) (kontak) 21:57, 2 Desember 2020 (UTC)

Update: The test will start in January 2021 instead. Thank you for your understanding, Whatamidoing (WMF) (kontak) 17:39, 18 Desember 2020 (UTC)

2020 Coolest Tool Award Ceremony on December 11th

Onderzoek naar het Verlanglijstje van de Wikipedia-gemeenschap 2021

SGrabarczuk (WMF)

15:05, 11 Desember 2020 (UTC)

Burzum

Kan iemand aan my verduidelik wat die gemors is wat onlangs by hierdie artikel gevoeg is? Ensiklopedies is dit nie. Groete! Oesjaar (kontak) 05:42, 15 Desember 2020 (UTC)

@Odriskelmac11: Verduidelik asb! 'n Wikipedia-artikel is nie die plek om 'n eier te lê nie. Lefcentreright (kontak) 09:28, 15 Desember 2020 (UTC)

Goeiedag ,

Ek kan begin deur te sê dat ek daarin gepoog het om in die verstand van jongmense in te gaan wat besig is om ' n Swartmetall muskiekpvoering by te woon

Dit is ongelukkig nie ' n simfonie orkes wat ek sowel kon bespreek het nie .

Wanneer swärtmetall musiek gespeel word drink mense en rumoer , ek kan nie maak of dit 'n teepartytjie is nie.

Ek poog daarin om nie masjienvertaling uit te voer nie. Die woorde is 'n letterkundige poging wat ook feite weerspieël . Ek het opgemerk daar nog nie veel oor die onderwerp geskryf is nie so ek het probeer om die leser midde in 'n pop neo metall vertoning in te bring

Black metal is wel swärtmetall in Noorweegs so dit kan net sowel so genoem word in Afrikaans as die vervelige direkte Engelse Black Metal In die middelste paragraaf het ek uit Wilbur Smith se boek The Golden Fox probeer vertaal om die leser 'n gevoel te gee van wat by 'n swartmetall optrede gebeur.

En hulle sing wel uit die swärt spraak van Tolkien . Ook vervelig om te sê die swart taal.

Mens kan die mense se optrede by só konsert dalk vergelyk met die mense wat lank terug opgedaag het by Wagner se daelange musiekfeeste in Beyruth die Ring des Nebelungen , waar daar ook gekuier en baljaar is

Dalk is swartmetaal vandag jongmense se idee om so gevoel uit te beeld

Wikipedia is 'n Ensiklopedie. Ons soek feite, nie menings of opinies nie. Groete! Oesjaar (kontak) 11:33, 16 Desember 2020 (UTC)
Weereens, Wikipedia is nie die plek om 'n eier te lê nie. Ons soek FEITE, nie menings nie. Facebook, Twitter en Wordpress is briljante plekke om jou menings te deel. Lefcentreright (kontak) 12:22, 16 Desember 2020 (UTC)

Ok , so ek het intussen 'n feitelike vertaling uit die Engelse wikipedia gedoen en ook bygesê dat die vertaling uit die Engelse Wikipedia uit kom . Die poging is ook afgeskiet dat ek nie bronne besorg nie terwyl ek wel Engelse Wikipedia gemeld het.

Nou is daar 'n Artikel oor Rooi Hemde wat ek probeer verbeter het maar sal na die oorspronklike teks moet teruggegaan word om alles as't ware van voor af oor te skryf om reg te doen aan die inhoud

Sien Tiger I-tenk. Ek het dit vertaal uit Engels en al die bronne oorgebring. Om te sê die artikel is uit Engels vertaal is NIE 'n vervanging van die bronne nie. Om te sê uit watter taal dit vertaal is net goeie maniere. Ons soek die bronne. Dit is die Wikipedia beleid. Groete! Oesjaar (kontak) 20:31, 21 Desember 2020 (UTC)

Dit help nie iemand laai mooi al die bronne op maar die nuwe vertaalde teks is onmoontlik om aan te wysig nie . Maar alles goed, ons leer so by die dag . Groete

Sjabloon:Infobox road

Die slim lede van die gemeenskap: hierdie sjabloon vertoon Major Cities. Sien R27 (Suid-Afrika). Kan iemand dit na Afrikaans omskakel? Groete! Oesjaar (kontak) 08:14, 17 Desember 2020 (UTC)

Ek het "Major cities" na "Hoofstede" verander. Greenman (kontak) 18:14, 20 Desember 2020 (UTC) — N.S. Baie dankie Greenman! --  Aliwal2012 18:39, 20 Desember 2020 (UTC)
My kennis van sjablone is erg gebrekkig. Ek wil egter ook ’n versoek rig: Kan ons ander lande ook toevoeg tot die sjabloon? Wat ek bedoel is dat ek bv. by die R31 ’n padkruising wil invoeg na Namibië se C16-pad, maar die sjabloon herken nie NAM as ’n land nie. Puvircho (kontak) 09:23, 17 Desember 2020 (UTC)
Dit is nie moontlik om 'n tweede land by te voeg nie. Die C16 artikel bestaan nie in Afrikaans, maar jy kan 'n skakel onder "Belangrike aansluitings" byvoeg. Greenman (kontak) 18:27, 20 Desember 2020 (UTC)

Aloe subspicata en Wikidata

Kan iemand asb die artikel op Wikidata koppel? Groete! Oesjaar (kontak) 05:32, 18 Desember 2020 (UTC)

Sobaka het dit gedoen.Greenman (kontak) 18:16, 20 Desember 2020 (UTC)

Aloe bussei

My 6000ste artikel op die Afrikaanse Wikipedia! Na bykans 12 jaar! Sjoe! Groete! Oesjaar (kontak) 06:19, 22 Desember 2020 (UTC)

Oesjaar Baie geluk! Lefcentreright (kontak) 08:36, 22 Desember 2020 (UTC)

Geseënde Kersfees

Aan die Wikipedia Gemeenskap: Geseënde Kersfees julle! Ek vertrou Kersvader en sy slee met bokke het nie te veel skade aan julle tuine aangerig nie! Groete! Oesjaar (kontak) 07:57, 25 Desember 2020 (UTC)

Geseënde Kersfees almal! Lefcentreright (kontak) 08:49, 25 Desember 2020 (UTC)
en 'n COVID-vrye Nuwe Jaar. Martinvl (kontak) 17:59, 30 Desember 2020 (UTC)
Ek laat weet net, Oesjaar het my gister per WhatsApp gekontak, hy is opgeneem in die Flora Life-hospitaal vir sy hart, darem nie Covid nie!
Nog geen tyding van Voyageur nie? Hy was laas 20 Oktober sigbaar. --  Aliwal2012 16:29, 1 Januarie 2021 (UTC)
Ek is nou terug by die huis! Het gister 'n stent gekry. Ouderdom is nie vir sissies nie! Voorspoed vir die jaar! Groete! Oesjaar (kontak) 16:53, 1 Januarie 2021 (UTC)
Ek is bly die bekende Suid-Afrikaanse hartchirurgie werk! Voorspoed en gesondheid vir 2021! Groete. --   SpesBona 22:40, 1 Januarie 2021 (UTC)

"{{en}}" of "|language = Engels"?

Onlangs is die teks "<ref>{{cite book| ... |language=Engels|...}}</ref>" in die artikel Proteas na "<ref>{{en}}{{cite book|...}}</ref>" verander. Myns insiens behoort ons, aangesien dit in ooreenstemming met standaard akademiese praktyk is en indien dit moontlik is "|language=Engels" in plaas van "{{en}}" te gebruik. Indien daar konsensus is met my waarneming, stel ek voor om dit in hierdie riglyn in te skryf. Martinvl (kontak) 17:57, 30 Desember 2020 (UTC)

Ek stem saam met jou. Ek dink as ons die (en) vooraan die verwysing wil laat verskyn, moet ons eerder die sjabloon verander, as om dit handmatig in die artikel by te voeg. Sodoende sal alle artikels wat die sjabloon gebruik eenvormig vertoon. – K175 (skil 'n appeltjie) 18:01, 30 Desember 2020 (UTC)
  Gekant – Dié wysiging is deur my (die hoofouteur van Proteas) aangebring, om die uitleg van die bygevoegde bron by al die ander bronne in die artikel aan te pas (boonop vertoon al die bronne in sportartikels, wat deur myself uitgebrei is, só). Daar is ook ander gebruikers wat hierdie sjabloon gebruik, kyk maar net na al die vlagartikels. {{en}} is nie 'n vreemde manier om bronne se tale aan te dui nie, kyk maar net na al die taalskakels van dié sjabloon. Die Nederlandse Wikipedia gebruik hierdie sjabloon ook, en hulle doen dit baie! Op die Duitse Wikipedia hou ons daarvan, om elkeen sy eie voorkeur toe te staan, ons noem dit Wikipedia:Korrektoren. Op die Duitse Wikipedia gebruik die een ou met graagte inligtingskassies, die ander verpes dit teen skerpste; die een skryf US-Amerikanisch, die ander Amerikanisch; die een gebruik genealogiese simbole, die ander haat dit. Wikipedia is mos groot genoeg vir verskeie voorkeure en as jy een voorkeur bo die ander deurdruk, gaan net een ding gebeur: die aantal gebruikers daal (die Duitse Wikipedia het dit al beleef). Dis ook nie 'n akademiese praktyk om 'n inskrywing as 'n saadjie aan te dui nie, maar ons doen dit; hulle gebruik ook nie kategorieë nie. Los dit soos dit is, groot asseblief! (ons het hierdie debat al gehad) – En aan die einde van die dag: Wikipedia:Ignore all rules. Groete. --   SpesBona 19:14, 31 Desember 2020 (UTC)
  Gekant – Ek stem saam met SpesBona. Hier is te veel mense wat goed wil "standaardiseer" soos hulle daarvan hou. Die ergste is wanneer mense begin spasies uithaal en ander spasies insit. As dit geen verskil aan die gehalte van 'n artikel maak nie, los dit uit. Skryf liewer artikels as jy iets wil doen. Voorspoedige 2021! ~ Burgert (kontak) 20:19, 31 Desember 2020 (UTC)
  Gekant – Die nagevolge van Gebruiker:K175 se laaste verandering is nog nooit reggemaak deur hom nie. Ek soek nie nog rooi skakels nie. Sien [25] Groete! Oesjaar (kontak) 10:44, 2 Januarie 2021 (UTC)