Xanthippos
Xanthippos (Gr. Ξάνθιππος) was 'n welgestelde Atheense politikus en generaal in die vroeë vyfde eeu v.C.. Hy was die seun van Ariphron en vader van Perikles.[1] Xanthippos het in 479 v.C. die amp van eponieme archont in Athene beklee. Xanthippos was direk verantwoordelik vir die ontheffingsgerig van Miltiades die jongere volgend op Miltiades se onvermoë om Paros in 489 v.C. te verower.[2]
_-_Photo_by_Giovanni_Dall%27Orto,_Nov_9_2009.jpg)
Xanthippos is in 484 v.C. geostrakeer.
In 479 v.C. het Xanthippos vir Themistokles, 'n ou teëparty, opgevolg as kommandeur van die Atheense vloot.[3]
Xanthippos se grootste militêre onderskeiding was sy aanvoering van die Atheense vlootmagte by die beslissende Seeslag van Mykale teen die Perse, 'n stryd wat gevoer is aan die kus van Lydië in Klein-Asië onder die aanvoering van Leotychidas van Sparta.[4]
Ná die Spartane hulself van die Helleense bond onttrek het, het Xanthippos 'n Griekse mag gelei in 'n aanslag teen Sestos, wat deur die Perse ingeneem is na 'n winterbeleg. Die Persiese goewerneur Artayktes het probeer ontsnap, maar is gevangegeneem en deur Xanthippos aan die inwoners van Elaeos oorgelewer ter vergelding, wat Artayktes gekruisig het.[5]
Xanthippos was met Agariste getroud, die broerskind van Kleisthenes.[6]
Verwysings wysig
- ↑ Smith, Dictionary of Greek and Roman Biography and Mythology > band 3, bladsy 191
- ↑ Smith, Dictionary of Greek and Roman Biography and Mythology > band 3, bladsy 1285
- ↑ Smith, Dictionary of Greek and Roman Biography and Mythology > band 3, bladsy 1285
- ↑ Smith, Dictionary of Greek and Roman Biography and Mythology > band 3, bladsy 1285
- ↑ Smith, Dictionary of Greek and Roman Biography and Mythology > band 3, bladsy 1285
- ↑ (Herodotos, vi. 131; vgl. Kleisthenes.)