Xiu Xiu
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Xiu Xiu (uitspraak: [ʃuː ʃuː], sjoe sjoe[1]) is 'n eksperimentele indiemusiekgroep gebaseer in Oakland, Kalifornië (VSA). Die groep is die breinkind van sanger-liedjieskrywer Jamie Stewart, die enigste konstante lid sedert die groep se totstandkoming. Die ander huidige lede is neef Caralee McElroy en perkussiespeler Ches Smith. Xiu Xiu word soms deur Cory McCulloch en Sean McGahan aangevul, wat ook verskeie van die groep se albums vervaardig het. Gewese lede sluit in Lauren Andrews, Yvonne Chen, Sam Mickens en Jherek Bischoff. Sommiges, insluitende McCulloch, het in gewese groepe saam met Stewart gespeel, waaronder Ten in the Swear Jar en IBOPA. Die groepsnaam is geneem van die 1998 Sjinese rolprent Xiu Xiu: The Sent Down Girl.[2]
Xiu Xiu | |
|---|---|
 Xiu Xiu in 2006 | |
| Agtergrondinligting | |
| Oorsprong | San Jose, Kalifornië (VSA) |
| Genres | Kunsrock, eksperimentele rock, post-punk, indierock |
| Jare aktief | 2000 — hede |
| Etikette | 5 Rue Christine, Absolutely Kosher, States Rights, Collective Jyrk |
| Webwerf | xiuxiu.org |
| Lede | Jamie Stewart Ches Smith Naseem Bazargan |
| Gewese lede | Caralee McElroy Cory McCulloch Lauren Andrews Sean McGahan Yvonne Chen Sam Mickens Jherek Bischoff Devin Hoff |
Xiu Xiu se musiek trek hewig van verskeie onverwante genres, soos punk, geraas, ambience, techno, Asiatiese perkussiemusiek, kontemporêre klassieke musiek, en volksmusiek. Die meeste lirieke handel oor mishandeling, en ander sombere onderwerpe soos selfmoord, vigs, oorlog, en taboe ondervindinge. Die groep vermeng gereeld kakofoniese perkussie en eksperimentele strukture met ruige hoeke en divergerende liriese style, beïnvloed deur musiekgroepe van die VK se postpunk-toneel soos The Cure en Joy Division.
Ateljeealbums
wysig- Knife Play (2002)
- A Promise (2003)
- Fabulous Muscles (2004)
- La Forêt (2005)
- The Air Force (2006)
- Women as Lovers (2008)
- Dear God, I Hate Myself (2010)
- Always (2012)
- Angel Guts: Red Classroom (2014)
- Forget (2017)
- Girl with Basket of Fruit (2019)
Verwysings
wysig- ↑ Moroz, Ross (16 Junie 2005). "Xiu Xiu Ch-Boogie". Vue Weekly. Besoek op 1 Februarie 2008.
- ↑ "Amazon.com: Xiu Xiu: MP3 Downloads". Besoek op 1 Februarie 2008.
Eksterne skakels
wysig- Amptelike webwerf (en)
- Internetrolprentdatabasis-profiel (en)
- Xiu Xiu se geargiveerde regstreekse materiaal by die Internetargief (en)