Die Yakovlev Yak-25 was 'n vegvliegtuig van die Sowjetunie. Navo se kodenaam vir die vliegtuig is Flashlight. Die Yak-25 is 'n tweesitplek, alleweerstoestande vegvliegtuig wat met radar toegerus is. Die prototipe, Yak-120, het op 19 Junie 1952 sy nooiensvlug onderneem. Dit was ontwerp om vir twee-en-'n-halfuur in die lug te bly sodat die radar optimaal gebruik kon word. Die Sokol radar het ongeveer 500 kg geweeg. Dit is aangedryf deur twee Tumansky turbostraalmotors wat onder die vlerke gemonteer is en bewapen met twee 37 mm kanonne wat onder die romp geheg is. Produksie van die vliegtuig het in 1953 begin, die radar was eers in 1955 gereed. Die vliegtuig was gebruik om die noorde van die Sowjetunie te beskerm teen bomwerpers. Dit het die Amerikaanse Lugmag oortuig dat verkenningsvlugte oor Rusland nie meer maklik sal wees nie. Produksie is in 1958 gestaak en die laaste vliegtuie is in 1967 vervang.

Yakovlev Yak-25
Yak-25 by die Monino Lugmagmuseum
Tipe Vegvliegtuig
Vervaardiger Yakovlev
Nooiensvlug 19 Junie 1952
Bekendstelling 1955
Onttrek 1967
Status Onttrek
Hoofgebruiker Sowjetlugmag
Aantal gebou 480

Tegniese besonderhede wysig

 
Lynsketse van die Yakovlev Yak-25
Besonderhede van die Yakovlev Yak-25:
Item Statistiek
Aantal motors 2
Tipe motor Straalmotor
Vervaardiger Tumansky RD-9 turbostraal
Kraglewering per motor 2 633 kg stukrag
Vlerkspan 11,0 m
Lengte 15,67 m
Hoogte 4,32 m
Vlerkoppervlakte 28,94 m2
Maksimum opstygmassa 10 900 kg
Maksimum snelheid 1 090 km/h
Operasionele hoogte 14 000 m
Togafstand 2 730 km
Klimvermoë 3 000 m per minuut
Bewapening Twee 37 mm kanonne aan die romp

Sien ook wysig

Bron wysig